अवैध लागूऔषध सहित पक्राउ
२०७९-०४-३०
- A
- A-
- A+
बर्दिया, बढैयाताल गाउँपालिका-२ फुटाहाबाट ५ ग्राम १ सय ३० मिलिग्राम अवैध लागूऔषध ब्राउनसुगर जस्तो देखिन खैरो धुलो पदार्थ सहित २ जनालाई सोमबार बिहान प्रहरीले पक्राउ गरेको छ ।
पक्राउ पर्नेहरूमा बाँके कोहलपुर नगरपालिका-१५ बस्ने १९ वर्षीय अर्बिन थारु र सोही ठाउँ बस्ने २२ वर्षीय मन्सुर थारु रहेका छन् । उक्त ठाउँमा लागूऔषध कारोबार भइरहेको भन्ने सूचनाको आधारमा ईलाका प्रहरी कार्यालय मैनापोखरबाट खटिएको प्रहरीले जाँच गर्ने क्रममा उक्त पदार्थ सहित फेला पारी उनीहरूलाई पक्राउ गरेको हो ।
उक्त स्थानबाट भागी फरार रहेका १ जनाको खोजी गर्नुका साथै यस सम्बन्धमा प्रहरीले थप अनुसन्धान गरिरहेको छ ।