अवैध लागूऔषध सहित पक्राउ
२०७९-०४-०७
- A
- A-
- A+
कैलाली, भजनी नगरपालिका-३ बस्ने २३ वर्षीय बुटा सिंह लगायत ३ जनालाई करिब ५ ग्राम ४ सय ७० मिलिग्राम अवैध लागूऔषध खैरो हेरोईन जस्तो देखिने पदार्थ सहित सोही ठाउँबाट शुक्रबार दिउँसो प्रहरीले पक्राउ गरेको छ । विशेष सूचनाको आधारमा ईलाका प्रहरी कार्यालय भजनीबाट खटिएको प्रहरीले उनीहरूलाई उक्त पदार्थ सहित फेला पारी पक्राउ गरेको हो । साथै उनीहरूले प्रयोग गरेको बा.७१ प ३७१६ नम्बरको मोटरसाइकल समेत प्रहरीले बरामद गरेको छ ।
पर्सा, वीरगंज महानगरपालिका-१६ रजतजयन्ती चोकबाट नियन्त्रित लागूऔषध फेनारगन ८ सय ८६ एम्पुल, डाइजेपाम १ हजार १ सय ५५ एम्पुल, नुरफिन ९ सय ७८ एम्पुल र नाईट्राभेट १ हजार ७ सय ८५ ट्याब्लेट सहित सोही महानगरपालिका-१० बस्ने ३१ वर्षीय अनिल कुमारलाई शुक्रबार दिउँसो प्रहरीले पक्राउ गरेको छ । विशेष सूचनाको आधारमा जिल्ला प्रहरी कार्यालय पर्साबाट खटिएको प्रहरीले वीआर ०७ वाई ८२०१ नम्बरको कार जाँच गर्ने क्रममा कारको सिटमुनी फल्स बटम बनाई लुकाई राखेको उक्त लागूऔषध फेला पारी कार चालक अनिल कुमारलाई पक्राउ गरेको हो ।
मकवानपुर, हेटौंडा उपमहानगरपालिका-१७ कुमाल टोल बस्ने ३७ वर्षीय अर्जुन राउतलाई ३ सय ५० ग्राम अवैध लागूऔषध गाँजा सहित शनिबार बिहान प्रहरीले पक्राउ गरेको छ । प्रहरी चौकी चौघडाबाट खटिएको प्रहरीले उनलाई उक्त गाँजा सहित फेला पारी पक्राउ गरेको हो ।
सिरहा, लहान नगरपालिका-२२ बेलही बस्ने ३५ वर्षीया सुनिता मुखियालाई नियन्त्रित लागूऔषध नाईट्राभेट २ सय १० ट्याब्लेट सहित शनिबार बिहान प्रहरीले पक्राउ गरेको छ । विशेष सूचनाको आधारमा ईलाका प्रहरी कार्यालय लहानबाट खटिएको प्रहरीले उनको घर तलासी गर्दा उक्त लागूऔषध फेला पारी उनलाई पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।