पाचौँ संयुक्त राष्ट्रसंघीय चिफ अफ पुलिस समिट (UNCOPS 2026) को मुख्य समारोहमा प्रहरी महानिरीक्षक दान बहादुर कार्कीज्यू ।
संयुक्त राष्ट्रसंघको प्रधान कार्यालय न्यूयोर्कमा आयोजना हुने Fifth United Nations Chiefs of Police Summit (UNCOPS) मा सहभागी हुन जान लाग्नुभएका प्र.म.नि. दान बहादुर कार्कीज्यू तथा सशस्त्र प्रहरी बल, नेपालका स.प्र.म.नि. नारायण दत्त पौडेलज्यूहरूको बिदाई कार्यक्रम । मितिः- २०८३।०३।२१ गते ।
प्रहरी महानिरीक्षक दान बहादुर कार्कीज्यू र नेपालका लागि अमेरिकी कार्यवाहक राजदूत स्कट अर्बमको उपस्थितिमा नेपाल प्रहरी डिजिटल फरेन्सिक ल्याबलाई डिजिटल फरेन्सिक सम्बन्धी विभिन्न सफ्टवेयर तथा हार्डवेयर उपकरणहरू हस्तान्तरण गरिएको। मितिः- २०८३।०३।१६ गते ।
नेपाल प्रहरी जनपद तथा प्राविधिक समूहतर्फ पदोन्नति हुनु भएका प्रहरी अधिकृतज्यूहरुलाई दर्ज्यानी चिन्हद्वारा सुशोभन पश्चात सामुहिक तस्बिर । मितिः-२०८३।०२।२२ गते
नेपाल प्रहरीको रणनीतिक योजना (२०८३-०८५) सार्वजनिकीकरण गर्नुहुँदै प्र.म.नि.दान बहादुर कार्कीज्यू । मिति:-२०८३।०२।०५ गते
नागरिक सहायता तथा गुनासो व्यवस्थापन अनलाईन प्रणालीको शुभारम्भ गर्नुहुँदै प्र.म.नि.दान बहादुर कार्कीज्यू । मिति:-२०८३।०२।०५ गते
प्र.व.ना.नि.श्रीहरि के.सी.द्वारा लिखित "मिसन दुवाकोटदेखि देश दुनियाँ" नामक पुस्तक विमोचन गर्नुहुँदै प्र.म.नि. दान बहादुर कार्कीज्यू । मिति:-२०८३।०२।०५ गते
चैते दशैं मौलो पूजाको अवसरमा निशान झण्डामा पञ्जा छाप लगाउनु हुँदै प्र.म.नि. दान बहादुर कार्की । मिति: २०८२।१२।१२ गते ।
सैनिक कमाण्ड एण्ड स्टाफ तालिमका शिक्षक तथा शिक्षार्थी अधिकृतहरूको ने.प्र.प्र.का.मा अवलोकन भ्रमण कार्यक्रम । मिति:-२०८२।११।११ गते
अपराध अनुसन्धान र शान्ति सुरक्षामा सञ्चार माध्यमको भूमिका विषयक अन्तरक्रिया कार्यक्रमको पानसमा दीप प्रज्वलन गरी समुद्घाटन गर्नुहुँदै प्रहरी महानिरीक्षक दान बहादुर कार्की । मिति:- २०८२।१०।२६ गते
प्राविधिकतर्फ पदोन्नति हुनुभएका वरिष्ठ प्रहरी अधिकृतज्यूहरुलाई दर्ज्यानी चिन्हद्वारा सुशोभन पश्चात् सामूहिक तस्विर । मिति :-२०८२।१०।२३ गते
अन्य जानकारीहरु
चारित्रिक प्रमाणपत्र
नेपाल प्रहरीले बिभिन्न प्रयोजनका लागि चारित्रिक प्रमाणपत्र उपलब्ध गराई पाऊ भनी अनलाईन निवेदन दिने स्वदेशी तथा विदेशी नागरिकहरूलाई चारीत्रिक प्रमाणपत्र उपलब्ध गराउने गर्दछ ।
चालचलन प्रमाणपत्र सम्बन्धी थप जानकारी
Mission Statement
"कानुनी राज्यको मूल अवधारणाबाट निर्दिष्ट प्रभावकारी अपराध नियन्त्रण र अनुसन्धान एवं कानुन कार्यान्वयनद्धारा समाजमा शान्ति, सुव्यवस्था एवं सुरक्षा स्थापना गर्न प्रतिवद्ध, राष्ट्रप्रति समर्पित, स्वच्छ एवं व्यवसायिक प्रहरी"
-
नेपालमा बालयौन दुराचारको सजाय काटेर अमेरिका फर्किएका व्यक्ति अमेरिकी अदालतबाट पनि बालयौन दुराचारमा दोषी ठहर
२०८३-०४-०४काठमाडौं, नेपालमा बालयौन दुराचारमा ९ वर्ष कैद सजाय काटेर अमेरिका फर्किएका ५८ वर्षीय केनेथ जोसेफ कुम्ब्सलाई अमेरिकाको संघीय अदालतले नेपालमा गरेको कसुरमा दोषी ठहर गरेको छ । अमेरिकी न्याय विभागको सार्वजनिक मामिला कार्यालयले शुक्रबार आफ्नो बेवसाइटमा कुम्ब्सलाई दोषी ठहर गरेको जानकारी सार्वजनिक गरेको हो ।नेपालमा सजाय काटेर फर्किएका उनलाई अमेरिकी कानुन प्रवर्तन निकायले सेप्टेम्बर २०२५ मा पक्राउ गरेको थियो । उनी त्यसबेलादेखि हिरासतमै छन् । उनीविरुद्ध अक्टोबर २८ मा अमेरिकी अदालतले सजाय सुनाउने तयारी गरेको अमेरिकी न्याय विभागको सार्वजनिक मामिला कार्यालयले जनाएको छ । बालकहरूको यौन शोषण गर्न संगठित रूपमा सिण्डिकेट सञ्चालन गरी दुर्गम गाउँहरूबाट बालकहरू सहरमा ओसार पसार गरी बिदेशी बालयौन दुराचारीहरूलाई उपलब्ध गराउने गिरोह सञ्चालन भएको सूचनाको आधारमा केन्द्रीय अनुसन्धान ब्यूरोले अनुसन्धान शुरू गरेको थियो । २०७३ भदौ २४ गते काठमाडौं ठमेलस्थित याम्बु होटलबाट सो ब्यूरोबाट खटिएको प्रहरीले केनेथ जोसेफ कुम्ब्स र बालयौन दुराचारका निम्ती निजलाई सहयोग गर्ने काठमाडौं स्वयम्भू बस्ने २१ वर्षीय लुच्चे भन्ने बुद्ध पुतवारलाई पक्राउ गरेको थियो । जिल्ला अदालत काठमाडौंको २०७४ वैशाख १० गतेको फैसलाले कुम्ब्सलाई ९ वर्ष कैद सजाय ठहर भएको थियो भने पुतवारलाई ४ वर्ष कैद सजाय ठहर भएको थियो । अमेरिकी न्याय विभागको सार्वजनिक मामिला कार्यालयलको सूचनामा कुम्ब्सले सन् २०१६ मा नेपाल बस्दा होटलमा ८ जना बालबालिकामाथि यौन दुर्व्यवहार गरेको र ती यौनजन्य कार्य गर्नका लागि कुम्ब्सले बल प्रयोग, जबरजस्ती नशालु पदार्थ सेवन गराउने र बालकबालिकाहरूलाई पैसाको प्रलोभनमा पार्ने जस्ता उपाय अपनाएको उल्लेख गरेको छ । साथै कुम्ब्सले खिचेको पीडितको तस्वीरहरू कुम्ब्सका इलेक्ट्रोनिक उपकरणबाट बरामद गरेको अमेरिकी सार्वजनिक मामिला कार्यालयले जनाएको छ । नेपालस्थित अमेरिकी दूतावास, नेपाल प्रहरीको सीआईबी, काठमाडौं जिल्ला सरकारी वकिल कार्यालय र नेपालको गैरसरकारी संस्था नयाँ पाइलाबाट अनुसन्धानमा सहयोग प्राप्त भएको समेत अमेरिकी सार्वजनिक मामिला विभागले जनाएको छ ।
[ विस्तृतमा ] -
ट्राफिक नियन्त्रण तथा रेखाचित्रण दोस्रो समूहको तालिम सञ्चालन
२०८३-०४-०४काठमाडौं, राष्ट्रिय प्रहरी प्रशिक्षण प्रतिष्ठान महाराजगंजको तत्वावधानमा काठमाडौं उपत्यका ट्राफिक प्रहरी कार्यालय रामशाहपथमा ट्राफिक नियन्त्रण तथा रेखाचित्रण (जु.प्र.अ देखि प्र.ज) दोस्रो समूहको तालिम सञ्चालन भएको छ ।काठमाडौं उपत्यका ट्राफिक प्रहरी कार्यालय रामशाहपथमा सोमबार आयोजित एक कार्यक्रममा सोही कार्यालयका प्रहरी उपरीक्षक नरेश राज सुवेदीले तालिम उद्घाटन गर्दै सवारी दुर्घटनाको अनुसन्धानको सिलसिलामा सवारी दुर्घटनासँग सम्बन्धित विभिन्न किसिमका प्रमाणहरूलाई रेखाचित्रणको माध्यमबाट देखाउन सके अनुसन्धान सहज हुने विचार व्यक्त गर्नुभयो ।कार्यक्रममा तालिम संयोजक प्रहरी नायव उपरीक्षक शैलेन्द्र भट्टले तालिम सम्बन्धी प्रतिवेदन प्रस्तुत गर्दै १६ कार्यदिन अवधिको उक्त तालिममा प्रहरी वरिष्ठ नायव निरीक्षक ७ जना, प्रहरी नायव निरीक्षक ५ जना, प्रहरी सहायक निरीक्षक २ जना, प्रहरी वरिष्ठ हवल्दार २ जना, प्रहरी हवल्दार २ जना, प्रहरी सहायक हवल्दार ११ जना र प्रहरी जवान १६ जना गरी कुल ४५ जना प्रशिक्षार्थीहरूको सहभागिता रहेको जानकारी दिनुभयो ।
[ विस्तृतमा ] -
अवैध लागूऔषध सहित विभिन्न स्थानबाट ३२ जना पक्राउ
२०८३-०४-०४काठमाडौं, काठमाडौं महानगरपालिका-१२ टेकु दोवानपुल नजिकबाट नियन्त्रित लागूऔषध टपेन्डाडोल २४ हजार ७ सय ट्याब्लेट सहित ३ जनालाई आइतबार दिउँसो प्रहरीले पक्राउ गरेको छ । पक्राउ पर्नेहरूमा भारत रूपडिया उतर प्रदेश ठेगाना भएका २५ वर्षीय राज सोनि, बाँके घर भएका १९ वर्षीय निखिल सोनि र सुर्खेत घर भएका १९ वर्षीया शोफिया मगर रहेका छन् । लागूऔषध नियन्त्रण ब्यूरो कोटेश्वरबाट खटिएको प्रहरीले उनीहरूलाई उक्त लागूऔषध सहित पक्राउ गरेको हो । साथै उनीहरूलाई नियन्त्रणमा लिने क्रममा प्रहरी माथि आक्रमण गरी भाग्ने क्रममा प्रहरीले गोली प्रहार गर्दा राज सोनि घाइते भएका थिए । घाइते राजको राष्ट्रिय ट्रमा सेन्टरमा उपचार भइरहेको छ । यसैगरी काठमाडौं, चन्द्रागिरी नगरपालिका-१४ नैकाप पिपलबोटबाट नियन्त्रित लागूऔषध ट्रामाडोल १४ हजार ९ सय २० ट्याब्लेट सहित सोही नगरपालिका-१४ डेरा गरी बस्ने कीर्तिपुर नगरपालिका-९ पागादोबाटो घर भएका ३९ वर्षीय अनिल देउलालाई आइतबार दिउँसो प्रहरीले पक्राउ गरेको छ । प्रहरी वृत्त थानकोटबाट खटिएको प्रहरीले उनले प्रयोग गरेको बा.७० प ७८०० नम्बरको स्कुटर तलासी गर्दा उक्त लागूऔषध फेला पारी उनलाई पक्राउ गरेको हो । थप अनुसन्धानको क्रममा उनको कोठा तलासी गर्दा ट्रामाडोल ३ हजार ७ सय ७६ ट्याब्लेट, डाइजेपाम सेट ३८५ एम्पुल समेत गरी १ हजार १ सय ५५ एम्पुल र नगद १ लाख ४० हजार १ सय ६५ रूपैयाँ समेत फेला पारी प्रहरीले बरामद गरेको छ । यसैगरी काठमाडौं महानगरपालिका-२९ डिल्लीबजार हाईटबाट अवैध लागूऔषध पोलेन जस्तो देखिने पदार्थ करिब ४ किलो ७ सय २० ग्राम र नगद १ लाख २५ हजार ८ सय २५ रूपैयाँ सहित २ जनालाई आइतबार बिहान प्रहरीले पक्राउ गरेको छ । पक्राउ पर्नेहरूमा सोही ठाउँ डेरा गरी बस्ने रामेछाप मन्थली नगरपालिका-३ घर भएका ५४ वर्षीय श्याम खत्री र काठमाडौं महानगरपालिका-२९ न्यू प्लाजा बस्ने काभ्रे बनेपा नगरपालिका-१२ घर भएका ४८ वर्षीय बसन्त थापा रहेका छन् । प्रहरी वृत्त सिंहदरबारबाट खटिएको प्रहरीले श्यामको कोठा तलासी गर्दा उक्त पदार्थ फेला पारी उनीहरूलाई पक्राउ गरेको हो । यसैगरी काठमाडौं महानगरपालिका-७ मित्रपार्कबाट अवैध लागूऔषध गाँजा जस्तो देखिने पदार्थ करिब ३ सय ९० ग्राम र पोलेन करिब ३ सय ७८ ग्राम सहित काठमाडौं मित्रपार्क बस्ने ३२ वर्षीया पुजा डंगोललाई आइतबार बेलुकी प्रहरीले पक्राउ गरेको छ । प्रहरी वृत्त गौशालाबाट खटिएको प्रहरीले उनलाई उक्त लागूऔषध सहित पक्राउ गरेको छ । झापा, भद्रपुर नगरपालिका-५ भन्सार चोकबाट अवैध लागूऔषध ब्राउनसुगर जस्तो देखिने पदार्थ ६ ग्राम ६० मिलिग्राम सहित बिर्तामोड नगरपालिका-३ बिर्ताबजार बस्ने २७ वर्षीय अजय सहनीलाई आइतबार दिउँसो प्रहरीले पक्राउ गरेको छ । वडा प्रहरी कार्यालय भद्रपुर समेतबाट खटिएको प्रहरीले उनलाई उक्त पदार्थ सहित पक्राउ गरेको हो । यसैगरी झापा, दमक नगरपालिका-१ हवल्दार चोकस्थित टपरी होटलबाट अवैध लागूऔषध खैरो हेरोइन जस्तो देखिने पदार्थ २२ ग्राम १ सय ५० मिलिग्राम सहित इलाम चुलाचुली गाउँपालिका-४ पालिका टोल बस्ने ३५ वर्षीय पुर्ण कुमार राईलाई आइतबार साँझ प्रहरीले पक्राउ गरेको छ । लागूऔषध नियन्त्रण ब्यूरो शाखा कार्यालय काँकरभिट्टा समेतबाट खटिएको प्रहरीले उक्त होटलमा बसिरहेका उनलाई उक्त पदार्थ सहित पक्राउ गरेको हो । सुनसरी, कोशी गाउँपालिका-१ बाट अवैध लागूऔषध ब्राउनसुगर जस्तो देखिने पदार्थ १ ग्राम ७० मिलिग्राम सहित इटहरी नगरपालिका-९ बसपार्क बस्ने २१ वर्षीय संगम श्रेष्ठलाई आइतबार बेलुकी प्रहरीले पक्राउ गरेको छ । जिल्ला प्रहरी कार्यालय सुनसरी समेतबाट खटिएको प्रहरीले उनलाई उक्त पदार्थ सहित पक्राउ गरेको हो । यसैगरी सुनसरी, धरान उपमहानगरपालिका-८ भोटेपुलबाट नियन्त्रित लागूऔषध ट्रामाडोल ६ सय १२ ट्याब्लेट सहित सोही उपमहानगरपालिका-८ बस्ने २१ वर्षीय उमङ्ग राईलाई आइतबार राति प्रहरीले पक्राउ गरेको छ । अस्थायी प्रहरी चौकी बरगाछीबाट खटिएको प्रहरीले उनलाई उक्त लागूऔषध सहित पक्राउ गरेको हो । यसैगरी सुनसरी, बराहक्षेत्र नगरपालिका-४ तिसबिगेबाट नियन्त्रित लागूऔषध ट्रामाडोल १ सय ७८ ट्याब्लेट र डाइक्लोमाइन ८२ ट्याब्लेट सहित रामधुनी नगरपालिका-७ बस्ने २३ वर्षीय समिर चौधरी समेत २ जनालाई आइतबार बेलुकी प्रहरीले पक्राउ गरेको छ । प्रहरी चौकी भरोलबाट खटिएको प्रहरीले उनीहरूलाई उक्त लागूऔषध सहित पक्राउ गरेको हो । रूपन्देही, रोहिणी गाउँपालिका-७ टिकरबाट नियन्त्रित लागूऔषध डाईजेपाम १९ एम्पुल, फेनारगन १९ एम्पुल र बुप्रेनोर्फिन १९ एम्पुल सहित २ जनालाई आइतबार बेलुकी प्रहरीले पक्राउ गरेको छ । पक्राउ पर्नेहरूमा बुटवल उपमहानगरपालिका-११ देबी नगर बस्ने ४६ वर्षीय रमेश योगी र रोहिणी गाउँपालिका टिकर बस्ने ३५ वर्षीय साहिल अन्सारी रहेका छन् । लागूऔषध नियन्त्रण ब्यूरो शाखा कार्यालय भैरहवा समेतबाट खटिएको प्रहरीले लु.७ प २०२० नम्बरको मोटरसाइकलमा सवार उनीहरूलाई उक्त लागूऔषध सहित फेला पारी पक्राउ गरेको हो । नवलपरासी पश्चिम, रामग्राम नगरपालिका-१० मंझरिया चोकबाट नियन्त्रित लागूऔषध डाइजेपाम ८० एम्पुल, बुप्रेनोर्फिन ८० एम्पुल र फेनारगन ८० एम्पुल सहित २ जनालाई आइतबार राति प्रहरीले पक्राउ गरेको छ । पक्राउ पर्नेहरूमा पाल्हीनन्दन गाउँपालिका-६ लङ्गडी पाकड बस्ने २६ वर्षीय विश्वजित गिरी र सोही गाउँपालिका-६ रगरगंज बस्ने ३६ वर्षीय दिनेश केवट रहेका छन् । जिल्ला प्रहरी कार्यालय नवलपरासी पश्चिम समेतबाट खटिएको प्रहरीले युपि ५६ एच १०३३ नम्बरको मोटरसाइकलमा सवार उनीहरूलाई उक्त लागूऔषध सहित फेला पारी पक्राउ गरेको हो । सिराहा, कर्जन्हा नगरपालिका-६ बाट अवैध लागूऔषध ब्राउनसुगर जस्तो देखिने पदार्थ ८ सय ८० मिलिग्राम र नगद ५ हजार ७ सय ४० रूपैयाँ सहित २ जनालाई आइतबार दिउँसो प्रहरीले पक्राउ गरेको छ । पक्राउ पर्नेहरूमा कर्जन्हा नगरपालिका-११ डेरा गरी बस्ने सोही नगरपालिका-९ घर भएका २४ वर्षीय अवधेश महरा र ३१ वर्षीय सुनिल महरा रहेका छन् । प्रहरी चौकी कर्जन्हाबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । ललितपुर, गोदावरी नगरपालिका-३ गोदावारीस्थित मार्वल डाँडाबाट अवैध लागूऔषध पोलेन जस्तो देखिने पदार्थ करिब ५ ग्राम ४४ मिलिग्राम सहित ३ जनालाई आइतबार दिउँसो प्रहरीले पक्राउ गरेको छ । पक्राउ पर्नेहरूमा ललितपुर महानगरपालिका-४ बागडोल बस्ने २२ वर्षीय सम्बोधन थापा, गोदावारी नगरपालिका-१४ बस्ने २१ वर्षीय संदिप महत्तो र महालक्ष्मी नगरपालिका बस्ने २० वर्षीया सफिसा महर्जन रहेका छन् । थप अनुसन्धानको क्रममा ललितपुर महानगरपालिका-२५ फुलबारी मार्ग डेरा गरी बस्ने मकवानपुर ईन्द्रसरोबर गाउँपालिका-५ घर भएका २८ वर्षीय तिर्थ बहादुर थोकरको कोठा तलासी गर्दा पोलेन करिब २ किलो ७ सय ९३ ग्राम र डिजिटल तराजु १ थान सहित फेला पारी तिर्थलाई समेत प्रहरीले पक्राउ गरेको छ । महोत्तरी, सोनमा गाउँपालिका-५ खयरबनिबाट नियन्त्रित लागूऔषध स्पास्मो १६ ट्याब्लेट सहित सोही गाउँपालिका-१ बस्ने १८ वर्षीय किशोरलाई आइतबार दिउँसो प्रहरीले पक्राउ गरेको छ । इलाका प्रहरी कार्यालय खयरबनि समेतबाट खटिएको प्रहरीले उनलाई उक्त लागूऔषध सहित पक्राउ गरेको हो । मोरङ, बेलबारी नगरपालिका-२ लालभित्ति चोकबाट नियन्त्रित लागूऔषध ट्रामाडोल १७ ट्याब्लेट र स्पास्मो १७ ट्याब्लेट सहित सोही ठाउँ बस्ने ३० वर्षीय प्रकाश खड्का समेत ४ जनालाई आइतबार दिउँसो प्रहरीले पक्राउ गरेको छ । इलाका प्रहरी कार्यालय बेलबारीबाट खटिएको प्रहरीले उनीहरूलाई उक्त लागूऔषध सहित पक्राउ गरेको हो । यसैगरी मोरङ, विराटनगर महानगरपालिका-१३ बाट नियन्त्रित लागूऔषध नाइट्राजेपाम ३० ट्याब्लेट र स्पास्मो ४० ट्याब्लेट सहित सुनसरी इटहरी उपमहानगरपालिका-९ बस्ने ३७ वर्षीय संदिप खड्कालाई आइतबार दिउँसो प्रहरीले पक्राउ गरेको छ । इलाका प्रहरी कार्यालय रानीबाट खटिएको प्रहरीले उनलाई उक्त लागूऔषध सहित पक्राउ गरेको हो । बाँके, नेपालगंज उपमहानगरपालिका-११ बाट अवैध लागूऔषध ब्राउनसुगर जस्तो देखिने पदार्थ ४८ ग्राम ७० मिलिग्राम सहित २ जनालाई आइतबार दिउँसो प्रहरीले पक्राउ गरेको छ । पक्राउ पर्नेहरूमा दाङ लमही नगरपालिका-५ बस्ने मधु सुधन पुलामी र २८ वर्षीय निश्चल केसी रहेका छन् । प्रदेश प्रहरी कार्यालय तुलसीपुर दाङ समेतबाट खटिएको प्रहरीले बिपि चोकबाट त्रिभुवन चोकतर्फ जाँदै गरेको बा.१७ च १४२२ नम्बरको कार जाँच गर्दा उक्त पदार्थ फेला पारी चालक मधु र कारमा सवार निश्चललाई पक्राउ गरेको हो । बर्दिया, गुलरिया नगरपालिका-११ गणेशपुरबाट अवैध लागूऔषध ब्राउनसुगर जस्तो देखिने पदार्थ १ सय ५० मिलिग्राम सहित बाँके खजुरा गाउँपालिका-२ बस्ने २० वर्षीय नरेश चौधरीलाई आइतबार राति प्रहरीले पक्राउ गरेको छ । प्रहरी चौकी महमम्दपुरबाट खटिएको प्रहरीले उनलाई उक्त पदार्थ सहित पक्राउ गरेको हो । तनहुँ, आँबुखैरेनी गाउँपालिका-४ बेनीटारबाट नियन्त्रित लागूऔषध ट्रामाडोल १ सय ट्याब्लेट सहित लमजुङ बेशीशहर नगरपालिका-१ बस्ने २६ वर्षीय बुद्धी बहादुर आलेलाई आइतबार बेलुकी प्रहरीले पक्राउ गरेको छ । अस्थायी प्रहरी पोष्ट मुग्लिङ पुलजिपबाट खटिएको प्रहरीले काठमाडौंबाट लमजुङतर्फ जाँदै गरेको बा.५ ख २२९५ नम्बरको माईक्रो बसमा सवार उनलाई उक्त लागूऔषध सहित फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
[ विस्तृतमा ]
हाईलाईटहरु
- बाटो अवरुद्ध भएको सम्बन्धी :- मिति २०८३।०४।०४ गते १३:१० बजे सम्म ।
- जनपद प्रहरी समूहतर्फ प्रहरी वरिष्ठ हवल्दार पदमा बढुवा सिफारिस सूची प्रकाशित गरिएको (मिति: २०८३।०४।०१ गते) ।
- प्राविधिक प्रहरी समूह अन्तर्गत विभिन्न उपसमूहतर्फका प्रा.प्र.ना.उ.,प्रा.प्र.नि.,प्रा.प्र.ना.नि. र प्रा.प्र.स.नि. पदहरूको लिखित परीक्षा कार्यक्रम तथा परीक्षा केन्द्र निर्धारण सम्बन्धी सूचना (२०८३-०४-०१)
- प्राविधिक प्रहरी समूह अन्तर्गत विभिन्न उपसमूहतर्फका प्राविधिक प्रहरी जवान पदको लिखित परीक्षा कार्यक्रम निर्धारण सम्बन्धी सूचना (२०८३-०४-०१)
- प्रेस विज्ञप्ती (२०८३-०३-३०)
- जनपद प्रहरी समूहतर्फको प्र.स.नि. पदमा बढुवा तथा पदस्थापन सम्बन्धमा ( मिति २०८३/०३/२६ गते ) ।
- प्रेस विज्ञप्ति (२०८३-०३-२५)
रिपोर्ट तथा प्रकाशन
अपराध तथ्याङ्क
नेपाल प्रहरी मोबाईल एप्स
Google Play र Apple app store मा उपलव्ध छ ।
