(१) विच भलिबल प्रतियोगितामा नेपाल प्रहरी टीम प्रथम

काठमाडौँ, साउन ८ गते
नेपाल भलिबल संघको आयोजनामा काठमाडौँमा संचालित प्रथम राष्ट्रिय विच भलिबल प्रतियोगितामा नेपाल प्रहरीको पुरुष भलिबल टीमले प्रथम स्थान हासिल गर्न सफल भएको छ ।
साउन ३ र ४ गते काठमाडौंमा सम्पन्न भएको उक्त प्रतियोगितामा प्रहरी हवल्दार इमबहादुर मगर उत्कृष्ट खेलाडी घोषित भएको कुरा नेपाल प्रहरी केन्द्रीय खेलकूद समिति काठमाडौँले आज जनाएको छ ।

(२) अवैध लागूऔषध गाँजासहित पक्राउ

पर्सर्ाासाउन ८ गते
प्रहरी चौकी परवानीपुर पर्साबाट खटिएको गस्ती प्रहरी टोलीले अवैध लागूऔषध गाँजा ६ किलो सहित २ जनालाई पक्राउ गरेको छ ।
पक्राउ पर्नेहरुमा पर्सा जिल्ला बिरगंज उपमहानगरपालिका-१ बस्ने परदेशी गरी र कालुकुमार मेहता रहेका छन् ।
साउन ६ गते विहान उनीहरुलाई गस्ती प्रहरी टोलीले लिपनी बिर्ता गाविस-९ स्थित गण्डक नहरमा शंकास्पद तरीकाले साइकलमा आइरहेको अवस्थामा फेला पारी तलासी लिँदा लुकाई छिपाई राखेको अवस्थामा ३/३ किलो गाँजा बरामद भएको थियो ।
यस सम्बन्धमा प्रहरीले आवश्यक अनुसन्धान गरिरहेको छ ।

(३) सकेट बमसहित पक्राउ

सप्तरी, साउन ८ गते
आफूलाई तर्राई जनतान्त्रिक मुक्तिमोर्चा ज्वाला सिंह समुहको २ नम्बर एरिया इन्चार्ज बताउने बलदेव मुनिलाल मुखिया सकेट बमसहित पक्राउ परेका छन् ।
सप्तरी जिल्ला कोइलाडी-७ बस्ने उनलाई गएराति साढे १ बजे १ थान सकेट बमसहित सोही ठाउँबाट प्रहरीले पक्राउ गरेको थियो ।
यस सम्बन्धमा प्रहरीले आवश्यक अनुसन्धान गरिरहेको छ ।

(४) मृत अवस्थामा फेला

काठमाडौँ, साउन ८ गते
काठमाडौं महानगरपालिका-१५ स्वयम्भु ठूलोभर्याङस्थित योग एवं प्राकृतिक चिकित्सा अनुसन्धान केन्द्रमा काम गर्ने २६ बर्षीय देबीप्रसाद अर्याल मृत अवस्थामा फेला परेका छन् ।
कपिलवस्तु जिल्ला करकरपुर-२ घर भएका उनलाई सो केन्द्रको उनी सुत्ने कोठामा आज बिहान ६ बजे मृत अवस्थामा फेला पारिएको थियो ।
यस सम्बन्धमा प्रहरीबाट आवश्यक अनुसन्धान भइरहेको छ ।

(५) टायर पड्केर मृत्यु

काठमाडौँ, साउन ८ गते
गाडीको टायरमा हावा हाल्न लाग्दा टायर पड्केर काभ्रे जिल्ला घर भई हाल काठमाडौँ डिल्लीबजार बस्ने ५२ बर्षीय कान्छामान लामाको मृत्यु भएको छ ।
साउन ७ गते दिउसो ४ बजे बा.१ ख ४४० नम्बरको गाडीमा हावा राख्नेक्रममा अचानक टायर पड्केर लागेपछि गम्भीर घाइते भएका उनलाई उपचारको लागि शिक्षण अस्पताल पुर्याइएकोमा उपचारकै क्रममा उनको मृत्यु भएको थियो ।
यस सम्बन्धमा प्रहरीले आवश्यक अनुसन्धान गरिरहेको छ ।

(६) बेहोस बनाई लुटपाट

ललितपुर, साउन ८ गते
अपरिचित व्यक्तिहरुले बेहोस बनाएर काठमाडौँ बुद्धनगर बस्ने ६५ बर्षीय इन्द्रकुमार के.सी. र ५५ बर्षीय बर्षीया कृष्णकुमारी कटुवालको ८५ हजार रुपैयाँ बराबरको धनमाल लुटपाट भएको छ ।
ललितपुर कुपण्डोलस्थित यु.एन. पार्कभित्र उनीहरुलाई अपरिचित व्यक्तिहरुले प्रुटी खुवाई बेहोस बनाएर अन्दाजी ३ तोला सुन र अन्य सामानहरु लुटेका थिए । साउन ७ गते राति १० बजे बेहोस अवस्थामा फेला परेका उनीहरुलाई उपचारको लागि पाटन अस्पतालमा लगिएको छ । उनीहरुको अवस्था हाल गम्भीर रहेको छ ।
फरार लुटेराहरुको खोजतलास गर्नुको साथै यस सम्बन्धमा प्रहरीले आवश्यक अनुसन्धान गरिरहेको छ ।

झापा, साउन ८ गते
अज्ञात समुहले सुतली बम बिष्फोटन गराउँदा झापा जिल्ला भद्रपुर-६ बस्ने बिक्रम दाहाल घाइते भएका छन् ।
साउन ७ गते राति पौने ११ बजे झापा जिल्ला भद्रपुर-१२ स्थित बजारमा अज्ञात समूहले सुतली बम बिष्फोटन गराउँदा आएको र्छराले लागी घाइते भएका उनलाई उपचारको लागि मेची अञ्चल अस्पतालमा लगिएको छ ।
फरार अभियुक्तहरुको खोजतलास गर्नुको साथै यस सम्बन्धमा प्रहरीले आवश्यक अनुसन्धान गरिरहेको छ ।

चितवन, साउन ८ गते
ना.२ ख ७०१८ नम्बरको ट्रक चितवन जिल्ला समटामा गाबिस-६ स्थित नौकिलो भन्ने ठाउँबाट त्रिशुली नदीमा खसेर बेपत्ता भएको छ ।
उक्त ट्रक साउन ७ गते राति साढे ११ बजे त्रिशुली नदीमा खसेको थियो । ट्रकमा रहेका चालकसहित ३ जना ट्रकबाट हाम्फाली बँच्न सफल भएको बताइएको छ ।
यस सम्बन्धमा प्रहरीले आवश्यक अनुसन्धान गरिरहेको छ ।

सिन्धुली, साउन ८ गते
सिन्धुली जिल्ला कमलामाई नगरपालिका-४ मधुटार बस्ने तिलकबहादुर कार्कीको १३ बर्षीय छोरा शिब कार्कीको रानीखोलामा डुबेर मृत्यु भएको छ ।
साउन ७ गते दिउसो ४ बजे सोही ठाउँस्थित रानीखोला जंगलमा बाख्रा चराउन गएका उनी खोलामा पौडी खेल्ने क्रममा डुबेको बताइएको छ ।
यस सम्बन्धमा प्रहरीले आवश्यक अनुसन्धान गरिरहेको छ ।