काठमाडौं महानगरपालिका-६ बौद्द नयाँबस्ती बस्ने २९ वर्षीया विजय परियारलाई नियन्त्रित लागूऔषध नाईट्राजेपाम ५ हजार २ सय ५० ट्याब्लेट र नगद १० हजार रूपैयाँ सहित बिहीबार प्रहरीले पक्राउ गरेको छ । लागूऔषध नियन्त्रण व्यूरो कोटेश्वरबाट खटिएको प्रहरीले विजयलाई उनकै कोठाबाट पक्राउ गरेको हो । 

सुर्खेत, वीरेन्द्रनगर नगरपालिका-६ घण्टाघर लाईनबाट अवैध लागूऔषध ब्राउनसुगर जस्तो देखिने पदार्थ ४ ग्राम १ सय ६० मिलिग्राम सहित २ जनालाई शुक्रबार बिहान प्रहरीले पक्राउ गरेको छ । पक्राउ पर्नेहरूमा जाजरकोट जुनिचाँदी गाउँपालिका-१३ बस्ने २२ वर्षीय ईलम बस्नेत र दैलेख भगवतीमाई गाउँपालिका-३ बस्ने २२ वर्षीय लोमन खड्का रहेका छन् । जिल्ला प्रहरी कार्यालय र लागूऔषध नियन्त्रण शाखा कार्यालय सुर्खेतबाट खटिएको प्रहरीले उनीहरूलाई उक्त पदार्थ सहित पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।