जुवातास खेल्ने पक्राउ

काठमाडौं, २६ असोज
    चन्द्रागिरी नगरपालिका–१५ ढुङगेधारा स्थित राजकुमार कुँवर र नरेन्द्र ढकालले संचालन गरेको फुलबारी फुड ल्याण्डमा जुवातास खेलिरहेका संचालकद्धय सहित ५ जनालाई प्रहरीले बुधबार नगद ६३ हजार ७ सय रुपैयाँ र ३ बुक तास सहित पक्राउ गरेको छ ।
    यसैगरी काठमाडौं महानगरपालिका–१४ कलंकी डेरा गरी बस्ने काभ्रे पाँचखाल नगरपालिका–११ घर भएका मनोज सापकोटाको कोठामा जुवातास खेलिरहेका सापकोटा सहित ५ जनालाई प्रहरीले बुधबार नगद ७८ हजार २ सय ४५ रुपैयाँ र १० बुक तास सहित पक्राउ गरेको छ ।  
    यस सम्बन्धमा स्थानीय प्रहरीले अवाश्यक अनुसन्धान गरिरहेको छ ।