प्रहरी कन्ट्रोल : १००, टोल फ्री नं.: १६६००१४१५१६
नेपा
EN

विभिन्न मुद्दाका फरार प्रतिवादी पक्राउ

२०७९-०३-०२

  • A
  • A-
  • A+
Share

मोरङ, इलाका प्रहरी कार्यालय रंगेलीबाट खटिएको प्रहरीले विभिन्न मुद्दामा फरार रहेका ३ जना प्रतिवादीलाई पक्राउ गरेको छ । 

पक्राउ पर्नेहरुमा जबरजस्ती करणी उद्योग मुद्दामा ३ वर्ष ५ महिना ३ दिन कैद सजाय भएका सुनवर्षी नगरपालिका-४ बस्ने २५ वर्षीय मेघनाथ यादव, सवारी ज्यान मुद्दामा २ वर्ष ११ महिना १५ दिन कैद तथा ३२ हजार रुपैयाँ जरिवाना ठहर भएका सोही नगरपालिका-५ बस्ने ४५ वर्षीय गरिव ऋषिदेव र चोरी मुद्दामा  २ महिना १० दिन कैद र २ हजार रुपैयाँ जरिवाना भएका सोही नगरपालिका-९ बस्ने २३ वर्षीय लक्ष्मण मण्डल रहेका छन् । उनीहरुमध्ये यादव र ऋषिदेवलाई २०७७ माघ २६ गते र मण्डललाई २०७७ चैत्त १२ गते जिल्ला अदालत मोरङले उक्त फैसला गरेको थियो । 

उनीहरुलाई कैद भुक्तानका लागि जिल्ला अदालत मोरङमा बुझाइएको छ । 


सम्बन्धित समाचार
जुवातास खेलिरहेको अवस्थामा विभिन्न स्थानबाट ३५ जना पक्राउ
२०८०-१२-११

काठमाडौं, नागार्जुन नगरपालिका-१ रानिवनस्थित चिया पसलमा जुवातास खेलिरहेको अवस्थामा काठमाडौं रानिवन बस्ने गोरखा ताकुकोट-४ घर भएका ३५ वर्षीय सुजन थापा समेत १३ जनालाई शनिबार दिउँसो प्रहरीले पक्राउ गरेको छ । प्रहरी वृत्त स्वयम्भूबाट खटिएको प्रहरीले उनीहरूलाई नगद ३७ हजार ८ सय २५ रूपैयाँ र १ बुक ताससहित पक्राउ गरेको हो । यसैगरी काठमाडौं, नागार्जुन नगरपालिका-१ रानिवन सनराइज हाइटस्थित रिता भट्टको घरमा जुवातास खेलिरहेको अवस्थामा सोही ठाउँ बस्ने धादिङ चरौदी घर भएका ३५ वर्षीय रामजी उप्रेती समेत ६ जनालाई शनिबार दिउँसो प्रहरीले पक्राउ गरेको छ । प्रहरी वृत्त स्वयम्भूबाट खटिएको प्रहरीले उनीहरूलाई नगद १ लाख ३२ हजार ५ सय रूपैयाँ र ४ बुक ताससहित पक्राउ गरेको हो ।कास्की, पोखरा महानगरपालिका-१९ लामाचौरस्थित निर्मला पुनको घरमा जुवातास खेलिरहेको अवस्थामा सोही महानगरपालिका-१९ गैरीखोर बस्ने ३२ वर्षीया रिया गर्बुजा समेत ६ जनालाई शनिबार राति प्रहरीले पक्राउ गरेको छ । जिल्ला प्रहरी कार्यालय कास्कीबाट खटिएको प्रहरीले उनीहरूलाई नगद ६५ हजार ६ सय ३० रूपैयाँ र ४ बुक  ताससहित पक्राउ गरेको हो । ललितपुर, ललितपुर महानगरपालिका-१८ नख्खूस्थित रूम्बा खाजा घरमा जुवातास खेलिरहेको अवस्थामा सोही महानगरपालिका-४ नख्खु बस्ने धादिङ निलकण्ठ नगरपालिका-४ घर भएका ४४ वर्षीय राजेन्द्र बहादुर आलेमगर समेत १० जनालाई शनिबार बेलुकी प्रहरीले पक्राउ गरेको छ । जिल्ला प्रहरी परिसर ललितपुरबाट खटिएको प्रहरीले उनीहरूलाई नगद २ लाख ६ हजार ७ सय २५ रूपैयाँ र २ बुक ताससहित पक्राउ गरेको हो ।यस सम्बन्धमा प्रहरीले थप अनुसन्धान गरिरहेको छ ।