मित्र राष्ट्र अमेरिका र वेष्ट इन्डिजमा हुन गइरहेको “ ICC Men’s T20 Cricket World Cup” प्रतियोगितामा सहभागी हुन जाने नेपाली राष्ट्रिय क्रिकेट टोलीमा छनौट हुन सफल नेपाल प्रहरीका खेलाडीहरुलाई शुभकामना तथा बिदाइ कार्यक्रम पश्चात् सामूहिक फोटो सेशनमा प्र.म.नि. बसन्त बहादुर कुँवर तथा प्रहरी अधिकृतज्यूहरू । मिति:- २०८१।०१।२१ गते
इन्डोनेसियन नेशनल प्रहरीका अन्तर्राष्ट्रिय सम्बन्ध विभागका प्रमुख आइ.जी.पी. कृष्ण मुर्तीज्यूको नेतृत्वमा रहेको ६ सदस्यीय टोलीका साथ प्र.म.नि. बसन्त बहादुर कुँवर तथा वरिष्ठ प्रहरी अधिकृतज्यूहरू । २०८१/०१/१४ गते ।
फ्रान्सको लियोन शहरमा आयोजित 19th Heads of NCB Conference मा सहभागि हुनुभई स्वदेश फर्किनुभएका प्र.म.नि. बसन्त बहादुर कुँवरज्यूलाई स्वागत गर्नुहुँदै वरिष्ठ प्रहरी अधिकृतज्यूहरू । मिति २०८१।०१।१९
फ्रान्सको लियोन शहरमा अप्रिल २३ - २५ तारिखसम्म आयोजना हुने Heads of NCB Conference मा सहभागि हुन त्यसतर्फ प्रस्थान गर्न लाग्नुभएका प्र.म.नि. बसन्त बहादुर कुँवरज्यूलाई बिदाइ गर्नुहुँदै नि. प्र.म.नि. प्र.अ.म.नि. टेक प्रसाद राई ज्यू । मिति २०८१।०१।०९
चैते दशैं मौलो पुजाको अवसरमा निशान झण्डामा पञ्जा छाप लगाउनु हुँदै प्र.म.नि. बसन्त बहादुर कुँवर । मिति २०८१।०१।०४ गते ।
जनपद तर्फका प्र.ना.उ. पदमा बढुवा हुनुभएका प्रहरी अधिकृतहरूलाई दर्ज्यानी चिन्हद्वारा सुशोभित गर्दै प्र.म.नि. बसन्त बहादुर कुँवर । मिति २०८१/०१/०२ गते ।
दर्ज्यानी चिन्ह सुशोभन पश्चात प्र.म.नि. बसन्त बहादुर कुँवर लगायत अन्य प्रहरी अधिकृतहरु सामुहिक फोटो सेसनमा । मिति २०८१/०१/०२ गते
नेपाल प्रहरी अस्पताल, महाराजगञ्जको ४० औं वार्षिकोत्सवको अवसरमा अस्पताल परिसर भित्र नवनिर्मित इमर्जेन्सी भवन र मोडुलर अप्रेशन थिएटरको समुद्घाटन गर्नुहुँदै प्र.म.नि. बसन्त बहादुर कुँवर । मितिः २०८०।१२।२७ गते ।
जनपद तथा प्राविधिक तर्फका प्र.उ र प्र.ना.उ. पदमा बढुवा हुनुभएका प्रहरी अधिकृतहरूलाई दर्ज्यानी चिन्हद्वारा सुशोभित गर्दै प्र.म.नि. बसन्त बहादुर कुँवर । मिति २०८०/१२/२३ गते
दर्ज्यानी चिन्ह सुशोभन पश्चात प्र.म.नि. बसन्त बहादुर कुँवर लगायत अन्य प्रहरी अधिकृतहरु सामुहिक फोटो सेसनमा । मिति २०८०/१२/२३ गते
शान्ति सुरक्षा, राजस्व चुहावट नियन्त्रण तथा समसामयिक बिषयवस्तुमा Video Conference मार्फत उपत्यका, प्रदेश, जिल्ला प्रहरी र ट्राफिक प्रहरी प्रमुखहरूलाई निर्देशन दिनुहुँदै प्र.म.नि. बसन्त बहादुर कुँवर । मिति :- २०८०/१२/१९ गते
नेपाल प्रहरीको आ.व.२०८१/०८२ का लागि तालिम क्यालेण्डर तर्जुमा गोष्ठिको प्रस्तुतिकरणमा सहभागि वरिष्ठ प्रहरी अधिकारी ज्यूहरू । २०८०/१२/१६ गते
समसामयिक विषयवस्तु तथा नेपाल प्रहरीबाट विगत १ वर्षमा सम्पादित प्रमुख कार्य र उपलब्धिहरू सम्बन्धमा सञ्चारकर्मीहरूसँग अन्तरक्रिया गर्नुहुँदै केन्द्रीय प्रहरी प्रवक्ता प्र.ना.म.नि. भिम प्रसाद ढकाल । २०८०/१२/१५ गते
अन्य जानकारीहरु
सार्वजनिक सुविधा
चारित्रिक प्रमाणपत्र
नेपाल प्रहरीले बिभिन्न प्रयोजनका लागि चारित्रिक प्रमाणपत्र उपलब्ध गराई पाऊ भनी अनलाईन निवेदन दिने स्वदेशी तथा विदेशी नागरिकहरूलाई चारीत्रिक प्रमाणपत्र उपलब्ध गराउने गर्दछ ।
चालचलन प्रमाणपत्र सम्बन्धी थप जानकारी
Mission Statement
"कानुनी राज्यको मूल अवधारणाबाट निर्दिष्ट प्रभावकारी अपराध नियन्त्रण र अनुसन्धान एवं कानुन कार्यान्वयनद्धारा समाजमा शान्ति, सुव्यवस्था एवं सुरक्षा स्थापना गर्न प्रतिवद्ध, राष्ट्रप्रति समर्पित, स्वच्छ एवं व्यवसायिक प्रहरी"
-
जबरजस्ती करणी मुद्दाका फरार प्रतिवादी पक्राउ
२०८१-०१-२३कास्की, जबरजस्ती करणी मुद्दाका फरार प्रतिवादी पोखरा महानगरपालिका- १५ क्रान्तिटोल बस्ने स्याङ्जा चापाकोट नगरपालिका-७ घर भएका ३७ वर्षीय पुर्ण बहादुर गुरूङलाई आइतबार बिहान प्रहरीले पक्राउ गरेको छ । जिल्ला अदालत कास्कीको २०७९ कात्तिक २३ गतेको फैसलाले ११ वर्ष कैद सजाय, २५ हजार रूपैयाँ जरिवाना र २ हजार २ सय रूपैयाँ पीडित राहत कोषमा जम्मा गर्ने सजाय ठहर भई फरार रहेका उनलाई जिल्ला प्रहरी कार्यालय कास्कीबाट खटिएको प्रहरीले पक्राउ गरेको हो । पोखरा महानगरपालिका-१५ क्रान्तिकारी टोल नजिकै २०७१ असार ६ गते ४२ वर्षीया महिलालाई पूर्ण बहादुर लगायत ४ जनाले बाटो छेकी, घेराबन्दीमा पारी, मुख थुनी, ज्यान मार्ने सम्मको धाकधम्की समेत दिई सामुहिक जबरजस्ती करणी गरेको घटनामा अदालतले उक्त फैसला गरेको थियो । उनलाई फैसला कार्यान्वयनको लागि जिल्ला अदालत कास्कीमा उपस्थित गराइएको छ ।
[ विस्तृतमा ] -
दक्षता अभिवृद्धिका लागि ५१ जनालाई ट्राफिक प्रशासन तालिम सञ्चालन
२०८१-०१-२३काठमाडौं, ट्राफिक प्रहरीको दक्षता अभिवृद्धिका लागि काठमाडौं उपत्यका ट्राफिक प्रहरी कार्यालय रामशाहपथले ५१ जना प्रहरी कर्मचारीहरूका लागि ट्राफिक प्रशासन तालिम सञ्चालन गरेको छ । राष्ट्रिय प्रहरी प्रशिक्षण प्रतिष्ठान महाराजगंजको तत्वावधानमा संचालित २४ औं समूहको उक्त तालिमको काठमाडौं उपत्यका ट्राफिक प्रहरी कार्यालयका प्रहरी वरिष्ठ उपरीक्षक जीवन कुमार श्रेष्ठले सोही कार्यालयमा आइतबार आयोजित कार्यक्रमबीच उद्घाटन गर्नुभयो । सो अवसरमा प्रहरी वरिष्ठ उपरीक्षक श्रेष्ठले ट्राफिक व्यवस्थापनमा आएका चुनौतीलाई सामना गर्न र दुर्घटना न्यूनीकरण गर्नलाई आवश्यक व्यावसायिक ज्ञान, सीप, कौशल तालिममा प्रदान गरिने बताउनुभयो । प्रशिक्षणमा प्रशिक्षार्थीहरूलाई अनुशासित ढंगले ट्राफिक सम्बन्धी सम्पूर्ण सीप हासिल गराई तालिम पश्चात कार्यक्षेत्रमा उत्कृष्ट ढंगले कर्तव्य निर्वाह गर्न सक्षम जनशक्ति उत्पादन गर्नेतर्फ जोड दिइएको उहाँले उल्लेख गर्नुभयो । कार्यक्रममा तालिम संयोजक प्रहरी नायव उपरीक्षक दलराम टमाटाले तालिम सम्बन्धी प्रतिवेदन प्रस्तुत गर्दै ३५ दिन कार्य अवधि रहेको उक्त तालिममा प्रहरी नायव निरीक्षक २१ जना र प्रहरी सहायक निरीक्षक ३० जना गरी कुल ५१ जना प्रशिक्षार्थीहरू सहभागी रहेको जानकारी दिनुभयो ।
[ विस्तृतमा ] -
अपराध रोकथाम सम्बन्धी सचेतनामूलक कार्यक्रम सम्पन्न
२०८१-०१-२३प्युठान, जिल्ला प्रहरी कार्यालय प्युठानको समन्वय र गौमुखी गाउँपालिका-७ नारीकोटको आयोजनामा लागूऔषध दुर्व्यसन, लैंगिक हिंसा र अपराध रोकथाम तथा महिला हिंसा सम्बन्धी सचेतनामूलक कार्यक्रम शनिबार सम्पन्न भएको छ । जिल्ला प्रशासन कार्यालय प्युठानका प्रमुख जिल्ला अधिकारी नारायण प्रसाद अर्यालको प्रमुख आतिथ्य र गौमुखी गाउँपालिका-७ नारीकोटका वडा अध्यक्ष कोमल पुरीको अध्यक्षतामा सोही गाउँपालिकास्थित अमृत जीवन माध्यामिक विद्यालयमा उक्त सचेतनामूलक कार्यक्रम सम्पन्न भएको हो । कार्यक्रममा प्रमुख जिल्ला अधिकारी नारायण प्रसाद अर्यालले प्रविधिको गलत प्रयोगका कारण हिंसा बढेको पाइएको उल्लेख गर्दै समाजमा हुने गरेका हिंसा लुकाउँदा र जोगाउँदा अपराधीलाई अपराध गर्नमा प्रोत्साहन हुने भएकोले कानूनको दायरामा ल्याउन सबैले आ-आफ्नो पक्षबाट सहयोग गर्नुपर्ने बताउनुभयो । महिलाविरुद्ध हुने जुनसुकै हिंसालाई कानूनी दायरामा ल्याउनुपर्नेमा उहाँले जोड दिनुभयो । जिल्ला प्रहरी कार्यालय प्युठानका प्रमुख प्रहरी नायव उपरीक्षक ईश्वर थापाले कार्यक्रमको औचित्यमाथि जानकारी दिनुभएको उक्त कार्यक्रममा कर्ण सकारात्मक कोष भालुवाङका संयोजक बसन्त पुनले लागूऔषध नियन्त्रण सम्बन्धी र कर्ण सकारात्मक कोष दाङका संयोजक सुन्दर गौतमले लैंगिक हिंसा सम्बन्धी प्रशिक्षण प्रदान गर्नुभएको थियो । जिल्लास्थित विभिन्न सरकारी तथा संघसंस्थाका प्रमुख, जनप्रतिनिधि, सञ्चारकर्मी, सरोकारवाला निकाय, विभिन्न आमा समूह, स्थानीय भद्रभलाद्मीहरूको सहभागिता रहेको उक्त कार्यक्रममा जिल्ला सरकारी वकिल कार्यालय प्युठानका सहायक जिल्ला न्यायाधिवक्ता विष्णु हरि मरासिनीले कानूनी प्रावधानको बारेमा जानकारी दिनुभएको थियो ।
[ विस्तृतमा ]
हाईलाईटहरु
- प्राविधिक प्रहरी समूह, ईन्जिनियरिङ्ग उपसमूह, संचारतर्फ, संगिततर्फ, सूचना प्रविधितर्फ, सवारीतर्फ, विधिविज्ञानतर्फ, आवास तथा भौतिक ईन्जिनियरिङ्गतर्फ, केनाईनतर्फ र हातहतियारतर्फ प्र.ज.पदबाट प्र.स.ह. पदमा बढुवा सिफारिस सूचि प्रकाशि गरिएको ।
- प्राविधिक प्रहरी समूह, संगित उपसमूहतर्फ प्र.स.ह. पदबाट प्र.ह. पदमा बढुवा सिफारिस सूचि प्रकाशित गरिएको ।
- प्राविधिक प्रहरी समूह, सञ्चारतर्फ प्रहरी सहायक हवल्दार पदबाट प्रहरी हवल्दार पदमा बढुवा तथा पदस्थापन सम्बन्धमा (मिति २०८१।०१।१४ गते) ।
- प्राविधिक प्रहरी समूह, सञ्चारतर्फ प्रहरी हवल्दार पदबाट प्रहरी वरिष्ठ हवल्दार पदमा बढुवा तथा पदस्थापन सम्बन्धमा (मिति २०८१।०१।१४ गते) ।
- प्रहरी कार्यालय सहयोगी पदको विस्तृत स्वास्थ्य परीक्षणको नतिजा प्रकाशन सम्बन्धी सूचना । (२०८१-०१-१४)
- Re-Invitation for bids (2081-01-12)
- Invitation for bids (2081-01-12)
नेपाल प्रहरी मोबाईल एप्स
Google Play र Apple app store मा उपलव्ध छ ।
