नेपाल प्रहरी श्रीमती संघकी अध्यक्ष श्रीमती सिर्जना थापाज्यूलाई स्वागत गर्नुहुदैँ महासचिव श्रीमती बविता पाल ।
पदभार ग्रहण गर्ने क्रममा नेपाल प्रहरी श्रीमती संघकी अध्यक्ष श्रीमती सिर्जना थापाज्यू ।
निवर्तमान अध्यक्ष,महासचिव तथा सल्लाहकारज्यूहरुको विदाई कार्यक्रम ।

नेपाल प्रहरी श्रीमती संघ

 Vacancy Announcement for Counsellor (2078-01-10)

नेपाल प्रहरी संगठनको प्रमुख प्रहरी महानिरीक्षकज्यूको नियुक्तिको साथ साथै यस संघको अध्यक्ष पदको समेत नियुक्ती हुने ऐतिहासिक परम्परानुसार नेपाल सरकार मन्त्रिपरिषदको मिति २०७७/०३/२३ गतेको निर्णयले तत्कालिन प्र.अ.म.नि. शैलेश थापा क्षेत्रीज्यूलाई २०७७/०३/२५ गते देखि लागुहुने गरी प्रहरी महानिरीक्षक पदमा बढुवा गरेको हुंदा उक्त मितिबाट यस संघको अध्यक्ष पदमा श्रीमती सिर्जना थापाज्यू नियुक्ति हुनु भै निम्नानुसारको पदाधिकारीज्युहरु रहनु भएको ।
 
कार्यसमिति पदाधिकारीहरु :

१‍. अध्यक्ष - श्रीमती सिर्जना थापा

२. महासचिव - श्रीमती बविता पाल
३. कोषाध्यक्ष -  श्रीमती नवोदिता शर्मा पोखरेल
४. सचिव (क्रार्यक्रम)- श्रीमती अजिता लोहनी पन्त
५. सचिव (प्रशासन)- श्रीमती सुमी लामा
६. सह-सचिव (प्रशासन)- श्रीमती पाचौँ चौधरी
७. सह-सचिव (कार्यक्रम)- श्रीमती सिता ज्ञवाली
८. सह-कोषाध्यक्ष -  श्रीमती अनुश्री पाख्रीन
 
 
 सदस्यहरु:
९. श्रीमती सन्ध्या जोशी
१०. श्रीमती एकता बोहरा
११. श्रीमती अजिता देवकोटा बास्तोला
१२. श्रीमती दिपा सिंह
१३. श्रीमती अनिता ढकाल अधिकारी
१४. श्रीमती सर्मीला बोहरा
१५. श्रीमती चेतना चन्द शाही      
१६. श्रीमती राधा खतिवडा पोखरेल
१७. श्रीमती अरिना राई 


 

 परिचय

         ''सेवा नै धर्म हो'' भन्ने भावनाले अभिप्रेरित नेपाल प्रहरीमा कार्यरत राष्ट्र सेवकहरुका परिवार (श्रीमती) लाई सामाजिक सेवाको लागि अभिप्रेरित गरी राष्ट्रसेवाको पुनित कार्यको लागि संगठित गर्न, राष्ट्रमा समय–समयमा आईपर्ने विभिन्न प्रकारका दैवि प्रकोपहरु लगायत मानविय सेवाका विविध क्षेत्र जस्तो शिक्षा, स्वास्थ्य, खेलकुद र आर्थिक क्षेत्रहरुको सुधार, विकास र उन्नतिको लागि आफुहरुमा अन्तर्निहित साधन, श्रोतको उपयोग वा विभिन्न माध्यमहरु मार्फत सहयोग पुर्‍याई लोक कल्याणकारी सेवा उपलव्ध गराउने पवित्र उद्देश्य लिई राष्ट्र र समस्त नेपालीको उन्नति, प्रगति एवं विकासको वृहत्तर सोचका साथ मिति २०४१ साल भाद्र ४ गते यस नेपाल प्रहरी श्रीमती संघ (Nepal Police Wives Association) नामक मुनाफा रहित संस्थाको स्थापना भएको हो । यस संघको प्रधान कार्यालय भृकुटीमण्डप काठमाण्डौंमा रहेको छ । संघले स्थापना काल देखि नै प्रहरी परिवारका महिलाहरुको मात्र नभएर समग्र महिलाहरुको सीप विकास, आय आर्जन, क्षमता अभिवृद्धि, विभिन्न विषयहरुमा सचेतनाको लागि कार्यक्रमहरु संचालन गर्दै आईरहेको छ । साथै अमर प्रहरी, घाईते, दीर्घ रोगी आदिका सन्ततीहरुलाई छात्रवृत्ति, आर्थिक सहयोग, सहाराविहिन वृद्ध, वृद्धाहरुलाई राहत सहयोग तथा स्वास्थ्य शिविरहरु पनि संचालन गर्दै आईरहेको छ । तल उल्लेखित उदेश्यहरु प्राप्तीको लागि संघ प्रतिवद्ध रहेको छ ।

उद्देश्य

  • अमर प्रहरी, घाईते, दीर्घ रोगी प्रहरीका सन्ततीहरुलाई शैक्षिक छात्रवृत्ति प्रदान गर्ने ।
  • वहालवाला, सेवा निबृत्त, घाईते, अमर प्रहरी कर्मचारीहरुका परिवार तथा एकल महिलाहरुको बृत्तिविकास एवं आय आर्जनको लागि सिप तथा रोजगार मुलक तालिमहरुका साथै समसामयिक चेतनामूलक कार्यक्रम समेत संचालन गर्ने ।
  • प्रहरी कर्मचारीका परिवारलाई स्त्रीरोग लगायत अन्य विभिन्न स्वास्थ्य सम्बन्धी परामर्श, परिक्षण तथा निःशुल्क स्वास्थ्य शिविर सञ्चालन गर्ने ।
  • समाज सेवाका विविध क्षेत्रमा मानविय सेवाका विभिन्न चेतनामूलक कार्यक्रमहरु संचालन गर्ने ।
  • घरबारबिहीन वृद्ध–वृद्धाहरुलाई सहयोग उपलव्ध गराउने ।
  • बाढी पहिरो, भुकम्प, आगलागी जस्ता दैवि प्रकोप पीडितहरुलाई आर्थिक सहयोग तथा राहत सामाग्री प्रदान गर्ने ।
  • दुर्ब्यसनीमा फसेका युवाहरुलाई कुलतबाट हटाई सुमार्गमा ल्याउनका लागि सुधार गृह सञ्चालन गर्ने ।
  • प्रहरी कर्मचारीका बालबालिकाहरुलाई हेरचाह तथा शैक्षिक विकासको लागि दिवा शिशु स्याहार केन्द्रको संचालन गर्ने ।

भावी योजना तथा कार्यक्रमहरु

  • संस्थाको उद्देश्यहरुको प्राप्ती तथा मुर्तरुप दिनको लागि पदाधिकारी तथा सदस्यहरुलाई जिम्मेवारीको बाँडफाँड गरी विषयगत रुपमा सबैलाई क्रियाशील गराउने र बिचबिचमा आ–आफ्नो उप–समितिहरुको प्रगति विवरण वुझाउनु पर्ने परम्पराको थालनी गर्ने ।
  • संघद्वारा संचालित दिवा शिशु स्याहार केन्द्रको आवश्यकता अनुसार विस्तार गर्दै जाने ।
  • संघको राहत कोषको अभिवृद्धिको लागि आर्थिक सहायता जुटाउन काठमाण्डौ लगायत पाँचै क्षेत्रहरुमा विभिन्न charity program हरु संचालन गर्ने ।
  • विगतका बाँकी रहेका बिभिन्न कार्यहरुलाई निरन्तरता दिई पुरा गर्ने ।
अपील

नेपाल प्रहरी श्रीमती संघ विशुद्ध सामाजिक र मुनाफा रहित संस्था भएको कारण उद्देश्य अनुरुपका लोक कल्याणकारी कार्यक्रम तथा क्रियाकलाप संचालनको लागि साधन, श्रोतको आवश्यकता सर्वविदितै छ । जसको व्यवस्था संघ आफैले गर्न सक्दैन । यस्तो अवस्थामा सबै क्षेत्र, संघ-संस्था वा व्यक्तिहरुबाट सक्दो योगदानको अपेक्षा राख्दछ । साथै संघलाई प्रभावकारी र उर्जाका साथ अगाडी बढाउनको लागि आफ्ना सुझाव र सल्लाहहरु संघको केन्द्रीय कार्यालय, भृकुटीमण्डप स्थित कार्यालयमा स्थापित सुझाव पेटिकामा राखिदिनु हुन हार्दिक अनुरोध गर्दछौँ ।
 
 
 
सम्पर्क नं. ०१-४२२७०३८
 
ई-मेल ठेगाना - This email address is being protected from spambots. You need JavaScript enabled to view it.
       
 
 
 
कार्यक्रम तथा गतिबिधीहरू

मिति २०७८/०१/०३ गते बागमती प्रदेश प्रहरी श्रीमती संघ, हेटौंडाको कार्यालय तथा सोही मितिबाट सञ्चालन हुन लागेको ६५ कार्यदिन अवधीको व्यूटीशियन तालिम उद्घाटन कार्यक्रममा यस संघकी अध्यक्ष श्रीमती सिर्जना थापाज्यू लगायत पदाधिकारीज्यूहरु ।

मिति २०७७/१२/३१ गते संघद्वारा मेरुदण्डीय पक्षघात समूह नेपाल,जोरपाटीमा आयोजित खाद्यान्न तथा सरसफाइका सामाग्री वितरण कार्यक्रमका झलकहरु ।

नेपाल प्रहरी अस्पताल, महाराजगञ्जको ३७ औँ वार्षिकोत्सवको अवसरमा बिरामीहरुका लागी कम्बल र फलफूल वितरण गर्नुहुँदै संघका पदाधिकारीहरु ।

मिति २०७७/१२/०६ गते नेपाल प्रहरी श्रीमती संघ र नेपाल प्रहरी अस्पतालद्वारा संयुक्त रुपमा मानव सेवा आश्रम सामाखुशीमा आयोजित स्वास्थ्य शिविर तथा फलफूल वितरण कार्यक्रम ।

महाशिवरात्री पर्वको अवसरमा पशुपती मन्दिर परिसरमा श्रद्दालु भक्तजनहरुको सेवामा आयोजित निःशुल्क खानेपानि र प्राथमिक स्वास्थ्य उपचार कार्यक्रम ।

१११ औँ अन्तर्राष्ट्रिय महिला दिवसको अवसरमा मिति २०७७/११/२५ गते शंकरापुर न.पा.१,नाङ्लेभारे,काठमाण्डौँमा आयोजित जनरल हेल्थ चेकअप र महिलाहरुमा देखिने स्तन तथा पाठेघरको मुखको क्यान्सर(Cervical Cancer) सम्वन्धी स्क्रिनिङ तथा जनचेतनामुलक कार्यक्रमका झलकहरु ।

मिति २०७७/११/२२ गते कर्णाली प्रदेश प्रहरी श्रीमती संघ, सुर्खेतको आयोजनामा दैलेख जिल्लाको गुरास गा.पा.८ धरमपोखरामा सम्पन्न स्त्रीरोग, जनरल फिजिसियन र दाँत सम्वन्धी स्वास्थ्य शिविरका झलकहरु ।

बहालवाला तथा पूर्व र अमर तथा अशक्त प्रहरीका आश्रीत परिवारहरुका लागी १ नं. प्रदेशको विराटनगर र चन्द्रगढीमा सञ्चालन हुने सिपमुलक सिलाई कटाई तालिमको उद्घाटन कार्यक्रमको झलकहरु ।

१ नम्बर प्रदेश प्रहरी श्रीमती संघ,विराटनगरद्वारा झापाको गौरीगञ्ज र मोरङको बेतौनामा आयोजित न्यानो कपडा तथा खाद्यान्न सामाग्री वितरण कार्यक्रमका झलकहरु ।

नेपाल प्रहरी श्रीमती संघद्वारा मिति २०७७/१०/२३ गते कैलाली जिल्लाको धनगढी उ.म.न.पा.१३ गेटा स्थित श्रीलंका शिविर (कमैया मुक्ती बस्ति) मा आयोजित खाद्यान्न तथा लत्ताकपडा वितरण कार्यक्रमका झलकहरु ।

संघद्वारा मिति २०७७/१०/०८ गते धनुषा जिल्लाको जनकपुर उ.म.न.पा.८ स्थित बालुवा टोलमा आयोजित खाद्यान्न तथा लत्ताकपडा बितरण कार्यक्रमका झलकहरु ।

दुईवटै मृगौला खराब भई उपचाररत प्रहरी जवान भक्त वहादुर थापा मगरको सिनामंगल स्थित डेरा कोठामा गई बिरामीको स्वास्थ्य अवस्था वुझ्नुका साथै आर्थिक सहयोग तथा फलफूल प्रदान गर्नुहुँदै अध्यक्ष श्रीमती सिर्जना थापाज्यू, साथमा यस संघ तथा आसरा सुधार केन्द्र रानीबारीका पदाधिकारीज्यूहरु ।

मिति २०७७/०८/२४ गते संघमा आयोजित पदाधिकारीज्यूहरुको स्वागत,सपथ ग्रहण र बिदाइ कार्यक्रमको झलकहरु ।

मिति २०७७/०८/१८ गते अन्तराष्ट्रिय अपाङ्गता दिवसको अवसरमा बिराट बहिरा माध्यमिक विद्यालय कोचाखाल,बिराटनगरमा संघद्वारा आयोजित शैक्षिक तथा अन्य सामाग्री बितरण कार्यक्रमका झलकहरु ।

६५ औँ प्रहरी दिवसको अवसरमा मिति २०७७/०६/३० गते संघद्वारा आयोजित पुजा अर्चना,प्रहरी स्मारकमा पुष्पगुच्छा अर्पण तथा अमर प्रहरी परिवारलाई आर्थिक सहायता वितरण कार्यक्रमका झलकहरू ।

कोभिड १९ महामारीको समयमा खाद्यान्न अभाव भोगीरहेका सडक बालबालिकाहरु र अलपत्र परेका मजदुरहरु लगायतलाई का. म. न. पा. २६, नयाँ बसपार्क स्थित खुला क्षेत्रमा दैनिक विहान बेलुका खाना खुवाउने अभियानमा संलग्न जय महांकाल युवा समुहलाई नेपाल प्रहरी श्रीमती संघको तर्फवाट हस्तान्तरित खाद्यान्न सहयोग कार्यक्रमका झलकहरु ।

नेपाल प्रहरी श्रीमती संघको ३६ औँ वार्षिकोत्सवको अवसरमा संघद्वारा साहारा असाहय बाल सुधार गृह, खुर्सानिटार, लाजिम्पाट तथा पवित्र समाज सेवा,टोखामा आयोजित खाद्यान्न सहयोग वितरण कार्यक्रममा महासचिव श्रीमती बविता पाल लगायत उपस्थित कार्यसमितिका पदाधीकारीहरु ।

मिति २०७७/०४/०२ गते संघमा आयोजित निवर्तमान अध्यक्ष,महासचिव तथा सल्लाहकारज्यूहरुको  विदाई कार्यक्रममा संघकी अध्यक्ष श्रीमती  सिर्जना थापाज्यू लगायत उपस्थित महानुभावहरु ।

मिति २०७७/०४/०२ गते यस नेपाल प्रहरी श्रीमती संघकी अध्यक्ष श्रीमती सिर्जना थापाज्यूलाई नेपाल प्रहरी श्रीमती संघको कार्यालय भृकुटीमण्डपमा स्वागत गर्दै महासचिव श्रीमती बविता पाल लगायत उपस्थित महानुभावहरु ।

मिति २०७७/०३/३१ गते नव नियुक्त प्रहरी महानिरीक्षक शैलेश थापा क्षेत्रीज्यूलाई वधाई तथा शुभकामना व्यक्त गर्दै यस नेपाल प्रहरी श्रीमती संघका कार्यसमितिका पदाधिकारीज्युहरु ।