बारा, निजगढ नगरपालिका-११ रतनपुरबाट १ थान कटुवा पेस्तोल, फलामको दाउ, फलामको पाईप २ थान, रड र नक सहित २ जनालाई मंगलबार दिउँसो प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने २१ वर्षीय रुद्र कुंवर र २० वर्षीय शिव कुंवर रहेका छन् । दुवै जनाले हातहतियार बोकी गाउँघरमा हिडिरहेका भन्ने खबर प्राप्त हुनासाथ अस्थयी प्रहरी पोष्ट रतनपुर र ईलाका प्रहरी कार्यालय निजगढबाट खटिएको प्रहरीले उनीहरूलाई नियन्त्रणमा लिई जाँच गर्दा उक्त हातहतियार फेला परेको हो । मुगु, खत्याड गाउँपालिका-७ स्थित रामतडी बजारबाट १ थान कटुवा पेस्तोल सहित सोही गाउँपालिका-३ बस्ने २८ वर्षीय अर्पन बानियाँलाई मंगलबार दिउँसो प्रहरीले पक्राउ गरेको छ । बिशेष सूचनाको आधारमा नेपाली सेना, नेपाल प्रहरी र सशस्त्र प्रहरी बल नेपालको संयुक्त रूपमा खटिएको टोलीले उनलाई उक्त पेस्तोल सहित फेला पारी पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।