(१) सिलाई कर्टाई तालिम समापन

चितवन, भदौ ११ गते
       घरेलु तथा साना उद्योग कार्यालय चितवनको सहयोग तथा मध्यक्षेत्रीय प्रहरी परिवार महिला संघद्धारा आयोजित ३ महिने सिलाई कर्टाई आधारभूत तालीम समापन भएको छ ।
       उक्त तालिम समापनका अवसरमा आज मध्यक्षेत्रीय प्रहरी परिवार महिला संघको कार्यालय भरतपुरमा आयोजित एक समारोहमा सो संघका अध्यक्ष श्रीमती अन्जु गौतमले प्रशिक्षार्थिहरुलाई उपहारसहित प्रमाणपत्र वितरण गर्नुभयो ।
       सो अवसरमा समारोहका प्रमुख आतिति अध्यक्ष गौतमले प्रहरी परिवारले आफ्नो योग्यता, क्षमता र रुची अनुसारको सीप सिकेर आयआर्जनमा सहयोग र पारिवारिक जिम्मेवारी बहन गर्न कुशल सहयात्री बनीरहनु आजको आवश्यकता हो भन्नुभयो ।
       सो अवसरमा सो संघका सह-सचिव श्रीमती तारा नेपालले स्वागत मन्तव्य तथा प्रहरी परिवारका सदस्य पवित्रा दाहालले धन्यबाद ज्ञापन गर्नुभएको थियो ।
       उक्त तालीममा २३ जना प्रहरी कर्मचारीका परिवारहरु सहभागिता रहेको र घरेलु तथा साना उद्योग कार्यालय चितवनले दुइ जना प्रशिक्षक उपलव्ध गर्राई सहयोग गरको थियो ।

(२) चौकी कमण्डर तालिम संचालन

बुटवल, भदौ ११ गते
       राष्ट्रिय प्रहरी प्रशिक्षण प्रतिष्ठान महाराजगंजको तत्वावधानमा क्षेत्रीय प्रहरी तालिम केन्द्र बुटवलमा प्रहरी सहायक निरीक्षक प्रशिक्षार्थी रहेको ११औं समूहको चौकी कमाण्डर तालिम संचालन भएको छ ।
       उक्त तालिमको केन्द्रका समादेशक प्रहरी उपरीक्षक गोविन्दप्रसाद निरौलाले भदौ १० गते आयोजित एक समारोहबीच उदघाटन गर्नुभयो ।
       त्यस अवसरमा उहाँले तालिममा प्रदान गरिने ज्ञान, सिप र कला कौशललाई आत्मसाथ गरी बदलिँदो परिवेश अनुसार अनुशासित भई तालिम हासिल गर्नुपर्ने कुरा बताउनुभयो ।
       समारोहमा सह-समादेशक प्रहरी नायव उपरीक्षक भरतबहादुर बोहराले धन्यबाद ज्ञापन गर्नुभएको थियो भने प्रहरी निरीक्षक विश्वराज खड्काले तालिम सम्बन्धी प्रतिबेदन प्रस्तुत गर्नुभएको थियो ।
       उक्त तालिममा २८ जना प्रहरी सहायक निरीक्षकहरुको सहभागिता रहेको छ ।

(३) सुरक्षा तालिम समापन

बुटवल, भदौ ११ गते
       क्षेत्रीय प्रहरी तालिम केन्द्र बुटवलमा संचालित प्रहरी हवल्दार तथा प्रहरी जवानहरु प्रशिक्षार्थी रहेको ३५औं समूहको सुरक्षा तालिम समापन भएको छ ।
       उक्त तालिमका प्रशिक्षार्थीहरुलाई भदौ ९ गते आयोजित एक समारोहबीच केन्द्रका समादेशक प्रहरी उपरीक्षक गोविन्दप्रसाद निरौलाले पुरस्कार तथा प्रमाणपत्र बितरण गर्नुभयो ।
       त्यस अवसरमा उहाँले प्रशिक्षार्थीहरुलाई निर्देशन दिनुहुँदै तालिममा सिकेका ज्ञान, सिप र कलालाई आफनो कार्यक्षेत्रमा पूणरुपले कार्यान्वयन गरी आफनो पदिय दायित्व  निर्वाह गर्नुपर्ने कुरा बताउनुभयो ।
       समारोहमा सह-समादेशक प्रहरी नायव उपरीक्षक भरतबहादुर बोहराले धन्यबाद ज्ञापन गर्नुभएको थियो भने प्रहरी निरीक्षक निर्मल बुढाथोकीले तालिम सम्बन्धी प्रतिबेदन प्रस्तुत गर्नुभएको थियो ।

(४) कुटपिट गर्ने पक्राउ

काठमाडौ, भदौ ११ गते
       कुटपिट गरेको अभियोगमा काठमाडौ महानगरपालिका-३५ कोटेश्वर बस्ने ३० बर्षीय बिदेशी राजबंशीलाई प्रहरीले पक्राउ गरेको छ ।
       ती अभियुक्तले भदौ १० गते बिहान सोही ठाउँ बस्ने ३२ बर्षीय शंकर नेपाललाई लेनदेनको बिषयलाई लिएर कुटपिट गर्दा घाइते भएकोले उपचारको लागि बि.एण्ड बि. अस्पतालमा लगिएको छ ।
       यस सम्बन्धमा प्रहरीले आवश्यक अनुसन्धान गरिरहेको छ ।

(५) लुटपाट गर्न खोज्ने पक्राउ

काठमाडौँ, भदौ ११ गते
       नक्कली प्लाष्टिकको पेस्तोल देखाई लुटपाट गर्न खोज्ने मोरङ्ग जिल्लामा घर भई हाल काठमाडौ महानगरपालिका-३४ बस्ने ३३ बर्षीय बिक्रम लामा सहित ३ जना पक्राउ परेका छन् ।
       उनीहरुले भदौ १० गते राति सवा ८ बजे नयाँबानेश्वर एभरेष्ट होटल अगाडि नक्कली प्लाष्टिकको पेस्तोल देखाई लुटपाट गर्न लागेको अवस्थामा प्रहरीले पक्राउ गरेको थियो ।
       यस सम्बन्धमा प्रहरीले आवश्यक अनुसन्धान गरिरहेको छ ।

(६) गोली प्रहारबाट घाइते

बारा, भदौ ११ गते
       अपरिचित व्यक्तिले गोली प्रहार गर्दा रौतहट जिल्ला पथरा-८ बस्ने वकिल साह बैठा घाइते भएका छन् ।
       बारा जिल्ला भगवानपुर-८ बस्ने ससुरा कासिम खाँ बैठाको घरमा आएको अवस्थामा भदौ १० राति साढे ९ बजे उनलाई अपरिचित व्यक्तिहरुले गोली प्रहार गर्दा पाखुरामा गोली लागि घाइते भएकोले उपचारको लागि कलैया अस्पतालमा लगिएको छ । उनको अवस्था सामान्य रहेको छ ।
       यस सम्बन्धमा प्रहरीले आवश्यक अनुसन्धान गरिरहेको छ ।

(७) खोलाले बगाएर मृत्यु

चितवन, भदौ ११ गते
       चितवन जिल्ला अयोध्यापुर-९ गोविन्दबस्ती बस्ने ५६ बर्षीय खड्गबहादुर दुराको स्थानीय रिउ खोलाले बगाएर मृत्यु भएको छ ।
       भदौ १० गते दिउसो बस्तु चराउन गएको अवस्थामा उनलाई रिउ खोलाले बगाउदा उनको मृत्यु भएको थियो ।
       यस सम्बन्धमा प्रहरीले आवश्यक अनुसन्धान गरिरहेको छ ।

(८) विभिन्न धनमाल लुटपाट

काभ्रे, भदौ ११ गते
       काभ्रे जिल्ला सारदा बतासे गाविस-४ स्थित धुर्ब कुवरको घरबाट नगद सहित विभिन्न धनमाल लुटपाट भएको छ ।
       भदौ १० गते राति ११ बजे ९/१० जनाको संख्यामा आएका लुटेराहरुको समूहले घरका मानिसहरुलाई नियन्त्रणमा लिई नगद १० हजार रुपैयाँ साढे ६ तोला सुन, ६ तोला चाँदी र ल्यापटप कम्प्युटर १ थान लुटेको बताइएको छ ।
       उक्त घटनाको जानकारी आज विहान २ बजे प्राप्त भएपछि प्रहरी टोली घटनास्थलतर्फखटि यस सम्बन्धमा आवश्यक अनुसन्धान गरिरहेको छ ।

काठमाडौ, भदौ ११ गते
       दोलखा जिल्ला चरिकोट घर भई हाल काठमाडौ महानगरपालिका-२९ डेरा गरी बस्ने रामकुमार श्रेष्ठको कोठाबाट २ लाख ४२ हजार रुपैया बराबरको धनमाल चोरी भएको छ ।
       भदौ १० गते दिउसो डेरा कोठामा कोही पनि नभएको अवस्थामा चोरहरुले ढोका फोडेर उक्त रुपैया बराबरको धनमाल चोरी गरेको बताइएको छ ।
       यस सम्बन्धमा प्रहरीले आवश्यक अनुसन्धान गरिरहेको छ ।