प्रहरी महानिरीक्षक बसन्त बहादुर कुँवरज्यूद्वारा बढुवा हुनुभएका प्राविधिक समूह तर्फका प्रहरी वरिष्ठ उपरीक्षकज्यू तथा प्रहरी निरीक्षकहरुलाई दर्ज्यानी चिन्ह सुशोभन पश्चात सामुहिक फोटो सेसनमा । मिति :- २०८१।०२।०७ गते ।
नेपाल प्रहरीको समन्वय र सहकार्य तथा IPPOS र UNITAR को आयोजनामा नेपालमा संचालित महिला, शान्ति र सुरक्षा (Women, Peace and Security-WPS) विषयक कार्यशाला सम्पन्न । मिति :- २०८१।०२।०३ गते ।
प्रहरी महानिरीक्षक बसन्त बहादुर कुँवरज्यूद्वारा बढुवा हुनुभएका प्रहरी अतिरिक्त महानिरीक्षक तथा प्राविधिक प्रहरी नायव महानिरीक्षकज्यूहरुलाई दर्ज्यानी चिन्ह सुशोभन कार्यक्रम सम्पन्न । मिति :- २०८१।०१।३० गते
दर्ज्यानी चिन्ह सुशोभन पश्चात प्र.म.नि. बसन्त बहादुर कुँवर लगायत अन्य प्रहरी अधिकृतहरु सामुहिक फोटो सेसनमा । मिति :- २०८१/०१/३० गते
प्रहरी महानिरीक्षक बसन्त बहादुर कुँवरको उपस्थितिमा नेपाल प्रहरी कार्ययोजना, २०८० तथा चालु आर्थिक वर्ष २०८०/०८१ को कार्यसम्पादन सम्झौताको तेस्रो त्रैमासिक कार्य प्रगति समीक्षा कार्यक्रम मिति :-२०८१।०१।२४ गते ।
मित्र राष्ट्र अमेरिका र वेष्ट इन्डिजमा हुन गइरहेको “ ICC Men’s T20 Cricket World Cup” प्रतियोगितामा सहभागी हुन जाने नेपाली राष्ट्रिय क्रिकेट टोलीमा छनौट हुन सफल नेपाल प्रहरीका खेलाडीहरुलाई शुभकामना तथा बिदाइ कार्यक्रम पश्चात् सामूहिक फोटो सेशनमा प्र.म.नि. बसन्त बहादुर कुँवर तथा प्रहरी अधिकृतज्यूहरू । मिति:- २०८१।०१।२१ गते
फ्रान्सको लियोन शहरमा आयोजित 19th Heads of NCB Conference मा सहभागि हुनुभई स्वदेश फर्किनुभएका प्र.म.नि. बसन्त बहादुर कुँवरज्यूलाई स्वागत गर्नुहुँदै वरिष्ठ प्रहरी अधिकृतज्यूहरू । मिति २०८१।०१।१९
अन्य जानकारीहरु
सार्वजनिक सुविधा
चारित्रिक प्रमाणपत्र
नेपाल प्रहरीले बिभिन्न प्रयोजनका लागि चारित्रिक प्रमाणपत्र उपलब्ध गराई पाऊ भनी अनलाईन निवेदन दिने स्वदेशी तथा विदेशी नागरिकहरूलाई चारीत्रिक प्रमाणपत्र उपलब्ध गराउने गर्दछ ।
चालचलन प्रमाणपत्र सम्बन्धी थप जानकारी
Mission Statement
"कानुनी राज्यको मूल अवधारणाबाट निर्दिष्ट प्रभावकारी अपराध नियन्त्रण र अनुसन्धान एवं कानुन कार्यान्वयनद्धारा समाजमा शान्ति, सुव्यवस्था एवं सुरक्षा स्थापना गर्न प्रतिवद्ध, राष्ट्रप्रति समर्पित, स्वच्छ एवं व्यवसायिक प्रहरी"
-
लागूऔषध दुर्व्यसन सम्बन्धी सचेतनामूलक कार्यक्रम सम्पन्न
२०८१-०२-०७प्युठान, मल्लरानी गाउँपालिका-४ खलङ्गास्थित उद्योग वाणिज्य संघको सभाहलमा लागूऔषध दुर्व्यसन र यसले पार्ने नकारात्मक प्रभावका बारेमा सचेतनामूलक कार्यक्रम आइतबार सम्पन्न भएको छ । समुदाय-प्रहरी साझेदारी कार्यक्रम अन्तर्गत जिल्ला प्रहरी कार्यालय प्युठानको सहकार्य तथा जिल्ला प्रशासन कार्यालय प्युठानको समन्वयमा उद्योग वाणिज्य संघ प्युठानले उक्त कार्यक्रम आयोजना गरेको हो । सो अवसरमा प्युठान जिल्लाका प्रमुख जिल्ला अधिकारी नारायण प्रसाद अर्यालले लागूऔषधबाट हुने नकारात्मक असरहरूको बारेमा जानकारी दिँदै लागूऔषध दुर्व्यसनीबाट व्यक्तिगत जीवन मात्रै नभई पारिवारिक, आर्थिक तथा सामाजिक जीवनमा समेत ठुलो असर पर्ने बताउनुभयो । कार्यक्रमका प्रशिक्षक वसन्त पुन, सुन्दर गौतम र जिल्ला प्रहरी कार्यालय प्युठानका प्रहरी सहायक निरीक्षक आकाश खड्काले लागूऔषध सम्बन्धी परिचय र यसले पार्ने नकारात्मक प्रभाव तथा कानूनी सजाय सम्बन्धी व्यवस्थाका बारेमा प्रस्तुतीकरण गर्नुभएको थियो । उद्योग वाणिज्य संघ प्युठानका अध्यक्ष पशुपतिनारायण नकर्मिको अध्यक्षतामा सम्पन्न उक्त कार्यक्रममा सामाजिक अभियन्ता, सञ्चारकर्मी, महेन्द्र माध्यामिक विद्यालयका शिक्षक तथा विद्यार्थीहरूको सहभागिता रहेको थियो ।
[ विस्तृतमा ] -
कुटपिट अङ्गभङ्ग सम्बन्धी कसूर मुद्दाका दुई जना फरार प्रतिवादी पक्राउ
२०८१-०२-०७काठमाडौं, कुटपिट अङ्गभङ्ग सम्बन्धी कसूर मुद्दाका दुई जना फरार प्रतिवादीलाई आइतबार प्रहरीले पक्राउ गरेको छ । पक्राउ पर्नेहरूमा काभ्रेपलाञ्चोक रोशी गाउँपालिका-४ घर भई ललितपुर इमाडोल बस्ने २६ वर्षीय मिलन तामाङ र काभ्रेपलाञ्चोक तेमाल गाउँपालिका-७ भक्तपुर सल्लाघारी बस्ने २८ वर्षीय विजय लामा रहेका छन् । उनीहरूले काठमाडौं कोटेश्वरस्थित केएलसी क्लव अगाडि २०८० फागुन १७ गते एक जना पुरूषलाई अङ्गभङ्ग हुने गरी कुटपिट गरी घटना पश्चात फरार रहेकोमा ललितपुरका विभिन्न स्थानहरूमा लुकिछिपी बसेको भन्ने सूचनाको आधारमा काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले ललितपुर महानगरपालिका-१४ महालक्ष्मीस्थानबाट पक्राउ गरेको हो ।उनीहरूलाई आवश्यक अनुसन्धान तथा कारवाहीको लागि प्रहरी वृत्त नयाँबानेश्वर पठाइएको छ ।
[ विस्तृतमा ] -
अवैध लागूऔषधसहित चार जना पक्राउ
२०८१-०२-०७सुर्खेत, भेरीगंगा नगरपालिका-९ जहरे बजारबाट अवैध लागूऔषध ब्राउनसुगर जस्तो देखिने पदार्थ ८ सय ५० मिलिग्रामसहित गुर्भाकोट नगरपालिका-१४ कृष्णनगर बस्ने २४ वर्षीय भक्त बहादुर दमाईलाई आइतबार बेलुकी प्रहरीले पक्राउ गरेको छ । अस्थायी प्रहरी पोष्ट जहरेबाट खटिएको प्रहरीले उनलाई उक्त पदार्थसहित पक्राउ गरेको हो । तनहुँ, आँबुखैरेनी गाउँपालिका-४ बेनिटारबाट नियन्त्रित लागूऔषध नाईट्राभेट ४५ ट्याब्लेटसहित २ जनालाई सोमबार दिउँसो प्रहरीले पक्राउ गरेको छ । पक्राउ पर्नेहरूमा ब्यास नगरपालिका-५ दमौली बस्ने २२ वर्षीय शैलेस लामिछाने र २४ वर्षीय सुजन श्रेष्ठ रहेका छन् । अस्थायी प्रहरी पोष्ट मुग्लिन पुलजिपबाट खटिएको प्रहरीले मुग्लिङबाट आँबुखैरेनीतर्फ जाँदै गरेको ग.१० प ६९२४ नम्बरको स्कुटरलाई जाँच गर्ने क्रममा स्कुटरमा सवार उनीहरूलाई उक्त लागूऔषधसहित पक्राउ गरेको हो । सुनसरी, कोशी गाउँपालिका-१ पुरी टोलबाट अवैध लागूऔषध खैरो हेरोइन जस्तो देखिने पदार्थ करिब ३ ग्राम ९१ मिलिग्रामसहित इनरूवा नगरपालिका-६ सखुवागाछी बस्ने २६ वर्षीय सुशान्त खनाललाई सोमबार दिउँसो प्रहरीले पक्राउ गरेको छ । इलाका प्रहरी कार्यालय लौकही र लागूऔषध नियन्त्रण व्यूरो विराटनगरबाट खटिएको प्रहरीले भारतबाट लौकही बजारतर्फ पैदल आउँदै गरेका उनलाई उक्त पदार्थसहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
[ विस्तृतमा ]
हाईलाईटहरु
- प्रहरी निरीक्षक (जनपद) पदको लिखित परीक्षाको नतिजा तथा विशेष स्वास्थ्य परीक्षण तालिका प्रकाशन सम्बन्धी सूचना (२०८१-०२-०७)
- प्राविधिक समूह अन्तर्गत इन्जिनियरिङ उपसमूह तर्फ प्राविधिक प्रहरी निरीक्षक (सिभिल इन्जिनियर) पदको अन्तिम नतिजा प्रकाशन सम्बन्धी सूचना (२०८१-०२-०६)
- प्राविधिक समूह अन्तर्गत इन्जिनियरिङ उपसमूह तर्फ प्राविधिक प्रहरी निरीक्षक (सूचना प्रविधि/कम्प्युटर) पदको अन्तिम नतिजा प्रकाशन सम्बन्धी सूचना (२०८१-०२-०५)
- जनपद प्रहरी समूहतर्फ प्रहरी नायव महानिरीक्षक पदमा बढुवा सिफारिस सूची प्रकाशित गरिएको (मिति २०८१।०२।०४ गते) ।
- प्राविधिक प्रहरी समूह, ईन्जिनियरिङ्ग उपसमूह, सूचना प्रविधि/कम्प्युटरतर्फ प्रहरी उपरीक्षक पदमा बढुवा सिफारिस सूची प्रकाशित गरिएको (मिति २०८१।०२।०४ गते) ।
- प्राचार्य नियुक्तिका लागि दरखास्त आव्हान सम्बन्धी सूचना
- प्राविधिक समूह अन्तर्गत इन्जिनियरिङ उपसमूह तर्फ प्राविधिक प्रहरी निरीक्षक (संचार) पदको अन्तिम नतिजा प्रकाशन सम्बन्धी सूचना (२०८१-०२-०४)
नेपाल प्रहरी मोबाईल एप्स
Google Play र Apple app store मा उपलव्ध छ ।
