लुटपाट गर्नेहरु नगद सहित पक्राउ

मोरङ, २९ पुस
बिराटनगर महानगरपालिका–२ सोमबारे हाट नजिकबाट नगद लुटी भागेका सुनसरीको बेलगाछी–८ बस्ने १६ वर्षीय देवा मण्डल र सुनसरीकै गडी गाउँपालिका–४ बस्ने २१ वर्षीय अजय मण्डललाई शुक्रबार प्रहरीले पक्राउ गरेको छ ।
उक्त ठाउँमा साइकलको अगाडि डिक्कीमा राखेको ८० हजार रुपैयाँ लुटी लगेको खबर प्राप्त हुनासाथ जिल्ला प्रहरी कार्यालय मोरङबाट खटिएको प्रहरीले खोजी गर्दै जाने क्रममा बिराटनगर महानगरपालिका–५ जामुनगाछीमा मे.३ प ७२६ नम्बरको मोटरसाइकलमा जाँदै गरेको अवस्थामा फेला पारी उनीहरुलाई पक्राउ गरेको हो । उनीहरुको साथबाट ६८ हजार ८ सय २० रुपैयाँ नगद र १ थान मोबाईल बरामद भएको छ । उक्त मोटरसाइकल गत असोज ८ गते कोशी अंचल अस्पताल अगाडिबाट चोरी गरी लगेको भन्ने बुझिएको छ ।
यस सम्बन्धमा प्रहरीबाट थप अनुसन्धान भइरहेको छ ।