प्रहरी कन्ट्रोल : १००, टोल फ्री नं.: १६६००१४१५१६
नेपा
EN
अवैध लागूऔषध सहित पक्राउ
२०७९-०८-०९

झापा, झापा गाउँपालिका-६ बस्ने २८ वर्षीय विरेन्द्र श्रेष्ठलाई अवैध लागूऔषध गाँजा करिब १ केजी ५ सय ग्राम सहित शुक्रबार बिहान प्रहरीले पक्राउ गरेको छ ।  कनकाई नगरपालिका-१ स्थित सडकमा मे.११ प २००३ नम्बरको मोटरसाइकल र प्र.१.-०१-०१३ प १६८६ नम्बरको मोटरसाइकल एकआपसमा ठक्कर खाई दुर्घटना भएको भन्ने खबर प्राप्त हुनासाथ ईलाका प्रहरी कार्यालय सुरुङ्गाबाट खटिएको प्रहरीले प्र.१.-०१-०१३ प १६८६ नम्बरको मोटरसाइकललाई शंका लागी चेकजाँच गर्ने क्रममा उक्त मोटरसाइकलमा लुकाई छिपाई प्लाष्टिकको झोलामा ल्याएको उक्त परिमाणको गाँजा फेला पारी उक्त मोटरसाइकलका चालक विरेन्द्रलाई पक्राउ गरेको    हो । दुर्घटनामा घाइते भएका दुवै मोटरसाइकलमा सवार २ जनालाई उपचारको लागि बिर्तासिटी अस्पताल बिर्तामोड पठाइएको  छ ।  यस सम्बन्धमा प्रहरीले आवश्यक अनुसन्धान गरिरहेको छ । 

सबै समाचार
अवैध लागूऔषध सहित पक्राउ
२०७९-०८-०९

धादिङ, गल्छी गाउँपालिका-६ चिसापानीबाट अवैध लागूऔषध गाँजा करिब ६ केजी सहित रुपन्देही तिलोतमा नगरपालिका-१ बस्ने ३२ वर्षीय तिल बहादुर थारुलाई बिहीबार राति प्रहरीले पक्राउ गरेको छ ।  ईलाका प्रहरी कार्यालय गजुरीबाट खटिएको प्रहरीले काठमाडौंबाट भैरहवातर्फ जाँदै गरेको ना.५ ख ७३९६ नम्बरको ट्रक जाँच गर्ने क्रममा लुकाई छिपाई ल्याएको उक्त गाँजा फेला पारी ट्रक चालक थारुलाई पक्राउ गरेको हो । थप अनुसन्धानको क्रममा उक्त गाँजा पठाउने बागमती प्रदेश ०२-०३१ प ०६८० नम्बरको मोटरसाइकल चालक धादिङ गल्छी गाउँपालिका-६ बस्ने २३ वर्षीय बिमल तामाङ र सोही मोटरसाइकलमा सवार गल्छी गाउँपालिका-५ बस्ने २५ वर्षीय सुनिल तामाङलाई समेत प्रहरीले मोटरसाइकल सहित पक्राउ गरेको छ ।  यस सम्बन्धमा प्रहरीले आवश्यक अनुसन्धान गरिरहेको छ । 

सुनका विभिन्न गरगहना चोरी भएको घटनामा संलग्न छ जना पेस्तोल सहित पक्राउ
२०७९-०८-०८

काठमाडौं महानगरपालिका-१८ नरदेवीस्थित सुन बनाउने कारखानाबाट विभिन्न सुनका गरगहना चोरी भएको घटनामा संलग्न रहेको अभियोगमा धादिङ खनियाबास गाउँपालिका-४ घर भई हाल काठमाडौं नागार्जुन नगरपालिका-२ गैरीगाउँ बस्ने ३८ वर्षीय मनिला तामाङ समेत ६ जनालाई बुधबार प्रहरीले पक्राउ गरेको छ ।  भारत घर भएका ३२ वर्षीय सेख मुस्तफा अली र ४५ वर्षीय गौतम माझीले संचालन गरेको उक्त कारखानाबाट गत कात्तिक २९ गते राति विभिन्न सुनका गरगहना चोरी भएको घटनाको अनुसन्धानको क्रममा जिल्ला प्रहरी परिसर काठमाडौं र प्रहरी वृत्त जनसेवाबाट खटिएको प्रहरीले घटनामा संलग्न उनीहरूलाई काठमाडौंको विभिन्न स्थानबाट पक्राउ गरेको हो । साथै मनिला तामाङको डेरा कोठा तलासी गर्दा घटनामा प्रयोग भएको प्रदेश ३-०२-००१प ६२१७  नम्बरको मोटरसाइकल, घटनामा प्रयोग भएको पेस्तोल १ थान, सोही पेस्तोलमा लाग्ने गोली ४ राउण्ड सहितको म्याग्जिन, जर्सी  र ज्याकेट सहितको प्रहरी पोशाक १ जोर, नियन्त्रित लागूऔषध फेनारगन १ सय ९७ एम्पुल, डाईजेपाम १ सय ९७ एम्पुल र नुफिन १ सय ९७ एम्पुल समेत फेला पारी प्रहरीले बरामद गरेको छ । यस सम्बन्धमा प्रहरीले आवश्यक अनुसन्धान गरिरहेको छ । 

कटुवा पेस्तोल सहित दुई जना पक्राउ
२०७९-०८-०८

ललितपुर, ललितपुर महानगरपालिका-२५ डिसहोम सोह्रखुट्टेबाट कटुवा पेस्तोल सहित २ जनालाई गएराति प्रहरीले पक्राउ गरेको छ ।  पक्राउ पर्नेहरूमा काभ्रे बेथानचोक गाउँपालिका-७ घर भई ललितपुर महानगरपालिका-४ जवालाखेल बस्ने १९ वर्षीय प्रशान्त तामाङ र ३० वर्षीय रमेश तामाङ रहेका छन् । प्रहरी प्रभाग बुङमतीबाट खटिएको प्रहरीलाई देख्नासाथ भाग्ने खोजे पश्चात उनीहरूलाई बा.७८ प १२९० नम्बरको स्कुटर सहित पक्राउ गरी जाँच गर्ने क्रममा स्कुटरको डिक्कीभित्र लुकाई राखेको अवस्थामा कटुवा पेस्तोल १ थान फेला परेको हो । प्रहरीले उनीहरूको साथबाट तार १३ बण्डल, पानी तान्ने मेसिन १० थान, ढलान फुटाउने मेसिन १ थान, फलाम काट्ने मेसिन ३ थान, मार्बल काट्ने मेसिन १ थान, पुटिन घोट्ने मेसिन १ थान, ह्यामर, पिलास, फलामको छिना लगायतका सामान समेत फेला पारेको छ ।  यस सम्बन्धमा प्रहरीले थप अनुसन्धान गरिरहेको छ ।

कुटपिटबाट मृत्यु भएको घटनामा संलग्न रहेको अभियोगमा दुई जना पक्राउ
२०७९-०८-०८

  बाजुरा, त्रिवेणी नगरपालिका-७ मालाकोट बस्ने ३२ वर्षीय चेतन दिप ऐडीको कुटपिटबाट मृत्यु भएको घटनामा संलग्न रहेको अभियोगमा २ जनालाई बिहीबार बिहान प्रहरीले पक्राउ गरेको छ । पक्राउ पर्नेहरुमा त्रिवेणी नगरपालिका-७ बस्ने २७ वर्षीया रुपा चौधरी ऐडी र सोही ठाउँ बस्ने १८ वर्षीय किशोर रहेका छन् । गत मंसिर ४ गते मतदान गरी घर फर्किने क्रममा सोही नगरपालिका बाजपानीमा कुटपिट हुँदा गम्भीर घाइते भएका ऐडीको न्याय हेल्थ अस्पताल बयलपाटा अछाममा उपचारको क्रममा मंसिर ५ गते मृत्यु भएको थियो । यस सम्बन्धमा प्रहरीले आवश्यक अनुसन्धान गरिरहेको छ । 

जबरजस्ती करणी गरेको अभियोगमा पक्राउ
२०७९-०८-०७

  भक्तपुर, ७ वर्षीया बालिकालाई जबरजस्ती करणी गरेको अभियोगमा महोत्तरी बर्दिबास ढुङ्ग्रे घर भई भक्तपुर सूर्यविनायक नगरपालिका-१ सिरूटार बिरूवा बस्ने १९ वर्षीय निशान तामाङलाई मंगलबार दिउँसो प्रहरीले पक्राउ गरेको छ । ती बालिकालाई निशानले कात्तिक २८ गते दिउँसो आफ्नै कोठामा जबरजस्ती करणी गरेको भन्ने उजुरीको आधारमा प्रहरी वृत्त ठिमीबाट खटिएको प्रहरीले उनलाई पक्राउ गरेको हो । दाङ, ३६ वर्षीया महिलालाई जबरजस्ती करणी गरेको अभियोगमा शान्तिनगर गाउँपालिका-२ बाघमारे बस्ने ४० वर्षीय नवराज डाँगीलाई मंगलबार दिउँसो प्रहरीले पक्राउ गरेको छ । ती महिलालाई सोही ठाउँस्थित बाँसको झाडीमा लगी नवराजले जबरजस्ती करणी गरेको भन्ने उजुरीको आधारमा ईलाका प्रहरी कार्यालय खिलतपुरबाट खटिएको प्रहरीले उनलाई पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ ।

पेस्तोल र गोली लगायतका सामान सहित दुई जना पक्राउ
२०७९-०८-०६

कपिलवस्तु, मायादेवी गाउँपालिका-६ रजवापुर बस्ने ३४ वर्षीय जुल्फकार मुसलमान र उनकै भाई २२ वर्षीय नदिम मुसलमानलाई मेड इन युएएस लेखिएको पेस्तोल १ थान, सोको म्यागजिन १ थान, गोली ६ राउण्ड, नगद १ लाख ४६ हजार रुपैयाँ, ३ हजार ६ सय भारतीय रुपैयाँ, तौल गर्ने डिजिटल मेशिन १ थान, स्मार्टफोन १२ थान र ब्राउनसुगर जस्तो धुलो पदार्थ सहित मंगलबार दिउँसो प्रहरीले पक्राउ गरेको छ । विषेश सूचनाको आधारमा ईलाका प्रहरी कार्यालय पकडीबाट खटिएको प्रहरीले उनीहरूले आफ्नै घरको कोठाभित्र लुकाई राखेको उक्त हतियार लगायतका सामान सहित फेला पारी दुवै जनालाई पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ ।

अवैध लागूऔषध सहित पक्राउ तथा बरामद
२०७९-०८-०६

बाँके, नेपालगंज उपमहानगरपालिका-१५ जमुनाहबाट अवैध लागूऔषध ब्राउनसुगर जस्तो देखिने पदार्थ २ ग्राम ५ सय मिलिग्राम सहित खजुरा गाउँपालिका-२ बस्ने २२ वर्षीय सुरज गन्धर्वलाई सोमबार दिउँसो प्रहरीले पक्राउ गरेको छ । ईलाका प्रहरी कार्यालय जमुनाहबाट खटिएको प्रहरीले उनलाई उक्त पदार्थ सहित फेला पारी पक्राउ गरेको हो । पर्सा, वीरगञ्ज महानगरपालिका-३२ टेढास्थित सडकबाट अवैध लागूऔषध चरेश २ केजी सोमबार दिउँसो प्रहरीले बरामद गरेको छ ।  उक्त स्थानमा खटिएको प्रहरी टोलीलाई देख्नासाथ ना.५२ प ६०५७ नम्बरको मोटरसाइकलमा सवार व्यक्तिले मोटरसाइकल छाडी फरार भएपछि मोटरसाइकल जाँच गर्दा उक्त लागूऔषध फेला पारेको हो । हाल फरार व्यक्तिको खोजी भइरहेको छ ।  यस सम्बन्धमा प्रहरीले आवश्यक अनुसन्धान गरिरहेको छ ।   

भन्सार छलि ल्याउँदै गरेका विभिन्न ब्राण्डका अवैध मदिरा सहित पक्राउ
२०७९-०८-०६

 झापा, अवैध रूपमा भारतबाट भन्सार छलि ल्याउँदै गरेको करिब ५ लाख ६५ हजार रुपैयाँ बराबरको बिभिन्न ब्राण्डका मदिरा सहित बिर्तामोड नगरपालिका-३ घर भएका २६ वर्षीय जिवन दाहाललाई सोमबार राति प्रहरीले पक्राउ गरेको छ ।  बिभिन्न प्रकारका ब्राण्डेड मदिरा अवैध रुपमा भारतबाट भन्सार छली कोठामा ल्याई बेचबिखन गरिरहेको भन्ने सूचनाको आधारमा ईलाका प्रहरी कार्यालय अनारमनीबाट खटिएको प्रहरीले जाँच गर्ने क्रममा मदिरा जेडी २१ थान, डबल बल्याक २१ थान , भोडका १८ थान र जेगा मास्टर १७ थान सहित फेला पारी उनलाई पक्राउ गरेको हो  ।  यस सम्बन्धमा प्रहरीले आवश्यक अनुसन्धान गारिरहेको छ ।

केन्द्रीय प्रहरी प्रवक्ता प्रहरी नायव महानिरीक्षक टेक प्रसाद राई दक्षिण कोरिया प्रस्थान
२०७९-०८-०४

काठमाडौं, नेपाल प्रहरीका केन्द्रीय प्रहरी प्रवक्ता प्रहरी नायव महानिरीक्षक टेक प्रसाद राई आइतबार मित्रराष्ट्र दक्षिण कोरियाको सिओल प्रस्थान गर्नुभएको छ ।  परराष्ट्र मन्त्रालय दक्षिण कोरियाको आयोजनामा मंसिर ५ गतेदेखि १० गतेसम्म संचालन हुने ‘फ्रेन्ड्स अफ कोरिया’ बिषयक कार्यक्रममा नेपाल प्रहरीको तर्फबाट सहभागी हुन प्रहरी नायव महानिरीक्षक राई त्यसतर्फ प्रस्थान गर्नुभएको हो ।  उहाँको अनुपस्थितिमा प्रहरी वरिष्ठ उपरीक्षक दान बहादुर कार्कीले नेपाल प्रहरीको केन्द्रीय प्रहरी प्रवक्ताको जिम्मेवारी सम्हाल्नु हुनेछ । प्रहरी वरिष्ठ उपरीक्षक कार्कीलाई ९८५१२९२१११ मा सम्पर्क गर्न सकिनेछ । 

कुटपिटबाट दुई जनाको मृत्यु, घटनामा संलग्न व्यक्तिहरु प्रहरी नियन्त्रणमा
२०७९-०८-०४

भक्तपुर, चाँगुनारायण नगरपालिका-८ कलमसी बस्ने ६१ वर्षीय कुमाल सुनार पक्ष र उनकै छिमेकी ४२ वर्षीय राजु सुनार पक्षबीच एक आपसमा झै-झगडा भई कुटपिट हुँदा कुमाल सुनारको शनिबार राति मृत्यु भएको छ ।  झगडामा गम्भीर घाइते भएका उनको मध्यपुर अस्पताल ठिमीमा उपचारको क्रममा मृत्यु भएको हो । घटनाको खबर प्राप्त हुनासाथ प्रहरी वृत्त जगागीबाट खटिएको प्रहरीले झगडामा संलग्न चाँगुनारायण नगरपालिका-८ कलमसी बस्ने ४१ वर्षीय राजन सुनार सहित १० जनालाई नियन्त्रणमा लिएको छ ।   सर्लाही,  गोडैता नगरपालिका-६ बगदहस्थित चुनावको विषयलाई लिएर दुई पक्षबीच झै-झगडा भई कुटपिट हुँदा सोही ठाउँ बस्ने ६५ वर्षीय रामएकबाल रायको शनिबार राति मृत्यु भएको छ । उक्त स्थानमा दुई पक्षबीच झगडा हुँदा ६ जना घाइते भएको भन्ने खबर प्राप्त हुनासाथ प्रहरी चौकी गोडैताबाट खटिएको प्रहरीले घाइतेलाई उपचारका लागि कृष्ण मेडिकल एण्ड रिसर्च सेन्टर जनकपुर पठाएकोमा उपचारको क्रममा रायको मृत्यु भएको हो । अन्य घाइतेको अवस्था सामान्य रहेको छ । कुटपिटमा संलग्न सोही ठाउँ बस्ने बस्ने १९ वर्षीय बिक्रम रायलाई प्रहरीले नियन्त्रणमा लिएको छ ।  यस सम्बन्धमा प्रहरीले थप अनुसन्धान गरिरहेको छ ।

खुकुरी प्रहार गरी घाइते बनाएको अभियोगमा तीन जना पक्राउ
२०७९-०८-०३

मोरङ, उर्लाबारी नगरपालिका-४ बस्ने २५ वर्षीय गौतम तामाङ सहित ३ जनालाई खुकुरी प्रहार गरी घाइते बनाएको अभियोगमा सोही नगरपालिका-५ बस्ने २६ वर्षीय आसाङ लिम्बु समेत ३ जनालाई शुक्रबार साँझ प्रहरीले पक्राउ गरेको छ ।  सोही नगरपालिका-६ स्थित तत्काल बन्द रहेको तरुण क्याफेको बाहिर पट्टीको बार्दलीमा पुरानो रिसिबीको कारण दुई पक्षबीच खुकुरी प्रहार हुँदा गौतम तामाङ सहित ३ जना घाइते भएको भन्ने खबर प्राप्त हुनासाथ ईलाका प्रहरी कार्यालय उर्लाबारीबाट खटिएको प्रहरीले घटनामा संलग्न लिम्बु समेत ३ जनालाई खुकुरी सहित पक्राउ गरेको हो । खुकुरी प्रहारबाट गम्भीर घाइते भएका गौतमको बिएण्डसी अस्पताल बिर्तामोड झापामा र अन्य दुई जना सामान्य घाइतेको गोदावरी अस्पताल उर्लाबारी र आश्रय मेडिकलमा उपचार भइरहेको छ । यस सम्बन्धमा प्रहरीले थप अनुसन्धान गरिरहेको छ ।

अनलाईन सट्टेवाजी (जुवा) खेलिरहेको अवस्थामा ४४ जना भारतीय नागरिक पक्राउ
२०७९-०८-०२

काठमाडौं, नेपाल र युएईबीच नेपालस्थित त्रिभुवन विश्वविद्यालय अन्तर्राष्ट्रिय क्रिकेट मैदान कीर्तिपुरमा सञ्चालित एक दिवसीय क्रिकेट सिरिज भइरहेको स्थानमा अनलाईन लाईभ सट्टेबाजी (जुवा) खेलिरहेको अवस्थामा ४४ जना भारतीय नागरिकलाई शुक्रबार प्रहरीले पक्राउ गरेको छ । उक्त स्थानमा भारतमा दर्ता रहेका बिभिन्न अनलाईन साईटहरुमार्फत व्यावसायिक रुपमा अनलाईन सट्टेबाजी (जुवा) खेलि/खेलाइरहेको भन्ने सूचनाको आधारमा केन्द्रीय अनुसन्धान ब्यूरोबाट खटिएको प्रहरीले अनलाईन लाईभ सट्टेबाजी (जुवा) खेलिरहेको अवस्थामा व्यावसायिक रुपमा सट्टेबाजी (जुवा) मा संलग्न रहेका उनीहरूलाई पक्राउ गरेको हो । उनीहरू उपर जुवा ऐन अन्तर्गत कारवाहीको लागि अनुसन्धान कार्य भइरहेको छ ।

बेलायत पठाइदिन्छु भन्दै ठगी गर्ने पक्राउ
२०७९-०८-०२

काठमाडौं, बेलायत पठाइदिन्छु भनि नगद ११ लाख २० हजार रुपैयाँ ठगी गरेको अभियोगमा काठमाडौं मैतिदेवी बस्ने सोलुखुम्बु थुलुङ गाउँपालिका-२ ठेगाना भएका ३३ वर्षीय तिलक बहादुर बस्नेतलाई बिहीबार प्रहरीले पक्राउ गरेको छ ।  काठमाडौं पुतलीसडकस्थित रेडजोन फाउन्डेसन कन्सलटेन्सीका संचालक समेत रहेका बस्नेतले पीडितहरूलाई अमेरिका, बेलायत लगायतका देशमा भिषा उपलब्ध गराउने भन्दै प्रलोभन देखाई पटक पटक गरी उक्त रुपैयाँ ठगी गरेको भन्ने उजुरीको आधारमा काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले अनुसन्धानको क्रममा उक्त कन्सलटेन्सी शिक्षा बिज्ञान तथा प्रविधि मन्त्रालय शैक्षिक परामर्श तथा प्रमाणिकरण शाखाबाट अनुमति समेत नलिई संचालन गरेको पाइएपछि उनलाई काठमाडौं पुतलीसडकबाट पक्राउ गरेको हो । उनी उपर ठगी सम्बन्धि कसूरमा आवश्यक अनुसन्धान कारवाहीको लागि जिल्ला प्रहरी परिसर टेकु काठमाडौंमा पठाइएको छ ।

विभिन्न हातहतियार सहित तीन जना पक्राउ
२०७९-०८-०२

बर्दिया, बासगढी नगरपालिका-२ सिमलघारीबाट विभिन्न हातहतियार सहित ३ जना शुक्रबार बिहान पक्राउ परेका छन् । पक्राउ पर्नेहरूमा बासगढी नगरपालिका-२ सिमलघारी बस्ने ५२ वर्षीय रत्न बहादुर राना, ६२ वर्षीय प्रेम बहादुर मल्ल र ५५ वर्षीया लालमाया पुन रहेका छन् ।  उक्त स्थानमा हातहतियार लुकाई छिपाई राखेको भन्ने सूचनाको आधारमा ईलाका प्रहरी कार्यालय मोतिपुर, बर्दिया राष्ट्रिय निकुञ्ज, नेपाली सेना रम्मापुर चेकपोष्ट समेतबाट संयुक्त रूपमा खटिएको टोलीले तलासी गर्दा रत्न बहादुरको घरबाट भरुवा बन्दुक १ थान, प्रेम बहादुरको घरबाट बाह्रबोरको बन्दुक १ थान र सोही बन्दुकको नाल १ थान, रतुवाको सिङ र खुर तथा लालमायाको घरबाट  भरुवा बन्दुक १ थान फेला पारी उनीहरूलाई पक्राउ गरेको हो ।  उनीहरूलाई थप अनुसन्धानको लागि बर्दिया राष्ट्रिय निकुञ्ज पठाइएको छ । 

अवैध लागूऔषध सहित पक्राउ
२०७९-०८-०१

काठमाडौं महानगरपालिका-३२ कोटेश्‍वर बालकुमारीबाट नियन्त्रित लागूऔषध नाइट्राभेट १ सय ३९ ट्याब्लेट, डाइजेपाम ६ सय ६५ एम्पुल, नुफिन ७ सय १६ एम्पुल, फेनारगन ८ सय ५२ एम्पुल, नगद ९२ हजार २ सय ८० रुपैयाँ, १ थान स्कुटर र ५ थान मोबाइल सहित ललितपुर महानगरपालिका-७ बस्ने ३६ वर्षीय प्रज्वल देउलासमेत २ जनालाई बुधबार दिउँसो प्रहरीले पक्राउ गरेको छ । विशेष सूचनाको आधारमा प्रहरी प्रभाग कोटेश्वरबाट खटिएको प्रहरीले जाँच गर्ने क्रममा उक्त लागूऔषध सहित फेला पारी उनीहरूलाई पक्राउ गरेको हो ।  कैलाली, भजनी नगरपालिका-३ कुसुमघाटबाट अवैध लागूऔषध खैरो हेरोइन जस्तो देखिने पदार्थ २ ग्राम ७९ मिलिग्रामसहित जोशीपुर गाउँपालिका-५ बस्ने २० वर्षीय शिभम चौधरीसमेत २ जनालाई बुधबार साँझ प्रहरीले पक्राउ गरेको छ । ईलाका प्रहरी कार्यालय भजनीबाट खटिएको प्रहरीले से.७ प १९७९ नम्बरको मोटरसाइकललाई जाँच गर्ने क्रममा मोटरसाइकलमा सवार उनीहरूलाई उक्त पदार्थ सहित फेला पारी पक्राउ गरेको हो ।  नवलपरासी(पश्चिम), बर्दघाट नगरपालिका-४ स्थित सडकबाट नियन्त्रित लागूऔषध नुर्फिन १ सय एम्पुल, फेनारगन १ सय एम्पुल र डाइजेपाम १ सय एम्पुल सहित सोही नगरपालिका-१५ पृथ्वीबस्ती बस्ने ४३ वर्षीय देव बहादुर दमाईलाई बुधबार साँझ प्रहरीले पक्राउ गरेको छ । ईलाका प्रहरी कार्यालय बर्दघाटबाट खटिएको प्रहरीले लु.१ ह ३१९८ नम्बरको अटोलाई जाँच गर्ने क्रममा उक्त लागूऔषध सहित अटो चालक देव बहादुरलाई फेला पारी पक्राउ गरेको हो । साथै उक्त लागूऔषध पठाउन लगाउने सोही नगरपालिका-१३ बस्ने २९ वर्षीय जितेन्द्र कलवारलाई समेत प्रहरीले पक्राउ गरेको छ ।  सर्लाही, मलंगवा नगरपालिका-१० स्थित गंगा पेट्रोल पम्प नजिक सडकबाट अवैध लागूऔषध गाँजा करिब २ सय किलो बुधबार राति प्रहरीले बरामद गरेको छ । अस्थाई प्रहरी पोष्ट पेट्रोलपम्प र बिओपी मलंगवाबाट खटिएको प्रहरीले मलंगवाबाट नवलपुरतर्फ जाँदै गरेको बागमती प्रदेश-३-०१-००६ ख १७०४ नम्बरको गाडीलाई गर्ने क्रममा गाडीमा पानीको कार्टुनभित्र बोरामा १४ वटा पोका पारी लुकाई राखेको उक्त गाँजा फेला पारी बरामद गरेको हो । हाल फरार गाडी चालकको प्रहरीले खोजी गरिरहेको छ ।  यस सम्बन्धमा प्रहरीले आवश्यक अनुसन्धान गरिरहेको छ ।

निर्वाचन शान्तिपूर्ण एवं भयरहित वातावरणमा सम्पन्न गरी राष्ट्रले सुम्पेको जिम्मेवारी पूरा गर्न प्रहरी कर्मचारीहरू कटिवद्ध हुनुपर्ने : प्रहरी महानिरीक्षक धिरज प्रताप सिंह
२०७९-०७-३०

काठमाडौ, प्रहरी महानिरीक्षक धिरज प्रताप सिंहले मंसिर ४ गते सम्पन्न हुन लागेको प्रतिनिधिसभा तथा प्रदेशसभा निर्वाचनमा खटिने प्रहरी कर्मचारीहरूले आफ्नो व्यावसायिकतालाई अक्षुण्ण राख्दै निर्वाचन शान्तिपूर्ण, निष्पक्ष एवं सुरक्षित तवरबाट भयरहित वातावरणमा सम्पन्न गरी राष्ट्रले सुम्पेको जिम्मेवारी पूरा गर्न कटिवद्ध हुनुपर्ने बताउनुभएको छ । नेपाल प्रहरी प्रधान कार्यालयबाट भर्चुअलरुपमा भिडियो कन्फ्रेन्समार्फत् बुधबार आयोजित कार्यक्रममा प्रहरी महानिरीक्षक सिंहले प्रदेश प्रहरी प्रमुख, नेपाल प्रहरी प्रदेश प्रहरी कार्यालय प्रमुख, प्रदेश तालिम केन्द्रका समादेशकहरू, प्रदेश ट्राफिक प्रहरी कार्यालय प्रमुख, जिल्ला प्रहरी प्रमुख र गण प्रमुखहरूलाई निर्वाचन लक्षित निर्देशन सम्बोधनको क्रममा उक्त कुरा बताउनुभएको हो । निर्देशनको क्रममा प्रहरी महानिरीक्षक सिंहले निर्वाचनको सुरक्षा चुनौतीहरूलाई औंल्याई त्यसको निराकरण गर्ने उपायहरू अबलम्बन गर्दै अझ बढी सक्रिय भई निर्वाचन अनुकूल वातावरण बनाउने गरी काम गर्नुपर्ने बताउनुभयो । सम्पूर्ण नेपाल प्रहरीका कर्मचारीहरूले व्यावसायिकतालाई बोलीमा मात्र नभई व्यवहारमा समेत सतप्रतिशत लागू गर्नुपर्नेमा उहाँले जोड दिनुभयो । निर्वाचन नेपाल प्रहरीको परीक्षाको घडीको रूपमा रहेको उल्लेख गर्दै प्रहरी महानिरीक्षक सिंहले नेपाल प्रहरीलाई अब्बल साबित गर्ने गरी काम गर्न कार्यालय प्रमुखहरूले आफ्ना मातहतमा खटिने प्रहरी कर्मचारीहरूलाई उच्च मनोबलका साथ काम गर्ने वातावरण बनाउन र आफ्नो जिम्मेवारी सम्बन्धी आवश्यक विफ्रिङ गर्न उहाँले निर्देशन दिनुभयो । प्रहरी महानिरीक्षक सिंहले नेपाल प्रहरी सम्पूर्ण नेपाली नागरिकको भरोसाको केन्द्र भएकोले निर्वाचनको समयमा तटस्थ भई आफ्नो कार्य सम्पादन गर्न निर्देशन दिनुभयो । निर्वाचनको मौन अवधिमा निर्वाचन विथोल्ने क्रियाकलाप अझ बढी हुन सक्ने भएको उल्लेख गर्दै यस्ता चुनौतीको सामना गर्न प्रहरी कर्मचारीहरू उच्च सतर्कता र अझ बढी संवेदनशील भएर निर्वाचन सुरक्षामा केन्द्रित हुनुपर्ने उल्लेख गर्नुभयो । हरेक काम औचित्य पूष्टी हुने गरी हुनुपर्ने र कर्तव्यनिष्ठाको क्रममा गरिएका काम-कारवाहीप्रति संगठनको सदैव साथ रहने उहाँले बताउनुभयो । सहयोगीका रुपमा रहेका म्यादी प्रहरीको उच्च प्रयोग गर्दै निर्वाचन सुरक्षा व्यवस्थालाई चुस्त बनाउनुपर्ने उल्लेख गर्दै प्रहरी महानिरीक्षक सिंहले अति संवेदनशील क्षेत्रहरूमा आवश्यक सुरक्षा योजना, रणनीति तय गरी काम गर्न निर्देशन दिनुभयो । यसअघि कार्य तथा अपराध अनुसन्धान विभागका प्रमुख एवं केन्द्रीय निर्वाचन सेलका संयोजक प्रहरी अतिरिक्त महानिरीक्षक दिवेश लोहनीले निर्वाचन महापर्व भएकोले निष्पक्ष र विवेकसम्मत रूपमा मतदान गर्ने वातावरण सुनिश्चित गर्न निर्देशन दिनुभएको थियो । उक्त अवसरमा वरिष्ठ प्रहरी अधिकृतहरुको उपस्थितिको साथै सहभागी प्रहरी कार्यालयहरूका प्रमुख तथा प्रतिनिधिहरूको भर्चुअल उपस्थिति रहेको थियो ।

जबरजस्ती करणी तथा गर्भ पतन मुद्दाका फरार प्रतिवादी पक्राउ
२०७९-०७-३०

बारा, जबरजस्ती करणी तथा गर्भ पतन मुद्दाका फरार प्रतिवादी प्रसौनी गाउँपालिका-५ बेलहिया टोल बस्ने २५ वर्षीय श्याम सुन्दर साह तेलीलाई सोमबार प्रहरीले पक्राउ गरेको छ ।  श्यामले १७ वर्षीया बालिकालाई ललाई फकाई पटक/पटक जबरजस्ती करणी गर्नुका साथै पीडितको जबरजस्ती गर्भपतन समेत गराएको प्रारम्भिक अनुसन्धानको क्रममा खुल्न आएको छ । वारदात पश्चात फरार रहेका उनलाई जिल्ला प्रहरी कार्यालय बाराबाट खटिएको प्रहरीले प्रसौनी गाउँपालिका-५ बेलहिया टोलस्थित लुकिछिपि बसेको अवस्थामा फेला पारी पक्राउ गरेको हो ।  उनी उपर जबरजस्ती करणी तथा गर्भ पतन मुद्दामा जिल्ला अदालत बाराबाट ४ दिनको म्याद अनुमति लिई यस सम्बन्धमा प्रहरीले थप अनुसन्धान गरिरहेको छ ।

निर्वाचन सम्बन्धी १५ हजार मतपत्रहरु सहित एक जना पक्राउ
२०७९-०७-३०

पर्सा, जगरनाथपुर गाउँपालिका-२ दशौतास्थित सडकबाट प्रतिनिधि सभा तथा प्रदेश सभा सदस्य निर्वाचन सम्बन्धी १५ हजार मतपत्रहरु सहित भारत बिहार राज्य पश्चिम चम्पारन नरकटिया ग्रामपंचायत-१४ ठेगाना भएका ४० वर्षीय ईजाजत अहमदलाई मंगलबार प्रहरीले पक्राउ गरेको छ ।  उक्त स्थानमा भारतबाट नेपालको दशौतातर्फ आउँदै गरेको बिआर २२ डब्लु ८००२ नम्बरको भारतीय मोटरसाइकललाई ईलाका प्रहरी कार्यालय पोखरीया र बिओपि भिखमपुर पर्साबाट खटिएको संयुक्त टोलीले जाँच गर्ने क्रममा मोटरसाइकलको पछाडीको सिटको भागमा हरियो रंगको बोरामा उक्त परिमाणको मतपत्रहरू फेला पारी मोटरसाइकल चालक अहमदलाई पक्राउ गरेको हो ।   यस सम्बन्धमा प्रहरीले थप अनुसन्धान गरिरहेको छ ।

अवैध लागूऔषध सहित पक्राउ
२०७९-०७-३०

भक्तपुर, चाँगुनारायण नगरपालिका-६ तेलकोटबाट अवैध लागूऔषध गाँजा करिब १ किलो सहित २ जनालाई मंगलबार राति प्रहरीले पक्राउ गरेको छ । पक्राउ पर्नेहरूमा रामेछाप खाँडादेवी गाउँपालिका-१ घर भई भक्तपुर सूर्यविनायक नगरपालिका-७ जगाती डेरा गरी बस्ने २८ वर्षीय कमल विक र रामेछाप दोरम्बा गाउँपालिका-८ घर भई भक्तपुर जगाती बस्ने १९ वर्षीय विशाल घतानी रहेका छन् । प्रहरी प्रभाग खरिपाटीबाट खटिएको प्रहरीले नगरकोटबाट खरिपाटीतर्फ जाँदै गरेको बा.३ ख ६३१६ नम्बरको गाडीलाई जाँच गर्ने क्रममा उक्त गाँजा सहित फेला पारी गाडी चालक कमल र गाडीमा सवार विशाललाई पक्राउ गरेको हो ।  बाँके, नेपालगंज उपमहानगरपालिका-१५ जमुनाहबाट अवैध लागूऔषध खैरो हेरोइन जस्तो देखिने पदार्थ ५० ग्राम सहित भारत बहराईच बाबागंज कुट्टि बस्ने २४ वर्षीय मोहमद अलीलाई मंगलबार साँझ प्रहरीले पक्राउ गरेको छ । ईलाका प्रहरी कार्यालय जमुनाह र लागूऔषध नियन्त्रण व्यूरो नेपालगंजबाट खटिएको प्रहरीले भारतबाट नेपालतर्फ आउँदै गरेका उनलाई जाँच गर्ने क्रममा लुकाई ल्याएको उक्त पदार्थ सहित फेला पारी पक्राउ गरेको हो ।  कञ्चनपुर, भिमदत्त नगरपालिका-११ सात नम्बर पिलरबाट अवैध लागूऔषध ब्राउनसुगर ६४ मिलिग्राम सहित भिमदत्त नगरपालिका-६ बस्ने २२ वर्षीय मोहित पहरीलाई मंगलबार साँझ प्रहरीले पक्राउ गरेको छ । ईलाका प्रहरी कार्यालय गड्डाचोकीबाट खटिएको प्रहरीले उनलाई जाँच गर्ने क्रममा हाप पाईन्टको ईजारमा लुकाई राखेको उक्त ब्राउनसुगर सहित फेला पारी उनलाई पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ ।

चिर्पट प्रहार गरी हत्या गरेको अभियोगमा पक्राउ
२०७९-०७-३०

मोरङ, बुढिगंगा गाउँपालिका-७ कमलपुर बस्ने २३ वर्षीय करण सरदारलाई दाउराको चिर्पट प्रहार गरी हत्या गरेको अभियोगमा सोही गाउँपालिका-५ बस्ने २४ वर्षीय राजेश सरदारलाई कात्तिक १८ गते राति प्रहरीले पक्राउ गरेको छ ।  बुढिगंगा गाउँपालिका-५ हातिमुढामा कात्तिक १८ गते साँझ उनीहरू बीच आपसमा बादबिबादमा राजेशले चिर्पट प्रहार गर्दा करण गम्भीर घाइते भएका भन्ने खबर प्राप्त हुनासाथ ईलाका प्रहरी कार्यालय नेमुवाबाट खटिएको प्रहरीले उनलाई पक्राउ गरेको हो । गम्भीर घाइते करणको गोल्डेन अस्पताल बिराटनगरमा मंगलबार राति उपचारको क्रममा मृत्यु भएको हो ।  यस सम्बन्धमा प्रहरीले आवश्यक अनुसन्धान गरिरहेको छ । 

खुर्पा प्रहार गरी दुई जनाको हत्या गरेको अभियोगमा पक्राउ
२०७९-०७-२९

नुवाकोट, दुप्चेश्वर  गाउँपालिका-५ भगेरी डाँडा बस्ने १९ वर्षीया सम्झना खतिवडा र उनकी छोरी ४ वर्षीया कृष्टिना खतिवडालाई धारिलो हतियार खुर्पा प्रहार गरी हत्या गरेको अभियोगमा सोही ठाउँ बस्ने २१ वर्षीय पुष्कल भन्ने सोनाम तामाङलाई मंगलबार बिहान प्रहरीले पक्राउ गरेको छ ।  सोनामले मृतकको घरमा गई सम्झना र कृष्टिना खतिवडालाई खुर्पा प्रहार गर्दा दुवै जनाको सोमबार राति घटनास्थलमै मृत्यु भएको भन्ने खबर प्राप्त हुनासाथ प्रहरी चौकी समुन्द्रटार र जिल्ला प्रहरी कार्यालय नुवाकोटबाट खटिएको प्रहरीले उनलाई घटनास्थल नजिकै रहेको जंगलमा लुकिछिपी बसेको अवस्थामा फेला पारी पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ । 

सुन तथा चाँदीको जस्तो देखिने गरगहना सहित तीन जना पक्राउ
२०७९-०७-२९

  मोरङ, रंगेली नगरपालिका-४ स्थित सडक छेउबाट सुनको जस्तो देखिने न्याक्लेस १ थान र नथिया १ थान गरी अन्दाजी १ तोला ४ आना ४ लाल र चाँदीको जस्तो देखिने बाला १ जोर, औंठी सहितको पन्जा १ जोर, पाँउजु १ जोर र सिक्री १ थान गरी करिब ३१ तोला सहित तीन जनालाई सोमबार प्रहरीले पक्राउ गरेको छ ।  पक्राउ पर्नेहरूमा भारत अररिया कौवाकोह-४ बस्ने २८ वर्षीय कुमार यादव, भारत अररिया कौवाकोह-३ बस्ने २५ वर्षीय सुरज कुमार यादव र सोही ठाउँ बस्ने ३५ वर्षीय राजेश कुमार यादव रहेका छन् ।  उक्त सडक छेउमा भारतबाट नेपालतर्फ आउँदै गरेको तत्काल नम्बर नखुलेको ३ जना सवार मोटरसाइकललाई ईलाका प्रहरी कार्यालय रंगेलीबाट खटिएको प्रहरीले रोक्न खोज्दा मोटरसाइकलमा सवार व्यक्तिले प्लाष्टिकको झोला सोही स्थानमा फाली फरार भएकोमा झोला तलासी गर्दा उक्त परिमाणको सुन तथा चाँदीको जस्तो देखिने गरगहना फेला पारेको थियो । मोटरसाइकल सहित फरार भएका व्यक्तिहरूको खोजी गर्ने क्रममा रंगेली नगरपालिका-४ चोप्राह बोडर छेउबाट बिआर ३८ जेड १८८० नम्बरको मोटरसाइकल सहित घटनामा संलग्न उनीहरूलाई फेला पारी प्रहरीले पक्राउ गरेको हो ।   यस सम्बन्धमा प्रहरीले थप अनुसन्धान गरिरहेको छ ।   

नक्कली सुन धितो राखेर कर्जा लिई ठगी गरेको अभियोगमा एक जना पक्राउ
२०७९-०७-२८

कास्की, विभिन्न मितिमा विभिन्न खालका नक्कली सुनका गहनाहरू धितो राखेर २४ लाख ५ हजार रुपैयाँ कर्जा लिई ठगी गरेको अभियोगमा पर्वत कुश्मा नगरपालिका-३ घर भई पोखरा महानगरपालिका-१८ सराङकोट बस्ने २५ वर्षीय अभिसेक सुनारलाई प्रहरीले पक्राउ गरेको छ । सुनारले राष्ट्रिय वाणिज्य बैंकको पोखरा महानगरपालिका-१७ बिरौटा शाखाबाट १६ लाख ६० हजार रुपैयाँ र सोही महानगरपालिका-८ पृथ्वीचोक शाखाबाट ७ लाख ४५ हजार रुपैयाँ गरी जम्मा २४ लाख ५ हजार रुपैयाँ कर्जा लिई लामो समयसम्म कर्जाको साँवाव्याज बुझाउन नआएपछि धितोको गहना जाँच गर्दा कमसल सुन प्रयोग गरी तयार गरिएको खुल्न आएपश्चात जिल्ला प्रहरी कार्यालय कास्कीबाट खटिएको प्रहरीले उनलाई पक्राउ गरेको हो । साथै धितो राखेका उक्त गहनाहरू नक्कली सुनबाट तयार गरिएको अनुसन्धानबाट खुल्न आएको छ । उनी उपर जिल्ला अदालत कास्कीबाट ठगी, आपराधिक विश्वास घात तथा आपराधिक लाभ (एक्सटर्सन) सम्बन्धी कसुरमा ५ दिन म्याद थप गरी आवश्यक अनुसन्धान भइरहेको छ ।

जबरजस्ती करणी गरेको अभियोगमा पक्राउ
२०७९-०७-२८

ललितपुर, बालिकालाई जबरजस्ती करणी गरेको अभियोगमा भारत मोतिहारी पताही थाना देवापुर-९ लसनिया घर भई काठमाडौं महानगरपालिका-१२ भोटेवहाल बस्ने २० वर्षीय रेहान शेखलाई आइतबार प्रहरीले पक्राउ गरेको छ । ती बालिकालाई ललितपुर जावलाखेलस्थित नमस्ते सुविधा गेष्ट हाउसको अगाडि रोइरहेको अवस्थामा गस्तीमा रहेको प्रहरीले फेला पारी सोधपुछ गर्ने क्रममा शेखले बालिकालाई ललाई फकाई गरी भारत घरमा लैजान्छु भन्दै प्रलोभनमा पारी उक्त सोही गेष्ट हाउसमा जबरजस्ती करणी गरेको खुल्न आएपश्चात उनलाई सोही गेष्ट हाउसबाट प्रहरीले पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।

हत्या गरेको अभियोगमा पक्राउ
२०७९-०७-२८

मोरङ, आफ्नै मामा पथरी शनिश्चरे नगरपालिका-१ बस्ने ४२ वर्षीय काजी मोहराको धारिलो हतियार दाउ प्रहार गरी हत्या गरेको अभियोगमा उर्लाबारी नगरपालिका-८ बस्ने २२ वर्षीय सुजन पाचकोटीलाई आइतबार राति प्रहरीले पक्राउ गरेको छ ।  उर्लाबारी नगरपालिका-८ स्थित कल्पना पाचकोटीको घरमा पाहुना आएका काजी मोहरालाई घरायसी वादविवादको क्रममा सुजनले दाउ प्रहार गर्दा गम्भीर घाइते भई उपचारको लागि मदन भण्डारी अस्पताल तथा ट्रमा सेन्टर मंगलबारेमा लगिएकोमा उनको उपचारको क्रममा मृत्यु भएको थियो ।  ईलाका प्रहरी कार्यालय उर्लाबारीबाट खटिएको प्रहरीले घटनामा संलग्न सुजनलाई पक्राउ गर्नुका साथै यस सम्बन्धमा थप अनुसन्धान गरिरहेको छ ।

छुट्टाछुट्टै स्थानबाट अवैध लागूऔषध सहित आठ जना पक्राउ
२०७९-०७-२७

काठमाडौं, झापा, बुद्धशान्ती गाउँपालिका-३ बुद्धटोलबाट अवैध लागूऔषध ब्राउन सुगर जस्तो देखिने पदार्थ १ सय २ ग्राम सहित कचनकवल गाउँपालिका-१ घर भई हाल बुद्धशान्ती गाउँपालिका-३ बस्ने ३१ वर्षीय मोहमद हुसेनलाई शनिबार बेलुकी प्रहरीले पक्राउ गरेको छ । लागूऔषध नियन्त्रण ब्यूरो काँकरभिट्टा र ईलाका प्रहरी कार्यालय धुलाबारीबाट खटिएको संयुक्त प्रहरी टोलीले जाँच गर्ने क्रममा हुसेनलाई उक्त पदार्थ सहित फेला पारी पक्राउ गरेको हो । साथै थप अनुसन्धानको क्रममा उक्त लागूऔषध मेचीनगर नगरपालिका-८ मेची आवास बस्ने २८ वर्षीय बिकाश राजबंशीले खरिद गरी ल्याएको भन्ने खुल्न आएपछि प्रहरीले उनको समेत कोठा तलासी गर्दा थप २५ ग्राम २ सय ५० मिलिग्राम अवैध लागूऔषध ब्राउन सुगरजस्तो देखिने पदार्थ र १ थान डिजिटल तराजु बरामद गरेको छ । हाल फरार रहेका बिकाश राजबंशीको प्रहरीले खोजी गरिरहेको छ । सिरहा, धनगढीमाई नगरपालिका-५ तेतिस बिघास्थित सडकबाट अवैध लागूऔषध ब्राउन सुगर जस्तो देखिने पदार्थ १० ग्राम ९ सय २० मिलिग्राम र नगद २९ हजार रूपैयाँ सहित सोही नगरपालिका-१३ बस्ने १८ वर्षीय किशोर समेत २ जनालाई शनिबार दिउँसो प्रहरीले पक्राउ गरेको छ । स.८ प २२९९ नम्बरको मोटरसाइकलमा सवार उनीहरूलाई ईलाका प्रहरी कार्यालय लहानबाट खटिएको प्रहरीले जाँच गर्ने क्रममा उक्त पदार्थ र नगद सहित फेला पारी पक्राउ गरेको हो । बर्दिया, बढैयाताल गाउँपालिका-२ बैसठ्ठी नम्बर पिलर चोक फुटाहबाट अवैध लागूऔषध ब्राउन सुगर जस्तो देखिने पदार्थ २ ग्राम ८ सय ५० मिलिग्राम सहित बाँके खजुरा गाउँपालिका-६ बस्ने १८ वर्षीय किशोर समेत २ जनालाई शनिबार दिउँसो प्रहरीले पक्राउ गरेको छ । भे.१२ प ४१९७ नम्बरको स्कुटरलाई प्रहरी चौकी जमुनीबाट खटिएको प्रहरीले जाँच गर्ने क्रममा स्कुटरमा सवार उनीहरूलाई उक्त पदार्थ सहित फेला पारी पक्राउ गरेको हो । कैलाली, धनगढी उपमहानगरपालिका-१ कारागार नजिकबाट सोही उपमहानगरपालिका-८ बस्ने २४ वर्षीय आयुष सिंहलाई अवैध लागूऔषध खैरो हेरोईन जस्तो देखिने पदार्थ करिब १ ग्राम सहित शनिबार दिउँसो प्रहरीले पक्राउ गरेको छ । दाङ, लमही नगरपालिका-९ अमिलियाबाट अवैध लागूऔषध चरेश जस्तो देखिने कालो पदार्थ ३ सय ९५ ग्राम सहित जाजरकोट जुनचाँदी गाउँपालिका घर भई सुर्खेत वीरेन्द्रनगर नगरपालिका-१२ चनौटे बस्ने १७ वर्षीय किशोर सहित २ जनालाई शनिबार दिउँसो प्रहरीले पक्राउ गरेको छ ।  प्रदेश ३-०२-००२ प ७९२३ नम्बरको मोटरसाइकलमा सवार उनीहरूलाई ईलाका प्रहरी कार्यालय अमिलियाबाट खटिएको प्रहरीले जाँच गर्ने क्रममा उक्त पदार्थ सहित फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ । 

चोरीका गरगहना र नगद सहित एक जना पक्राउ
२०७९-०७-२७

दाङ, तुलसीपुर उपमहानगरपालिका-१० सुकौराबाट चोरीका विभिन्न १६ थान गरगहना र नगद ४४ हजार ३ सय १ रूपैयाँ सहित बाँके खजुरा गाउँपालिका-२ सि गाउँ बस्ने ४२ वर्षीय राजेन्द्र सुनारलाई शनिबार बेलुकी प्रहरीले पक्राउ गरेको छ । शंकास्पद रूपमा बसिरहेका राजेन्द्रलाई ईलाका प्रहरी कार्यालय तुलसीपुरबाट खटिएको प्रहरीले जाँच गर्ने क्रममा उनको साथबाट झोलामा लुकाई राखेको उक्त गरगहना र नगद पारेको र अनुसन्धानको क्रममा उक्त धनमाल बाँके नेपालगंज पुष्पलाल चोकस्थित दुल्लु दरवार होटलबाट चोरी गरी ल्याएको खुल्न आएपछि प्रहरीले उनलाई पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ । 

रड प्रहार गरी हत्या गरेको अभियोगमा पक्राउ
२०७९-०७-२६

तनहुँ, शुक्लागण्डकी नगरपालिका-४ दुलेगौडा बस्ने देवघाट गाउँपालिका-२ क्वादी घर भएका २४ वर्षीय विरम आलेको रड प्रहार गरी हत्या गरेको अभियोगमा सोही ठाउँ बस्ने सर्लाही गौरीशंकर नगरपालिका-५ बगरवा घर भएका २५ वर्षीय नबिन कुमार चौधरीलाई शुक्रबार प्रहरीले पक्राउ गरेको छ ।  शुक्लागण्डकी नगरपालिका-४ दुलेगौडास्थित रिमाल अटो केयरमा काम गरिरहेको अवस्थामा आलेलाई चौधरीले एक्कासी रडले प्रहार गर्दा गम्भीर घाइते भई उपचारको लागि मणिपाल शिक्षण अस्पताल पोखरा लगिएकोमा उनको उपचारको क्रममा मृत्यु भएको हो । ईलाका प्रहरी कार्यालय बेलचौतारा तनहुँबाट खटिएको प्रहरीले घटनामा संलग्न चौधरीलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।

अवैध लागूऔषध सहित पक्राउ
२०७९-०७-२६

कैलाली, धनगढी उपमहानगरपालिका-१ बाट अवैध लागूऔषध ब्राउनसुगर ५ ग्राम ३ सय मिलिग्राम सहित ३ जनालाई शुक्रबार साँझ प्रहरीले पक्राउ गरेको छ । पक्राउ पर्नेहरूमा धनगढी उपमहानगरपालिका-१ डेरा गरी बस्ने सोही उपमहानगरपालिका-८ घर भएकी २० वर्षीया एलिसा चौधरी, सोही उपमहानगरपालिका-३ बस्ने २६ वर्षीय बिक्रम चौधरी र सोही उपमहानगरपालिका-४ बस्ने ३८ वर्षीय किसन श्रेष्ठ रहेका छन् । जिल्ला प्रहरी कार्यालय कैलालीबाट खटिएको प्रहरीले एलिसा चौधरीको कोठाबाट उक्त परिमाणको लागूऔषध फेला पारी उनीहरूलाई पक्राउ गरेको हो ।  बाँके, कोहलपुर नगरपालिका-१ कौशिलानगरबाट अवैध लागूऔषध ब्राउनसुगर जस्तो देखिने पदार्थ ३ ग्राम ५ सय ५० मिलिग्राम सहित सुर्खेत खजुरा गाउँपालिका-३ बस्ने २६ वर्षीय चन्द्रदिप बारघरेलाई शुक्रबार राति प्रहरीले पक्राउ गरेको छ । ईलाका प्रहरी कार्यालय कोहलपुरबाट खटिएको प्रहरीले उनलाई उक्त पदार्थ सहित फेला पारी पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ ।

भन्सार छलि चोरी पैठारी गरी ल्याएको सवारी साधन सहित पक्राउ
२०७९-०७-२५

काठमाडौं, भन्सार छलि चोरी पैठारी गरी ल्याएको २ थान सवारी साधन सहित भक्तपुर सूर्यविनायक नगरपालिका-९ पलासे ठेगाना भएका २६ वर्षीय रविन ओझालाई बिहीबार साँझ प्रहरीले पक्राउ गरेको छ ।  काठमाण्डौं उपत्यकाको विभिन्न स्थानहरुमा भन्सार छलि चोरी पैठारी गरी ल्याएका सवारी साधन बिक्रि गर्ने उद्देश्यले राखिएको छ भन्ने सूचनाको आधारमा काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले सोही नगरपालिका-९ पलासेबाट टोएटा कम्पनीको कार १ थान र सोही नगरपालिका-८ आदर्शचोकबाट फोर्ड कम्पनीको जिप १ थान  सहित उनलाई पक्राउ गरेको हो ।  उनलाई बरामद सवारी साधन सहित आवश्यक कारबाहीको लागि त्रिभुवन अन्तराष्ट्रिय बिमानस्थल भन्सार कार्यालय, गौचर काठमाडौं पठाइएको छ ।   

जुवातास खेलिरहेको अवस्थामा पक्राउ
२०७९-०७-२५

काठमाडौं, टोखा नगरपालिका-३ सूर्य दर्शन हाईटस्थित फुड किङ्ग दरबार रेष्टुरेन्टमा जुवातास खेलिरहेको अवस्थामा नुवाकोट शिवपुरी गाउँपालिका-६ घर भई टोखा नगरपालिका-३ बस्ने ३० वर्षीय शेषमान तामाङ लगायत १० जनालाई गएराति प्रहरीले पक्राउ गरेको छ ।  उक्त रेष्टुरेन्टमा जुवातास खेलिरहेको भन्ने खबर प्राप्त हुनासाथ प्रहरी वृत्त महाराजगंजबाट खटिएको प्रहरीले उनीहरुलाई १ हजार दरको १ सय वटा क्वाइन, २ हजार दरको १ सय ४० वटा क्वाइन र ५ हजार दरको ५४ वटा क्वाइन समेत गरी जम्मा ३ सय ४ वटा क्वाइन र तास ३ बुक सहित पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ ।

नक्कली नोट सहित छ जना पक्राउ
२०७९-०७-२५

रौतहट, मौलापुर नगरपालिका-८ सोनरनिया र बाराको कचोर्वा जाने बाटोबाट नेपाली १ हजार रूपैयाँ दरको ८७ थान नक्कली नोट सहित बारा आदर्श कोतवाल गाउँपालिका-६ बस्ने २५ वर्षीय सोनु कुमार कुश्वाहा सहित ४ जना पुरुष र २ जना महिला गरी ६ जनालाई बिहीबार साँझ प्रहरीले पक्राउ गरेको छ ।  उक्त स्थानमा नक्कली नोटको कारोबार भइरहेको भन्ने बिशेष सूचनाको आधारमा ईलाका प्रहरी कार्यालय गरुडा र ईलाका प्रहरी कार्यालय मौलापुरबाट खटिएको संयुक्त टोलीले उनीहरूलाई उक्त नक्कली नोट र २ थान मोटरसाइकल सहित फेला पारी पक्राउ गरेको हो । साथै पक्राउ परेकामश्ये मौलापुर नगरपालिका-६ पिपरिया टोल २६ वर्षीय राजाराम साहको घर तलासी गर्दा लुकाई राखेको १ थान अवैध कटुवा पेस्तोल फेला पारी प्रहरीले बरामद गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।

सेवानिवृत्त हुनु भएका प्रहरी अतिरिक्त महानिरीक्षकहरूको बिदाइ
२०७९-०७-२४

काठमाडौं, प्रहरी महानिरीक्षक धिरज प्रताप सिंहले प्रहरी सेवाबाट हालै सेवानिवृत्त हुनु भएका प्रहरी अतिरिक्त महानिरीक्षकद्वय रबिन्द्र बहादुर धानुक र अरूण कुमार बिसीलाई बिहीबार नेपाल प्रहरी प्रधान कार्यालयमा आयोजित कार्यक्रमबीच बिदाइ गर्नुभएको छ । बिदाइ समारोहलाई सम्बोधन गर्दै प्रहरी महानिरीक्षक सिंहले आफ्नो अविछिन्न लामो सेवाद्वारा नागिरक र संगठनलाई गर्नुभएको योगदानको प्रशंसा गर्नुको साथै अवकाश पछिको व्यवासयिक एवम् सुखमय पारिवारिक जीवनको शुभकामना व्यक्त गर्नुभयो । सेवानिवृत्त भएका प्रहरी अतिरिक्त महानिरीक्षकबाट आगामी दिनमा संगठनको श्रीवृद्धिका लागि आवश्यक सल्लाह, सुझाव एवम् सहकार्य निरन्तर प्राप्त हुने विश्वास उहाँले व्यक्त गर्नुभयो । सो अवसरमा प्रहरी महानिरीक्षक सिंहले सेवानिवृत्त हुनु भएका प्रहरी अतिरिक्त महानिरीक्षकद्वय रबिन्द्र बहादुर धानुक र अरूण कुमार बिसीलाई मायाको चिनो प्रदान गर्नुभयो । कार्यक्रममा सेवानिवृत्त हुनु भएका प्रहरी अतिरिक्त महानिरीक्षकद्वय रबिन्द्र बहादुर धानुक र अरूण कुमार बिसीले आफ्नो सेवा अवधिमा गरेका अनुभव समेटी आ-आफ्नो मन्तव्य व्यक्त गर्नुभएको थियो । सेवा अवधिभर संगठनले सुम्पिएको जिम्मेवारीमा केन्द्रीत भई काम गरेको उल्लेख गर्दै आगामी दिनमा संगठनको श्रीवृद्धिका लागि रचनात्मक सहयोग गर्न आफूहरू तयार रहेको बताउनुभयो । सेवानिवृत्त हुनु भएका प्रहरी अतिरिक्त महानिरीक्षकद्वय रबिन्द्र बहादुर धानुक र अरूण कुमार बिसी वि.सं. २०४९ चैत्र ११ गते प्रहरी निरीक्षक पदमा नियुक्त भई प्रहरी सेवामा प्रवेश गर्नुभएको थियो । दुवै प्रहरी अतिरिक्त महानिरीक्षकहरू प्रहरी नियमावली २०७१ बमोजिम ५६ वर्ष उमेर हदको कारण अवकास हुनुभएको हो ।कार्यक्रममा प्रहरी अतिरिक्त महानिरीक्षकहरू, प्रहरी नायव महानिरीक्षकहरू एवम् वरिष्ठ प्रहरी अधिकृतहरूको उपस्थिति रहेको थियो ।   

अवैध लागूऔषध सहित पक्राउ
२०७९-०७-२४

कञ्चनपुर, बेलौरी नगरपालिका-४ बुटाबारीबाट अवैध लागूऔषध खैरो हेरोन जस्तो देखिने पदार्थ ३ ग्राम २१ मिलिग्राम सहित २ जनालाई बिहीबार बिहान प्रहरीले पक्राउ गरेको छ । पक्राउ पर्नेहरूमा बझाङ जयपृथ्बी नगरपालिका-८ सिलाखेती बस्ने २३ वर्षीय उमेश धामी र सोही ठाउँ बस्ने १९ वर्षीय महेश धामी रहेका छन् । ईलाका प्रहरी कार्यालय बेलौरीबाट खटिएको प्रहरीले सुदूरपश्चिम प्रदेश ०१-००९ प ६५०० नम्बरको मोटरसाइकललाई जाँच गर्ने क्रममा उक्त पदार्थ सहित फेला पारी मोटरसाइकल चालक उमेश र मोटरसाइकलमा सवार महेशलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।

अवैध लागूऔषध सहित छुट्टाछुट्टै स्थानबाट नौ जना पक्राउ
२०७९-०७-२४

कैलाली, भजनी नगरपालिका-३ कुसुमघाटबाट अवैध लागूऔषध खैरो हेरोइन जस्तो देखिने धुलो पदार्थ २ ग्राम सहित जोशीपुर गाउँपालिका-२ बडरिया बस्ने २३ वर्षीय रोहन मिश्रलाई बुधबार साँझ प्रहरीले पक्राउ गरेको छ । ईलाका प्रहरी कार्यालय भजनीबाट खटिएको प्रहरीले साइकलमा सवार उनलाई जाँच गर्ने उक्त पदार्थ सहित फेला पारी पक्राउ गरेको हो ।    कास्की, पोखरा महानगरपालिका-२७ अर्घौ चोकबाट नियन्त्रित लागूऔषध नुर्फिन ३२ एम्पुल, फेनारगन ३२ एम्पुल, डाइजेपाम ३२ एम्पुल र नगद १२ हजार रुपैयाँ सहित सोही महानगरपालिका-३० तावामुख बस्ने ३५ वर्षीय हेमन्त थापा मगरलाई बुधबार साँझ प्रहरीले पक्राउ गरेको छ । ईलाका प्रहरी कार्यालय शिशुवाबाट खटिएको प्रहरीले ग.१७ प ५७७१ नम्बरको स्कुटरलाई जाँच गर्ने क्रममा उक्त लागूऔषध सहित फेला पारी स्कुटर चालक हेमन्तलाई पक्राउ गरेको हो । बझाङ, जयपृथ्वी नगरपालिका-७ सुबेडा घर भई सोही नगरपालिका-९ सिमखेत बसपार्कमा जगदम्बा होटल गरी बस्ने ५४ वर्षीया जगु गिरीलाई अवैध लागूऔषध चरेश जस्तो देखिने पदार्थ ४ सय ६० ग्राम सहित बुधबार साँझ प्रहरीले पक्राउ गरेको छ । उनले लागूऔषध बिक्री गरिरहेको भन्ने खबर प्राप्त हुनासाथ जिल्ला प्रहरी कार्यालय बझाङबाट खटिएको प्रहरीले उनलाई उक्त पदार्थ सहित पक्राउ गरेको हो ।  मोरङ, विराटनगर महानगरपालिका-१५ स्थित एक नम्बर ढाँटबाट अवैध लागूऔषध ब्राउनसुगर जस्तो देखिने पदार्थ  ३ ग्राम १२ मिलिग्राम सहित सुन्दरहरैचा नगरपालिका-१० बस्ने २४  वर्षीय सौगात राईलाई बुधबार दिउँसो प्रहरीले पक्राउ गरेको छ । लागूऔषध नियन्त्रण व्यूरो विराटनगरबाट खटिएको प्रहरीले उनलाई उक्त पदार्थ सहित फेला पारी पक्राउ गरेको हो ।  झापा, भद्रपुर नगरपालिका-५ मेचीपुल छेउबाट अवैध लागूऔषध ब्राउनसुगर जस्तो देखिने पदार्थ ३ ग्राम ६ सय ६० मिलिग्राम सहित मेचीनगर नगरपालिका-१३ चारआली बस्ने २३ वर्षीय सन्दीप गौतम समेत दुई जनालाई बुधबार साँझ प्रहरीले पक्राउ गरेको छ । अस्थाई प्रहरी पोष्ट मेचीपुलबाट खटिएको प्रहरीले उनलाई उक्त पदार्थ सहित फेला पारी पक्राउ गरेको हो । तनहुँ, आँबुखैरेनी गाउँपालिका-४ बेनिटारबाट नियन्त्रित लागूऔषध डाइजेपाम ५९ एम्पुल, फेनारगन ५९ एम्पुल र  नुर्फिन ६० एम्पुल सहित व्यास नगरपालिका-४ बस्ने १८ वर्षीय किशोरलाई गएराति प्रहरीले पक्राउ गरेको छ । अस्थाई प्रहरी पोष्ट मुग्लिन पुलजिपबाट खटिएको प्रहरीले भैरहवाबाट पोखरातर्फ आउँदै गरेको लु.१ ख ८५९५ नम्बरको बसलाई जाँच गर्ने क्रममा उक्त लागूऔषध सहित फेला पारी बसमा सवार उनलाई पक्राउ गरेको हो ।  पर्सा, वीरगंज महानगरपालिका-१६ शंकराचार्य गेटबाट नियन्त्रित लागूऔषध नाइट्राभेट २ हजार ३ सय ९८ पिस सहित ललितपुर,ललितपुर महानगरपालिका-१४ बस्ने ४४ वर्षीय रमेश चित्रकार र उनकी श्रीमती ३० वर्षीया मिना घलेलाई बुधबार राति प्रहरीले पक्राउ गरेको छ । प्रहरी चौकी इनर्वाबाट खटिएको प्रहरीले जाँच गर्ने क्रममा उक्त लागूऔषध सहित फेला पारी उनीहरूलाई पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ । 

आफ्नै श्रीमतीको हत्या गरेको अभियोगमा पक्राउ
२०७९-०७-२४

 झापा, आफ्नै श्रीमती २६ वर्षीया सपना गोरडको हत्या गरेको अभियोगमा बुद्धशान्ति गाउँपालिका-१ बुधबारे बजारस्थित सुन पसल संचालन गरी बस्ने भारत घर भएका ३२ वर्षीय रघुनाथ मारुती गोरडलाई बिहीबार बिहान प्रहरीले पक्राउ गरेको छ ।  उनीहरूबीचको सामान्य वादविवादमा रघुनाथले पानी खाने करुवाले टाउकोमा प्रहार गर्दा सपनाको घटनास्थलमै मृत्यु भएको भन्ने खबर प्राप्त हुनासाथ ईलाका प्रहरी कार्यालय बुधबारे र ईलाका प्रहरी कार्यालय धुलाबारीबाट खटिएको प्रहरीले उनलाई पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ ।

अवैध लागूऔषध सहित पक्राउ
२०७९-०७-२३

काठमाडौं, चन्द्रागिरी नगरपालिका-२ नागढुङ्गाबाट अवैध लागूऔषध खैरो हेरोइन जस्तो देखिने पदार्थ १ ग्राम ३ मिलिग्राम सहित झापा कन्काई नगरपालिका-४ घर भएका २६ वर्षीय एन्जल उप्रेतीलाई मंगलबार बिहान प्रहरीले पक्राउ गरेको    छ । विराटनगरबाट काठमाडौंतर्फ आउँदै गरेको बा.प्र.०३-००१ ख १२०६ नम्बरको बसलाई प्रहरीले जाँच गर्ने क्रममा खल्तीभित्र लुकाइ ल्याउँदै गरेको उक्त पदार्थ सहित फेला पारी बसमा सवार उनलाई पक्राउ गरेको हो ।  बाँके, खजुरा गाउँपालिका-१ बिरपुरबाट अवैध लागूऔषध ब्राउनसुगर १० ग्राम सहित सोही ठाउँ बस्ने ३० वर्षीय दिलिप खनाललाई मंगलबार बिहान प्रहरीले पक्राउ गरेको छ । ईलाका प्रहरी कार्यालय धनौली र प्रहरी चौकी राधापुरबाट खटिएको प्रहरीले जाँच गर्ने क्रममा उक्त ब्राउनसुगर सहित फेला पारी उनलाई पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ ।

दुर्लभ बन्यजन्तु सालकको खपेटा सहित दुई जना पक्राउ
२०७९-०७-२३

काठमाडौं, काठमाडौं महानगरपालिका-२६ गोंगबु चोकबाट १० केजी ५ सय ग्राम तौल भएको दुर्लभ वन्यजन्तु सालकको खपेटा सहित २ जनालाई मंगलबार दिउँसो प्रहरीले पक्राउ गरेको छ ।  पक्राउ पर्नेहरूमा रामेछाप दोरम्बा गाउँपालिका-७ थापागाँउ घर भएका ३८ वर्षीय प्रेम बहादुर बिक र खोटाङ अर्खल गाउँपालिका-९ घर भएका २१ वर्षीय अर्जुन मगर रहेका छन् । उनीहरूले सालकको खपेटा बोकी हिँडिरहेको भन्ने बिशेष सूचनाको आधारमा प्रहरी प्रभाग गोंगबुबाट खटिएको प्रहरीले उक्त तौलको सालकको खपेटा फेला पारी पक्राउ गरेको हो । साथै प्रेम बहादुर बिक सवार बा.५८ प ८३३७ नम्बरको मोटरसाइकल र अर्जुन मगर सवार बा.प्र ०२-०२८ प ७६७२ नम्बरको मोटरसाइकल समेत प्रहरीले नियन्त्रणमा लिएको छ ।   यस सम्बन्धमा प्रहरीले थप अनुसन्धान गरिरहेको छ ।

भन्सार छलि अवैध रूपमा लैजान लागेको सुन सहित पक्राउ
२०७९-०७-२३

काठमाडौं, काठमाडौं महानगरपालिका-९ स्थित त्रिभुवन अन्तर्राष्ट्रिय विमानस्थलको आगमन टनेल गेटबाट अवैध रूपमा लुकाई छिपाई भन्सार छलि लैजान लागेको अन्दाजी ६५ ग्राम तौलको सुन जस्तो देखिने पहेंलो धातुको बेरूवा औंठी ३ थान सहित काभ्रेपलाञ्चोक मण्डनदेउपुर नगरपालिका-४ घर भएका ३१ वर्षीय सुरेश तामाङलाई मंगलबार बिहान प्रहरीले पक्राउ गरेको छ ।  हिमालय एयरलाइन्सको उडानद्वारा दुबईबाट काठमाडौं आएका तामाङको गतिविधि शंकास्पद देखिएकोले उनलाई अन्तर्राष्ट्रिय विमानस्थलको आगमन टनेल गेटमा जाँच गर्ने क्रममा उक्त परिमाणको धातु भन्सार छली गरी लैजान लागेको अवस्थामा फेला पारी प्रहरीले पक्राउ गरेको हो ।   उनलाई आवश्‍यक अनुसन्धान एवं कारबाहीको लागि त्रिभुवन विमानस्थल भन्सार कार्यालय गौचरमा बुझाइएको छ ।  

प्रहरीमाथिअभद्र व्यवहार गरेको अभियोगमा आठ जना पक्राउ
२०७९-०७-२३

सिन्धुली, मरिण गाउँपालिका-७ ठाटी कमलेश्वर महादेब मन्दिरमा पूर्णिमाको अवसरमा परम्परागत बत्ती बाल्ने मेलामा सुरक्षा ड्युटी खटिएको प्रहरीमाथि अभद्र व्यवहार गरेको अभियोगमा सोही गाउँपालिका-७ बस्ने २९ वर्षीय सांगे लो लगायत ८ जनालाई गएराति प्रहरीले पक्राउ गरेको   छ ।  मादक पदार्थ सेवन गरेका उनीहरूले डिउटीमा खटिएको प्रहरी टोलीमाथि अपशब्द प्रयोग गर्दै गाली गलोज गर्ने, प्रहरीको हतियार खोस्ने प्रयास लगायतका अभद्र व्यवहार गरेपश्चात ईलाका प्रहरी कार्यालय कपिलाकोटबाट खटिएको प्रहरीले उनीहरूलाई पक्राउ गरेको हो ।   घटनामा संलग्न अन्य फरार व्यक्तिहरूको खोजी गर्नुका साथै यस सम्बन्धमा प्रहरीले थप अनुसन्धान गरिरहेको छ ।

३० वर्ष कैद सजाय तोकिएका फरार प्रतिवादी पक्राउ
२०७९-०७-२२

बर्दिया, ३० वर्ष कैद सजाय तोकिएका फरार प्रतिवादी ठाकुरबाबा नगरपालिका -८ बस्ने २४ वर्षीय टोपे भन्ने अजिव बुढाक्षेत्रीलाई सोमबार प्रहरीले पक्राउ गरेको छ ।  जिल्ला अदालत बर्दियाको २०७३ पुस २४  गतेको फैसलाले कर्तव्य ज्यान मुद्दामा १९ वर्ष ११ महिना ६ दिन कैद र थुनुवा भागे भगाएको मुद्दा समेतमा गरी जम्मा ३० वर्ष कैद सजाय ठहर भई फरार रहेका उनलाई जिल्ला प्रहरी कार्यालय बर्दियाबाट खटिएको प्रहरीले पक्राउ गरेको हो ।  ठाकुरबाबा नगरपालिका-८ बस्ने ६९ वर्षीय जोरा सिंह भन्ने जोरे थापा आफ्नै घरको बरण्डामा सुतिरहेको अवस्थामा २०७२ फागुन ५ गते राति अजिवले घरायसी रिसिईबीका कारण धारिलो हतियार दाउ प्रहार गरी हत्या गरी फरार भएको भन्ने जानकारी प्राप्त भई तत्काल खटिएको प्रहरीले अजिबलाई पक्राउ गरी फैसला कार्यान्वयनको लागि २०७२ फागुन ३० गते बर्दिया जिल्ला अदालतमा उपस्थित गराएकोमा निजको बयान कार्य सम्पन्न पश्चात शौचालय जान्छु भन्ने बहाना गरी शौचालयको भ्यान्टिलेसनबाट निस्की फरार भएका थिए ।  पक्राउ पश्चात उनलाई बर्दिया जिल्ला अदालतमा पेश गरिएकोमा अदालतको आदेशले कैद भुक्तानको लागि कारागार कार्यालय बर्दिया पठाइएको छ । 

अवैध लागूऔषध सहित पक्राउ
२०७९-०७-२२

पर्सा, वीरगंज महानगरपालिका-१६ स्थितबाट अवैध लागूऔषध ब्राउनसुगर जस्तो देखिने पदार्थ ५ सय मिलिग्राम सहित सोही महानगरपालिका-१३ बस्ने ४० वर्षीय सिकिन्द्र गिरीलाई सोमबार साँझ प्रहरीले पक्राउ गरेको छ । लागूऔषध नियन्त्रण ब्यूरो कार्यालय वीरगंजबाट खटिएको प्रहरीले उनलाई उक्त लागूऔषध सहित फेला पारी पक्राउ गरेको हो ।  साथै सोही कार्यालयबाट खटिएको प्रहरीले वीरगंज महानगरपालिका-१६ रजतजयन्ती चोकबाट साँधुबाबाको भेसमा नेपालबाट भारततर्फ जाँदै गरेका पैदलयात्री भारत घर भएका ४० वर्षीय संजय रायलाई अवैध लागूऔषध गाँजा २ केजी सहित सोमबार साँझ पक्राउ गरेको छ ।   यस सम्बन्धमा प्रहरीले थप अनुसन्धान गरिरहेको छ ।

प्रहरी महानिरीक्षक धिरज प्रताप सिंहबाट निर्वाचन सुरक्षा सम्बन्धी भर्चुअल माध्यमबाट निर्देशन
२०७९-०७-२१

काठमाडौं, प्रहरी महानिरीक्षक धिरज प्रताप सिंहले प्रदेश प्रहरी प्रमुख, नेपाल प्रहरी प्रदेश प्रहरी कार्यालय प्रमुख, प्रदेश तालिम केन्द्रका समादेशकहरू, प्रदेश ट्राफिक प्रहरी कार्यालय प्रमुख, जिल्ला प्रहरी प्रमुख र गण प्रमुखहरूलाई सोमबार नेपाल प्रहरी प्रधान कार्यालयबाट भर्चुअल माध्यमद्वारा निर्वाचन लक्षित निर्देशन सम्बोधन गर्नुभएको छ । निर्देशनको क्रममा प्रहरी महानिरीक्षक सिंहले हालसम्म निर्वाचन सुरक्षा सम्बन्धी भएको तयारी र निर्वाचन अनुकूल वातावरण बनाउने गरी भएका प्रयास सकारात्मक भएको उल्लेख गर्दै निर्वाचन सम्बन्धी केन्द्रको रणनीति, केन्द्रबाट भएको परिपत्र र निर्देशनलाई बुथ कमाण्डर तहसम्म पुर्‍याई निर्वाचन सुरक्षामा कुनै द्विविधा हुन नदिन निर्देशन दिनुभयो । उहाँले निर्वाचन राष्ट्रिय राजनीतिको दृष्टिले महापर्व भएको उल्लेख गर्दै आगामी निर्वाचनमा आउनसक्ने चुनौतीलाई सामना गर्न तयार रहन निर्देशन   दिनुभयो । तीन करोड नेपालीको विश्वास र सहभागिता रहेको निर्वाचनमा केही उच्छृंखल तत्वले विथोल्न खोज्छन् भने त्यसलाई उचित र प्रभावकारी कारवाही गरी निस्तेज पार्न समेत प्रहरी महानिरीक्षक सिंहले निर्देशन दिनुभयो । निर्वाचन सुरक्षाका क्रममा कमाण्डरको व्यावसायिकता बुथमा खटिने प्रहरी कर्मचारीले गर्ने कार्यबाट झल्कने र त्यही नै कमाण्डरको मूल्यांकनको कडी हुने उल्लेख गर्दै प्रहरी महानिरीक्षक सिंहले निर्वाचनको सुरक्षाका क्रममा असल नियतबाट भएका काम-कारवाही प्रति संगठनको सदैव साथ रहने विश्वास दिलाउनु भएको छ । ६ महिना अघि स्थानीय तहको निर्वाचनमा नेपाल प्रहरीले प्रदर्शन गरेको व्यावसायिकतालाई अक्षुण्ण राखी त्यसबाट प्राप्त आत्मविश्वास एवं नागरिकबाट प्राप्त जनविश्वासको जगमा अझ व्यावसायिक भएर निर्वाचन शान्तिपूर्ण, निष्पक्ष र भयरहित वातावरणमा सम्पन्न गरी राष्ट्रले सुम्पेको जिम्मेवारी पूरा गर्न प्रहरी महानिरीक्षक सिंहले निर्वाचनमा खटिने प्रहरी कर्मचारीहरुलाई निर्देशन दिनुभयो । यसअघि कार्य तथा अपराध अनुसन्धान विभागका प्रमुख एवं केन्द्रीय निर्वाचन सेलका संयोजक प्रहरी अतिरिक्त महानिरीक्षक दिवेश लोहनीले म्यादी प्रहरीको सहयोग लिई निर्वाचनलाई शान्तिपूर्ण बनाउन कुनै कसर बाँकी नराख्न निर्देशन  दिनुभयो । उहाँले स्रोत-साधनको समुचित प्रयोग गरी निष्पक्ष तवरले निर्वाचन सम्पन्न गर्न समेत निर्देशन दिनुभयो । उक्त अवसरमा वरिष्ठ प्रहरी अधिकृतहरुको समेत उपस्थिति रहेको थियो ।

पिर्का प्रहार गरी बुबाको हत्या गरेको अभियोगमा पक्राउ
२०७९-०७-२१

रोल्पा, आफ्नै बुबा ५४ वर्षीय मानसिंह घर्तिलाई काठको पिर्का प्रहार गरी हत्या गरेको अभियोगमा त्रिबेणी गाउँपालिका-४ पोखरी बस्ने २३ वर्षीय संदिप घर्तिलाई सोमबार बिहान प्रहरीले पक्राउ गरेको छ ।  घरको भान्सा कोठामा दुवै जना बसेर मादक पदार्थ सेवन गरेपछि घरायसी विवादमा संदिपले पिर्का प्रहार गर्दा मानसिंहको घटनास्थलमै मृत्यु भएको भन्ने खबर प्राप्त हुनासाथ प्रहरी चौकी जुगार, अस्थायी प्रहरी पोष्ट बुढागाँउ र ईलाका प्रहरी कार्यालय होलेरीबाट खटिएको प्रहरीले उनलाई पक्राउ गरेको हो ।   यस सम्बन्धमा प्रहरीले थप अनुसन्धान गरिरहेको छ ।

बैंकिङ कसूर मुद्दाका फरार प्रतिवादी पक्राउ
२०७९-०७-२१

काठमाडौं,  बैंकिङ कसूर मुद्दाका फरार प्रतिवादी तेह्रथुम अठराई गाउँपालिका-५ ठेगाना भएका ५४ वर्षीय केदारनाथ मिश्रलाई सोमबार प्रहरीले पक्राउ गरेको छ ।  उच्च अदालत पाटनको २०७९ साउन ३१ गतेको फैसलाले उक्त मुद्दामा ४ दिन कैद र ११ लाख रूपैयाँ जरिवाना सजाय ठहर भई फरार रहेका उनलाई नेपाल प्रहरी प्रधान कार्यालय केन्द्रीय अनुसन्धान ब्यूरो महाराजगञ्जबाट खटिएको प्रहरीले काठमाडौं जोरपाटीबाट पक्राउ गरेको हो । मिश्रले २०७७ भदौ २२ गते कामना सेवा बैंक लिमिटेडमा रहेको आफ्नो बैंक खातामा पर्याप्त मौज्दात रकम नभएको भन्ने जानी-जानी पीडितलाई झुक्यानमा पारी दिएको चेकको रकम भुक्तान हुन नसकेको घटनामा उच्च अदालत पाटनले उक्त फैसला गरेको थियो ।  उनलाई फैसला कार्यान्वयनको लागि ललितपुर जिल्ला अदालतमा पेश गरिकोमा अदालतबाट कैद भुक्तानको लागि कारागार कार्यालय नख्खु ललितपुरमा पठाइएको छ । 

अवैध लागूऔषध सहित विभिन्न स्थानबाट ११ जना पक्राउ
२०७९-०७-२१

सुनसरी, बराहक्षेत्र नगरपालिका-११ मधुवनस्थित भित्री सडकबाट अवैध लागूऔषध गाँजा करिब १ सय ७५ केजी सहित २ जनालाई गएराति प्रहरीले पक्राउ गरेको छ । पक्राउ पर्नेहरूमा इटहरी उपमहानगरपालिका-४ बस्ने ३१ वर्षीय मनिस दर्नाल र ३१ वर्षीय योगेन्द्र बजगाई रहेका छन् । प्रहरी चौकी मधुबनबाट खटिएको प्रहरीले बा.११ च ३०४२ नम्बरको बलेरो गाडी जाँच गर्ने क्रममा गाडीमा लुकाई ल्याएको उक्त परिमाणको लागूऔषध फेला पारी गाडी चालक मनिस र गाडीका सहचालक योगेन्द्रलाई पक्राउ गरेको हो ।  बारा, निजगढ नगरपालिका-१२ रामथलीबाट अवैध लागूऔषध गाँजा करिब १० केजी सहित सोही नगरपालिका-१२ बस्ने ५८ वर्षीय प्रेम बहादुर लो लाई आइतबार राति प्रहरीले पक्राउ गरेको छ । मकवानपुरबाट रतनपुरतर्फ काधमा गाँजा बोकी लैजाँदै गरेको अवस्थामा अस्थायी प्रहरी पोष्ट रतनपुर र ईलाका प्रहरी कार्यालय निजगढबाट खटिएको गस्ती टोलीलाई देख्नासाथ लागूऔषध फाली भाग्न खोजे पश्चात उनलाई उक्त लागूऔषध सहित पक्राउ गरेको हो ।  कैलाली, धनगढी उपमहानगरपालिका-१० बस्ने २० वर्षीया प्रिती रानालाई अवैध लागूऔषध ब्राउनसुगर ४ ग्राम सहित आइतबार राति प्रहरीले पक्राउ गरेको छ । सोही उपमहानगरपालिका-३ मायामेट्रो अस्पतालमा शंकास्पद रूपमा हिँडिरहेको अवस्थामा जिल्ला प्रहरी कार्यालय कैलालीबाट खटिएको प्रहरीले फेला पारी जाँज गर्ने क्रममा उनको साथबाट उक्त लागूऔषध फेला पारेको हो ।  नवलपरासी(पूर्व), गैडाकोट नगरपालिका-२ बस्ने ४१ वर्षीय बिनोद सुनारलाई नियन्त्रित लागूऔषध डाईजेपाम २१ एम्पुल, नुफिन २० एम्पुल र फेनारगन १४ एम्पुल सहित आइतबार दिउँसो प्रहरीले पक्राउ गरेको छ । उनले आफ्नै घरमा लागूऔषध बिक्री गरिरहेको भन्ने सूचनाको आधारमा ईलाका प्रहरी कार्यालय गैडाकोटबाट खटिएको प्रहरीले घर तलासी गर्दा उक्त लागूऔषध फेला पारी उनलाई पक्राउ गरेको हो ।  सिन्धुली, कमलामाई नगरपालिका-८ हर्दियाबाट नियन्त्रित लागूऔषध डाईजेपाम ९५ एम्पुल, नुफिन ९८ एम्पुल र फेनारगन ९९ एम्पुल सहित २ जनालाई आइतबार दिउँसो प्रहरीले पक्राउ गरेको छ । पक्राउ पर्नेहरूमा झापा दमक नगरपालिका-९ बस्ने २१ वर्षीय अशोक खड्का र दोलखा शैलुङ गाउँपालिका-३ घ्याङसुकाठोकर बस्ने ३१ वर्षीय सम्राट कार्की रहेका छन् । ईलाका प्रहरी कार्यालय भिमानबाट खटिएको प्रहरीले बर्दिबासबाट काठमाडौंतर्फ जाँदै गरेको ना.१ ज ५७१४ नम्बरको सुमोलाई जाँच गर्ने क्रममा सुमोमा सवार उनीहरूलाई उक्त लागूऔषध सहित फेला पारी पक्राउ गरेको हो । सिरहा, मिर्चैया नगरपालिका-५ थाना चौकबाट अवैध लागूऔषध ब्राउनसुगर करिब १ ग्राम सहित २ जनालाई आइतबार राति प्रहरीले पक्राउ गरेको छ । पक्राउ पर्नेहरूमा मिर्चैया नगरपालिका-१० रतनपुर टोल बस्ने २६ वर्षीय रविन्द्र यादव र सोही नगरपालिका-४ मिर्चैया बजार बस्ने २० वर्षीय अनिस कुमार साह रहेका छन् । ईलाका प्रहरी कार्यालय मिर्चैया र लागूऔषध नियन्त्रण व्यूरोबाट खटिएको संयुक्त टोलीले उनीहरूलाई उक्त लागूऔषध सहित फेला पारी पक्राउ गरेको हो ।  बाँके, नेपालगंज उपमहानगरपालिका-१५ जमुनाह चेक पोईन्टबाट अवैध लागूऔषध ब्राउनसुगर ६ ग्राम सहित दैलेख नौमुले गाउँपालिका-२ बबर सैनी बस्ने २५ वर्षीय रमेश सिंहलाई आइतबार राति प्रहरीले पक्राउ गरेको छ । ईलाका प्रहरी कार्यालय जमुनाह र लागूऔषध नियन्त्रण ब्यूरो नेपालगंजबाट खटिएको संयुक्त टोलीले भारतबाट नेपालतर्फ आउँदै गरेको उनलाई मलद्वारभित्र लुकाई छिपाई ल्याएको उक्त लागूऔषध सहित फेला पारी पक्राउ गरेको हो । पर्सा, वीरगंज महानगरपालिका-१६ रजन्तिचौकबाट अवैध लागूऔषध गाँजा २ केजी सहित भारत बिहार राज्य घर बताउने ५५ वर्षीय बालक दासलाई आइतबार राति प्रहरीले पक्राउ गरेको छ । वीरगंजबाट रक्सौलतर्फ जाँदै गरेका उनलाई उक्त लागूऔषध सहित फेला पारी प्रहरीले पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ ।

भालुको पित्त जस्तो देखिने वस्तु सहित तीन जना पक्राउ
२०७९-०७-२१

काठमाडौं महानगरपालिका-६ बौद्धस्थित बौद्ध गेष्‍ट हाउसको १०९ नम्बरको कोठाबाट भालुको पित्त जस्तो देखिने वस्तु २ थान सहित भारत अरूणाचल प्रदेश करुङ्ग कुमे घर बताउने ५५ वर्षीय ग्यमार तपर लगायत ३ जना भारतीय नागरिकलाई आइतबार दिउँसो प्रहरीले पक्राउ गरेको छ ।  उक्त गेष्ट हाउसमा गत शनिबारदेखि बस्दै आएका उनीहरूले भालुको पित्त बिक्री गरेको भन्ने सूचनाको आधारमा प्रहरी वृत्त बौद्धबाट खटिएको प्रहरीले उक्त कोठा तलासी गर्दा झोलामा लुकाइ राखेको उक्त वस्तु फेला पारी उनीहरूलाई पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ ।

चोरी पैठारी गरी ल्याएको काठको डमरू सहित पक्राउ
२०७९-०७-२१

काठमाडौं,  गोकर्णेश्वर नगरपालिका-२ नयाँपाटी गल्मतीस्थित टहरामा गलैचा कारखाना संचालन गर्ने मकवानपुर बकैया गाउँपालिका-१ घर भएका २८ वर्षीय रोहित तामाङलाई  चोरी पैठारी गरी ल्याएको खयरको जस्तो देखिने काठबाट बनाइएको डमरूको फ्रेम १ सय ६० थान सहित आइतबार दिउँसो प्रहरीले पक्राउ गरेको छ ।  तामाङले खयर जातको काठबाट बनाएको डमरुको फ्रेम मकवानपुर बकैयाबाट चोरी पैठारी गरी ल्याई उक्त टहरामा लुकाइ राखेको भन्ने सूचानाको आधारमा प्रहरी वृत्त बौद्धबाट खटिएको प्रहरीले उक्त परिमाणको डमरूको फ्रेम सहित उनलाई फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।

एटिएम मेसिनको ढोकाको सिसा तोडफोड गरेको अभियोगमा दुई जना पक्राउ
२०७९-०७-२१

पर्सा, वीरगंज महानगरपालिका-८ घण्टाघरस्थित लिंक रोडमा रहेको एनआइसी एसिया बैंकको एटिएमको ढोकाको सिसा तोडफोड गरेको अभियोगमा २ जनालाई आइतबार राति प्रहरीले पक्राउ गरेको छ ।  पक्राउ पर्नेहरूमा वीरगंज महानगरपालिका-५ मानेपुर भेलाहा बस्ने २९ वर्षीय राम सुगम मुखिया र २८ वर्षीय नागेन्द्र मुखिया रहेका छन् । उक्त एटिएमको ढोकाको सिसा तोडफोड गरेको भन्ने खबर प्राप्त हुनासाथ अस्थायी प्रहरी पोष्ट घण्टाघरबाट खटिएको प्रहरीले तोडफोडमा संलग्न उनीहरूलाई पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ ।

डलर साट्ने बाहना पारी ठगी गर्ने खोज्ने दुई जना पक्राउ
२०७९-०७-२१

काठमाडौं महानगरपालिका-२६ नयाँबसपार्कबाट डलर साट्ने बाहना पारी वैदेशिक रोजगारीको शिलशिलामा ओमनबाट आएका व्यक्तिलाई ठगी गर्ने नियतले ललाई फकाई गरिरहेको अवस्थामा फेला पारी २ जनालाई सोमबार बिहान प्रहरीले पक्राउ गरेको छ ।  पक्राउ पर्नेहरूमा गुल्मी ईस्मा गाउँपालिका-६ घर भई हाल काठमाडौं नयाँबसपार्क बस्ने ३३ वर्षीय प्रदिप कुमाल र सोही ठाउँ बस्ने ३४ वर्षीय दिपक कुमाल रहेका छन् । ओमनबाट आएका व्यक्ति घर जाने क्रममा नयाँबसपार्कमा बसको प्रतिक्षा गरिरहेको अवस्थामा उनीहरूले डलर साट्ने बाहना पारी ठगी गर्ने नियतले ललाई फकाई गरिरहेको अवस्थामा फेला पारी प्रहरी प्रभाग गोंगबुबाट खटिएको प्रहरीले पक्राउ गरेको हो । उनीहरूको साथबाट पैसाको आकारमा रहेको कागजको बिटो तथा नेपाली १२ हजार रूपैयाँ प्रहरीले बरामद गरेको छ ।  यस सम्बन्धमा प्रहरीले थप अनुसन्धान गरिरहेको छ ।

नेपाल प्रहरी श्रीमती संघ र निजी तथा आवासिय विद्यालय अर्गनाइजेशन नेपाल(प्याव्सन)बीच सम्झौतापत्रमा हस्ताक्षर
२०७९-०७-२०

काठमाडौं, नेपाल प्रहरी श्रीमती संघ र निजी तथा आवासिय विद्यालय अर्गनाइजेशन नेपाल(प्याव्सन)बीच बहालवाला प्रहरी कर्मचारीका परिवार, अमर प्रहरी परिवार तथा पुर्व प्रहरी परिवारका सन्ततीहरूलाई प्याबसनसँग आवद्ध सदस्य विद्यालयहरूमा छात्रवृत्ति तथा भर्ना शुल्क नलिने सम्बन्धी सम्झौतापत्रमा हस्ताक्षर भएको छ । नेपाल प्रहरी श्रीमती संघकोतर्फबाट संघकी अध्यक्ष श्रीमती कुसुम लता सिंह र निजी तथा आवासिय विद्यालय अर्गनाइजेशन नेपाल (प्याव्सन) कोतर्फबाट प्याबसनका अध्यक्ष डीके ढुंगानाले संघको कार्यालय भृकुटीमण्डपमा आइतबार आयोजित कार्यक्रममा उक्त सम्झौतापत्रमा हस्ताक्षर गर्नुको साथै सम्झौतापत्र आदानप्रदान समेत गर्नुभयो । कार्यक्रममा संघकी अध्यक्ष सिंहले शान्ति सुरक्षा तथा अपराध नियन्त्रणको अतिरिक्त प्राकृतिक प्रकोप, आपद विपदमा समेत आफ्नो ज्यानको प्रवाह नगरी देश र जनताको लागि खटिएका प्रहरी कर्मचारी, अमर प्रहरी तथा पूर्व प्रहरी कर्मचारीहरूले पुर्‍याएको योगदानको उच्च मूल्याङ्कन गरी प्याबसनले प्रदान गरेको सहयोगप्रति कृतज्ञता व्यक्त गर्नुभयो । साथै उहाँले आगामी दिनमा समेत संघ र प्यावसनबीचको सहकार्य र समन्वय भइरहने बताउनुभयो । प्याबसनका अध्यक्ष डीके ढुंगानाले राम्रो काम थालनी भएको चर्चा गर्दै शान्ति सुरक्षाका लागि अनवरत खटिने प्रहरी कर्मचारीका सन्ततीहरूलाई शैक्षिक सहयोग गर्न पाउँदा खुसी लागेको बताउनुभयो । साथै नेपाल श्रीमती संघसँगको समन्वय र सहकार्यमा शैक्षिक गुणस्तर स्तरोन्नती गर्न यस्ता सम्झौताले थप टेवा पुग्ने विचार उहाँले व्यक्त गर्नुभयो ।   प्याबसनसँग आवद्ध सदस्य विद्यालयहरूमा विद्यालय शिक्षा कक्षा १ देखि १२ सम्म छात्रवृत्ति कार्यक्रम संचालन  गर्ने  र एक सदस्य विद्यालयले १ जना विद्यार्थी पूर्ण दिवा छात्रवृत्ति उपलब्ध गराउने तथा छात्रवृत्तिमा समावेश नभएकाको हकमा भर्ना शुल्क नलिने गरी विद्यार्थी भर्ना गरिने उक्त सम्झौतापत्रमा उल्लेख गरिएको छ । प्रस्तुत  सम्झौता आगामी २०८१ सालसम्म २ वर्षका लागि लागू हुनेछ ।  उक्त अवसरमा प्याबसनका पदाधिकारीहरू, श्रीमती संघका पदाधिकारीहरु लगायतको उपस्थिति रहेको थियो ।

महिलाको चरित्र हत्या गर्ने व्यक्ति पक्राउ
२०७९-०७-२०

काठमाडौं, सामाजिक सञ्जालको दुरूपयोग गरी महिलाको चरित्र हत्या गरेको अभियोगमा सप्तरी सुरूङ्गा नगरपालिका-१ बस्ने १९ वर्षीय सुमित कुमार थापालाई शुक्रबार प्रहरीले पक्राउ गरेको छ ।  समित कुमारले सामाजिक सञ्जाल फेसबुकको नक्कली आइडीबाट पीडितको तस्विरमा अपरिचित महिलाको अश्लिल तस्विर राख्दै पीडितको बारेमा अनर्गल, अश्लिल शब्दहरु लेखी पोष्ट गर्नुका साथै उक्त आइडीको मेसेन्जरबाट पीडितको आफन्तहरुले प्रयोग गर्ने फेसबुकमा समेत पीडितको बारेमा विभिन्न अश्लिल म्यासेजहरु गरी बदनाम, बेईज्जत गरी, अनावश्यक मानसिक तनाव, दु:ख हैरानी दिई चरित्र हत्या गरी विद्युतीय कारोबार ऐन, २०६३ अन्तर्गतको कसूरमा उनलाई ईलाका प्रहरी कार्यालय भेडिया सप्तरीको सहयोगमा पक्राउ गरिएको नेपाल प्रहरी प्रधान कार्यालय साइवर व्यूरोले जनाएको छ ।  उनी उपर जिल्ला अदालत काठमाडौंबाट ७ दिन म्याद थप गरी आवश्यक अनुसन्धान गरिरहेको छ । 

अवैध लागूऔषध सहित पक्राउ
२०७९-०७-२०

झापा, बिर्तामोड नगरपालिका-४ बाट अवैध लागूऔषध ब्राउनसुगर जस्तो देखिने पदार्थ १ ग्राम ३ सय मिलिग्राम सहित बाह्रदर्शी गाउँपालिका-१ बस्ने २५ वर्षीय दिपेन्द्र राजवंशी लगायत २ जनालाई शनिबार दिउँसो प्रहरीले पक्राउ गरेको छ । लागूऔषध नियन्त्रण व्यूरो काकडभिट्टा झापाबाट खटिएको प्रहरीले जाँच गर्ने क्रममा उक्त पदार्थ सहित फेला पारी उनीहरूलाई पक्राउ गरेको हो । सुर्खेत, भेरीगंगा नगरपालिका-१० तोली खोलाबाट अबैध लागूऔषध हेरोइन करिब ३ ग्राम ४४ मिलिग्राम सहित सोही नगरपालिका-१३ बस्ने २० वर्षीय किरण चन्दलाई शनिबार दिउँसो प्रहरीले पक्राउ गरेको छ । ईलाका प्रहरी कार्यालय छिन्छुबाट खटिएको प्रहरीले नेपालगन्जबाट सुर्खेततर्फ आउँदै गरेको बा.४ ख ५३२८ नम्बरको गाडीलाई जाँच गर्ने क्रममा उक्त हेरोइन सहित फेला पारी गाडीमा सवार उनलाई पक्राउ गरेको हो । बाँके, खजुरा गाउँपालिका-७ बठवा चोकबाट अवैध लागूऔषध गाँजा करिब ५० ग्राम सहित सोही गाउँपालिका-४ डि गाउँ बस्ने १९ वर्षीय सुशान्त गुरुङलाई शनिबार साँझ प्रहरीले पक्राउ गरेको छ । ईलाका प्रहरी कार्यालय धनौलीबाट खटिएको प्रहरीले जाँच गर्ने क्रममा उक्त गाँजा सहित फेला पारी उनलाई पक्राउ गरेको हो । उनलाई पक्राउ गरी सोधपुछ गर्ने क्रममा उक्त गाँजा खजुरा गाउँपालिका-७ बठवा बस्ने २५ वर्षीय रहिस दर्जीको घरबाट किनी ल्याएको बताएपछि दर्जीको घरबाट थप ६ केजी लागूऔषध गाँजा प्रहरीले बरामद गरेको छ । हाल फरार दर्जीको प्रहरीले खोजी गरिरहेको छ ।  यस सम्बन्धमा प्रहरीले थप अनुसन्धान गरिरहेको छ । 

जुवातास खेलिरहेको अवस्थामा ६० जना पक्राउ
२०७९-०७-१९

 लमजुङ, सुन्दरबजार नगरपालिका-१ दुरागाउँ बस्ने रुपा दुराको घरमा जुवातास खेलिरहेको अवस्थामा सोही ठाउँ बस्ने ४४ वर्षीय राम बहादुर दुरा समेत १३ जनालाई गएराति प्रहरीले पक्राउ गरेको छ । उनको घरमा कौडा खेलिरहेको भन्ने सूचनाको आधारमा जिल्ला प्रहरी कार्यालय लमजुङ, ईलाका प्रहरी कार्यालय भोटेओडार र प्रहरी चौकी कुन्छाबाट खटिएको प्रहरीले उनीहरुलाई नगद १ लाख ६० हजार १ सय २३ रुपैयाँ र कौडा १६ थान सहित पक्राउ गरेको हो । यसैगरी लमजुङ बेसीशहर नगरपालिका-११ चितिस्थित घरमा जुवातास खेलिरहेको अवस्थामा सोही ठाउँ बस्ने सुदिप सुयल समेत २५ जनालाई शुक्रबार राति प्रहरीले पक्राउ गरेको छ । उनको घरमा कौडा खेलिरहेको भन्ने सूचनाको आधारमा जिल्ला प्रहरी कार्यालय लमजुङ, ईलाका प्रहरी कार्यालय भोटेओडार र प्रहरी चौकी चितिबाट खटिएको प्रहरीले उनीहरुलाई नगद १ लाख २१ हजार २५ रुपैयाँ र कौडा १६ थान सहित पक्राउ गरेको हो ।  तनहुँ, भानु नगरपालिका-५ सेपाबंगैचा बस्ने ४४  वर्षीय शिव कुमार श्रेष्ठको रक्षा खाजा घरमा जुवातास खेलिरहेको अवस्थामा श्रेष्ठ सहित १५ जनालाई गएराति प्रहरीले पक्राउ गरेको छ । उक्त खाजा घरमा कौडा खेलिरहेको भन्ने सूचनाको आधारमा  ईलाका प्रहरी कार्यालय भानूबाट खटिएको प्रहरीले उनीहरुलाई नगद १ लाख ८७ हजार ५ सय २० रुपैयाँ र १६ थान कौडा सहित पक्राउ गरेको हो ।  कपिलवस्तु, वाणगंगा नगरपालिका-७ वनगाई बस्ने ४७ वर्षीय रामु भुषालको जुनकिरी होटलमा जुवातास खेलिरहेको अवस्थामा भुसाल समेत ७ जनालाई शुक्रबार राति प्रहरीले पक्राउ गरेको छ । उनको होटलमा जुवातास खेलिरहेको भन्ने सूचनाको आधारमा ईलाका प्रहरी कार्यालय पिपराबाट खटिएको प्रहरीले उनीहरुलाई नगद १ लाख ३६ हजार ८ सय १५ रुपैयाँ र ८ बुक तास सहित पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ ।  

अवैध लागूऔषध सहित दुई जना पक्राउ
२०७९-०७-१९

  मोरङ, बिराटनगर महानगरपालिका-१६ भत्केको वालबाट नियन्त्रित लागूऔषध एभिल १३ एम्पुल, लुप्रिजेसिक १३ एम्पुल, फेनारगन १३ एम्पुल र मेडापाम १३ एम्पुल सहित अर्जुनधारा नगरपालिका-११ बस्ने १९ वर्षीया एलिसा दाहाललाई शुक्रबार दिउँसो प्रहरीले पक्राउ गरेको छ । ईलाका प्रहरी कार्यालय रानीबाट खटिएको प्रहरीले भारतबाट नेपालतर्फ पैदल आउँदै गरेका उनलाई जाँच गर्ने क्रममा उक्त लागूऔषध सहित फेला पारी पक्राउ गरेको हो ।  सर्लाही, बाग्मती नगरपालिका-११ बाट अवैध लागूऔषध गाँजा करिब ५ किलो सहित सिन्धुली मरिन गाउँपालिका-९ बरुण बस्ने २४ वर्षीय दोर्जे मोक्तानलाई  शुक्रबार राति प्रहरीले पक्राउ गरेको छ । ईलाका प्रहरी कार्यालय कर्मैयाबाट खटिएको प्रहरीले बा.४७ प ९८१७ नम्बरको मोटरसाइकल जाँच गर्ने क्रममा उक्त लागूऔषध सहित फेला पारी मोटरसाइकल चालक दोर्जेलाई पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ ।

आफ्नै श्रीमतीको हत्या गरेको अभियोगमा पक्राउ
२०७९-०७-१९

ओखलढुङगा, आफ्नै श्रीमती ३३ वर्षीया कल्पना खड्का राईको हत्या गरेको अभियोगमा सिद्धिचरण नगरपालिका-११ सोब्रु बस्ने सोलुखुम्बु नेचा सल्यान गाउँपालिका घर भएका ६१ वर्षीय राम बहादुर राईलाई शुक्रबार साँझ प्रहरीले पक्राउ गरेको छ ।  राम बहादुरले मादक पदार्थ सेवन गरी आफ्नै श्रीमतीसँग सामान्य बाद विबादमा दाउराको चिरपटले टाउकोमा प्रहार गर्दा  कल्पनाको घटनास्थलमै मृत्यु भएको भन्ने खबर प्राप्त हुनासाथ जिल्ला प्रहरी कार्यालय ओखलढुङगाबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।

४ सय ८० किलो अवैध लागूऔषध (खात) सहित दुई जना पक्राउ
२०७९-०७-१८

ललितपुर, ललितपुर महानगरपालिका-२४ बस्ने ३६ वर्षीय कविराज खड्का र धादिङ सिद्धलेख गाउँपालिका-६ घर भई काठमाडौं महानगरपालिका-३१ शान्तीनगर बस्ने २८ वर्षीय राम कुमार श्रेष्ठलाई अवैध लागूऔषध (खात) जस्तो देखिने सुकेको पातका टुक्राहरू ४ सय ८० किलो सहित बिहीबार प्रहरीले पक्राउ गरेको छ ।  कविराजले अवैध लागूऔषध ओसारपसार गरिरहेको भन्ने सूचनाका आधारमा केन्द्रीय अनुसन्धान व्यूरो महाराजगंज र लागूऔषध नियन्त्रण व्यूरो कोटेश्वरबाट खटिएको प्रहरीले कविराजले घरको आँगनमा पार्किङ गरी राखेको बा.२० च १५८ नम्बरको बोलेरोभित्र विभिन्न कार्टुनमा राखिएको २ सय २० किलो र कविराजको घरको कोठाबाट समेत गरी २ सय ६० किलो गरी जम्मा ४ सय ८० किलो उक्त लागूऔषध सहित फेला पारी कविराज र बोलेरो चालक राम कुमारलाई पक्राउ गरेको हो ।  उनीहरू उपर लागूऔषध मुद्दामा म्याद थप गरी आवश्यक अनुसन्धान भइहेको छ ।

दोहोरो नागरिकता र राहदानी भएका व्यक्ति पक्राउ
२०७९-०७-१८

काठमाडौं, काठमाडौं महानगरपालिका-३ महाराजगंजस्थित अमेरिकन राजदुतवास नजिकबाट दुई वटा नागरिकता र राहदानी सहित  उदयपुर वेलका नगरपालिका-७ घर भएका ४१ वर्षीय अशोक राई भन्ने ओम बहादुर राईलाई शुक्रबार प्रहरीले पक्राउ गरेको छ ।  राईले दोहोरो नागरिकता र दोहोरो राहदानी बनाई अमेरिका जान लागेको भन्ने सूचनाको आधारमा अमेरिकी दुतावाससँगको समन्वयमा काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले दुई वटा नागरिकता र राहदानी सहित उनलाई पक्राउ गरेको हो ।  उनलाई नागरिकता ऐन र राहदानी ऐन अन्तर्गतको कसुरमा आवश्यक कारबाहीका लागि जिल्ला प्रहरी परिसर टेकु काठमाडौंमा  पठाइएको छ । 

अवैध लागूऔषध गाँजा सहित पक्राउ तथा बरामद
२०७९-०७-१८

काठमाडौं, चन्द्रागिरी नगरपालिका-२ नागढुङ्गाबाट अवैध लागूऔषध गाँजाको धुलो १ किलो ६ सय ग्राम सहित धादिङ थाक्रे गाउँपालिका-७ बस्ने ६१ वर्षीय साईला तामाङलाई शुक्रबार दिउँसो प्रहरीले पक्राउ गरेको छ । धादिङको महादेववेशीबाट काठमाडौंतर्फ आउँदै गरेको बा.२ ख ६३६८ नम्बरको बसलाई प्रहरीले जाँच गर्ने क्रममा झोलामा काउली राखी काउलीको बिचमा लुकाई छिपाई ल्याउँदै गरेको उक्त गाँजाको धुलो सहित फेला पारी पक्राउ गरको हो । पर्सा, बहुदरमाई नगरपालिका-७ छप्कैयास्थित खोलाको किनारमा रहेको बाँसको झ्याङमाबाट अवैध लागूऔषध गाँजा करिब ७ किलो शुक्रबार बिहान प्रहरीले बरामद गरेको छ । ईलाका प्रहरी कार्यालय पोखरियबाट खटिएको प्रहरीले उक्त गाँजा फेला पारी बरामद गरेको हो । यस सम्बन्धमा प्रहरीले थप अनुसन्धान गरिरहेको छ ।

हत्या गरेको अभियोगमा पक्राउ
२०७९-०७-१८

काठमाडौं, आफ्नै आमा ७० वर्षीया फुलमाया तामाङको हत्या गरेको अभियोगमा सिन्धुपाल्चोक चौतारा साँगाचोकगढी नगरपालिका-३ घर भई कागेश्वरी मनोहरा नगरपालिका-८ गोठाटार बस्ने ३५ वर्षीय जय बहादुर तामाङलाई बिहीबार राति प्रहरीले पक्राउ गरेको छ । आफ्नै डेरा कोठामा जय बहादुरले धारिलो हतियार खुकुरी प्रहार गरी हत्या गरेको भन्ने खबर प्राप्त हुनासाथ प्रहरी प्रभाग काडाघारीबाट खटिएको प्रहरीले उनलाई पक्राउ गरेको हो ।  काभ्रे, धुलिखेल नगरपालिका-११ डाडागाँउ बस्ने ५२ वर्षीया बिन्दा कमिनीको हत्या गरेको अभियोगमा २ जनालाई बिहीबार राति प्रहरीले पक्राउ गरेको छ । पक्राउ पर्नेहरुमा दोलखा मेलुङ-७ घर भएकी २८ वर्षीया कोपिला विक र धुलिखेल नगरपालिका-११ डाँडा गाँउ बस्ने ५० वर्षीय गोपाल विक रहेका छन् । बिन्दाकी आफ्नै नातिनी कोपिला र गोपालले मादक पदार्थ सेवन गरी हत्या गरेको भन्ने खबर प्राप्त हुनासाथ अस्थायी प्रहरी पोष्ट काभ्रेभञ्ज्याङबाट खटिएको प्रहरीले उनीहरुलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

अवैध लागूऔषध चरेश जस्तो देखिने पदार्थ सहित २ जना पक्राउ
२०७९-०७-१८

दार्चुला, मार्मा गाउँपालिका-२ लाम्बगरबाट अवैध लागूऔषध चरेस जस्तो देखिने पदार्थ करिब २ केजी सहित २ जनालाई बिहीबार दिउँसो प्रहरीले पक्राउ गरेको छ । पक्राउ पर्नेहरुमा बैतडी डिलाशैनी गाउँपालिका-२ गन्ना बस्ने मदन घरेडी र दार्चुला अपि हिमाल गाउँपालिका-५ बस्ने ४४ वर्षीय दान सिंह धामी रहेका छन् ।  विशेष सूचनाको आधारमा ईलाका प्रहरी कार्यालय लटिनानाथबाट खटिएको प्रहरीले से.१ ज ६१८ नम्बरको जिपलाई जाँच गर्दा सोही जिपका चालक मदनको साथबाट उक्त पर्दाथ फेला परेपश्चात अनुसन्धानको क्रममा दान सिंहलाई समेत पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ । 

नक्कली करारनामा बनाई ठगी गरेको अभियोगमा पक्राउ
२०७९-०७-१७

काठमाडौं, नक्कली करारनामा बनाई नगद ४ करोड ५० लाख रुपैयाँ ठगी गरेको अभियोगमा पर्सा वीरगंज महानगरपालिका-१७ घर भई सोही महानगरपालिका-१४ पिपरा बहुअरी बस्ने ३६ वर्षीय नौसद अन्सारीलाई बुधबार प्रहरीले पक्राउ गरेको छ । नौसद अन्सारी समेतले काठमाडौं महानगरपालिका-१३ सोल्टीमोडमा रहेको जाकिर हुसेन अन्सारी र नौसद हुसेन अन्सारीको नाममा रहेको जग्गा किर्ते हस्ताक्षर गरी नक्कली करारनामा बनाई घरेलु तथा साना उद्योग कार्यालय काठमाडौं र कम्पनी रजिष्ट्रारको कार्यालय काठमाडौंमा उक्त नक्कली करारनामा पेश गरी हिमालयन होटेल प्रालि नामक कम्पनी दर्ता गराई उक्त होटलमा लगानी गर्नको लागी भन्दै पटकपटक गरी उक्त रुपैयाँमा ठगी गर्ने कार्यमा संलग्न उनलाई पर्सा वीरगंज महानगरपालिका-८ प्रतिमाचोकबाट काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले पक्राउ गरेको हो ।  उनलाई आवश्यक कारवाहीको जिल्ला प्रहरी परिसर टेकु काठमाडौं पठाइएको छ ।

हुण्डी कारोबारमा संलग्न तीन जना पक्राउ
२०७९-०७-१७

काठमाडौं, काठमाडौं बिशालबाजारस्थित अनुज सेन्टर र न्युरोड खिचापोखरीस्थित जय दुर्गा ट्रेड ईन्टरनेशनलबाट हुण्डी कारोबारमा संलग्न रहेको अभियोगमा ३ जनालाई बुधबार प्रहरीले पक्राउ गरेको छ ।  पक्राउ पर्नेहरूमा भारत नयाँदिल्ली ठेगाना भई काठमाडौं ठमेल बस्ने ५० वर्षीय कमल कान्त कुल्थिया, सप्तरी राजविराज ठेगाना भई काठमाडौं नक्साल बस्ने ६७ वर्षीय निर्मल कुमार अग्रवाल र भारत राजस्थान ठेगाना भई काठमाडौं ताहाचल बस्ने ५५ वर्षीय किशन गोपाल रहेका छन् । उनीहरुले नेपाल राष्ट्र बैंकले जारी गरेको आदेश/निर्देशन विपरीत वित्तिय कारोवार (हुण्डी) गर्दै आएका छन् भन्ने सूचनाको आधारमा काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले नगद ३१ लाख ८१ हजार ३ सय ८५ रूपैयाँ र व्यक्ति तथा संस्थाको नाममा काटिएको बैंक चेक सहित फेला पारी उनीहरूलाई पक्राउ गरेको हो । उनीहरूलाई आवश्यक कानुनी कारवाहीको जिल्ला प्रहरी परिसर टेकु पठाइएको छ ।

प्रहरीलाई दुर्व्यवहार गरेको अभियोगमा पक्राउ
२०७९-०७-१७

काठमाडौं, प्रहरीलाई दुर्व्यवहार गरेको अभियोगमा पाल्पा तानसेन नगरपालिका घर भई हाल काठमाडौं कागेश्वरी मनोहरा नगरपालिका-७ वीरेन्द्रचोक बस्ने ४५ वर्षीय सरोज कार्कीलाई बुधबार राति प्रहरीले पक्राउ गरेको छ । काठमाडौं महानगरपालिका-३२ साईरामचोकस्थित सम्झना लामाले संचालन गरेको होटलमा मादक पदार्थ सेवन गरी बसिरहेको अवस्थामा होटल संचालकले होटल बन्द गर्न खोज्दा बिभिन्न अश्लिल शब्दहरू प्रयोग गरी गाली गलोज तथा दुर्ब्यवहार गरि होटलमा समेत तोडफोड गरेको भन्ने खबर प्राप्त हुनासाथ प्रहरी प्रभाग काँडाघारीबाट खटिएको प्रहरीले सम्झाई बुझाई गर्ने क्रममा प्रहरी टोलीमाथि नै हातपात गर्नुको साथै प्रहरीको गाडीमा समत क्षति पुर्‍याएपश्चात उनलाई प्रहरीले पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

अवैध लागूऔषध सहित पक्राउ
२०७९-०७-१७

बाँके, नेपालगंज उपमहानगरपालिका-१५ जमुनाहबाट अवैध लागूऔषध ब्राउनसुगर जस्तो देखिने पदार्थ १ ग्राम २ सय ७० मिलिग्राम सहित प्युठान स्वर्गद्धारी नगरपालिका-९ बस्ने २६ वर्षीया बर्षा सुनारलाई बुधबार दिउँसो प्रहरीले पक्राउ गरेको छ । ईलाका प्रहरी कार्यालय जमुनाह र लागूऔषध नियन्त्रण ब्यूरो नेपालगंजबाट खटिएको संयुक्त टोलीले जाँच गर्ने क्रममा भारतबाट नेपालतर्फ आउँदै गरेकी उनलाई उक्त पदार्थ सहित फेला पारी पक्राउ गरेको हो । कैलाली, टिकापुर नगरपालिका-८ स्थितबाट नियन्त्रित लागूऔषषध नाईट्राभेट १ सय ४४ ट्याब्लेट सहित सोही नगरपालिका-८ चौगुर्दी बस्ने २० वर्षीय संजय लुहारलाई बुधबार साँझ प्रहरीले पक्राउ गरेको छ । प्रहरी चौकी कालाकुण्डाबाट खटिएको प्रहरीले मोहना नदी तरी भारतबाट नेपालतर्फ आउँदै गरेका उनलाई जाँच गर्ने क्रममा उक्त लागूऔषध सहित फेला पारी पक्राउ गरेको हो । कास्की, पोखरा महानगरपालिका-३० पावरहाउसबाट अवैध लागूऔषध गाँजा करिब १ केजी सहित धादिङ घर भई हाल पोखरा महानगरपालिका-६ लेकसाईड बस्ने २६ वर्षीय विजय मल्ल ठकुरीलाई बुधबार राति प्रहरीले पक्राउ गरेको छ । वडा प्रहरी कार्यालय गगनगौडाबाट खटिएको प्रहरीले काठमाडौंबाट पोखरातर्फ जाँदै गरेको ग.१ ख ५५६७ नम्बरको बसलाई जाँच गर्ने क्रममा बसमा सवार ठकुरीलाई उक्त लागूऔषध सहित फेला पारी पक्राउ गरेको हो । सर्लाही, हरिवन नगरपालिका-१ भुटकुनि टोल बस्ने ५० वर्षीया अनन्दी देवी साहलाई अवैध लागूऔषध गाँजा करिब १० केजी सहित बुधबार राति प्रहरीले पक्राउ गरेको छ । उनको घरमा लागूऔषध गाँजा लुकाई राखेको भन्ने सूचनाको आधारमा ईलाका प्रहरी कार्यालय हरिवनबाट खटिएको प्रहरीले तलासी गर्दा भुस राख्ने गोठमा प्लाष्टिकमा लुकाई छिपाई राखिएको उक्त परिमाणको गाँजा फेला पारी उनलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ । 

जबरजस्ती करणी गरेको अभियोगमा पक्राउ
२०७९-०७-१७

तनहुँ, १० वर्षीया बालिकालाई जबरजस्ती करणी गरेको अभियोगमा शुक्लागण्डकी नगरपालिका-८ गणपते बस्ने ६३ वर्षीय राम्जी बहादुर थापा क्षेत्रीलाई बुधबार राति प्रहरीले पक्राउ गरेको छ । स्थानीय जंगलमा अमला टिप्न जाने भन्दै ललाई फकाई लगी ती बालिकालाई थापाले बुधबार बिहान जबरजस्ती करणी गरेको उजुरीको आधारमा ईलाका प्रहरी कार्यालय बेलचौताराबाट खठिएको प्रहरीले उनलाई पक्राउ गरेको हो । दाङ, ४४ वर्षीया महिलालाई जबरजस्ती करणी गरेको अभियोगमा तुलसीपुर उपमहानगरपालिका-१४ चौपरीया बस्ने २७ वर्षीय दुर्गा बहादुर चौधरीलाई बुधबार राति प्रहरीले पक्राउ गरेको छ । सोही ठाउँस्थित धान काट्न गएकी ती महिलालाई चौधरीले जबरजस्ती करणी गरेको उजुरीको आधारमा ईलाका प्रहरी कार्यालय मलवारबाट खटिएको प्रहरीले उनलाई पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ । 

बैंकिङ कसूर मुद्दाका फरार प्रतिवादी पक्राउ
२०७९-०७-१६

काठमाडौं, बैंकिङ कसुर मुद्दाका फरार प्रतिवादी कामरु कन्स्ट्रक्सन प्रालिका संचालक नुवाकोट बेलकोटगढी नगरपालिका-६ का भएका ५१ वर्षीय राममणी दहाललाई मंगलबार प्रहरीले पक्राउ गरेको छ ।  बैंकिङ कसूर मुद्दामा उच्च अदालत पाटनको गत भदौ ६ गतेको फैसलाले १० दिन कैद र ४० लाख रुपैयाँ जरिवाना ठहर भई फरार रहेका उनलाई केन्द्रीय अनुसन्धान ब्युरो महाराजगञ्जबाट खटिएको प्रहरीले धादिङको गल्छीबाट पक्राउ गरेको    हो ।  कामरु कन्स्ट्रक्सन प्रालिका संचालक दहालले २०७७ मंसिर १५ गते उक्त कम्पनीको नाममा कुमारी बैंक लिमिटेडको चेकको रकम भुक्तान हुन नसकेको ठहर गर्दै उच्च अदालत पाटनले उक्त फैसला गरेको थियो ।  उनलाई जिल्ला अदालत ललितपुरको आदेशले कैद भुक्तानको लागि कारागार कार्यालय नख्खु ललितपुरमा पठाइएको छ ।

जबरजस्ती करणी र अपहरण तथा शरिर बन्धक मुद्दाका फरार प्रतिवादी पक्राउ
२०७९-०७-१६

बर्दिया, जबरजस्ती करणी र अपहरण तथा शरिर बन्धक मुद्दाका फरार प्रतिवादी वारबर्दिया नगरपालिका-६ बस्ने प्रेमलाल थारुलाई बुधबार प्रहरीले पक्राउ गरेको छ ।  जिल्ला अदालत बर्दिया गुलरियाको २०७५ असार १३ गतेको फैसलाले जबरजस्ती करणी र अपहरण तथा शरिर बन्धक मुद्दामा २ महिना कैद सजाय ठहर भई फरार रहेका उनलाई ईलाका प्रहरी कार्यालय बानियाभारबाट खटिएको प्रहरीले लुकिछिपी बसेको अवस्थामा उनकै घरबाट पक्राउ गरेको हो । उनलाई जिल्ला अदालत गुलरिया बर्दियाको आदेशले कैद भुक्तानको लागि कारागार कार्यालय बर्दिया पठाइएको छ ।     

अवैध लागूऔषध सहित पक्राउ
२०७९-०७-१६

कास्की, पोखरा महानगरपालिका-३० पावरहाउस चोकबाट अवैध लागूऔषध गाँजा ५ केजी सहित सोही महानगरपालिका-१५ घलेचोक बस्ने १९ वर्षीय सलिन खानलाई मंगलबार साँझ प्रहरीले पक्राउ गरेको छ । वडा प्रहरी कार्यालय गगनगौडाबाट खटिएको प्रहरीले नारायणगढबाट पोखरातर्फ आउँदै गरेको ग.२ ख २४६ नम्बरको बसलाई जाँच गर्ने क्रममा बसमा सवार खानलाई उक्त लागूऔषध सहित फेला पारी पक्राउ गरेको हो ।  बाँके, डुडुवा गाउँपालिका-५ बाट अवैध लागूऔषध ब्राउनसुगर जस्तो देखिने पदार्थ ६ सय मिलिग्राम सहित सोही गाउँपालिका-४ खाले मसाह बस्ने ३६ वर्षीय जगदिश कुमार वर्मा समेत २ जनालाई मंगलबार दिउँसो प्रहरीले पक्राउ गरेको छ ।  ईलाका प्रहरी कार्यालय कम्दीबाट खटिएको प्रहरीले उनीहरूलाई उक्त लागूऔषध सहित फेला पारी पक्राउ गरेको हो । कैलाली, धनगढी उपमहानगरपालिका-२ त्रीनगर व्यारेल नजिकबाट अवैध लागूऔषध ब्राउनसुगर करिब ५ सय ५० मिलिग्राम सहित गोदावरी नगरपालिका-५ बस्ने ३० वर्षीय कृष्ण सुनार समेत २ जनालाई मंगलबार दिउँसो प्रहरीले पक्राउ गरेको छ । जिल्ला प्रहरी कार्यालय कैलालीबाट खटिएको प्रहरीले उनीहरूलाई उक्त लागूऔषध सहित फेला पारी पक्राउ गरेको  हो ।  यस सम्बन्धमा प्रहरीले थप अनुसन्धान गरिरहेको छ ।

लागूऔषध मुद्दाका तीन जना फरार प्रतिवादी पक्राउ
२०७९-०७-१६

कास्की, लागूऔषध मुद्दाका ३ जना फरार प्रतिवादीलाई प्रहरीले मंगलबार पक्राउ गरेको छ । पक्राउ पर्नेहरुमा पोखरा महानगरपालिका-३० खोरखार बस्ने २६ वर्षीय सबिन गिरी, २२ वर्षीय सुजन कामी र उदयपुर जिल्ला त्रियुगा नगरपालिका-१५ घर भई सोही महानगरपालिका-२७ हमालचोक बस्ने २८ वर्षीय अनिल आले रहेका छन् ।   लागूऔषध मुद्दामा जिल्ला अदालत कास्कीको विभिन्न मितिको फैसलाले सबिन गिरीलाई ४ महिना २८ दिन कैद, सुजन कामीलाई ४ महिना ६ दिन कैद र अनिल आलेलाई ३ महिना २८ दिन कैद र २ हजार रुपैयाँ जरिवाना सजाय ठहर भई फरार रहेका उनीहरुलाई जिल्ला प्रहरी कार्यालय कास्की र ईलाका प्रहरी कार्यालय शिसुवाबाट खटिएको प्रहरीले पक्राउ गरेको    हो ।  उनीहरुलाई आवश्यक कारबाहीको लागि जिल्ला अदालत कास्कीमा पेश गरिएको जिल्ला प्रहरी कार्यालय कास्कीले जनाएको छ । 

चोरी मुद्दाका फरार प्रतिवादी पक्राउ
२०७९-०७-१६

बर्दिया, नकबजनी चोरी तथा जबरजस्ती चोरी उद्योग मुद्दामा संलग्न रही फरार रहेका प्रतिवादी वारबर्दिया नगरपालिका-२ बस्ने योगेन्द्र ज्ञवालीलाई सोमबार प्रहरीले पक्राउ गरेको छ ।  जिल्ला अदालत बर्दिया गुलरियाको मिति २०७८ मंसिर १ गतेको फैसलाले नकबजनी चोरी मुद्दामा २ वर्ष ९ महिना २ दिन कैद र ३० हजार रूपैयाँ जरिवाना सजाय तथा जबरजस्ती चोरी उद्योग मुद्दामा १ वर्ष ३ महिना २ दिन कैद र १५ हजार रूपैयाँ जरिवाना सजाय ठहर भई फरार रहेका उनलाई ईलाका प्रहरी कार्यालय बानियाभार बर्दियाबाट खटिएको प्रहरीले उनकै घरमा लुकिछीपी बसेको अवस्थामा फेला पारी पक्राउ गरेको हो ।  उनलाई आवश्यक कारबाहीको जिल्ला अदालत बर्दिया गुलरियामा पेश गरिएकोमा अदालतको आदेशले कैद भुक्तानको लागि कारागार कार्यालय बर्दिया पठाइएको छ ।

एटिएम मेसिन तोडफोड गरी चोरीको प्रयास गर्ने तीन जना पक्राउ
२०७९-०७-१५

ललितपुर, ललितपुर महानगरपालिका-५ कुमारीपाटीमा रहेको एनएमबी बैंकको एटिएम मेसिन तोडफोड गरी चोरीको प्रयास गर्ने कार्यमा संलग्न ३ जनालाई प्रहरीले पक्राउ गरेको छ । पक्राउ पर्नेहरूमा नुवाकोट वेलकोटगढी नगरपालिका-३ घर भई ललितपुर, ललितपुर महानगरपालिका-१७ ग्वार्को बस्ने ३१ वर्षीय वसन्त तिवारी, सोही महानगरपालिका-६ सुन्धारा बस्ने २४ वर्षीय विजय तिवारी र सुनसरी धरान उपमहानगरपालिका-१५ भानुचोक घर भई ललितपुर, ललितपुर महानगरपालिका-६ सुन्धारामा बस्ने ३५ वर्षीय अनिल राई रहेका छन् । कात्तिक ४ गते राति उनीहरुले उक्त बैंकको एटिएम मेसिन तोडफोड गरी रकम चोरी गर्ने प्रयास गरी फरार रहेका उनीहरूलाई जिल्ला प्रहरी परिसर ललितपुर तथा वडा प्रहरी कार्यालय लगनखेलबाट खटिएको प्रहरीले पक्राउ गरेको हो ।  उनीहरु उपर जिल्ला अदालत ललितपुरबाट म्याद थप गरी आवश्यक अनुसन्धान भइरहेको छ । 

खुकुरी प्रहार गरी हत्या गरेको अभियोगमा पक्राउ
२०७९-०७-१५

ललितपुर, ललितपुर महानगरपालिका-२७ सुनाकोठी बस्ने ३५ वर्षीय रामचन्द्र राईलाई धारिलो हतियार खुकुरी प्रहार गरी हत्या गरेको अभियोगमा खोटाङ साकेला गाउँपालिका-१ घर भई हाल ललितपुर महानगरपालिका-२७ सुनाकोठी बस्ने ४१ वर्षीय राजेन्द्र राईलाई सोमबार राति प्रहरीले पक्राउ गरेको छ ।  राजेन्द्रले खुकुरी प्रहार गर्दा रामचन्द्रको घटनास्थलमै मृत्यु भएको भन्ने खबर प्राप्त हुनासाथ प्रहरी वृत्त चापागाउँ र जिल्ला प्रहरी परिसर ललितपुरबाट खटिएको प्रहरीले उनलाई पक्राउ गरेको हो । प्रारम्भिक अनुसन्धानको क्रममा रामचन्द्र राईले हेपेर बोल्ने गरेको र राजेन्द्रकी श्रीमती समेतलाई अपशब्द बोलेको बिषयलाई लिएर वादविवाद हुदाँ राजेन्द्रले खुकुरी प्रहार गरी हत्या गरेको खुल्न आएको छ ।  यस सम्बन्धमा प्रहरीले थप अनुसन्धान गरिरहेको छ ।

अवैध लागूऔषध सहित पक्राउ
२०७९-०७-१५

मकवानपुर, हेटौंडा उपमहानगरपालिका-५ सानो पोखराबाट अवैध लागूऔषध खैरो हेरोईन जस्तो देखिने पदार्थ १ ग्राम ४ सय ६० मिलिग्राम र सानो डिजिटल तराजु १ थान सहित ३ जनालाई सोमबार साँझ प्रहरीले पक्राउ गरेको छ । पक्राउ पर्नेहरुमा सोही उपमहानगरपालिका-१४ मयुरधाप बस्ने २८ वर्षीय रोबिन श्रेष्ठ, सोही उपमहानगरपालिका-११ थानाभर्याङ बस्ने २५ वर्षीय अनिष चौलागाई र सोही उपमहानगरपालिका-२ कान्तिराजपथ बस्ने २३ वर्षीय बिकाश कार्की रहेका छन् । जिल्ला प्रहरी कार्यालय मकवानपुरबाट खटिएको प्रहरीले ना.४८ प.९००५ नम्बरको मोटरसाइकललाई जाँच गर्ने क्रममा मोटरसाइकलमा सवार उनीहरुलाई उक्त लागूऔषध सहित फेला पारी पक्राउ गरेको हो ।  कैलाली, टिकापुर नगरपालिका-९ स्थित नेपाल भारत सिमानाका खक्रौला चेक पोष्टबाट अवैध लागूऔषध खैरो हेरोईन जस्तो देखिने पदार्थ २३ ग्राम ४ सय १० मिलिग्राम सहित सोही नगरपलिका-१ खड्क चोक बस्ने २५ वर्षीय सुरज चौधरीलाई सोमबार दिउँसो प्रहरीले पक्राउ गरेको छ । सुदुरपश्चिम प्रदेश प्रहरी कार्याल र  प्रहरी चौकी कालाकुण्डाबाट खटिएको प्रहरीले जाँच गर्ने क्रममा भारतबाट नेपालतर्फ आउने क्रममा साईकलमा बोकेर ल्याएको आलुको बोरा भित्र लुकाएको अवस्थामा उक्त लागूऔषध फेला पारी उनलाई पक्राउ गरेको हो ।  कञ्चनपुर, बेलौरी नगरपालिका-१० भुडास्थित सडकबाट अवैध लागूऔषध खैरो हेरोईन जस्तो पदार्थ ९५० मिलिग्राम सहित ३ जनालाई सोमबार साँझ प्रहरीले पक्राउ गरेको छ । पक्राउ पर्नेहरुमा शुक्लाफाँटा नगरपालिका-४ झलारी बस्ने २३ वर्षीय हरेन्द्र कुँवर, सोही नगरपालिका-११ कलुवापुर बस्ने १८ वर्षीय किशोर र कैलाली धनगढी उउपमहानगरपालिका-२ मिलनचोक घर भएका २२ वर्षीय सुदिप धामी रहेका छन् । प्रहरी चौकी भुडाबाट खटिएको प्रहरीले सु.प.प्र०१-००९ प.९९५१ नम्बरको मोटरसाइकललाई जाँच गर्ने क्रममा मोटरसाइकलमा सवार उनीहरुलाई उक्त लागूऔषध सहित पक्राउ गरेको हो ।  सुनसरी, धरान उपमहानगरपालिका-११ वानडाडाबाट नियन्त्रित लागूऔषध स्पास्पेन १ हजार ७ सय १६ ट्याबलेट, ट्रामोडोल २ हजार ७ सय ७५ क्याप्सुल, स्पास्मो प्रोक्सिभन प्लस ६ सय ७५ क्याप्सुल र नाइट्रोसन २७ ट्याबलेटका साथै नगद १ लाख ६ हजार रुपैयाँ सहित सोही ठाउँ बस्ने ४६ वर्षीय बिरु भुजेललाई सोमबार राति प्रहरीले पक्राउ गरेको छ । सुचनाको आधारमा १ नम्बर प्रदेश प्रहरी कार्यालय र ईलाका प्रहरी कार्यालय धरानबाट खटिएको प्रहरीले उनको घरमा खानतलासी लिने क्रममा उक्त लागूऔषध र नगद फेला पारी पक्राउ गरेको हो ।   यस सम्बन्धमा प्रहरीले आवश्यक अनुसन्धान गरिरहेको छ । 

जबरजस्ती करणी गरेको अभियोगमा पक्राउ
२०७९-०७-१५

काठमाडौं, १६ वर्षीया किशोरीलाई जबरजस्ती करणी गरेको अभियोगमा चन्द्रागिरी नगरपालिका-८ मातातिर्थ  बस्ने २८ वर्षीय चन्दन महर्जनलाई सोमबार साँझ प्रहरीले पक्राउ गरेको छ । महर्जनले ती किशोरीलाई ललाई फकाई काठमाडौं महानगरपालिका-१४ कलंकीस्थित गेष्ट हाउसमा लगी विभिन्न मितिमा पटक पटक जबरजस्ती करणी गरेको भन्ने उजुरीको आधारमा प्रहरी वृत्त कालिमाटीबाट खटिएको प्रहरीले उनलाई मातातिर्थस्थित बौथली चोकबाट पक्राउ गरेको हो । भक्तपुर, १४ वर्षीया बालिकालाई जबरजस्ती करणी गरेको अभियोगमा भक्तपुर सूर्यबिनायक नगरपालिका-३ बालकोट बस्ने २२ वर्षीय रुपक खड्कालाई सोमबार राति प्रहरीले पक्राउ गरेको छ । खड्काले ती बालिकालाई पटक पटक जबरजस्ती करणी गरेको भन्ने खबर प्राप्त हुनासाथ प्रहरी वृत्त ठिमीबाट खटिएको प्रहरीले उनलाई पक्राउ गरेको हो ।   यस सम्बन्धमा प्रहरीले थप अनुसन्धान गरिरहेको छ ।

चक्कु प्रहार गरी हत्या गरेको अभियोगमा ५ जना पक्राउ
२०७९-०७-१४

मोरङ, झापा दमक नगरपालिका-१० आमबाडी बस्ने १४ वर्षीय दियुस श्रेष्ठको हत्या गरेको अभियोगमा ५ जनालाई सोमबार प्रहरीले पक्राउ गरेको छ । पक्राउ पर्नेहरुमा उर्लाबारी नगरपालिकाका १७ वर्षीय ३ जना किशोर र सोही नगरपालिकाका १६ वर्षीय २ जना किशोर रहेका छन् ।  उर्लाबारी नगरपालिका-७ मौवा खोलास्थित छठ मेलामा गएको बेलामा उनीहरूको छुरा प्रहारबाट गम्भीर घाइते भएका दियुसको विएण्डसी अस्पताल विर्तामोड झापामा उपचारको क्रममा मृत्यु भएको घटनामा संलग्न उनीहरुलाई जिल्ला प्रहरी कार्यालय मोरङ र ईलाका प्रहरी कार्यालय उर्लाबारीबाट खटिएको प्रहरीले पक्राउ गरेको हो ।   यस सम्बन्धमा प्रहरीले थप अनुसन्धान गरिरहेको छ ।

अवैध लागूऔषध सहित पक्राउ
२०७९-०७-१४

भक्तपुर, मध्यपुर ठिमी नगरपालिका-१ लोकन्थलीबाट नियन्त्रित लागूऔषध नाईट्राभेट ६ सय ट्याब्लेट सहित सिरहा लहान नगरपालिका-४ घर भई हाल ललितपुर पाटन बस्ने २३ वर्षीय रमेश कुमार आनन्दलाई आइतबार साँझ प्रहरीले पक्रउ गरेको छ । प्रहरी प्रभाग बालकोटबाट खटिएको प्रहरीले उनलाई उक्त लागूऔषध सहित फेला पारी पक्राउ गरेको हो ।  नवलपरासी(पूर्व), विनयी त्रिवेणी गाउँपालिका-२ दाउन्नेबाट नियन्त्रित लागूऔषध नुर्फिन २३ एम्पुल, फेनारगन २३ एम्पुल र डाईजेपाम २३ एम्पुल सहित चितवन भरतपुर महानगरपालिका-४ बस्ने २८ वर्षीय बम बहादुर क्षेत्रीलाई आइतबार साँझ प्रहरीले पक्राउ गरेको छ । प्रहरी चौकी दाउन्नेबाट खटिएको प्रहरीले ना.६१ प १३४ नम्बरको स्कुटरलाई जाँच गर्ने क्रममा स्कुटर चालक क्षेत्रीलाई उक्त लागूऔषध सहित फेला पारी पक्राउ गरेको हो ।   यस सम्बन्धमा प्रहरीले थप अनुसन्धान गरिरहेको छ ।

अवैध लागूऔषध सहित पक्राउ
२०७९-०७-१३

बाँके, बैजनाथ गाउँपालिका-४ बोडिङ बस्ती मध्यवर्ती सामुदायिक बन जंगलबाट अवैध लागूऔषध ब्राउनसुगर जस्तो देखिने पदार्थ करिब ३ सय २० मिलिग्राम सहित सोही गाउँपालिका-४ बस्ने १९ वर्षीय निम बहादुर बिकलाई शनिबार राति प्रहरीले पक्राउ गरेको छ । ईलाका प्रहरी कार्यालय कोहलपुरबाट खटिएको प्रहरीले उनलाई उक्त पदार्थ सहित फेला पारी पक्राउ गरेको हो ।  कञ्चनपुर, बेलौरी नगरपालिका-६ स्थित सडकबाट अवैध लागूऔषध खैरो हेरोईन जस्तो देखिने पदार्थ करिब ५४ ग्राम सहित बैतडी पाटन नगरपालिका-६ बस्ने २७ वर्षीय गजेन्द्र चन्द समेत ३ जनलाई शनिबार राति प्रहरीले पक्राउ गरेको छ । ईलाका प्रहरी कार्यालय बेलौरीबाट खटिएको प्रहरीले पचुईबाट बेलौरीतर्फ आउँदै गरेको सु.प.प्र.०१-००१ ज १२८२ नम्बरको जीपलाई जाँच गर्ने क्रममा उक्त पदार्थ फेला पारी जीप चालक चन्द र जीपमा सवार अन्य २ जनालाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ । 

अवैध लागूऔषध सहित पक्राउ
२०७९-०७-१२

नवलपरासी (पूर्व), विनयी त्रिवेणी गाउँपालिका-२ दाउन्नेबाट नियन्त्रित लागूऔषध फेनारगन ३० एम्पुल, डाईजेपाम ३० एम्पुल र नुर्फिन ३० एम्पुल सहित चितवन भरतपुर महानगरपालिका-३ न्यूरोड बस्ने ३८ वर्षीय पूर्ण मगरलाई शुक्रबार दिउँसो प्रहरीले पक्राउ गरेको छ । प्रहरी चौकी दाउन्नेबाट खटिएको प्रहरीले ना.७ ख २२७ नम्बरको बस जाँच गर्ने क्रममा बसमा सवार उनलाई उक्त लागूऔषध सहित फेला पारी पक्राउ गरेको हो । रौतहट, गुजरा नगरपालिका-१ स्थितबाट नियन्त्रित लागूऔषध नाईट्राभेट ९ सय ट्याब्लेट सहित सोही नगरपालिका-५ लक्ष्मीपुर बस्ने १९ वर्षीय नाफिस आलमलाई शुक्रबार राति प्रहरीले पक्राउ गरेको छ । प्रहरी चौकी रंगपुर र ईलाका प्रहरी कार्यालय चन्द्रपुरबाट खटिएको प्रहरीले उनलाई उक्त लागूऔषध सहित फेला पारी पक्राउ गरेको हो । पाल्पा, बगनासकाली गाउँपालिका-३ आर्यभन्ज्याङबाट अवैध लागूऔषध गाँजा करिब ५ सय ग्राम सहित तानसेन नगरपालिका-१ बस्ने २३ वर्षीय बिष्णु केसी समेत २ जनालाई शुक्रबार राति प्रहरीले पक्राउ गरेको छ । प्रहरी चौकी आर्यभन्ज्याङबाट खटिएको प्रहरीले उनीहरूलाई उक्त लागूऔषध सहित फेला पारी पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ ।

जुवातास खेलिरहेको अवस्थामा ३८ जना पक्राउ
२०७९-०७-१२

ललितपुर, ललितपुर महानगरपालिका-२३ धापाखेल बस्ने होम कुमार लावतीको घरमा जुवातास खेलिरहेको अवस्थामा सोही महानगरपालिका-७ पिलाछे बस्ने ४८ वर्षीय नरेन्द्र महर्जन समेत ६ जनालाई शुक्रबार राति प्रहरीले पक्राउ गरेको छ । प्रहरी वृत्त सातदोबाटो र जिल्ला प्रहरी परिसर ललितपुरबाट खटिएको प्रहरीले उनीहरूलाई नगद ७ लाख ९९ हजार ३ सय २० रूपैयाँ, रातो रङको क्वाईन २३ थान, तास, कालो रङको क्वाईन २२ थान, सेतो क्वाईन १८ थान र ३ वटा गाडी सहित पक्राउ गरेको हो । मकवानपुर, हेटौंडा उपमहानगरपालिका-६ चौघडा बस्ने ध्रुर्व राईको घरमा जुवातास खेलिरहेको अवस्थामा १८ जनालाई शुक्रबार राति प्रहरीले पक्राउ गरेको छ । प्रहरी चौकी चौघडा र जिल्ला प्रहरी कार्यालय मकवानपुरबाट खटिएको प्रहरीले उनीहरूलाई नगद ३१ हजार ८ सय २० रूपैयाँ र १७ थान कौडा सहित पक्राउ गरेको हो ।  सप्तरी, अग्निसाईर कृष्णसावरण गाउँपालिका-६ महुली बजार बस्ने सिताराम मेहताको घरमा जुवातास खेलिरहेको अवस्थामा कंचनरुप नगरपालिका-१२ बस्ने ३६ वर्षीय दिपक भट्टराई लगायत १४ जनालाई गएराति प्रहरीले पक्राउ गरेको छ । ईलाका प्रहरी कार्यालय कंचनपुरबाट खटिएको प्रहरीले उनीहरूलाई नगद २ लाख २१ हजार २ सय ८५ रूपैयाँ  र तास १२ बुक सहित पक्रउ गरेको हो । यस सम्बन्धमा प्रहरीले थप अनुसन्धान गरिरहेको छ । 

अवैध लागूऔषध ब्राउनसुगर सहित पक्राउ
२०७९-०७-०९

बर्दिया, बढैयाताल गाउँपालिका-२ फुटाहाबाट अवैध लागूऔषध ब्राउनसुगर जस्तो देखिने पदार्थ ४ सय ५० मिलिग्राम सहित बाँके बैजनाथ गाउँपालिका-६ गदरही बस्ने १९ वर्षीय प्रबेश चौधरीलाई मंगलबार साँझ प्रहरीले पक्राउ गरेको छ । प्रहरी चौकी जमुनिबाट खटिएको प्रहरीले भारतबाट नेपालतर्फ  पैदल आउँदै गरेका उनलाई जाँच गर्ने क्रममा उक्त पदार्थ सहित फेला पारी पक्राउ गरेको हो ।  झापा, अर्जुनधारा नगरपालिका-११ बाट अवैध लागूऔषध ब्राउनसुगर जस्तो देखिने पदार्थ २१ ग्राम सहित २ जनालाई मंगलबार साँझ प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने ३४ वर्षीय दिनेश दर्जी र ३८ वर्षीय राजकुमार कार्की रहेका छन् । सोही नगरपालिका-११ चिया बगान क्वाटरस्थित लागूऔषधको कारोबार भइरहेको भन्ने खबर प्राप्त हुनासाथ अस्थाई प्रहरी पोष्ट बसपार्कबाट खटिएको प्रहरीले जाँच गर्ने क्रममा उक्त पदार्थ सहित फेला पारी उनीहरूलाई पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ ।

जबरजस्ती करणी गरेको अभियोगमा पक्राउ
२०७९-०७-०९

भक्तपुर, ७ वर्षीया बालिकालाई जबरजस्ती करणी गरेको अभियोगमा दोलखा बैतेश्वर गाउँपालिका-१ घर भई भक्तपुर दुवाकोट बस्ने ३० वर्षीय राम चन्द्र दाहाललाई मंगलबार दिउँसो प्रहरीले पक्राउ गरेको छ । चाँगुनारायण नगरपालिका-२ दुवाकोटमा ती बालिकालाई दाहालले मादक पदार्थ सेवन गरी जबरजस्ती करणी गरेको भन्ने खबर प्राप्त हुनासाथ प्रहरी प्रभाग दुवाकोटबाट खटिएको प्रहरीले उनलाई पक्राउ गरेको हो ।  अर्घाखाँची, १२ वर्षीया बालिकालाई जबरजस्ती करणी गरेको अभियोगमा भुमिकास्थान नगरपालिका-६ बराहचौर बस्ने ५९ वर्षीय नुम बहादुर पुनलाई मंगलबार साँझ प्रहरीले पक्राउ गरेको छ । ती बालिकालाई पुनले सोमबार दिउँसो जबरजस्ती करणी गरेको भन्ने खबर प्राप्त हुनासाथ प्रहरी चौकी खिल्जिबाट खटिएको प्रहरीले उनलाई पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ ।

अवैध लागूऔषध खैरो हेरोइन सहित पक्राउ
२०७९-०७-०८

झापा, कमल गाउँपालिका-३ केर्खाबाट अवैध लागूऔषध खैरो हेरोइनजस्तो देखिने पदार्थ १० ग्राम र नगद १६ हजार ८ सय ५५ रुपैयाँ सहित अर्जुनधारा नगरपालिका-९ बस्ने २६ वर्षीय अजय माझी समेत २ जनालाई सोमबार साँझ प्रहरीले पक्राउ गरेको छ । ईलाका प्रहरी कार्यालय दमक र प्रहरी चौकी केर्खाबाट खटिएको प्रहरीले मे.५ प ९८१८ नम्बरको मोटरसाइकललाई जाँच गर्ने क्रममा उक्त पदार्थ सहित फेला पारी उनीहरूलाई पक्राउ गरेको हो ।  जुम्ला, चन्दननाथ नगरपालिका-७ महतगाउँ भन्ने स्थानबाट अवैध लागूऔषध खैरो हेरोइन जस्तो देखिन पदार्थ ७ ग्राम ९ सय ६५ मिलिग्राम सहित सोही गाउँपालिका-५ बस्ने २५ वर्षीय निराजन श्रेष्ठलाई मंगलबार बिहान प्रहरीले पक्राउ गरेको छ । जिल्ला प्रहरी कार्यालय जुम्लाबाट खटिएको प्रहरीले उक्त पदार्थ सहित फेला पारी उनलाई पक्राउ गरेको हो ।   यस सम्बन्धमा प्रहरीले थप अनुसन्धान गरिरहेको छ ।

जुवातास खेलिरहेको अवस्थामा ३७ जना पक्राउ
२०७९-०७-०८

पर्सा, वीरगंज महानगरपालिका-१७ अलौमा जुवातास खेलिरहेका अवस्थामा सोही ठाउँ बस्ने २८ वर्षीय लक्ष्मी सहनी समेत ४ जनालाई सोमबार राति प्रहरीले पक्राउ गरेको छ । उक्त स्थानमा जुवातास खेलिरहेको भन्ने खबर प्राप्त हुनासाथ वडा प्रहरी कार्यालय  र प्रहरी चौकी सिर्सियाबाट खटिएको प्रहरीले उनीहरूलाई नगद १ लाख १८ हजार १ सय ९० रूपैयाँ  र १ सेट कौडा सहित पक्राउ  गरेको हो ।  मकवानपुर, हेटौंडा उपमहानगरपालिका-११ नवलपुर बस्ने बैकुण्ठ बलामीको घरमा रहेको ग्यारेजमा जुवातास  खेलिरहेको अवस्थामा ३३ जनालाई सोमबार राति प्रहरीले पक्राउ गरेको छ । उक्त ग्यारेजाम जुवातास खेलिरहेको भन्ने खबर प्राप्त हुनासाथ जिल्ला प्रहरी कार्यालय मकवानपुर र अस्थाई प्रहरी पोष्ट थानाभर्‍याङबाट खटिएको प्रहरीले उनीहरूलाई नगद ७३ हजार रुपैयाँ, कौडा १३ थान र तास १३ बुक सहित पक्राउ गरेको हो । साथै प्रहरीलाई अभद्र व्यवहार गर्ने १ जना महिलालाई समेत प्रहरीले नियन्त्रणमा लिएको छ ।  यस सम्बन्धमा प्रहरीले आवश्यक अनुसन्धान गरिरहेको छ ।

केनाईन कार्यालय महाराजगंजमा कुकुर पूजा सम्पन्न
२०७९-०७-०७

काठमाडौं, यमपञ्चकको दोस्रो दिनका अवसरमा नेपाल प्रहरी प्रधान कार्यालय अपराध अनुसन्धान विभाग केनाईन कार्यालय महाराजगंजमा आयोजित कार्यक्रमबीच सोमबार कुकुर पूजा सम्पन्न भएको छ । कार्यक्रममा उक्त कार्यालयकी प्रमुख प्रहरी वरिष्ठ उपरीक्षक डा. देउती गुरूङले कार्यालयमा रहेका विभिन्न तालिम प्राप्त कुकुरहरूलाई पूजा गर्नुभयो । साथै उहाँले यस वर्षको उत्कृष्ट कुकुर ‘पप्पी’, आज भएका प्रतियोगितामा दौडमा उत्कृष्ट हुने कुकुर ‘रुरु’, हाइजम्पमा उत्कृष्ट हुने कुकुर ‘रिया’ र  बाधापारमा उत्कृष्ट हुने कुकुर ‘रोज’लाई पुरस्कार तथा मेडल प्रदान गर्नुभयो । उक्त अवसरमा प्रहरी उपरीक्षक डा. रामचन्द्र सत्यालले स्वागत मन्तव्य व्यक्त गर्दै विभिन्न स्थानको अपराध अनुसन्धान गर्न नेपाल प्रहरीका कुकुरहरूले पुर्‍याएको सहयोगबारे जानकारी दिनुभएको थियो । कार्यक्रममा कार्यालयमा रहेका तालिम प्राप्त कुकुरहरुले बाधापार, ट्रयाकर डगको काम, रेस्क्यू डगको काम, रनिङ्ग कम्पिटिसन, हाईजम्प कम्पिटिसन, सबुदको खोजी कार्य, अपराधीको खोजी एवं पहिचान, हातहतियार तथा विष्फोटक पदार्थ खोजी एवं पहिचान, लागूऔषध खोजी एवं पहिचान, रिमोट कन्ट्रोल कला पर्दशनी, डग आकृती बनाउने, आज्ञापालन कला प्रदर्शनी लगायतका कार्यहरु गरेका थिए । नेपाल प्रहरीको अनुसन्धान प्रक्रियालाई तथ्यपरक र प्रमाणमुखी बनाउने उद्देश्यकासाथ विगत लामो समयदेखि अपराध अनुसन्धान लगायतका कार्यमा तालिमप्राप्त कुकुरहरुको प्रयोग हुँदै आएको छ । साथै सोही अवसरमा प्रदेशका  केनाईन कार्यालयहरुमा समेत आजै कुकुर पूजा गरिएको थियो । कार्यक्रममा प्रहरी अधिकृतहरु, संचारकर्मीहरू एवम् स्थानीय बासिन्दाहरुको समेत उपस्थिति रहेको थियो ।

अवैध लागूऔषध सहित ६ जना पक्राउ
२०७९-०७-०७

भक्तपुर, भक्तपुर नगरपालिका-१० कमलविनायकबाट नियन्त्रित लागूऔषध नुफिन ५ सय ३८ एम्पुल, डाइजेपाम ५ सय ८८ एम्पुल, फेनारगन ६ सय ७० एम्पुल, सिरिन्ज ६ थान र चोरी गरेको मोटरसाइकलको हेल्मेट १० थान सहित २ जनालाई शनिबार दिउँसो प्रहरीले पक्राउ गरेको छ । पक्राउ पर्नेहरूमा सिन्धुपाल्चोक भोटेकोशी गाउँपालिका-१ घर भई भक्तपुर नगरपालिका-१० कमलविनायक बस्ने ३३ वर्षीय रविन तामाङ र ३४ वर्षीया सुस्मिता खड्का रहेका छन् । उक्त स्थानमा लागूऔषध बिक्री तथा ओसार पसार हुने गरेको भन्ने विशेष सूचनाको आधारमा प्रहरी वृत्त जगाती भक्तपुरबाट खटिएको प्रहरीले उनीहरूको कोठा तलासी गर्दा उक्त लागूऔषध सहित फेला पारी उनीहरुलाई पक्राउ गरेको हो । कपिलवस्तु, मायादेवी गाउँपलिका-३ बहरवसियाबाट अवैध लागूऔषध ब्राउनसुगर जस्तो देखिने पदार्थ ३ ग्राम ७ सय २० मिलिग्राम सहित २ जनालाई आइतबार साँझ प्रहरीले पक्राउ गरेको छ । पक्राउ पर्नेहरुमा वाणगंगा नगरपालिका-८ ढोडेकोल बस्ने २७ वर्षीय प्रभु थारु र सोही नगरपालिका-७ मोतिपुर बस्ने २९ वर्षीय अर्जुन थारु रहेका छन् । ईलाका प्रहरी कार्यालय पकडीबाट खटिएको  प्रहरीले दोहनीबाट पचेहरातर्फ जाँदै गरेको लु.१७ प.५७२८ नम्बरको मोटरसाइकललाई जाँच गर्ने क्रममा उक्त पदार्थ सहित फेला पारी मोटरसाइकल चालक अर्जुन र मोटरसाइकलमा सवार प्रभुलाई पक्राउ गरेको हो । मोरङ, जहदा गाउँपालिका-४  तेलिया चोक बस्ने ३८ वर्षीय श्यामलाल मुखियालाई अवैध लागूऔषध गाँजा १ किलो सहित गएराति प्रहरीले पक्राउ गरेको छ । उनको भान्सा कोठामा लागूऔषध लुकाई राखेको भन्ने सूचनाको आधारमा ईलाका प्रहरी कार्यालय पोखरीयाबाट खटिएको प्रहरीले उक्त गाँजा सहित फेला पारी उनलाई पक्राउ गरेको हो ।  मकवानपुर, हेटौंडा उपमहानगरपालिका-१० स्थित सडकबाट अवैध लागूऔषध गाँजा ११ किलो ३ सय ९० ग्राम सहितपर्सा वीरगंज महानगरपालिका-२२ बस्ने २२ वर्षीय रोशन भन्ने ओमप्रकाश पटेललाई आइतबार राति प्रहरीले पक्राउ गरेको छ । विशेष सूचनाको आधारमा जिल्ला प्रहरी कार्यालय मकवानपुरबाट खटिएको प्रहरीले ना.१ ज  २६२७ नम्बरको म्याजिकलाई जाँच गर्ने क्रममा झोलामा लुकाई छिपाई ल्याएको उक्त गाँजा सहित फेला पारी उनलाई पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ ।

गृहमन्त्री बालकृष्ण खाणको प्रमुख आतिथ्यमा प्रहरी निरीक्षक आधारभूत तालिम दीक्षान्त समारोह सम्पन्न
२०७९-०७-०६

काठमाडौं, गृहमन्त्री बालकृष्ण खाणको प्रमुख आतिथ्यमा राष्ट्रिय प्रहरी प्रशिक्षण प्रतिष्ठान महाराजगंजमा आइतबार आयोजित विशेष समारोहबीच सोही प्रतिष्ठानमा संचालित प्रहरी निरीक्षक आधारभूत तालिम १-१८१औं (पोष्ट ग्याजुएट डिप्लोमा इन पुलिस साइन्स १२औं) समूहको दीक्षान्त समारोह सम्पन्न भएको छ ।समारोहमा गृहमन्त्री खाणले तालिममा सर्वप्रथम हुन सफल प्रशिक्षार्थी प्रहरी निरीक्षक कैलाश लिम्बुलाई स्वर्गीय कुलानन्द स्मृति पुरस्कार प्रदान गर्नुभयो । साथै उहाँले सर्वद्वितीय प्रशिक्षार्थी प्रहरी निरीक्षक आदर्श गिरी, सर्वतृतीय प्रशिक्षार्थी प्रहरी निरीक्षक आशिस पोखरेल, अध्ययन प्रथम प्रशिक्षार्थी प्रहरी निरीक्षक गोविन्द प्रसाद भण्डारी, कवाज प्रथम प्रशिक्षार्थी प्रहरी निरीक्षक अभय लामा, मस्केट्री तथा चाँदमारी प्रथम प्रशिक्षार्थी प्रहरी निरीक्षक पूर्ण बहादुर केसी र शारीरिक व्यायाम र प्रहरी युक्ति तथा कारवाही प्रथम प्रशिक्षार्थी प्रहरी निरीक्षक सनम मल्ललाई पुरस्कार प्रदान गर्नुका साथै उत्कृष्ट प्रशिक्षकहरूलाई समेत पुरस्कार प्रदान गर्नुभयो । उक्त अवसरमा गृहमन्त्री खाणले मुलुकमा शान्ति सुरक्षा स्थापना गर्ने, नागरिकको जनधनको सुरक्षा सुनिश्चित गर्ने, महिला बालबालिका, जेष्ठ नागरिकको पूर्ण सुरक्षा प्रत्याभूति गर्ने क्रममा तथा आम नागरिकलाई न्याय र आत्मसम्मानको अनुभूति गराउन ऐन कानूनले निर्दिष्ट गरेका जिम्मेवारीलाई पूर्ण पालना गरी कानूनी राज्यको प्रत्याभूति दिन दीक्षित हुने प्रहरी अधिकृतहरूलाई निर्देशन दिनुभयो । कानूनले तोकेका जिम्मेवारी निर्वाह गर्ने क्रममा प्रहरीलाई आइपर्ने हर चुनौतिमा नेपाल सरकार र गृहमन्त्रालयको पूर्ण साथ रहने प्रतिवद्धता समेत उहाँले व्यक्त गर्नुभयो । गृहमन्त्री खाणले तालिमका दौरान प्रशिक्षार्थीले बगाएको पसिनाले भोलिका दिनमा फिल्डमा आउनसक्ने हर चुनौतिको सामना गर्न सफल र सक्ष्म हुने विश्वास व्यक्त गर्नुका साथै तालिममा सिकेका सिप मार्फत अपराध नियन्त्रण र अनुसन्धान क्रममा आउने अवरोधहरूलाई परिणाममुखी बनाउन सफल हुने अपेक्षा रहेको उल्लेख गर्नुभयो । कठिन र चुनौतिपूर्ण घडीमा राष्ट्रले सुम्पेका हर जिम्मेवारीलाई नेपाल प्रहरीले कुशलतापूर्वक निर्वाह गर्दै आएको बताउँदै उहाँले दीक्षित हुने अधिकृतहरू हरेक जिम्मेवारी व्यावसायिकता पूर्वक निर्वाह गर्दै नागरिकलाई महसुस हुने गरी सेवा प्रदान गर्न सफल हुने विश्वास व्यक्त गर्नुभयो ।  गृहमन्त्री खाणले नेपाल प्रहरी जस्तो गतिशिल संगठनमा तालिमको महत्व बारे नेपाल सरकार र गृह मन्त्रालय पूर्ण जनाकार रहेको चर्चा गर्दै नेपाल प्रहरीका तालिममा आवश्यकता अनुरूप बजेट विनियोजन हुँदै आएको तथा विकसित चुनौतिको सामना गर्न सक्ष्म जनशक्तिको विकास गर्न संगठनले थप नयाँ तालिमको महसुस गरेमा नेपाल सरकार र गृह मन्त्रालय सकारात्मक रहेको समेत उल्लेख गर्नुभयो । समारोहमा धन्यवाद ज्ञापन गर्दै प्रहरी महानिरीक्षक धिरज प्रताप सिंहले नेतृत्व विकास प्रहरी निरीक्षक तालिमको अभिन्न अंग रहेको चर्चा गर्दै यस तालिमले दीक्षित हुने प्रशिक्षार्थीहरूको नेतृत्व क्षमतालाई अभिवृद्धि गरी कठिन समयमा उपयुक्त निर्णय लिने मात्र नभई आफू मातहतका दर्जालाई उत्प्रेरित गरी तोकिएको जिम्मेवारी सम्पन्न गर्ने क्षमता प्रदान गरेको विश्वास व्यक्त गर्नुभयो । हाम्रो समाज र आम नागरिकले प्रहरीबाट उच्च अपेक्षाहरू गरेको बताउँदै प्रहरी महानिरीक्षक सिंहले विवेकसम्मत भई व्यावसायिकता अंगिकार गरेमा मात्र आम नागरिकका जायज तथा कानूनसम्मत अपेक्षा पूरा गर्न सकिने उल्लेख  गर्नुभयो । व्यावसायिक उत्कृष्टता, निष्ठा र ईमानदारीको उच्चतम् स्तर कायम गरी कार्यक्षेत्रमा आफूलाई प्रस्तुत गर्न दीक्षित हुने प्रशिक्षार्थीहरूलाई उहाँले निर्देशन दिनुभयो । कानूनले निर्दिष्ट गरेको गरेको परिधि भित्र रही अपराध अनुसन्धान र कानून कार्यान्वयनमा कठोरता अपनाउन एवम् गैरकानूनी तथा आपराधिक क्रियाकलाप विरूद्ध थप निर्मम हुन समेत उहाँले निर्देशन दिनुभयो । चेन अफ कमाण्ड नेपाल प्रहरीले अवलम्बन गर्दै आएको महत्वपूर्ण कार्यशैली रहेको बताउँदै यस कार्यशैलीको प्रवर्द्धन गरी अक्षुण्ण राख्नु सबैको कर्तव्य रहेको बताउनुभयो । साथै चेन अफ कमाण्ड बाहिर रहेर गरिने वृत्तिविकास र अवसरको परिकल्पना प्रति संगठन कठोर रहेको समेत उहाँले बताउनुभयो । प्रतिनिधि सभा र प्रदेश सभा सदस्य निर्वाचन शान्तिपूर्ण, निष्पक्ष र भयरहित वातावरणमा सम्पन्न गर्न नेपाल सरकारले नेपाल प्रहरीलाई महत्वपूर्ण जिम्मेवारी सुम्पेको बताउँदै प्रहरी महानिरीक्षक सिंहले आफूलाई प्राप्त जिम्मेवारीलाई निष्पक्ष र त्रुटिरहित तवरले सम्पन्न गर्न उपस्थित प्रहरी अधिकृतलाई निर्देशन दिनुभयो । उक्त अवसरमा मन्तव्य व्यक्त गर्दै त्रिभुवन विश्वविद्यालय व्यवस्थापन संकायका सहायक डीन सह-प्रा.डा. हरि प्रसाद अधिकारीले पिजीडिपीएस कार्यक्रमले प्रहरी कर्मचारीहरूलाई अनुशासन र शिक्षा विकास गर्न प्रश्रय दिएको बताउनुभयो । प्रहरी संगठनको आवश्यकता अनुसार  पिजीडिपीएस कार्यक्रमलाई समयानुकुल परिमार्जन गर्दै लैजानु पर्ने उल्लेख गर्दै संगठनको सेवालाई थप चुस्त र दुरुस्तरूपमा कार्य सम्पादन गर्नका लागि प्रहरी कर्मचारीहरूमा प्रतिवद्धता, निरन्तरता र समन्वय आवश्यक रहेको चर्चा गर्नुभएको समारोहमा उक्त प्रतिष्ठानका कार्यकारी निर्देशक प्रहरी अतिरिक्त महानिरीक्षक सहकुल बहादुर थापाले शब्दोच्चारणद्वारा प्रशिक्षार्थीहरुलाई सपथ ग्रहण गराउनुको साथै स्वागत मन्तव्य ब्यक्त गर्नुभएको थियो । साथै उहाँले तालिम सम्बन्धी जानकारी दिँदै २०७८ साउन १३ गतेबाट सुरु भएको त्रिभुवन विश्वविद्यालयको सम्बन्धनमा संचालित पोष्ट ग्याजुएट डिप्लोमा इन पुलिस साइन्स समावेश भएको उक्त तालिममा १४ महिला सहित कुल १ सय ४६ जना प्रहरी निरीक्षकहरु सहभागी भएकोमा सबैजनाले सफलतापूर्बक तालिम हासिल गरेको बताउनुभयो ।प्रशिक्षार्थीहरुले कवाज प्रदर्शन तथा नेपाल प्रहरी संगीत बिद्यालयद्वारा सांगितीक धुन प्रस्तुत गरिएको उक्त समारोहमा दीक्षित प्रहरी निरीक्षकहरुलाई आ-आफ्ना अभिभावकहरुले दर्ज्यानी चिन्ह सुशोभन गर्नुभएको थियो ।दीक्षान्त समारोहमा महान्यायधिवक्ता खम्म बहादुर खाती, गृह सचिव विनोद प्रकाश सिंहका साथै सशस्त्र प्रहरी महानिरीक्षक, राष्ट्रिय अनुसन्धान विभागका मुख्य अनुसन्धान निर्देशक, पूर्व प्रहरी महानिरीक्षकहरु, प्रतिष्ठानका पूर्व कार्यकारी निर्देशक तथा समादेशकहरु, नेपाली सेना तथा सशस्त्र प्रहरी बलका वरिष्ठ अधिकृतहरु, प्रहरी नायव महानिरीक्षकहरु तथा वरिष्ठ अधिकृतहरु, संचारकर्मीहरु, प्रशिक्षार्थीहरुका अभिभावकहरु तथा अन्य आमन्त्रित महानुभावहरुको उपस्थिति रहेको थियो । 

अवैध लागूऔषध सहित छुट्टाछुट्टै स्थानबाट सात जना पक्राउ
२०७९-०७-०६

भक्तपुर, भक्तपुर नगरपालिका-७ कमलविनायकबाट नियन्त्रित लागूऔषध फेनारगन ६ सय ७० एम्पुल, नुर्फिन ५ सय ३८ एम्पुल, डाईजेपाम ५ सय ८८ एम्पुल र ११ थान हेलमेट सहित २ जनालाई शनिबार दिउँसो प्रहरीले पक्राउ गरेको छ । पक्राउ पर्नेहरुमा सिन्धुपाल्चोक भोटेकोशी गाउँपालिका-१ घर भएका ३३ वर्षीय रविन तामाङ र उनकै श्रीमती ३४ वर्षीया सुस्मिता खड्का रहेका छन् ।  कमलविनायक एरियामा विभिन्न मितिमा पार्किङ स्थलबाट हेलमेट हराएको भन्ने निवेदनको आधारमा प्रहरी वृत्त जगातीबाट खटिएको प्रहरीले उनीहरुलाई उक्त लागूऔषध र हेलमेट सहित पक्राउ गरेको हो । बाँके, राप्तीसोनारी गाउँपालिका-९ ढकेरीबाट अवैध लागूऔषध ब्राउन सुगर जस्तो देखिने पदार्थ १४ ग्राम ५ सय  मिलिग्राम सहित २ जनालाई शनिबार राति प्रहरीले पक्राउ गरेको छ । पक्राउ पर्नेहरुमा दाङ घोराही उपमहानगपालिका-१५ रतनपुर बस्ने २७ वर्षीय भरत चौधरी र  तुलसीपुर उपमहानगरपालिका-१८ हेमन्तपुर घर भएका २८ वर्षीय किरण तिवारी रहेका छन् । ईलाका प्रहरी कार्यालय कोहलपुर र अस्थायी प्रहरी बिट ढकेरीबाट खटिएको प्रहरीले रा.१ ब ८९९ नम्बरको मोटरसाइकल जाँच गर्ने क्रममा मोटरसाइकलमा सवारी उनीहरुलाई उक्त लागूऔषध सहित पक्राउ गरेको छ ।  दाङ, तुलसीपुर उपमहानगरपालिका-१३ दमारगाउँबाट अवेध लागूऔषध ब्राउन सुगर जस्तो देखिने पदार्थ ८ ग्राम २ सय १० मिलीग्राम सहित  सोही उपमहानगरपालिका-५ बस्ने २७ वर्षीय खगेन्द्र डाँगी समेत २ जनालाई शनिबार राति प्रहरीले पक्राउ गरेको छ । ईलाका प्रहरी कार्यालय तुलसीपुरबाट खटिएको प्रहरीले रा.७ प ७२०० नम्बरको जाँच गर्ने क्रममा उनीहरुलाई उक्त लागूऔषध सहित पक्राउ गरेको हो ।  तनहुँ, आँबुखैरेनी गाउँपालिका-४ बेनिटारबाट अवैध लागूऔषध गाँजा करिब २ केजी सहित चितवन कालिका नगरपालिका-८ बस्ने २६ वर्षीय राजन बुढाथोकीलाई शनिबार दिउँसो प्रहरीले पक्राउ गरेको छ । अस्थायी प्रहरी पोष्ट मुग्लिनपुलजिपबाट खटिएको प्रहरीले चितवनबाट पोखरातर्फ जाँदै गरेको ग.१ ख ८७८३ नम्बरको बसमा सवार उनलाई उक्त गाँजा सहित पक्राउ गरेको हो ।  यस सम्बन्धमा प्रहरीले आवश्यक अनुसन्धान गरिरहेको छ ।

जुवातास खेलिरहेको अवस्थामा ३२ जना पक्राउ
२०७९-०७-०५

 कास्की, पोखरा महानगरपालिका-११ फुलबारी घर भई सोही महानगरपालिका-९ बास्तोलाथर बस्ने रमेश गुरुङको बेल बोट रेष्टुरेन्टमा जुवातास खेलिरहेको अवस्थामा गुरुङ सहित ६ जनालाई शुक्रबार बिहान प्रहरीले पक्राउ गरेको छ । उक्त रेष्टुरेन्टमा जुवातास खेलाई रहेको भन्ने सूचना प्राप्त हुनसाथ जिल्ला प्रहरी कार्यालय कास्की र वडा प्रहरी कार्यालय वैदामबाट खटिएको प्रहरीले उनीहरूलाई नगद २ लाख ५१ हजार १ सय ३० रुपैयाँ र ५२ पत्ती तास सहित पक्राउ गरेको हो । कञ्चनपुर, भिमदत्त नगरपालिका-१९ बागफाटा बस्ने ३६ वर्षीय दानी रानाको घरमा जुवातास खेलिरहेको अवस्थामा  दानी समेत १९ जनालाई गएराति प्रहरीले पक्राउ गरेको छ । उनको घरमा जुवातास खेलिरहेको भन्ने खबर प्राप्त हुनासाथ जिल्ला प्रहरी कार्यालय कञ्चनपुरबाट खटिएको प्रहरीले उनीहरूलाई नगद १ लाख २० हजार १ सय १२ रुपैयाँ र २ गड्डी तास सहित पक्राउ गरेको हो ।  डडेल्धुरा, अमरगढी नगरपालिका-५ तुफानडाँडास्थित दोस्ती वाईन सप (होटल)मा जुवातास खेलिरहेको अवस्थामा सोही सपका संचालक ३७ वर्षीय गंगा दत्त भट्ट सहित ६ जनालाई  शुक्रबार साँझ प्रहरीले पक्राउ गरेको छ । उक्त सपमा जुवातास खेलाई रहेको भन्ने सूचनाको आधारमा जिल्ला प्रहरी कार्यालय डडेल्धुराबाट खटिएको प्रहरीले उनीहरूलाई नगद ८७ हजार ९ सय ७० रुपैयाँ सहित पक्राउ गरेको हो ।   यस सम्बन्धमा प्रहरीले थप अनुसन्धान गरिरहेको छ । 

अवैध लागूऔषध सहित ६ जना पक्राउ
२०७९-०७-०५

सुनसरी, बराहक्षेत्र नगरपालिका-९ धरानेटोलस्थित बरगाछिबाट अवैध लागूऔषध ब्राउनसुगर २ ग्राम ३ सय ६० मिलिग्राम सहित २ जनालाई शुक्रबार साँझ प्रहरीले पक्राउ गरेको छ । पक्राउ पर्नेहरुमा रामधुनी नगरपालिका-५ बस्ने ४० वर्षीय सुनिल राई र ईटहरी उपमहानगरपालिका-५ पचरूकी बस्ने २६ वर्षीय अनिष खाती रहेका छन् । प्रहरी चौकी प्रकाशपुरबाट खटिएको प्रहरीले प्रदेश १-०२-०४६ प २३४४ नम्बरको स्कुटर जाँच गर्ने क्रममा उक्त पदार्थ सहित फेला पारी स्कुटीमा सवार उनीहरुलाई पक्राउ गरेको हो ।  नवलपरासी (पूर्व), विनयी त्रिवेणी गाउँपालिका-२ दाउन्नेबाट नियन्त्रित लागूऔषध डाईजेपाम ४८ एम्पुल, फेनारगन ४८ एम्पुल, नुफिन ४८ एम्पुल र नाइट्राभेट २ सय ७४ ट्याबलेट सहित ३ जनालाई शुक्रबार दिउँसो प्रहरीले पक्राउ गरेको छ । पक्राउ पर्नेहरुमा कास्की पोखरा महानगरपालिका-१७ छोरेपाटन बस्ने २१ वर्षीय बसन्त खड्का, सोही महानगरपालिका विरौटा बस्ने २४ वर्षीय नविन भुजेल  र नवलपरासी (पश्चिम) बर्दघाट नगरपालिका-१३ धतेवा बस्ने २२ वर्षीय मनोज कुमार कामी रहेका छन् । सोही ठाउँस्थित चेकप्वाइन्टमा खटिएको प्रहरीले लु.१ ख ८५७१ नम्बरको बसमा सवार बसन्त र नविनको साथबाट डाइजेपाम ४३ एम्पुल, नुर्फिन ४३ एम्पुल,  फेनारगन ४३ एम्पुल र लु.२ ख २२७ नम्बरको बसमा सवार मनोज कुमारको साथबाट डाइजेपाम ५ एम्पुल, फेनारगन ५ एम्पुल,  नुर्फिन ५ एम्पुल तथा नाइट्राभेट २ सय ७४ ट्याबलेट सहित पक्राउ गरेको हो ।  कैलाली, धनगढी उपमहानगरपालिका-४ बसपार्कबाट अवैध लागूऔषध ब्राउनसुगर ७ मिलिग्राम  र गाँजा ३ ग्राम ६ सय ३० मिलिग्राम सहित बाँके कोहलपुर नगरपालिका-१२  शान्तीटोल बस्ने २२ वर्षीय अर्जुन बिक भन्ने कृष्ण बिकलाई शुक्रबार साँझ प्रहरीले पक्राउ गरेको छ । अस्थाई प्रहरी पोष्ट धनगढीबाट खटिएको प्रहरीले ना.७ ख ६०४८ नम्बर बसलाई जाँच गर्ने क्रममा उक्त लागूऔषध सहित फेला पारी सोही बसका सहचालक अर्जुनलाई पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ ।

भन्सार छलि ल्याएको सुन सहित पक्राउ
२०७९-०७-०५

काठमाडौं,  काठमाडौं महानगरपालिका-९ स्थित त्रिभूवन अन्तर्राष्ट्रिय विमानस्थलको स्वागत गेटबाट भन्सार छलि ल्याएको सुन करिब ७० ग्राम सहित दाङ तुल्सीपुर उपमहानगरपालिका-४ बस्ने ३८ वर्षीय दल बहादुर डाँगीलाई  शुक्रबार साँझ प्रहरीले पक्राउ गरेको छ । कतार एयरवेजको उडानद्वारा कतारबाट काठमाडौं आएका उनलाई जाँच गर्ने क्रममा उक्त सुन सहित फेला पारी प्रहरीले पक्राउ गरेको हो । यसैगरी काठमाडौं, महानगरपालिका-९ स्थित त्रिभूवन अन्तराष्ट्रिय विमानस्थलको स्वागत गेटबाट भन्सार छलि ल्याएको सुन करिब २ सय ग्राम सहित रोल्पा सुनिल स्मृति गाउँपालिका-१ बस्ने ३५ बर्षीय हरि प्रसाद समेत ४ जनालाई  शुक्रबार साँझ प्रहरीले पक्राउ गरेको छ । इन्टर स्काइको उडानद्वारा कतार दोहाबाट अवुदावी हुँदै काठमाडौं आएका उनलाई जाँच गर्ने क्रममा उक्त सुन फेला पारी प्रहरीले पक्राउ गरेको हो ।  यसैगरी काठमाडौं, महानगरपालिका-९ स्थित त्रिभूवन अन्तर्राष्ट्रिय विमानस्थलको स्वागत गेटबाट भन्साल छलि ल्याएको सुन करिब १ सय ५० ग्राम सहित महोत्तरी जलेश्वर नगरपालिका-७ का ३३ वर्षीय जमुना महतो समेत ३ जनालाई शनिबार बिहान प्रहरीले पक्राउ गरेको छ । ओमन मस्कटबाट सलाम एयरको उडानद्वारा काठमाडौं आएका उनीहरूलाई जाँच गर्ने क्रममा उक्त सुन सहित फेला पारी पक्राउ गरेको हो ।  उनीहरुलाई आवश्यक कार्वाहीका लागि भन्सार कार्यालय बुझाइएको छ । 

नवौं राष्ट्रिय खेलकुद २०७९ मा नेपाल प्रहरीलाई ६१ स्वर्ण
२०७९-०७-०४

कास्की, राष्ट्रिय खेलकुद परिषदको आयोजनामा गण्डकी प्रदेशका विभिन्‍न जिल्लामा आयोजना भएको “नवौं राष्ट्रिय खेलकुद -२०७९” अन्तर्गत विभिन्न खेलहरूमा नेपाल प्रहरीले ६१ स्वर्ण, ६१ रजत र ७३ कास्य गरी कुल १ सय ९५ पदक प्राप्त गर्दै तेस्रो स्थान हासिल गर्न सफल भएको छ ।   विभिन्न प्रतियोगितामध्ये नेपाल प्रहरीले भारोत्तोलनमा १२ स्वर्ण र ७ रजत, तेक्वान्दोमा ११ स्वर्ण, ४ रजत र १ कास्य, करातेमा ९ स्वर्ण, ३ रजत र ५ कास्य, जुडोमा ६ स्वर्ण, ३ रजत र ८ कास्य, टेबल टेनिसमा ६ स्वर्ण, २ रजत र ३ कास्य,  एथलेटिक्समा २ स्वर्ण, ७ रजत र ६ कास्य, ब्याडमिन्टनमा २ स्वर्ण, २ रजत र २ कास्य, पुरूष क्रिकेटमा १ स्वर्ण, महिला क्रिकेटमा १ स्वर्ण, कुस्तीमा १ स्वर्ण, ७ रजत र ५ कास्य, पौडीमा १ स्वर्ण ८ रजत र ११ कास्य, फुलकन्ट्‍याक्ट करातेमा १ स्वर्ण, १ रजत र ३ कास्य, सफ्ट टेनिसमा १ स्वर्ण, १ रजत र १ कास्य, शारीरिक सुगठनमा १ स्वर्ण, १ रजत र ३ कास्य, सुटिङमा १ स्वर्ण, १ रजत र ३ कास्य, आर्चरीमा १ स्वर्ण, २ रजत र १ कास्य, बक्सिङमा १ स्वर्ण, १ रजत र १ कास्य, उसुमा १ स्वर्ण, ३ रजत र ९ कास्य, बुद्धिचालमा १ स्वर्ण, २ रजत र १ कास्य, ट्रायथलनमा १ स्वर्ण, १ रजत र १ कास्य, कब्बडीमा १ रजत र १ कास्य, महिला फुटबलमा १ रजत, महिला भलिबलमा १ रजत, लन टेनिसमा १ रजत र २ कास्य, पुरूष भलिबलमा १ कास्य तथा आईटिएफ तेक्वान्दोमा ४ कास्य गरी कुल १ सय ९५ पदक प्राप्त गरेको हो । नेपाल प्रहरीका खेलाडीहरूमध्ये महिलातर्फ २२ स्वर्ण, ३० रजत र ३८ कास्य,  पुरूषतर्फ ३७ स्वर्ण, २८ रजत र ३३ कास्य तथा मिश्रित टिमतर्फ २ स्वर्ण, ३ रजत र २ कास्य पदक जित्न सफल भएका छन् । गत असोज २८ गतेदेखि औपचारीक रूपमा उद्‍घाटन भएको नवौं राष्ट्रिय खेलकुद-२०७९ अन्तर्गत २९ खेलमा नेपाल प्रहरीका ४ सय ९५ जना खेलाडीहरू सहभागी भएका थिए । जसमध्ये १९८ महिला खेलाडी र २९७ पुरुष खेलाडी थिए भने ९२ जना अफिसियल गरी कूल ५ सय ८७ जना खेलाडी तथा अफिसियलहरूको सहभागिता रहेको थियो ।

अवैध लागूऔषध सहित छुट्टाछुट्टै स्थानबाट ८ जना पक्राउ तथा बरामद
२०७९-०७-०४

झापा, भद्रपुर नगरपालिका-८ बाट अवैध लागूऔषध ब्राउन सुगर जस्तो देखिने पदार्थ करिब ४ ग्राम सहित सोही ठाउँ बस्ने २४ वर्षीय आतिस राजवंशीलाई बिहीबार दिउँसो प्रहरीले पक्राउ गरेको छ । वडा प्रहरी कार्यालय भद्रपुरबाट खटिएको प्रहरीले उनलाई उक्त पदार्थ सहित पक्राउ गरेको हो ।  कैलाली, गोदावरी नगरपालिका-९ शेरीबाट अवैध लागूऔषध हिरोईन जस्तो देखिने पदार्थ २५ ग्राम र तौल गर्ने काँटा सहित सोही ठाउँ बस्ने खगेन्द्र बोहरालाई बिहीबार साँझ प्रहरीले पक्राउ गरेको छ । प्रदेश प्रहरी कार्यालय धनगढी र वडा प्रहरी कार्यालय धनगढीबाट संयुक्त रुपमा खटिएको प्रहरी टोलीले उनलाई उक्त पदार्थ सहित पक्राउ गरेको हो । यसैगरी कैलाली, धनगढी उपमहानगरपालिका-२ मिलनचोकबाट अवैध लागूऔषध  हिरोईन जस्तो देखिने पदार्थ ४ ग्राम ५ सय मिलिग्राम सहित गोदावरी नगरपालिका-२ बस्ने २३ वर्षीय समिर बिक समेत ३ जनालाई बिहीबार साँझ प्रहरीले पक्राउ गरेको छ । जिल्ला प्रहरी कार्यालय कैलालीबाट खटिएको प्रहरीले उनीहरुलाई उक्त पदार्थ सहित पक्राउ गरेको हो ।  धनुषा, जनकपुर उपमहानगरपालिका-८ रामानन्द चोकबाट नियन्त्रित लागूऔषध नाईट्रोभेट ९ सय  ट्याब्लेट, नाइट्रोजन ३ सय ट्याब्लेट र एग्जिपलोन  १ सय एमएलको ५० बोतल सहित औरही गाउँपालिका-२ बस्ने ४० वर्षीय रंजित कुमार मण्डल समेत २ जनालाई बिहीबार राति प्रहरीले पक्राउ गरेको छ । जिल्ला प्रहरी कार्यालय धनुषा र लागूऔषध नियन्त्रण ब्यूरो धनुषाबाट संयुक्त रुपमा खटिएको प्रहरीले बीआर ३२ आर ४४०४ नम्बरको मोटरसाइकललाई जाँच गर्ने क्रममा मोटरसाइकलमा सवार उनीहरुलाई उक्त लागूऔषध सहित पक्राउ गरेको हो । रुपन्देही, बुटवल उपमहानगरपालिका-९ बसपार्कबाट नियन्त्रित लागूऔषध नुर्फिन ४६ एम्पुल, डाइजेपाम ४६ एम्पुल, फेनारागन ४६ एम्पुल र नगद २३ हजार रुपैयाँ सहित कास्की जिल्ला पोखरा महानगरपालिका-१९ बस्ने २६ वर्षीया सन्तु घर्ति मगरलाई बिहीबार राति प्रहरीले पक्राउ गरेको छ । प्रहरी बिट बसपार्कबाट खटिएको प्रहरीले उनलाई उक्त लागूऔषध सहित पक्राउ गरेको हो ।  मोरङ, जहदा गाउँपालिका-२ भातेगंजबाट अवैध लागूऔषध गाँजा करिब १५ केजी शुक्रबार बिहान प्रहरीले बरामद गरेको छ । विशेष सूचनाको आधारमा ईलाका प्रहरी कार्यालय रानीबाट खटिएको प्रहरीले बाँसको झ्याङमा गाडेको अवस्थामा उक्त गाँजा फेला पारी बरामद गरेको हो ।  यस सम्बन्धमा प्रहरीले आवश्यक अनुसन्धान गरिरहेको छ ।

हातहतियार सहित पक्राउ तथा बरामद
२०७९-०७-०४

बाजुरा, त्रिवेणी नगरपालिका-७ कोकोट्ट्यारीबाट भरुवा बन्दुक १ थान, बारुद करिब ४० ग्राम र गोली बनाउन प्रयोग गरिने फलामका टुक्रा १० वटा सहित सोही ठाउँ बस्ने ४५ वर्षीय नयाँ लुहारलाई बिहीबार बिहान प्रहरीले पक्राउ गरेको छ । प्रहरी चौकी बडिमालिकाबाट खटिएको प्रहरीले लुहारलाई घर भित्र लुकाई राखेका उक्त हातहतियार सहित फेला पारी पक्राउ गरेको हो ।  बागलुङ, ढोरपाटन नगरपालिका-४ लुकुरबन बस्ने ५० वर्षीय खिमे भन्ने गोरे सुनारको घरबाट भरुवा बन्दुक १ नाल बिहीबार साँझ प्रहरीले बरामद गरेको छ । उनको घरमा अवैध रुपमा भरुवा बन्दुक लुकाई राखिएको छ भन्ने सूचनाको आधारमा ईलाका प्रहरी कार्यालय बुर्तिबाङबाट प्रहरीले उक्त बन्दुक फेला पारी बरामद गरेको हो । हाल फरार गोरे सुनारलाई प्रहरीले खोजी गरिरहेको छ । यस सम्बन्धमा प्रहरीले आवश्यक अनुसन्धान गरिरहेको छ ।    

जुवातास खेलिरहेको अवस्थामा ३१ जना पक्राउ
२०७९-०७-०४

काठमाडौं, कागेश्‍वरी मनोहरा नगरपालिका-७  कुवाटोलस्थित टहरामा जुवातास खेलिरहेको अवस्थामा काभ्रे पाँचखाल नगरपालिका-१ घर भएका ३७ वर्षीय सुरज तामाङ्ग समेत ९ जनालाई बिहीबार राति प्रहरीले पक्राउ गरेको छ । प्रहरी वृत्त बौद्धबाट खटिएको प्रहरीले उनीहरुलाई नगद १ लाख १ हजार ९ सय रुपैयाँ र १६ थान कौडा सहित फेला पारी पक्राउ गरेको हो । चितवन, भरतपुर महानगरपालिका-१६ सानोगढीस्थित मीत बा खाजा घर एण्ड कटेजमा जुवातास खेलिरहेको अवस्थामा सोही ठाउँ बस्ने ५० वर्षीय कृष्ण बहादुर खत्री समेत १० जनालाई बिहीबार साँझ प्रहरीले पक्राउ गरेको छ । वडा प्रहरी कार्यालय नारायणगढबाट खटिएको प्रहरीले नगद १ लाख ३९ हजार ९ सय ९० रुपैयाँ सहित फेला पारी उनीहरुलाई पक्राउ गरेको हो ।  कैलाली, टिकापुर नगरपालिका-८ बनगाउँस्थित जितु कटेजमा जुवातास खेलिरहेको अवस्थामा सोही नगरपालिका-८ बटनपुर बस्ने ३९ वर्षीय महेन्द्र साउँद समेत १२ जनालाई बिहीबार राति प्रहरीले पक्राउ गरेको छ । ईलाका प्रहरी कार्यालय टिकापुरबाट खटिएको प्रहरीले उनीहरुलाई नगद १ लाख २९ हजार ४ सय रुपैयाँ र २ गड्डी तास सहित फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरेहको छ । 

गोली प्रहार गरी घाइते बनाएको अभियोगमा ४ जना पक्राउ
२०७९-०७-०३

सर्लाही, लालबन्दी नगरपालिका-२ जुटपानी घर भई सगुन बचत तथा ऋण सहकारी संस्थामा कार्यरत ३० वर्षीय साजन कार्कीलाई गोली प्रहार गरी घाइते बनाएको अभियोगमा ४ जनालाई गए राति प्रहरीले पक्राउ गरेको छ ।  पक्राउ पर्नेहरुमा धनकौला गाउँपालिका-१ बस्ने ३२ वर्षीय डिजे भन्ने धिरेन्द्र शहनी, भारत बिहार तरयानी छप्रा-८ बस्ने १९ वर्षीय रेहान भन्ने आलोक सिंह, भारत बिहार सुलतानपुर-१० बस्ने १९ वर्षीय सौरभ कुमार यादव र भारत बिहार हराज-१२ बस्ने १९ वर्षीय गुलसन कुमार सिंह रहेका छन् ।  बागमती नगरपालिका-१ स्थित सगुन बचत तथा ऋण सहकारी संस्थामा कार्यरत उनलाई बुधबार दिउँसो गोली प्रहार गरी घाइते बनाएको घटनाको थप अनुसन्धानको क्रममा प्रहरीले घटनामा संलग्न आलोक, सौरभकुमार, गुलसनलाई बलरा नगरपालिका-३ लक्ष्मीपुरबाट र धिरेन्द्रलाई धनकौल गाउँपालिका-१ बाट पक्राउ गरेको हो । साथै घटनास्थलबाट प्रहरीले गोलीको खोका ४ थान र फायर भएको बुलेट ४ थान बरामद गरेको छ ।  यस सम्बन्धमा प्रहरीले थप अनुसन्धान गरिरहेको छ ।

नवौं राष्ट्रिय खेलकुद : हाल सम्म नेपाल प्रहरीलाई ५८ स्वर्ण
२०७९-०७-०३

 कास्की, नवौं राष्ट्रिय खेलकुद २०७९ अन्तर्गत हालसम्म विभिन्न खेलहरूमा नेपाल प्रहरीले ५८ स्वर्ण, ५२ रजत र ५६ कास्य गरी कुल १ सय ६६ पदक प्राप्त गरेको छ ।  विभिन्न प्रतियोगितामध्ये नेपाल प्रहरीले भारोत्तोलनमा १२ स्वर्ण र ७ रजत, तेक्वान्दोमा ११ स्वर्ण, ४ रजत र १ कास्य, करातेमा ९ स्वर्ण, ३ रजत र ५ कास्य, जुडोमा ६ स्वर्ण, ३ रजत र ८ कास्य, टेबल टेनिसमा ६ स्वर्ण, २ रजत र १ कास्य,  एथलेटिक्समा २ स्वर्ण, ४ रजत र ४ कास्य, ब्याडमिन्टनमा २ स्वर्ण, २ रजत र २ कास्य, पुरूष क्रिकेटमा १ स्वर्ण, महिला क्रिकेटमा १ स्वर्ण, कुस्तीमा १ स्वर्ण, ७ रजत र ५ कास्य, पौडीमा १ स्वर्ण ८ रजत र ११ कास्य, फुलकन्ट्‍याक्ट करातेमा १ स्वर्ण, १ रजत र ३ कास्य, सफ्ट टेनिसमा १ स्वर्ण र १ कास्य, शारीरिक सुगठनमा १ स्वर्ण, १ रजत र ३ कास्य, सुटिङमा १ स्वर्ण, १ रजत र ३ कास्य, आर्चरीमा १ स्वर्ण, २ रजत र १ कास्य, बक्सिङमा १ स्वर्ण, १ रजत र १ कास्य, महिला भलिबलमा १ रजत, बुद्धिचालमा ३ रजत, लन टेनिसमा १ रजत र २ कास्य, ट्रायथलनमा १ रजत र १ कास्य, तथा आईटिएफ तेक्वान्दोमा ४ कास्य गरी कुल १ सय ६६ पदक प्राप्त गरेको हो । नेपाल प्रहरीका खेलाडीहरूमध्ये महिलातर्फ २२ स्वर्ण, २४ रजत र ३० कास्य,  पुरूषतर्फ ३४ स्वर्ण, २५ रजत र २५ कास्य तथा मिश्रित टिमतर्फ २ स्वर्ण, ३ रजत र १ कास्य पदक जित्न सफल भएका छन् । नवौं राष्ट्रिय खेलकुद अन्तर्गत बुधबार भएको भारोत्तोलन प्रतियोगितामा नेपाल पुलिस क्लबकी विद्या राईले महिला ८७ केजी तौल माथि स्न्याचमा कीर्तिमान कायम गर्दै स्वर्ण पदक जितिन् ।  उनले स्न्याचतर्फ ७६ र क्लीन एण्ड जर्कमा ८८ गरी कुल १६४ केजी भार बहन गर्दै स्वर्ण जितेका हुन् । स्न्याचमा यसअघि ७५ केजीको कीर्तिमान रहेकोमा विद्याले १ केजी बढी भार बहन गर्दै कीर्तिमान कायम गरेकी हुन् । यसैगरी पुरूष ९६ केजी तौल समूहमा नेपाल पुलिस क्लबका विशाल सिंह बिष्‍टले क्लीन एण्ड जर्कमा राष्ट्रिय कीर्तिमान कायम गर्दै स्वर्ण पदक जितेका छन् । उनले स्न्याचतर्फ १२० र क्लीन एण्ड जर्कमा १६१ गरी कुल २८१ तौल भार उठाउँदै स्वर्ण जितेका हुन् । यस्तै १०२ केजी तौल समूहमा नेपाल पुलिस क्लबका सन्देश गुरुङले स्न्याचमा कीर्तिमान कायम गर्दै स्वर्ण पदक जितेका छन् । उनले स्न्याचमा ११३ केजी र क्लीन एण्ड जर्कमा १३९ गरी कुल २५२ केजी भार उठाएका हुन् । यसैगरी पुरूष १०९ केजी माथि तौल समूहमा नेपला पुलिस क्लबका सागर भण्डारीले स्न्याचमा ११५ केजी र क्लीन एण्ड जर्कमा १३५ गरी कुल २५० केजी भार उठाउँदै स्वर्ण पदक जितेका छन् । यसैगरी पुरूष १०९ केजी तौल समूहमा नेपाल पुलिस क्लबका राजिव महर्जनले स्न्याचमा ११३ केजी र क्लीन एण्ड जर्कमा १२५ गरी कुल २३८ केजी भार उठाउँदै रजत पदक प्राप्त गरे । साथै महिला ८७ केजी तौल समूहमा नेपाल पुलिस क्लबकी जयन्ती श्रेष्‍ठले स्न्याचमा ६३ केजी र क्लीन एण्ड जर्कमा ७४ गरी कुल १३७ केजी भार उठाउँदै रजत पदक प्राप्त गरिन् । सो प्रतियोगितामा नेपाल पुलिस क्लबले सर्वाधिक १२ स्वर्ण र ७ रजत गरी कुल १९ पदक जित्दै टिम च्याम्पियन समेत बन्न सफल भएको छ ।  नवौं राष्ट्रिय खेलकुद अन्तर्गत एथलेटिक्सको महिला ज्याभ्लिङ थ्रोमा नेपाल पुलिस क्लबकी चन्द्रकला लाम्गादेले नयाँ राष्ट्रिय कीर्तिमान बनाउँदै स्वर्ण पदक जितेकी छिन् । उनले ४७.६० मिटर थ्रो गर्दै नयाँ कीर्तिमान कायम गरेकी हुन् । यस अघि आठौं राष्ट्रिय खेलकुदमा आर्मीकी लक्ष्मी थारूले ४२.२७ थ्रो गर्दै कीर्तिमान बानएकी थिइन् ।  यस्तै एथलेटिक्स अन्तर्गत ८०० मिटर दौडमा नेपाल पुलिस क्लबका तेज बहादुर कार्कीले रजत पदक प्राप्त गरेका छन् ।  नवौं राष्ट्रिय खेलकुद अन्तर्गत बुधबार भएको ट्रायथलनमा नेपाल प्रहरीका श्रेवी महर्जनले रजत तथा मौलिक महर्जनले कास्य पदक प्राप्त गरेका छन् । श्रेवीले निर्धारित दुरी १ घण्टा १९ मिनट १५ सेकेन्डमा पुरा गरेकी थिइन भने मौलिकले निर्धारित दुरी १ घण्टा १४ मिनट ५६ सेकेन्डमा पुरा गरेका थिए ।  यस्तै पोखरा रंगशालास्थित बुधबार भएको ब्याडमिन्टन प्रतियोगितामा नेपाल पुलिस क्लबका प्रिन्स दाहाल मेन्स सिंगल बिधामा स्वर्ण पदक जितेका छन् । सोही बिधामा नेपाल पुलिस क्लबकै बिष्णु कटुवालले रजत जिते । यस्तै मिक्स डबल्सतर्फ नेपाल पुलिस क्लबका जीवन आचार्य र निता लम्सालको जोडीले आर्मीका प्रफुल महर्जन र रशिला महर्जनको जोडीलाई २१-१२, २१-११ को सेटमा पराजित गर्दै स्वर्ण पदक जितेका छन् । यस्तै मेन्स डबल्सतर्फ नेपाल पुलिस क्लबका प्रिन्स दाहाल र सुदिप सेढाईको जोडीले आर्मीका प्रफुल महर्जन र रूकेश महर्जनको जोडीलाई २१-१९ र २१-१७ को सेटमा पराजित गर्दै स्वर्ण पदक जित्न सफल भएका छन् । साथै सोही बिधामा नेपाल पुलिस क्लबका बिष्णु कटुवाल र जिवन आचार्यले कार्य पदक प्राप्त गरे ।  नवौं राष्ट्रिय खेलकुद अन्तर्गत पोखराको आर्चरी मैदानमा भएको प्रतिस्पर्धामा नेपाल पुलिस क्लबका नगेन्द्र आचार्यले मेन्स स्ट्याडर्डतर्फ स्वर्ण पदक जितेका छन् भने मेन्स रिकर्भतर्फ तिलक पुन मगरले रजत प्राप्त गरेका छन् । यस्तै मेन्स स्ट्याडर्डको टिम बिधातर्फ नगेन्द्र आचार्य, जिवन पुन र हरि बहादुर बुढाले कास्य पदक प्राप्त गरेका छन् ।  नवौं राष्ट्रिय खेलकुद अन्तर्गत बुधबार भएको टेबल टेनिस प्रतियोगितामा मेन्स संगिलतर्फ नेपाल प्रहरीका श्यान्टु श्रेष्‍ठ र वुमेन्स सिंगलतर्फ नबिता श्रेष्‍ठले स्वर्ण पदक जिते । साथै नेपाल पुलिस क्लबका एलिना महर्जनले वुमेन्स सिंगलतर्फ रजत पदक प्राप्त गरिन् । यस्तै सुटिङ प्रतियोगिता अन्तर्गत एयर पेस्तोल पुरुष एकलतर्फ नेपाल पुलिस क्लबका सुकदेव चौधरीले स्वर्ण जिते भने एयर राईफल पुरुष एकलतर्फ नेपाल पुलिस क्लबका धन बहादुर वि.क.ले कास्य पदक जितेका छन् । यस्तै बक्सिङ प्रतियोगिता अन्तर्गत नेपाल पुलिस क्लबका चन्द्र बहादुर थापाले स्वर्ण जिते भने नेपाल पुलिस क्लबका दिवाना शेर्माले रजत र निशा तामाङले कास्य पदक प्राप्त गरे ।  नवौं राष्ट्रिय खेलकुद अन्तर्गत बुधबार भएको जुडो प्रतियोगितामा नेपाल पुलिस क्लबका मनिष महत्तो, दिपा गुरुङ र राजन जोशीले स्वर्ण पदक जितेका छन् । सोही प्रतियोगिता अन्तर्गत नेपाल पुलिस क्लबका मदु रोक्का मगर र पुजा राजवँशीले रजत तथा श्रीराम मकाजु, रजनी मगर र भावना घर्ती मगरले कास्य पदक प्राप्त गरेका छन् । 

अवैध लागूऔषध सहित पक्राउ
२०७९-०७-०३

कास्की, पोखरा महानगरपालिका-३२ बडहरेबाट अवैध लागूऔषध गाँजा १ केजी ९ सय ग्राम सहित २ जनालाई बुधबार दिउँसो प्रहरीले पक्राउ गरेको छ । पक्राउ पर्नेहरुमा सोही ठाउँ बस्ने २६ वर्षीय दान बहादुर भुजेल र २० वर्षीय अरुण सुनार रहेका छन् । प्रहरी चौकी जनताको चौताराबाट खटिएको प्रहरीले भुजेलकै घरमा जाँच गर्ने क्रममा उनीहरुलाई उक्त गाँजा सहित पक्राउ गरेको हो ।  सुर्खेत, भेरीगंगा नगरपालिका-१२ स्थितबाट अवैध लागूऔषध ब्राउनसुगर जस्तो देखिने धुलो पदार्थ ३ ग्राम ५५ मिलिग्राम सहित भारतको बहराईज नानपरा घर भई बिरेन्द्रनगर नगरपालिका-३ गण्डकी लाईन बस्ने २६ वर्षीय लियाकत अलीलेलाई बुधबार राति प्रहरीले पक्राउ गरेको छ । ईलाका प्रहरी कार्यालय छिन्चुबाट खटिएको प्रहरीले नेपालगञ्जबाट सुर्खेततर्फ जाँदै गरेको बा.५ च ३७७२ नम्बरको गाडीलाई जाँच गर्ने क्रममा गाडीमा सवारी उनलाई उक्त पदार्थ सहित पक्राउ गरेको हो ।  यस सम्बन्धमा प्रहरीले आवश्यक अनुसन्धान गरिरहेको छ । 

स्मार्ट कार्ड लाईसेन्स रिडर हस्तान्तरण
२०७९-०७-०२

काठमाडौं, यातायात व्यवस्था विभाग मिनभवन काठमाडौंबाट नेपाल प्रहरीलाई १ सय ९८ थान स्मार्ट कार्ड लाईसेन्स रिडर हस्तान्तरण गरिएको छ ।  यातायात व्यवस्था विभाग मिनभवनमा बुधबार आयोजित एक कार्यक्रमबीच सोही विभागका महानिर्देशक टोकराज पाण्डेयले नेपाल प्रहरी प्रधान कार्यालय अपराध अनुसन्धान विभागका प्रमुख प्रहरी अतिरिक्त महानिरीक्षक दिवेश लोहनीलाई उक्त लाईसेन्स रिडर हस्तान्तरण गर्नुभएको हो ।  सो अवसरमा प्रहरी अतिरिक्त महानिरीक्षक दिवेश लोहनीले २१औं शताब्दीमा छिटो छरितो एवम् तथ्यमा आधारित काम कारबाही गर्न यस्ता किसिमका प्रविधी नेपाल प्रहरीलाई आवश्यक रहेको चर्चा गर्नुभयो । साथै उहाँले स्मार्ट कार्ड लाईसेन्स रिडर उपलब्ध गराइएकोमा यातायात व्यवस्था विभाग मिनभवनलाई धन्यवाद दिँदै त्यसको प्रभावकारी एवं समुचित प्रयोग गर्ने विश्वास दिलाउनुभयो ।  कार्यक्रममा प्रहरी नायब महानिरीक्षक एवं केन्द्रीय प्रहरी प्रवक्ता टेक प्रसाद राई, राजमार्ग सुरक्षा तथा ट्राफिक व्यवस्थापन महाशाखाका प्रमुख प्रहरी वरिष्ठ उपरीक्षक सुरेन्द्र बहादुर गुरूङ लगायत प्रहरी कर्मचारीको उपस्थिती रहेको थियो । 

नवनियुक्त जिल्ला न्यायधीशहरुबाट डिजिटल फरेन्सिक ल्यावको स्थलगत अध्ययन भ्रमण सम्पन्न
२०७९-०७-०२

काठमाडौं, राष्ट्रिय न्यायिक प्रतिष्ठानद्वारा नवनियुक्त प्रशिक्षार्थी जिल्ला न्यायधीशहरुलाई नेपाल प्रहरी प्रधान कार्यालय अपराध अनुसन्धान विभाग अन्तर्गत डिजिटल फरेन्सिक ल्यावको बुधबार स्थलगत अध्ययन भ्रमण गराइएको छ । उक्त प्रतिष्ठानमा तालिमरत २३ जना नवनियुक्त प्रशिक्षार्थी जिल्ला न्यायधीशहरुले डिजिटल फरेन्सिक ल्यावको भ्रमण गरेका हुन् ।  उक्त प्रतिष्ठानद्वारा सञ्चालित अभिमुखीकरण कार्यक्रम अन्तर्गत न्याय सम्पादनको क्रममा आवश्यक पर्ने ज्ञान एवं सीप विकासका लागि उक्त भ्रमण भएको हो । कार्यक्रममा डिजिटल फरेन्सिक ल्यावका प्रहरी निरीक्षक ई. मुकेश तिवारीले न्यायिक निकायसँगको सम्बन्ध र समन्वय, डिजिटल फरेन्सिक ल्यावको महत्व, यसको क्षेत्र, काम कर्तव्य र अधिकार, रणनितिहरु, अपराधका प्रकृति, न्याय निरुपणमा यसको भूमिका तथा चुनौती लगायतका बारेमा प्रस्तुतीकरण गर्नुभएको थियो । साथै प्रहरी निरीक्षक तिवारीले प्रशिक्षणको क्रममा प्रशिक्षार्थीले राखेका जिज्ञासाहरुको सम्बन्धमा प्रष्टीकरण समेत गर्नुभएको थियो ।   कार्यक्रममा प्रशिक्षार्थीको तर्फबाट नवनियुक्त जिल्ला न्यायधीश भुवन गिरीले फरेन्सिक सम्बन्धी सैद्धान्तिक एवं व्यवहारिक ज्ञान एवं यसका चुनौतीको बारेमा जान्न पाउँदा भ्रमण फलदायी रहेको बताउनुभयो । 

सहकारीबाट ऋण मिलाईदिन्छु भनी ठगी गर्ने व्यक्ति पक्राउ
२०७९-०७-०२

काठमाडौं, सहकारीबाट ऋण मिलाईदिन्छु भनी ठगी गरेको अभियोगमा ललितपुर जिल्ला महालक्ष्मी नगरपालिका-१ कृष्णमन्दिर इमाडोल बस्ने ५६ वर्षीय मणी कुमार थापालाई प्रहरीले मंगलबार दिउँसो पक्राउ गरेको छ ।  थापाले आफू काठमाडौं महानगरपालिका-३ बाँसवारीस्थित चण्डोल बहुउद्देश्यीय सहकारी संस्थाको संचालक भएकोले उक्त सहकारी संस्थाबाट ३० लाख रुपैयाँ ऋण मिलाईदिन्छु भनी बिश्‍वास दिलाई उक्त ऋण रकमको १० प्रतिशतले हुन आउने ३ लाख रुपैयाँ र सेवा शुल्क बापत १२ हजार रुपैयाँ गरी जम्मा ३ लाख १२ हजार रूपैयाँ लिई ऋण उपलब्ध नगराई ठगी गरी फरार रहेको भन्ने सूचना काठमाडौं उपत्यका अपराध अनुसन्धान कार्यालयमा प्राप्त भएपश्चात अनुसन्धानको क्रममा उल्लेखित बहुउद्देश्यीय सहकारी संस्था दर्ता नै नरहेको पाइएकोले मणी कुमारको नाममा काठमाडौं जिल्ला अदालतबाट पक्राउ अनुमति लिई ललितपुर महालक्ष्मी नगरपालिका-१ इमाडोलबाट उनलाई पक्राउ गरेको हो ।  उनलाई आवश्यक कारवाहीको लागि जिल्ला प्रहरी परिसर टेकुमा पठाइएको छ । 

अवैध हुण्डी कारोबारमा संलग्न रहेको अभियोगमा दुई जना पक्राउ
२०७९-०७-०२

काठमाडौं महानगरपालिका-१७ स्थित ढल्को चोकबाट अवैध हुण्डी कारोबारमा संलग्न रहेको अभियोगमा २ जनालाई मंगलबार दिउँसो प्रहरीले पक्राउ गरेको छ । पक्राउ पर्नेहरूमा भारत हरियाणा घर भई काठमाडौं ढल्को बस्ने ३७ वर्षीय नविन गोयल र कपिलबस्तु कृष्णनगर घर भई ललितपुर नख्खु भैंसेपाटी बस्ने ४५ वर्षीय उमेश महेश्वरी रहेका छन् ।  काठमाडौं महानगरपालिका-१७ ढल्को चोकमा बिभिन्न व्यक्तिहरुले नेपाल राष्ट्र बैकले जारी गरेको आदेश विपरीत हुने गरी बित्तिय कारोवार(हुण्डी) गर्दै आएको भन्ने सूचनाको आधारमा काठमाडौं उपत्यका अपराध अनुससन्धान कार्यालय मिनभवनबाट खटिएको प्रहरीले उनीहरूलाई उनीहरूलाई हुण्डी कारोबार गर्ने प्रयोजनार्थ संकलित नगद ४१ लाख ९६ हजार रूपैयाँ सहित पक्राउ गरेको हो ।  उनीहरूलाई थप अनुसन्धान तथा कारबाहीको लागि जिल्ला प्रहरी परिसर काठमाडौंमा पठाइएको छ ।

बैंकिङ कसूर मुद्दाका फरार प्रतिवादी पक्राउ
२०७९-०७-०२

काठमाडौं, बैंकिङ कसूर मुद्दाका फरार प्रतिवादी सप्तरी जिल्ला राजविराज नगरपालिका-८ घर भई काठमाडौं महानगरपालिका-१४ बस्ने ३२ वर्षीय दिपेन्द्र तातेडलाई सोमबार प्रहरीले पक्राउ गरेको छ ।  बैंकिङ कसूर मुद्दामा उच्च अदालत पाटनको गत भदौ १७ गतेको फैसलाले १५ दिन कैद र ४५ लाख ५५ हजार ४ सय १४ रूपैयाँ जरिवाना ठहर भई फरार रहेका उनलाई केन्द्रीय अनुसन्धान ब्यूरो महाराजगञ्जबाट खटिएको प्रहरीले काठमाडौं भोटेवहालबाट पक्राउ गरेको हो ।  दिपेन्द्रले जनता बैंक लिमिटेड काठमाडौंमा रहेको आफ्नो खातामा पर्‍याप्त मौज्दात रकम नभएको भन्ने जानी जानी जाहेरवालालाई झुक्याई दिएको चेकको रकम भुक्तान हुन नसकेको ठहर गर्दै अदालतले उक्त फैसला गरेको थियो ।   उनलाई जिल्ला अदालत काठमाडौंको आदेशले कैद भुक्तानको लागि कारागार कार्यालय सुन्धारा काठमाडौंमा पठाइएको छ ।

अवैध लागूऔषध सहित पक्राउ
२०७९-०७-०२

बारा, निजगढ नगरपालिका-८ बाट अवैध लागूऔषध गाँजा करिब ७ किलो ५ सय ग्राम सहित चितवन जिल्ला राप्ती नगरपालिका-१० बस्ने ३८ वर्षीय बिष्णु खरेललाई बुधबार बिहान प्रहरीले पक्राउ गरेको छ । हेटौंडाबाट काँकडभिट्टातर्फ जाँदै गरेको मे.१ ख २०४५ नम्बरको बसलाई ईलाका प्रहरी कार्यालय निजगढबाट खटिएको प्रहरीले जाँच गर्ने क्रममा उनलाई उक्त गाँजा सहित पक्राउ गरेको हो ।  सिन्धुली, कमलामाई नगरपालिका-९ चोरखोलाबाट अवैध लागूऔषध ब्राउनसुगर जस्तो देखिने गिलो पदार्थ करिब १ सय १ ग्राम सहित झापा हल्दिवारी गाउँपालिका-१ बस्ने २५ वर्षीय बिशाल राईलाई बुधबार दिउँसो प्रहरीले पक्राउ गरेको छ । ईलाका प्रहरी कार्यालय भिमानबाट खटिएको प्रहरीले झापाबाट काठमाडौंतर्फ आउँदै गरेको प्रदेश ३-०१-००५ ख ९७९९ नम्बरको गाडीमा सवार उनलाई उक्त पदार्थ सहित फेला पारी पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ । 

नवौं राष्ट्रिय खेलकुद : हाल सम्म नेपाल प्रहरीलाई ४३ स्वर्ण
२०७९-०७-०२

कास्की, नवौं राष्ट्रिय खेलकुद २०७९ अन्तर्गत हालसम्म विभिन्न खेलहरूमा नेपाल प्रहरीले ४३ स्वर्ण, ३८ रजत र ४८ कास्य गरी कुल १ सय २९ पदक प्राप्त गरेको छ ।  विभिन्न प्रतियोगितामध्ये नेपाल प्रहरीले तेक्वान्दोमा ११ स्वर्ण, ४ रजत र १ कास्य, करातेमा ९ स्वर्ण, २ रजत र ५ कास्य, भारोत्तोलनमा ८ स्वर्ण र ५ रजत, टेबल टेनिसमा ४ स्वर्ण, १ रजत र १ कास्य, जुडोमा ३ स्वर्ण, १ रजत र ५ कास्य, पुरूष क्रिकेटमा १ स्वर्ण, महिला क्रिकेटमा १ स्वर्ण, कुस्तीमा १ स्वर्ण, ७ रजत र ५ कास्य, पौडीमा १ स्वर्ण ८ रजत र ११ कास्य, फुलकन्ट्‍याक्ट करातेमा १ स्वर्ण, १ रजत र २ कास्य, सफ्ट टेनिसमा १ स्वर्ण र १ कास्य, एथलेटिक्समा १ स्वर्ण, ३ रजत र ४ कास्य, शारीरिक सुगठनमा १ स्वर्ण, १ रजत र ३ कास्य, बुद्धिचालमा ३ रजत, सुटिङमा १ रजत र २ कास्य, आर्चरीमा १ रजत, आईटिएफ तेक्वान्दोमा ४ कास्य, लन टेनिसमा २ कास्य तथा ब्याडमिन्टनमा २ कास्य गरी कुल १ सय २९ पदक प्राप्त गरेको हो । नेपाल प्रहरीका खेलाडीहरूमध्ये महिलातर्फ १८ स्वर्ण, १७ रजत र २६ कास्य,  पुरूषतर्फ २३ स्वर्ण, २० रजत र २१ कास्य तथा मिश्रित टिमतर्फ २ स्वर्ण, १ रजत र १ कास्य पदक जित्न सफल भएका छन् ।  नवौं राष्ट्रिय खेलकुद अन्तर्गत मंगलबार भएको कुस्ती प्रतियोगितामा नेपाल प्रहरीका सुमिर शाहले स्वर्ण पदक जितेका छन् । ९७ केजी तौल समूहमा उनले स्वर्ण जितेका हुन् । सोही प्रतियोगिता अन्तर्गत भागवत शाह तेली, गंगाराम चमार, धर्मेन्द्र प्रसाद यादव, रितेश प्रसाद यादव, सागर कुमार यादव, प्रियका धानुक मण्डल र संगिता पालले रजत जिते । यस्तै सुटिङ प्रतियोगिता अन्तर्गत पुरूष टिम एयर पेस्तोलमा नेपाल पुलिस क्लबका अनिल ठकुरी, सुकदेव चौधरी र मान बहादुर घलेले कास्य पदक प्राप्त गरे । सोही प्रतियोगिता अन्तर्गत मिक्स टिम राइफलमा नेपाल पुलिस क्लबका फुलमाया क्यापछाकी र धन बहादुर विकले कास्य पदक प्राप्त गरे भने महिला टिम ईभेन्टको एयर राईफलमा अस्मिता राई, फुलमाया क्यापछाकी र रत्नी कुमारी चौधरीले रजत पदक प्राप्त गरे ।  नवौं राष्ट्रिय खेलकुद अन्तर्गत पोखराको आर्चरी मैदानमा भएको प्रतिस्पर्धामा नेपाल पुलिस क्लबले रजत पदक प्राप्त गरेको छ । यस्तै मंगलबार भएको कराते खेलमा नेपाल पुलिस क्लबका सबिना श्रेष्‍ठ र  जिया कार्कीले स्वर्ण पदक प्राप्त गरे भने साजन मोक्तानले कास्य पदक प्राप्त गरे । यस्तै नवौं राष्ट्रिय खेलकुद अन्तर्गत पोखरामा जारी सफ्ट टेनिस प्रतियोगिता अन्तर्गत डबल्सतर्फ नेपाल पुलिस क्लबका नौ बहादुर लुंगेली र कमल बहादुर भण्डारीले स्वर्ण पदक जितेका छन् । उनीहरूले १ नम्बर प्रदेशका युकेश योञ्जन र आशिष बोहराको जोडीलाई ५-३ को सेटले पराजित गर्दै स्वर्ण जितेका हुन् । सोही प्रतियोगिता अन्तर्गत महिलातर्फ नेपाल पुलिस क्लबकी बिष्णा भण्डारी र सिसम चन्दको जोडीले कास्य पदक प्राप्त गरे ।  नवौं राष्ट्रिय खेलकुद अन्तर्गत मंगलबार भएको भारोत्तोलन प्रतियोगितामा नेपाल पुलिस क्लबका बिकास थापाले पुरूष ८१ केजी तौल समूहमा स्वर्ण पदक जितेका छन् । उनले स्न्याचतर्फ ११२ र क्लीन एण्ड जर्कमा १३९ गरी कुल २५१ केजी भार उठाउँदै स्वर्ण जितेका हुन् । सोही प्रतियोगिता अन्तर्गत नेपाल पुलिस क्लबकी जुनमाया छन्त्याल, पुजा कुमाल र तारादेवी पुनले स्वर्ण जिते भने राजलक्ष्मी थापाले रजत र ओम प्रकाश वैश्यले कास्य पदक प्राप्त गरे । यस्तै जुडोमा नेपाल पुलिस क्लबका उमेश मगर, ईन्द्र बहादुर श्रेष्‍ठ र मनिता प्रधान श्रेष्‍ठले स्वर्ण पदक प्राप्त गरेका छन् । सोही प्रतियोगितामा नेपाल पुलिस क्लबका सुदेश दोङले रजत तथा संजित डंगोल, दिल कुमारी छन्त्याल, सपना राई, सोनिया भट्ट र आश्विन पुलामी मगरले कास्य पदक प्राप्त गरे ।  यस्तै नवौं राष्ट्रिय खेलकुद अन्तर्गत म्याग्दीको बेनीमा मंगलबार भएको तेक्वान्दो प्रतियोगितामा नेपाल पुलिस क्लबका सुस्मिता मोक्तान, गोबिन्द आले मगर र कवि अधिकारीले स्वर्ण जितेका छन् भने अन्जली तामाङले रजत पदक जितेकी छिन् ।  यस्तै एथलेटिक्सतर्फ म्याराथनमा नेपाल पुलिस क्लबकी रेखा बिष्‍टले कास्य पदक प्राप्त गरिन् ।  यसैगरी पोखराको फिसटेल एकेडेमीमा मंगलबार भएको पौडी प्रतियोगिता अन्तर्गत ४०० मिटर मिक्स फ्रिस्टायल रिलेमा नेपाल पुलिस क्लबका आर्य महर्जन, मेगन गुरुङ, गौरव लामा र संकर्षण बहादुर रघुवंशीले रजत पदक प्राप्त गरे । यस्तै महिलातर्फको १०० मिटर ब्रेष्टस्ट्रोकमा नेपाल पुलिस क्लबकी अदिप्सा वैधले कास्य पदक जित्न सफल भइन् । सोही प्रतियोगिता अन्तर्गत पुरूषतर्फ ५० मिटर फ्रिस्टायलमा संकर्षण बहादुर रघुवंशी र महिलातर्फ मेगन गुरुङले रजत पदक प्राप्त गरे । 

अवैध लागूऔषध सहित छुट्टाछुट्टै स्थानबाट आठ जना पक्राउ
२०७९-०७-०२

काठमाडौं महानगरपालिका-३१ सुकुम्बासीस्थित सडकबाट नियन्त्रित लागूऔषध फेनारगन २६ पिस, डाइजेपाम २६ पिस र नुर्फिन २६ पिस सहित ताप्लेजुङ घर भएका काठमाडौं महानगरपालिका-९ सिनामङ्गल बस्ने ३१ वर्षीय छिरिङ लामालाई मंगलबार दिउँसो प्रहरीले पक्राउ गरेको छ । प्रहरी वृत्त नयाँबानेश्वरबाट खटिएको प्रहरीले उनलाई उक्त लागूऔषध सहित पक्राउ गरेको हो ।  ईलाम, सूर्योदय नगरपालिका-६ कन्यामबाट अवैध लागूऔषध ब्राउनसुगर जस्तो देखिने लिसाइलो पदार्थ करिब ७ सय ७० मिलिग्राम सहित २ जनालाई मंगलबार दिउँसो प्रहरीले पक्राउ गरेको छ । पक्राउ पर्नेहरुमा सूर्योदय नगरपालिका-८ घर भई सोही नगरपालिका-६ कन्याम बस्ने मिक कुमार तामाङ र २३ वर्षीय सेवन गुरुङ रहेका छन् । उनीहरुले डेरा कोठामा ब्राउन सुगर सेवन गर्दै छन् भन्ने सूचनाको आधारमा प्रहरी चौकी हर्कटेबाट खटिएको प्रहरीले उनीहरुलाई उक्त पदार्थ सहित पक्राउ गरेको हो ।     बर्दिया, बढैयाताल गाउँपालिका-२ फुटाहाबाट अवैध लागूऔषध ब्राउनसुगर जस्तो देखिने खैरो पदार्थ ५ ग्राम ८ सय मिलिग्राम, ट्रामाडोल ५ ट्याब्लेट र नगद ७ हजार ५ सय रुपैयाँ सहित सुर्खेत वीरेन्द्रनगर नगरपालिका-११ बस्ने १८ वर्षीय किशोरलाई मंगलबार दिउँसो प्रहरीले पक्राउ गरेको छ । प्रहरी चौकी जमुनीबाट खटिएको प्रहरीले उनलाई उक्त लागूऔषध र नगद सहित फेला पारी पक्राउ गरेको हो । तनहुँ, आँबुखैरेनी गाउँपालिका-४ बेनिटारबाट नियन्त्रित लागूऔषध नुर्फिन ६८ एम्पुल, फेनारगन ६९ एम्पुल र डाईजेपाम ६९ एम्पुल सहित वागलुङ कालीखोला गाउँपालिका-४ बस्ने २२ वर्षीय नर बहादुर थापालाई मंगलबार दिउँसो प्रहरीले पक्राउ गरेको छ । सुनौलीबाट पोखरातर्फ आउँदै गरेको ग.२ ख ९९५ नम्बरको बसलाई अस्थायी प्रहरी पोष्ट मुग्लिनपुलबाट खटिएको प्रहरीले जाँच गर्ने क्रममा बसमा सवार उनलाई उक्त लागूऔषध सहित फेला पारी पक्राउ गरेको हो । नवलपरासी पूर्व, विनयी त्रिवेणी गाउँपालिका-२ बाट नियन्त्रित लागूऔषध फेनारगन २६ एम्पुल, नुर्फिन २७ एम्पुल र डाईजेपाम २७ एम्पुल सहित गैंडाकोट नगरपालिका-१ बस्ने २६ वर्षीय केशव घिमिरेलाई मंगलबार राति प्रहरीले पक्राउ गरेको छ । प्रहरी चौकी दाउन्नेबाट खटिएको प्रहरीले ना.७ ख ६०८१ नम्बरको बसलाई जाँच गर्ने क्रममा बसमा सवार उनलाई उक्त लागूऔषध सहित फेला पारी पक्राउ गरेको हो ।  दाङ, लमही नगरपालिका-९ शिवखोलाबाट नियन्त्रित लागूऔषध ड्रमाडोल ७ सय ८८ ट्याब्लेट सहित तुलसीपुर उपमहानगरपालिका-५ बस्ने २२ वर्षीय समिर परियार समेत २ जनालाई मंगलबार राति प्रहरीले पक्राउ गरेको छ । ईलाका प्रहरी कार्यालय अमिलियाबाट खटिएको प्रहरीले बा.०२-०३७ प ३७८८ नम्बरको स्कुटरलाई जाँच गर्नेक्रममा स्कुटरमा सवार उनीहरुलाई उक्त लागूऔषध सहित फेला पारी पक्राउ गरेको हो ।  यस सम्बन्धमा प्रहरीले आवश्यक अनुसन्धान गरिरेहको छ । 

चाँदी जस्तो देखिने धातुको विभिन्न सरसामान सहित पक्राउ
२०७९-०७-०२

कास्की, पोखरा महानगरपालिका-३२ मझुवाबाट चाँदी जस्तो देखिने धातुको विभिन्न सरसामानहरू सहित २ जनालाई मंगलबार दिउँसो प्रहरीले पक्राउ गरेको छ । पक्राउ पर्नेहरूमा भारत घर भएका २१ वर्षीय राजु कुमार साह र बारा करैयामाई गाउँपालिका-८ बस्ने ३४ वर्षीय सरोज मियाँ मसुर रहेका छन् । वडा प्रहरी कार्यालय गगनगौडाबाट खटिएको प्रहरीले दमौलीबाट पोखरातर्फ आउँदै गरेको ग.१ ख ९३०८ नम्बरको बसमा सवार राजु कुमारलाई १ सय ९३ तोला ९२ लाल र ग.१ ख २६९५ नम्बरको बसमा सवार सरोजलाई ४ सय १३ तोला ५२ लाल बराबरको चाँदी जस्तो देखिने धातुको विभिन्न सरसामान सहित पक्राउ गरेको हो ।   यस सम्बन्धमा प्रहरीले आवश्यक अनुसन्धान गरिरेहको छ । 

इन्टरपोलको ९०औं महासभा समुउद्‍घाटन
२०७९-०७-०१

काठमाडौं, प्रहरीको अन्तर्राष्ट्रिय संगठन इन्टरपोलको ९०औं महासभाको आज भारतको नयाँ दिल्लीमा समुउद्‍घाटन भएको छ । भारतका प्रधानमन्त्री नरेन्द्र मोदीले एक समारोहबीच समुउद्‍घाटन गर्नुभएको उक्त महासभामा भाग लिन प्रहरी महानिरीक्षक धिरज प्रताप सिंहको नेतृत्वमा ५ सदस्यीय टोली हिजो सोमबार नै त्यसतर्फ प्रस्थान गरेको थियो ।    उद्‍घाटन समारोहलाई सम्बोधन गर्दै प्रधानमन्त्री मोदीले अहिलेको ग्लोबलाइजेसनको युगमा इन्टरपोल बिना विश्वको कल्पना गर्न नसकिने भएकोले इन्टरपोललाई अझ सशक्त बनाउनुपर्ने बताउनुभयो । विशेषत: साइबर क्राइम, टेरोरिजम र बालबालिकामाथिको शोषण अन्त्य गर्न अन्तर्राष्ट्रिय प्रहरी समन्वय र सहयोगलाई अझ मजबुद बनाउँदै लैजान अपरिहार्य रहेको उहाँले उल्लेख गर्नुभयो ।  उद्‍घाटन समारोहमा भारत सरकारका गृहमन्त्री अमित शाह लगायतका मन्त्रीहरुको सहभागिता रहेको थियो । उक्त महासभामा नेपाल सहित १ सय ७५ राष्ट्रका प्रहरी प्रमुख तथा उच्च अधिकृतहरूको सहभागिता रहेको छ ।  भारत सरकारले यो आयोजनालाई अत्यन्त महत्वपूर्ण रूपमा लिएको छ । 

नवौं राष्ट्रिय खेलकुद : हाल सम्म नेपाल प्रहरीलाई २९ स्वर्ण
२०७९-०७-०१

कास्की, नवौं राष्ट्रिय खेलकुद २०७९ अन्तर्गत हाल सम्म विभिन्न खेलहरूमा नेपाल प्रहरीले २९ स्वर्ण, १९ रजत र ३३ कास्य गरी कुल ८० पदक प्राप्त गरेको छ ।  विभिन्न प्रतियोगितामध्ये नेपाल प्रहरीले एथलेटिक्समा १ स्वर्ण, ३ रजत र ३ कास्य, पुरूष क्रिकेटमा १ स्वर्ण, महिला क्रिकेटमा १ स्वर्ण, करातेमा ७ स्वर्ण, २ रजत र ४ कास्य, कुस्तीमा ४ कास्य, टेबल टेनिसमा ४ स्वर्ण, १ रजत र १ कास्य, तेक्वान्दोमा ८ स्वर्ण,३ रजत र १ कास्य, पौडीमा १ स्वर्ण, ४ रजत र ११ कास्य, फुलकन्ट्‍याक्ट करातेमा १ स्वर्ण, १ रजत र २ कास्य, बुद्धिचालमा १ रजत, भारोत्तोलनमा ४ स्वर्ण र ३ रजत, लन टेनिसमा ३ कास्य, ब्याडमिन्टनमा १ कास्य तथा शारीरिक सुगठनमा १ स्वर्ण, १ रजत र ३ कास्य गरी कुल ८१ पदक प्राप्त गरेको हो । नेपाल प्रहरीका खेलाडीहरूमध्ये महिलातर्फ ११ स्वर्ण, ९ रजत र १८ कास्य,  पुरूषतर्फ १६ स्वर्ण, १० रजत र १५ कास्य तथा मिश्रित टिमतर्फ २ स्वर्ण पदक जित्न सफल भएका छन् ।  नवौं राष्ट्रिय खेलकुद अन्तर्गत एथलेटिक्सको १ सय १० मिटर पुरूष हर्डल्समा नेपाल पुलिस क्लबका चन्द्रदेव जोशीले रजत पदक प्राप्त गरे । उनले निर्धारित दुरी १५.८१ सेकेन्डको समयमा पुरा गरी रजत जितेका हुन् । यसैगरी एथलेटिक्सको डिस्कस थ्रोमा नेपाल पुलिस क्लबका पुस्कल खड्काले रजत प्राप्त गरे । उनले ३२.७५ मिटर दुरी फ्याल्दै सो पदक जितेका हुन् ।  नवौं राष्ट्रिय खेलकुद अन्तर्गत  सोमबार भएको कुस्ती खेलमा नेपाल पुलिस क्लबका सन्धया दुवे, सालु कुमारी, बिनोद सहनी र दिपेश राउत कमकरलर कास्य पदक जितेका छन् । यसैगरी करातेमा नेपाल पुलिस क्लबका सन्तोष श्रेष्‍ठ, एरिका गुरुङ र नविन रसाईलीले स्वर्ण जितेका छन् भने स्विकार राई र सुनिता महर्जनले कास्य पदक जिते । यस्तै टेबल टेनिस प्रतियोगिता अन्तर्गत मेन्स डबल्स ईभेन्टमा नेपाल पुलिस क्लबका विनेश खनिया र श्यान्टु श्रेष्‍ठले स्वर्ण जितेका छन् ।  नवौं राष्ट्रिय खेलकुद अन्तर्गत सोमबार भारोत्तोलन प्रतियोगितामा नेपाल पुलिस क्लबकी टिकामाया गुरुङले स्वर्ण पदक जित्न सफल भइन् । उनले स्न्याचतर्फ ६० र क्लीन एण्ड जर्कमा ८० गरी कुल १४० केजी भार उठाउँदै स्वर्ण जितेकी हुन् । सोही प्रतियोगिता अन्तर्गत नेपाल पुलिस क्लबका देवी कुमारी चौधरी र अशोक कुमार शाहले कास्य पदक प्राप्त गरे ।  यस्तै पोखराको सभाहलमा सोमबार भएको शरीरिक सुगठन प्रतिस्पर्धामा नेपाल पुलिस क्लबका सुकदेव कार्कीले रजत जिते भने रत्न सुन्दर डाकुसी, सुरज डंगोल र सनम मुलगुठीले कास्य पदक जिते । यस्तै लन टेनिस प्रतियोगिता अन्तर्गत वुमेन्स डबल्समा नेपाल पुलिस क्लबकी बिष्णा भण्डारी र शिषम चन्दले कास्य पदक प्राप्त गरे । यसैगरी पोखराको फिसटेल एकेडेमीमा सोमबार भएको पौडी प्रतियोगिता अन्तर्गत पुरूषतर्फ ४०० मिटर फ्रिस्टायल रिलेमा नेपाल पुलिस क्लबका गौरव लामा, दिपंकर अवाले, संकर्षण बहादुर रघुवंशी र सुविज्ञ मान तुलाधर सम्मिलित टिमले रजत पदक प्राप्त गरे । उनीहरूले निर्धारित दुरी ३ मिनेट ४६.३७ सेकेन्ड समयका साथ रजत जितेका हुन् । यस्तै सोही प्रतियोगिता अन्तर्गत महिलातर्फ २०० मिटर ब्रेष्टस्ट्रोकमा नेपाल पुलिस क्लबकी अदिप्सा वैधले कास्य पदक जित्न सफल भइन् । नवौं राष्ट्रिय खेलकुद प्रतियोगिता अन्तर्गत सोमबार भएको तेक्वान्डोमा नेपाल पुलिस क्लबका ईन्दिरा राई र अभिशेक बरालले स्वर्ण पदक जिते भने आशुतोष बरालले रजत पदक प्राप्त गरे । 

नेपाल प्रहरीको महिला क्रिकेट टिमलाई स्वर्ण पदक
२०७९-०७-०१

      कास्की, पोखरामा आयोजित नवौं राष्ट्रिय खेलकुद २०७९ अन्तर्गत मंगलबार भएको महिला २०-२० क्रिकेट फाइनल खेलमा नेपाल पुलिस क्लबले सशस्र प्रहरीको महिला क्रिकेट टिमलाई पराजित गर्दै स्वर्ण पदक जित्न सफल भएको छ । ११ औं राष्ट्रिय महिला क्रिकेट प्रतियोगिता अन्तर्गत भएको फाइनल खेलमा नेपाल पुलिस क्लबले एपिएफलाई ५ रनले पराजित गरेको हो । पोखरा रंगशालास्थित क्रिकेट मैदानमा टस जितेर पहिलो ब्याटिङ गरेको नेपाल पुलिस क्लबले निर्धारित २० ओभरमा ४ विकेटको क्षतिमा ८९ रनको योगफल तयार बनाएको थियो । जवाफी ब्याटिङमा आएको एपिएफले २० ओभरमा ७ विकेटको क्षतिमा ८४ रन मात्र बनाएको थियो ।  प्रतियोगिता अन्तर्गत ब्याटिङतर्फ नेपाल पुलिस क्लबकी काजल श्रेष्ठले २७ रन, कविता कुँवरले ११ रन, सम्झना खड्काले २१ रन, रुबिना क्षेत्रीले ८ रन, अप्सरी बेगमले नटअउट २ रन र कविता जोशीले नटआउट १३ रन जोडेका थिए भने अतिरिक्त ७ रन प्राप्त भएको थियो । बलिङतर्फ नेपाल पुलिस क्लबकी ईश्वरी विष्टले २ विकेट, रूबिना क्षेत्री, संगिता राई, हिरूमाई रायले समान १ विकेट लिएका थिए ।  खेलमा नेपाल पुलिस क्लबकी ईश्वरी विष्ट प्लेयर अफ द म्याच घोषित भइन् ।

अवैध लागूऔषध सहित पक्राउ तथा बरामद
२०७९-०७-०१

कैलाली, धनगढी उपमहानगरपालिका-७ मोति चोकबाट अवैध लागूऔषध ब्राउनसुगर १३ ग्राम सहित सोही ठाउँ बस्ने ३३ वर्षीय यादव कुमार चौधरीलाई सोमबार दिउँसो प्रहरीले पक्राउ गरेको छ । सुदूरपश्चिम प्रदेश प्रहरी कार्यालय धनगढीबाट खटिएको प्रहरीले  जाँच गर्ने क्रममा उक्त लागूऔषध सहित फेला पारी उनलाई पक्राउ गरेको हो ।  सिन्धुली, मरिण गाउँपालिका-६ सिरुटार आँपदमार बस्ने ५० वर्षीय ज्ञानध्वोज स्याङ्तानलाई अवैध लागूऔषध गाँजा करिब ५ किलो सहित सोमबार राति प्रहरीले पक्राउ गरेको छ । उनले आफ्नै घरमा लागूऔषध गाँजा बिक्री गरिरहेको भन्ने विशेष सूचनाको आधारमा ईलाका प्रहरी कार्यालय कपिलाकोटबाट खटिएको प्रहरीले जाँच गर्ने क्रममा उक्त गाँजा सहित फेला पारी उनलाई पक्राउ गरेको हो ।  सिरहा, भगवानपुर गाउँपालिका-१ बलान पुलमुनिबाट अवैध लागूऔषध गाँजा करिब ६५ किलो सहित सप्तरी वलान बिहुल गाउँपालिका-२ डिटिया टोल बस्ने ४२ वर्षीय राम नारायण यादवलाई गएराति प्रहरीले पक्राउ गरेको छ । ईलाका प्रहरी कार्यालय लहानबाट खटिएको प्रहरीले ४ वटा बोरामा रहेको उक्त गाँजा सहित फेला पारी उनलाई पक्राउ गरेको हो ।  सर्लाही, लालबन्दी नगरपालिका-१ स्थित नवलपुर चोकबाट अवैध लागूऔषध गाँजा २ किलो सहित भारत सित्तामढि ग्राम कचोर-११ बस्ने ८३ वर्षीय रामबृज महत्तोलाई मंलगबार बिहान प्रहरीले पक्राउ गरेको छ । ईलाका प्रहरी कार्यालय नवलपुरबाट खटिएको प्रहरीले उनलाई उक्त गाँजा सहित फेला पारी पक्राउ गरेको हो ।  पर्सा, वीरगंज महानगरपालिका-१३ बस्ने ४० वर्षीया विद्या देवी तिवारीलाई अवैध लागूऔषध गाँजा करिब ५ किलो सहित मंगलबार बिहान प्रहरीले पक्राउ गरेको छ । प्रहरी चौकी ईनर्वाबाट खटिएको प्रहरीले नेपालबाट भारततर्फ जाँदै गरेको अटोलाई जाँच गर्ने क्रममा अटोमा सवार उनलाई उक्त गाँजा सहित फेला पारी पक्राउ गरेको हो ।  यसैगरी पर्सा, जिराभवानी गाउँपालिका-२ काठमाडौं टोलबाट अवैध लागूऔषध गाँजा ३ किलो मंगलबार दिउँसो प्रहरीले बरामद गरेको छ । अस्थायी प्रहरी पोष्ट शंकतखरैयाबाट खटिएको प्रहरीले बीआर २२ एएच १४४६ नम्बरको मोटरसाइकल जाँच गर्ने क्रममा मोटरसाइकल चालक मोटरसाइकल छाडी फरार भएपश्चात सिटमुनि लुकाई राखेको अवस्थामा उक्त गाँजा फेला पारी प्रहरीले बरामद गरेको हो । हाल फरार मोटरसाइकल चालकको प्रहरीले खोजी गरिरहेको छ ।  यस सम्बन्धमा प्रहरीले थप अनुसन्धान गरिरहेको छ ।

कुटपिट गरी हत्या गरेको अभियोगमा पक्राउ
२०७९-०७-०१

  बाँके, सल्यान बाङगार नगरपालिका-११ रैकर बस्ने ३० वर्षीय गोबिन्द बिकको कुटपिट गरी हत्या गरेको अभियोगमा बाँके नेपालगंज उपमहानगरपालिका-४ बसपार्कस्थित मिना दैलेखी होलटका संचालक २४ वर्षीय अम्मर हमाललाई मंगलबार प्रहरीले पक्राउ गरेको छ ।   नेपालगंज उपमहानगरपालिका-४ बसपार्कस्थित फुलबारी गेष्ट हाउसमा बसेका गोबिन्द अत्याधिक मादक पदार्थ सेवन गरी मिना दैलेख होटलमा प्रवेश गर्ने क्रममा अम्मरले शनिबार कुटपिट गर्दा गम्भिर घाइते भएका गोबिन्दको नर्सिङ होम नेपालगंजमा उपचारको क्रममा मृत्यु भएको हो ।  यस सम्बन्धमा प्रहरीले थप अनुसन्धान गरिरहेको छ ।

जबरजस्ती करणी गरेको अभियोगमा पक्राउ
२०७९-०७-०१

 तनहुँ, १२ वर्षीया बालिकालाई जबरजस्ती करणी गरेको अभियोगमा कञ्चनपुर बेलौरी नगरपालिका-६ श्रीपुर हात्तीबजार घर भई  शुक्लागण्डकी नगरपालिका-२ हलेदी बस्ने २९ वर्षीय भगवत दास चौधरीलाई सोमबार राति प्रहरीले पक्राउ गरेको छ । ती बालिकालाई चौधरीले जबरजस्ती करणी गरेको भन्ने खबर प्राप्त हुनासाथ ईलाका प्रहरी कार्यालय बेलचौताराबाट खटिएको प्रहरीले उनलाई पक्राउ गरेको हो । बर्दिया, ४० वर्षीया महिलालाई जबरजस्ती करणी गरेको अभियोगमा कैलाली टिकापुर नगरपालिका-९ बस्ने २४ वर्षीय सागर टमटालाई सोमबार राति प्रहरीले पक्राउ गरेको छ । ती महिलालाई बर्दिया राजापुर नगरपालिका-४ अनन्तपुरमा सागरले जबरजस्ती करणी गरेको भन्ने खबर प्राप्त हुनासाथ ईलाका प्रहरी कार्यालय टिकापुरबाट खटिएको प्रहरीले उनलाई पक्राउ गरेको हो  । सागरलाई आवश्यक कारवाहीका लागि ईलाका प्रहरी कार्यालय राजापुर बर्दियामा पठाइएको छ । यस सम्बन्धमा प्रहरीले थप अनुसन्धान गरिरहेको छ ।

प्रधानमन्त्री शेरबहादुर देउवाको प्रमुख आतिथ्यमा ६७औं प्रहरी दिवस २०७९ सम्पन्न
२०७९-०६-३१

काठमाडौं, प्रधानमन्त्री शेरबहादुर देउवाको प्रमुख आतिथ्यतामा नेपाल प्रहरी प्रधान कार्यालय नक्सालमा सोमबार आयोजित विशेष समारोहबीच ६७औं प्रहरी दिवस २०७९ सम्पन्न भएको छ ।  प्रहरी दिवसको अवसरमा आयोजित श्रद्धाञ्जली कार्यक्रममा प्रधानमन्त्री देउवाले नेपाल प्रहरी प्रधान कार्यालयस्थित अमर प्रहरी स्मारकमा पुष्पहार अर्पण गर्नुभयो । विशेष समारोहमा प्रधानमन्त्री देउवाले ‍अवकास प्राप्त प्रहरी अतिरिक्त महानिरीक्षक राजेन्द्र बहादुर सिंहलाई ‘लाईफ टाइम अचिभमेण्ट अवार्ड’ प्रदान गर्नुभयो । साथै उहाँले कर्तव्य पालनाको क्रममा वीरगति प्राप्त गर्ने अमर प्रहरीका परिवारहरुलाई कदरपत्र प्रदान गर्नुभयो । साथै उहाँले “प्रहरी दर्पण २०७९” को लोकार्पण समेत गर्नुभयो ।  समारोहमा प्रधानमन्त्री देउवाले अर्घाखाँची सन्धिखर्क नगरपालिका-२ का अमर प्रहरी हवल्दार हेमन्त बहादुर जिसीको छोरी रञ्जु जिसी र दाङ घोराही उपमहानगरपालिका-१५ का अमर प्रहरी जवान निमशरण थापाको छोरा सन्दिप थापालाई अच्युत-मिना अमर प्रहरी परिवार पुरस्कार छात्रवृत्ती प्रदान गर्नुभयो । साथै उहाँले अपराध अनुसन्धानको क्षेत्रमा उल्लेखनीय योगदान गरेबापत नेपाल प्रहरी प्रधान कार्यालय विशेष ब्यूरोमा कार्यरत प्रहरी उपरीक्षक सन्तोष खड्कालाई मोतिलाल बोहोरा सर्वोत्कृष्ट अनुसन्धानकर्ता पुरस्कार प्रदान गर्नुभयो ।  समारोहमा प्रधानमन्त्री देउवाले नेपाल प्रहरी कार्यदक्षता मुल्याङ्कन (Police Baton) २०७९ अन्तर्गत अन्तर प्रदेश प्रहरी कार्यदक्षता मुल्याङ्कन (Police Baton) २०७९ तर्फ सर्वोत्कृष्ट हुन सफल १ नम्बर प्रदेश प्रहरी कार्यालय मोरङका प्रमुख प्रहरी नायव महानिरीक्षक सुदिप गिरीलाई प्रहरी व्याटन प्रदान गर्नुभयो ।  विशेष समारोहलाई सम्बोधनको क्रममा प्रधानमन्त्री देउवाले स्थापना काल देखि विभिन्न आरोह-अवरोहबीच शान्ति, सुरक्षा र सुव्यवस्था कायम गरी राष्ट्र र नागरिक सेवामा कटिवद्ध नेपाल प्रहरीको योगदान अत्यन्त उल्लेखनीय रहेको बताउनुभयो । आपत-विपत् परेका, निर्वल, अशक्त, असहाय, जोखिममा परेका, अपराधबाट पीडित व्यक्तिहरूको साथी नेपाल प्रहरी भएकोले समस्त नागरिकको विश्वास र भरोसाको केन्द्र बनि गौरवमय र महत्वपूर्ण कार्यसम्पादन गर्न निर्देशन दिँदै प्राकृतिक तथा मानव सिर्जित विपद्हरूमा नागरिक सेवामा पहिलो पङ्क्तिमा रहेर प्रहरीले हालसम्म निर्वाह गरेको भूमिका प्रशंसनीय रहेको उल्लेख गर्नुभयो । अपराध नियन्त्रण र अनुसन्धान प्रहरीको मूल दायित्व भएको उल्लेख गर्दै प्रधानमन्त्री देउवाले भन्नुभयो, “प्रहरीले आफ्नो मूल दायित्व ईमानदारिपूर्वक बहन गरेमात्र देशको शान्ति सुरक्षा मजबुत हुन जान्छ ।” निष्ठावान एवं पूर्ण व्यावसायिक भई प्रचलित कानुनबमोजिम कसैको दबाब र प्रभावमा नपरी प्रहरीले आफ्नो जिम्मेवारी निर्वाह गर्न उहाँले निर्देशन दिनुभयो । नेपाल प्रहरीले देश भित्र र बाहिर समेत कार्यसम्पादनमा हालसम्म प्रदर्शन गर्दै आएको उच्च व्यावसायिकताकले नै नेपाल प्रहरीको क्षमताको अन्तर्राष्ट्रियस्तमा समेत प्रशंसा हुँदै आएको चर्चा गर्दै संयुक्त राष्ट्र संघीय शान्ति मिशनहरूमा नेपाल प्रहरीको सहभागितालाई अझ बढावा दिन नेपाल सरकार सकारात्मक रहेको बताउनुभयो । विज्ञान र प्रविधिको तीव्र विकास भइरहेको वर्तमान अवस्थामा अपराधका नयाँ प्रवृत्ति र शैलिहरुविरूद्ध लड्न प्रविधिको माध्यमबाट प्रहरीलाई आधुनिकरण गर्ने कार्यलाई नेपाल सरकारले सदैव प्राथमिकतामा राखेको बताउनुभयो । प्रहरी दिवसको अवसरमा समस्त प्रहरी कर्मचारी तथा सेवा निवृत्त प्रहरी कर्मचारीहरुलाई शुभकामना दिँदै प्रधानमन्त्री देउवाले शहादत प्राप्त शहीद, अमर प्रहरी कर्मचारीको योगदानलाई स्मरण गर्दै ती सपुतहरु प्रति श्रद्धासुमन अर्पण गर्नुका साथै घाइते भएका प्रहरी कर्मचारीहरुको शीघ्र स्वास्थ्य लाभको कामना गर्नुका साथै उनीहरूको योगदान र निष्ठाको नेपाल सरकारले उच्च मूल्याङ्कन गर्ने बताउनुभयो ।  समारोहमा विशेष अतिथि गृहमन्त्री बालकृष्ण खाणले नेपाल प्रहरी नागरिकको जीवन रक्षाको साथै शान्ति सुरक्षा सुव्यवस्था वहाल गर्न, देशमा अमन चयन कायम गर्न, संविधानको रक्षा र विधिको शासनको पालना गराउन अंग्रपक्तिमा रहेर कर्तव्य निष्ठ रहदै आएको चर्चा गर्नुभयो । बाढी, पहिरो तथा प्राकृतिक विपद्‌ तथा कोभिड-१९ को महामारीको समयमा उद्दार, राहत र व्यवस्थापनका लागि अग्रपंक्तिमा रही नेपाल प्रहरीले आम नागरिकको जीवन रक्षाका लागि निर्वाह गरेको महत्वपूर्ण भूमिकाको प्रशंसा गर्नुहुँदै गृहमन्त्री खाणले आगामी दिनमा नेपाल सरकार अझै प्रहरीमैत्री हुने र सम्पूर्ण प्रहरी कर्मचारीको मनोवल विकासका लागि प्रतिवद्ध रहेको बताउनुभयो ।  प्रहरीको व्यावसायिकता अभिवृद्धि गरी अपराध नियन्त्रण र अनुसन्धान एवम्  शान्ति सु-व्यवस्था मार्फत् जनतालाई सरल र सहज सेवा पुर्‍याउने सुनिश्चितताका लागि नेपाल प्रहरीलाई समयसापेक्ष प्रविधिमैत्री र साधनस्रोत सम्पन्न बनाई नयाँ चुनौतीको सामान गर्न सक्षम बनाउन नेपाल सरकार र गृह मन्त्रालय सदैव तत्पर रहेको उल्लेख गर्नुभयो ।  उहाँले राज्यले सुम्पिएको दायित्व निर्वाह गर्ने क्रममा आफ्नो प्राण उत्सर्ग गर्ने अमर तथा वीर प्रहरीहरूप्रति श्रद्धाञ्जली व्यक्त गर्दै कर्तव्यपालनका क्रममा घाइते तथा अशक्त भएका प्रहरी कर्मचारीहरूको शीघ्र स्वास्थ्य लाभको कामना गर्नुभयो ।   उक्त अवसरमा गृहमन्त्री बालकृष्ण खाण, महान्यायाधिवक्ता, मुख्य सचिव, प्रधान सेनापति, अख्तियार दुरुपयोग अनुसन्धान आयोगका आयुक्त, गृहसचिव, सुरक्षा निकायका प्रमुखहरु, पूर्व प्रहरी महानिरीक्षकहरु, प्रहरी अतिरिक्त महानिरीक्षकहरु, पूर्व प्रहरी अतिरिक्त महानिरीक्षकहरु, निजामती सेवा तथा सुरक्षा निकायका उच्चपदस्थ अधिकारीहरु, नेपाल प्रहरी श्रीमती संघकी अध्यक्ष तथा पदाधिकारीहरु, अमर प्रहरीका परिवारहरु, अन्य बिशिष्ट अतिथि महानुभावहरु, वरिष्ठ प्रहरी अधिकृतहरु एवं उपस्थित प्रहरी अधिकृत तथा जवानहरुले समेत अमर प्रहरी स्मारकमा पुष्पगुच्छा अर्पण गर्नुभयो ।  समारोहमा धन्यवाद ज्ञापन गर्नुहुँदै प्रहरी महानिरीक्षक धिरज प्रताप सिंहले राष्ट्र र नागरिकको सेवा गर्दाकै बखत वीरगति प्राप्त अमर प्रहरीहरूको अभाव संगठनले सदैव महसुस गर्ने बताउनुभयो । अच्युतमिना छात्रवृत्ती एवम् मोतिलाल बोहोरा सर्वोत्कृष्ट अनुसन्धान पुरस्कार कोष गठन गरी प्रहरी कर्मचारीको मनोवल अभिवृद्धि र अमर प्रहरी परिवारको कल्याणको क्षेत्रमा पुर्‍याएको योगदानको प्रशंसा गर्दै प्रहरी महानिरीक्षक सिंहले प्रहरी संगठनको श्रीवृद्धिमा अवकाश प्राप्त प्रहरी महानिरीक्षकहरूको साथ र सहयोग निरन्तर प्राप्त हुने अपेक्षा व्यक्त गर्नुभयो ।  प्रहरी महानिरीक्षक सिंहले नेपाल प्रहरीमा कार्यरत प्रहरी कर्मचारीहरूमा उच्च मनोवलको वृद्धि गर्न वृत्ति विकास एवम् सुविधा अभिवृद्धिमा संगठनको प्राथमिकतामा रहेको बताउनुभयो । प्रहरी सेवा प्रवाह थप सशक्त र उपलव्धिमूलक बनाउने उद्देश्यले प्रहरी कर्माचारीको मनोवल तथा कार्य प्रवाह सुदृढीकरणका लागि उच्च प्राथमिकतायुक्त क्षेत्रहरु पहिचान मार्फत् ८ वटा लक्ष्य राखि नेपाल प्रहरीको कार्य योजना-२०७९ लागू गरिएको उहाँले बताउनुभयो । संयुक्त राष्ट्रसंघीय मिसनमा गत ४ वर्षदेखि रोकिएको नेपाल प्रहरीको एफपीयूको पुन: सहभागिता सम्बन्धि तयारीलाई नेपाल प्रहरीले तिव्रता दिएको बताउँदै  इन्टरनेस्नल एक्सपोजरबाट संगठनको व्यावसायिकीकरण अभिवृद्धिमा थप योगदान पुग्ने उहाँले उल्लेख गर्नुभयो । प्रहरी महानिरीक्षक सिंहले आगामी मंसिर ४ मा सम्पन्न हुन लागेको प्रतिनिधिसभा र प्रदेशसभा निर्वाचन उच्च मनोवलका साथ स्वतन्त्र, निष्पक्ष र भयरहित वातावरणमा सम्पन्न गर्न सम्पूर्ण प्रहरी कर्मचारी कटिवद्ध रहको बताउनुभयो । संगठनलाई स्रोत साधनयुक्त बनाई गतिशिल बनाउन र संगठनले गरेको सत्प्रयासलाई सार्थक तुल्याउन तालुक गृह मन्त्रालयबाट निर्देशन र सहयोग सदैव प्राप्त भईरहनेमा आफू विश्वस्त रहेको उहाँले बताउनुभयो ।  समारोहमा ‘लाईफ टाइम अचिभमेण्ट अवार्ड’ २०७९ द्वारा सम्मानित प्रहरी अतिरिक्त महानिरीक्षक राजेन्द्र बहादुर सिंहले अवार्डका निमित्त सहयोग गर्नुहुने सबैमा धन्यवाद ज्ञापन गर्दै आफूले पाएको अवार्ड विभिन्न समय र परिस्थितीमा नेपालको संविधान, ऐन, कानुन र नेपालीको सुरक्षाको लागि आफ्नो प्राणको आहुती दिने वीर सहिद, आफ्नो कर्तव्य क्षेत्रमा काम गर्दा साथ, सहयोग र निर्देशन दिनुहुने अग्रज र सहकर्मीहरूमा समर्पण गर्न चाहेको बताउनुभयो ।   समारोहमा प्रधानमन्त्री शेरबहादुर देउवालाई प्रहरी महानिरीक्षक धिरज प्रताप सिंहले कृतज्ञताको चिनो समेत प्रदान  गर्नुभयो । उक्त अवसरमा नेपाल प्रहरी श्रीमती संघकी अध्यक्ष श्रीमती कुसुम लता सिंहले अमर प्रहरीका परिवारहरुलाई सद्‍भाव सहयोग प्रदान गर्नुभयो ।   उक्त विशेष समारोह पश्चात प्रहरी महानिरीक्षक धिरज प्रताप सिंह, वरिष्ठ प्रहरी अधिकृतहरु, पूर्व प्रहरी महानिरीक्षकहरु लगायत पूर्व वरिष्ठ प्रहरी अधिकृतहरुबीच पुनर्मिलन कार्यक्रम सम्पन्न भएको थियो । उक्त कार्यक्रममा ‘लाईफ टाइम अचिभमेण्ट अवार्ड’ २०७९ द्वारा सम्मानित प्रहरी अतिरिक्त महानिरीक्षक राजेन्द्र बहादुर सिंहको बारेमा तयार पारिएको संक्षिप्त वृत्तचित्र प्रस्तुत गरिएको थियो । साथै उक्त कार्यक्रममा नेपाल प्रहरीका कलाकारहरूले विभिन्न सांस्कृतिक प्रस्तुती समेत दिनुभएको थियो । ६७औं प्रहरी दिवस २०७९ सबै प्रदेश प्रहरी कार्यालयहरु तथा मातहत समेतमा विविध कार्यक्रमहरुका साथ मनाइएको   छ ।

प्रहरी महानिरीक्षक धिरज प्रताप सिंहबाट कदरपत्र तथा पुरस्कार वितरण
२०७९-०६-३१

काठमाडौं, प्रहरी महानिरीक्षक धिरज प्रताप सिंहले ६७औं प्रहरी दिवस २०७९ का अवसरमा सोमबार नेपाल प्रहरी प्रधान कार्यालयमा आयोजित विशेष कार्यक्रममा विभिन्न विधामा उत्कृष्ट कार्य गर्ने प्रहरी कर्मचारीहरु, प्रहरीलाई सहयोग पुर्‍याउने विभिन्न महानुभावहरुलाई कदरपत्र तथा पुरस्कार प्रदान गर्नुभयो । साथै उहाँले शान्ति सुरक्षा बहाल गरी कानून कार्यान्वयन गर्ने क्रममा योगदान पुर्‍याएबापत प्रहरी नायव उपरीक्षक अनिल कुमार घिमिरेलाई पूर्ण शान्ति पुरस्कार र साहसिक तथा जोखिमपूर्ण कार्य गरे वापत प्रहरी निरीक्षक दिपक थापालाई योगेन्द्र स्मृति साहसिक पुरस्कार प्रदान गर्नुभयो । सोही अवसरमा प्रहरी महानिरीक्षक सिंहले नेपाल प्रहरी अन्तर प्रदेश कार्यदक्षता मूल्यांङ्कन (Police Baton) २०७९ अन्तर्गत आ-आफ्नो विधामा उत्कुष्ट कार्य गर्ने नेपाल प्रहरी प्रदेश कार्यालय पोखराका प्रहरी वरिष्ठ उपरीक्षक सुदर्शन कोइराला, मधेश प्रदेश तालिम केन्द्र राजविराजका प्रहरी वरिष्ठ उपरीक्षक रविन्द्र केसी, नेपाल प्रहरी विशेष सुरक्षा गण रातोमाटे मकवानपुरका प्रहरी उपरीक्षक रन्जित सिंह राठौर, नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय बुटवलका प्रहरी उपरीक्षक योगेन्द्र सिंह थापा, जिल्ला प्रहरी कार्यालय ईलामका प्रहरी उपरीक्षक दिलिप घिमिरे, प्रहरी वृत्त महाराजगंजका प्रहरी नायव उपरीक्षक अंगुर जिसी, ईलाका प्रहरी कार्यालय दुहवी सुनसरीका प्रहरी निरीक्षक जयदेव माझी, प्रहरी प्रभाग सानेपाका प्रहरी निरीक्षक उमेश गुरूङ श्रेष्ठ र प्रहरी चौकी चौघडा मकवानपुरका प्रहरी नायव निरीक्षक रामशरण दुलाललाई प्रशंसापत्र एवम् पुरस्कार प्रदान गर्नुभयो ।   प्रहरी महानिरीक्षक सिंहले उत्कृष्ट अनुसन्धानकर्तातर्फ प्रहरी नायव उपरीक्षक रुगम बहादुर कुँवर र प्रहरी नायव निरीक्षक मदन राज स्याङ्बो, उत्कृष्ट ट्राफिक व्यवस्थापनतर्फ प्रहरी निरीक्षक नरेश शाही, उत्कृष्ट विपद् उद्दारक प्रहरी नायव निरीक्षक सूर्य सिंह थापा, सपोर्टिभ समूह (प्राविधिक)तर्फ प्रहरी उपरीक्षक पुस्कर राज भट्ट, प्रहरी निरीक्षक सर्मिला भट्ट, प्रहरी वरिष्ठ नायव निरीक्षक कृष्ण बानियाँ, प्रहरी नायव निरीक्षक मणी भुषण कुमार झा, प्रहरी नायव निरीक्षक कोपिला केसी, प्रहरी हवल्दार राम बहादुर गुरूङ, प्रहरी हवल्दार तुलाराज मुक्तान, प्रहरी हवल्दार बिश्णु सुवाल र प्रहरी कार्यालय सहयोगी बालकुमारी पुनलाई कदरपत्र एवम् पुरस्कार प्रदान गर्नुभयो ।  यसैगरी जोखिमपूर्ण कार्यतर्फ उत्कृष्ट कार्य गर्ने प्रहरी वरिष्ठ हवल्दार श्यामकान्त श्रीवास्तव, उत्कृष्ट खेल प्रशिक्षक तथा खेलाडीतर्फ प्रहरी सहायक हवल्दार राकेश महर्जन, प्रहरी जवान कमला पुन, प्रहरी जवान चन्द्रकला लामगादे र नेपाल प्रहरी पुरूष क्रिकेट टिमका खेलाडी दिपेन्द्र सिंह ऐरी, उत्कृष्ट आन्तरिक तथा बाह्‍य प्रशिक्षकतर्फ प्रहरी नायव उपरीक्षक पुरुषोत्तम खड्का र प्रहरी हवल्दार महेन्द्र खत्री क्षेत्री र उत्कृष्ट सामुदायिक प्रहरीतर्फ प्रहरी सहायक निरीक्षक किरण तामाङलाई कदरपत्र एवम् पुरस्कार प्रदान गर्नुभयो ।  यसैगरी प्रहरी महानिरीक्षक सिंहले प्रहरी द्वैमासिक पत्रिकामा गत १ वर्षभित्र प्रकाशित लेख रचनामध्ये प्रहरीतर्फ प्रहरी नायव उपरीक्षक भोजराज पाण्डे र सर्वसाधारणतर्फ काठमाडौं चाबहिलका अच्युत प्रसाद पौडेल चिन्तनलाई पुरस्कार तथा प्रशंसापत्र प्रदान गर्नुभयो । साथै उहाँले नेपाल प्रहरीलाई नि:शुल्क जग्गा प्रदान गर्नुहुने १५ जना जग्गादाताहरु र नेपाल प्रहरी स्मारक गुठिका १२ जना  आजिवन सदस्यहरूलाई कदरपत्र प्रदान गर्नुभयो ।    यसैगरी नेपाल प्रहरीलाई शान्ति सुरक्षा र अपराध अनुसन्धानमा सहयोग पुर्‍याएबापत राष्ट्रिय बाणिज्य बैंक लिमिटेड सिंहदरवार, नेपाल टेलिकम केन्द्रीय कार्यालय, एनसिएल अक्षता लिमिटेडका प्रतिनिधिहरू, केल्ली स्पोर्टस प्रालिका मेनेजिङ डाईरेक्टर उत्तम न्यौपाने, नेपालगंज मेडिकल कलेज शिक्षण अस्पताल नेपालगंजका मेडिकल डाईरेक्टर डा.रोमन किदवाई, जनकपुर उपमहानगरपालिका-८ बाल्मिकिनगरका अमर चन्द्र अनिललाई प्रशंसापत्र प्रदान गर्नुभयो । उहाँले सम्माननीय राष्ट्रपति ज्यूबाट वि.सं. २०७७ र २०७८ को संविधान दिवसको अवसरमा प्रहरी कर्मचारीहरूलाई प्रदान गरिएको नेपाल प्रताप सुभूषण ३७ जना, नेपाल प्रताप आभूषण २५ जना, नेपाल प्रताप भूषण २० जना, राष्ट्र सेवा पदक प्रथम श्रेणी १ जना र विरता पद २ जनालाई प्रदान गर्नुभयो । पुरस्कार वितरण समारोहलाई सम्बोधन गर्नुहुँदै प्रहरी महानिरीक्षक सिंहले पुरस्कृत हुनु विशुद्ध निष्ठा र कर्तव्यपरायणताको मूल्याङ्कन भएकोले आगामी दिनहरूमा अझै बढी लगनशील र कर्तव्यनिष्ठ भई अनुकरणीय कार्यसम्पादन हुनुपर्ने बताउनुभयो । पुरस्कार प्रोत्साहन भएको र पुरस्कृत नहुँदैमा बिचलित हुन नहुने बताउँदै प्रहरी महानिरीक्षक सिंहले संगठनको गरिमा उचो बनाउन व्यावसायिक निष्ठा प्रदर्शन गर्नुहुने अन्य उत्कृष्ट प्रहरी कर्मचारीहरूले कर्तव्यपालनामा तल्लीन र धैर्यता राखेमा भविष्यमा पुरस्कृत हुने अवसर पाउने बताउनुभयो । प्रहरीलाई शान्ति-सुरक्षा र सुव्यवस्था कायम गर्ने क्रममा विभिन्न विधामा सहयोग गरी समग्र संगठनलाई गुन लगाउनु भएका सहयोगीजनप्रति कृतज्ञता व्यक्त गर्दै ती सहयोगबाट नेपाल प्रहरीलाई आफ्नो लक्ष्य प्राप्ती गर्न ठूलो सहयोग पुगेको उहाँले बताउनुभयो । प्रहरी महानिरीक्षक सिंहले आम सर्वसाधारणको प्रहरीप्रति सहयोग र विश्वास हुनुपर्ने उल्लेख गर्नुहुँदै प्रहरी कर्मचारीमा भएको असल चरित्रहरूलाई अझ प्रगाढ बनाउन संगठन सदैव प्रयासरत रहेको उहाँले बताउनुभयो ।  कार्यक्रममा प्रहरी अतिरिक्त महानिरीक्षकहरु, प्रहरी नायव महानिरीक्षकहरु, वरिष्ठ प्रहरी अधिकृतहरु लगायत प्रहरी अधिकृत तथा जवानहरुको उपस्थिति रहेको थियो ।   

प्रहरी महानिरीक्षक धिरज प्रताप सिंह इन्टरपोलको ९०औं महासभामा सहभागी हुन भारत प्रस्थान
२०७९-०६-३१

काठमाडौं,  प्रहरी महानिरीक्षक धिरज प्रताप सिंह भारतको नयाँ दिल्लीमा २०७९ कात्तिक १ गतेदेखि ४ गतेसम्म (तदनुसार १८-२१ अक्टोबर २०२२)सम्म संचालन हुने इन्टरपोलको ९०औं महासभामा सहभागी हुन सोमबार त्यसतर्फ प्रस्थान गर्नुभएको छ । National Central Bureau (NCB) काठमाडौं नेपालका प्रमुख समेत रहनुभएका प्रहरी महानिरीक्षक सिंहको नेतृत्वमा प्रहरी नायव महानिरीक्षक उमेश राज जोशी र प्रहरी उपरीक्षक अनुपम शमशेर जवरा समेत ५ सदस्यीय टोली त्यसतर्फ प्रस्थान गरेको छ ।    उहाँहरुलाई प्रहरी अतिरिक्त महानिरीक्षकज्यूहरू सहकुल बहादुर थापा, उत्तमराज सुवेदी, दिवेश लोहनी र रबिन्द्र बहादुर धानुक, प्रहरी नायव महानिरीक्षकहरू लगायत वरिष्ठ प्रहरी अधिकृतहरूले त्रिभुवन अन्तर्राष्ट्रिय विमानस्थल गौचरमा शुभकामना सहित हार्दिक विदाई गर्नुभयो । १९५ इन्टरपोल सदस्य राष्ट्रका Head of NCB तथा प्रतिनिधिहरू सहभागी हुने महासभामा सदस्य राष्ट्रहरुको वार्षिक प्रतिबेदन पेश हुने, कार्यकारिणी समितिका विभिन्न पदाधिकारीहरुको निर्वाचन हुने र विभिन्न सदस्य राष्ट्रहरूबीच अन्तर्राष्ट्रिय प्रहरी समन्वय, प्रतिआतङ्कवाद, आर्थिक अपराध, संगठित अपराध जस्ता विषयहरुका संकल्प प्रस्तावमाथि छलफल हुने कार्यक्रम रहेको छ ।  प्रहरी महानिरीक्षक सिंहको अनुपस्थितिमा प्रहरी अतिरिक्त महानिरीक्षक सहकुल बहादुर थापाले प्रहरी प्रधान कार्यालयको दैनिक प्रशासनिक कामकाजको जिम्मेवारी सम्हाल्नु हुनेछ ।

नवौं राष्ट्रिय खेलकुद : हाल सम्म नेपाल प्रहरीलाई २१ स्वर्ण
२०७९-०६-३१

कास्की, नवौं राष्ट्रिय खेलकुद २०७९ अन्तर्गत हाल सम्म विभिन्न खेलहरूमा नेपाल प्रहरीले २१ स्वर्ण, १० रजत र १८ कास्य गरी कुल ४९ पदक प्राप्त गरेको छ ।  विभिन्न प्रतियोगितामध्ये नेपाल प्रहरीले एथलेटिक्समा १ स्वर्ण, १ रजत र ३ कास्य, पुरूष क्रिकेटमा १ स्वर्ण, करातेमा ४ स्वर्ण, २ रजत र २ कास्य, टेबल टेनिसमा ३ स्वर्ण, १ रजत र १ कास्य, तेक्वान्दोमा ६ स्वर्ण,२ रजत र १ कास्य, पौडीमा १ स्वर्ण, २ रजत र ७ कास्य, फुलकन्ट्‍याक्ट करातेमा १ स्वर्ण, १ रजत र १ कास्य, भारोत्तोलनमा ३ स्वर्ण र १ रजत, लन टेनिसमा २ कास्य, ब्याडमिन्टनमा १ कास्य तथा शारीरिक सुगठनमा १ स्वर्ण गरी कुल ४८ पदक प्राप्त गरेको हो । नेपाल प्रहरीका खेलाडीहरूमध्ये महिलातर्फ ८ स्वर्ण, ५ रजत र ९ कास्य एवम् पुरूषतर्फ १३ स्वर्ण, ४ रजत र ९ कास्य पदक जित्न सफल भएका छन् ।  नवौं राष्ट्रिय खेलकुद अन्तर्गत भारोत्तोलन प्रतियोगितामा नेपाल पुलिस क्लबले पहिलो स्वर्ण जितेको छ । पोखरा उद्योग वाणिज्य संघको हलमा आइतबार देखि शुरू भएको भारोत्तोलनमा प्रतियोगितामा महिला ४५ केजी तौल समूहमा नेपाल पुलिस क्लबकी हिरामोती थारूले स्वर्ण जितेकी हुन् । उनले स्न्याचतर्फ ५० र क्लीन एण्ड जर्कमा ६५ गरी कुल ११५ केजी भार उठाउँदै स्वर्ण जितेकी हुन् । सो तौल समूहमा ७ जना खेलाडीले प्रतिस्पर्धा गरेका थिए । साथै प्रतियोगिता अन्तर्गत नेपाल पुलिक क्लबका संगिता राई र मुई लामाले समेत स्वर्ण जितेका छन् भने दिलिप यादवले रजत जितेका छन् ।  प्रतियोगितामा महिला र पुरूष दुवैतर्फ गरी १०-१० इभेन्टमा खेल हुनेछ । जसमा महिला ७६ र पुरुष ९६ गरी कुल १ सय ७२ जना खेलाडीले भाग लिएका छन् । प्रतियोगितामा २० स्वर्ण, २० रजत र २० कास्य पदकका लागि खेल हुने छन् ।  यसैगरी नवौं राष्ट्रिय खेलकुद अन्तर्गत पोखरा ब्याडमिन्टन कभर्डहलमा आइतबार भएको प्रतिस्पर्धामा  पुरूषतर्फ नेपाल पुलिस क्लबले कास्य पदक प्राप्त गरेको छ । यस्तै पोखराको सभाहलमा आइतबार भएको शरीरिक सुगठन प्रतिस्पर्धामा नेपाल पुलिस क्लबका डेभिड बलामीले स्वर्ण जितेका छन् । ६० केजी तौलतर्फको प्रतिस्पर्धामा उनले स्वर्ण जितेका हुन् ।  यसैगरी पोखराको फिसटेल एकेडेमीमा आइतबार भएको पौडी प्रतियोगिता अन्तर्गत पुरूषतर्फ ८०० मिटर फ्रिस्टायल रिलेमा युवान लाल श्रेष्‍ठ, सनिल कुमार थापा मगर, संकर्षण बहादुर रघुवंशी र सुविज्ञ मान तुलाधर सम्मिलित टिमले ८ मिनट २७:८९ सेकेन्ड समयका साथ स्वर्ण जितेका छन् । महिलाको ८०० मिटर फ्रिस्टायलतर्फ भएको प्रतिस्पर्धामा नेपला पुलिस क्लबकी आर्य महर्जनले रजत र समिरा शोभा थापा मगरले कास्य पदक जितेका छन् । सोही प्रतियोगिता अन्तर्गत ५० मिटर ब्रेष्टस्ट्रोकको पुरूषतर्फ नेपाल पुलिस क्लबका दिपंकर अवालले कास्य पदक प्राप्त गरेका छन् । महिलाको २०० मिटर फिस्टायलमा नेपाल पुलिस क्लबकी आर्य महर्जनाले रजत र समिरा शोभा थापाले कास्य जिते । साथै ४०० मिटर फ्रिस्टायल रिलेमा नेपाल पुलिस क्लबकी अदिप्सा वैध, आर्य महर्जन, समिरा सोभा थापा मगर र मेगन गुरुङले कास्य पदक प्राप्त गरे ।  यसैगरी पोखराको प्रदर्शनी केन्द्रमा शनिबार सम्पन्न भएको फुलकन्ट्‍याक्ट कराते प्रतियोगितामा नेपाल पुलिस क्लबले १ स्वर्ण, १ रजत र १ कास्य पदक प्राप्त गरेको छ । प्रतियोगिता अन्तर्गत पुरूतर्फको ५५-६० केजी तौल समूहमा नेपाल पुलिस क्लबका सुशान लामिछानेले स्वर्ण जितेका थिए । प्रतियोगिता अन्तर्गत महिलातर्फको ४०-४५ केजी तौल समहूमा नेपाल पुलिस क्लबकी अञ्जना ढुंगेलले रजत तथा खुलातर्फ अमिर देउलाले कास्य पदक प्राप्त गरेका थिए ।  यसैगरी पोखरा रंगशालामा आइतबार भएको एथलेटिक्स प्रतियोगिता अन्तर्गत हाईजम्पमा नेपाल पुलिस क्लबका रेशन कुमार दनुवारले १.७५ मिटर उचाई नाघेर कास्य पदक जित्न सफल भए ।  यसैगरी पोखराको कोल्माबहकोट समाज हलमा आइतबार भएको टेबल टेनिस प्रतियोगिता अन्तर्गत मिक्स डबल ईभेन्टमा नेपाल पुलिस क्लबले स्वर्ण जितेको छ । उक्त ईभेन्टमा नेपाल पुलिस क्लबले त्रिभुवन आर्मी क्लबलाई ११-७, ५-११, ८-११,११-५, ९-११ को ३-२ ले पराजित गर्दै स्वर्ण जितेको हो । साथै वुमन्स डबलतर्फ नेपाल पुलिस क्लबले रजत र कास्य पदक प्राप्त गरेको छ ।  नवौं राष्ट्रिय खेलकुद प्रतियोगिता अन्तर्गत आर्चरी खेलमा स्टान्डर्ड (३०मिटर)विधाको एकल पुरूषतर्फ नेपाल पुलिस क्लबका नगेन्द्र आचार्य फाइनल प्रवेश गरेका छन् । आइतबार भएको सेमिफाइनल खेलमा उनले गण्डकीका कृष्ण भण्डारीलाई ७-३ सेटले पराजित गरेका हुन् । 

नेपाल प्रहरीको पुरूष हक्की टिम सेमिफाइनल प्रवेश
२०७९-०६-३१

कास्की, पोखरामा आयोजित नवौं राष्ट्रिय खेलकुद २०७९ अन्तर्गत सोमबार भएको पुरूष हक्की खेलमा नेपाल पुलिस क्लबले समूह चरणको अन्तिम खेलमा विजयी हुँदै सेमिफाइनल प्रवेश गरेको छ ।   पोखरास्थित गौरीशंकर खेल मैदान ह्‍याम्जामा भएको खेलमा नेपाल पुलिस क्लबले लुम्बिनी प्रदेशलाई ८-० गोल अन्तरले पराजित गरेको हो । नेपाल पुलिस क्लबको लागि केशवराज जोशीले ३, महेश धामी र शशी दर्लामीले समान २ तथा गणेश सिंह ठगुन्नाले १ गोल गरेका थिए ।  जितसँगै समूहमा 'बि' मा ९ अंक सहित समूह विजेता बन्दै नेपाल पुलिस क्लब सेमिफाइनल प्रवेश गरेको हो ।  नेपाल पुलिस क्लबले समूह 'ए' को उपविजेता सँग कात्तिक २ गते सेमिफाइनल खेल खेल्नेछ ।   

नेपाल प्रहरीको महिला क्रिकेट टिम फाइनल प्रवेश
२०७९-०६-३१

कास्की, पोखरामा आयोजित नवौं राष्ट्रिय खेलकुद २०७९ अन्तर्गत सोमबार भएको महिला २०-२० क्रिकेट खेलमा नेपाल पुलिस क्लबले बागमती प्रदेशनलाई पराजित गर्दै फाइनल प्रवेश गरेको हो । ११ औं राष्ट्रिय महिला क्रिकेट प्रतियोगिता अन्तर्गत सेमिफाइनल खेलमा नेपाल पुलिस क्लबले बागमती प्रदेशलाई ३६ रनले पराजित गरेको हो । पोखरा रंगशालास्थित क्रिकेट मैदानमा टस हारेर पहिलो ब्याटिङ गरेको नेपाल पुलिस क्लबले निर्धारित २० ओभरमा ४ विकेटको क्षतिमा १ सय २३ रनको योगफल तयार बनाएको थियो । जवाफी ब्याटिङमा आएको बागमती प्रदेशले २० ओभरमा ८ विकेटको क्षतिमा ८७ रन मात्र बनाएको थियो ।  प्रतियोगिता अन्तर्गत ब्याटिङतर्फ नेपाल पुलिस क्लबकी काजल श्रेष्ठले ४६ रन, कविता कुँवरले २६ रन, अप्सरी बेगमले ६ रन, रुबिना क्षेत्रीले नटअउट १७ रन र कविता जोशीले नटआउट १५ रन जोडेका थिए भने अतिरिक्त १३ रन प्राप्त भएको थियो । बलिङतर्फ नेपाल पुलिस क्लबकी कविता कुँवरले ३ विकेट, ईश्वरी विष्टले २ विकेट, रूबिना क्षेत्री र संगिता राईले समान १ विकेट लिएका थिए ।  खेलमा ब्याटिङमा ३५ बल खेल्दै २ चौका र १ छक्का सहित २६ रन तथा बलिङमा ३ विकेट लिएकी नेपाल पुलिस क्लबकी कविता कुँवर प्लेयर अफ द म्याच घोषित भइन् । नेपाल प्रहरीको महिला क्रिकेट टिमले कात्तिक १ गते सशस्र प्रहरीको महिला क्रिकेट टिमसँग स्वर्ण पदकको लागि फाइनल प्रतिस्पर्धा गर्नेछ ।  

नेपाल प्रहरीको महिला फुटबल टिम सेमिफाइनल प्रवेश
२०७९-०६-३०

स्याङजा, नवौं राष्ट्रिय खेलकुद २०७९ अन्तर्गत आइतबार भएको महिला फुटबल खेलमा नेपाल पुलिस क्लबले समूह चरणको दोस्रो खेल जित्दै सेमिफाइनलमा प्रवेश गरेको छ ।   स्याङजाको वालिङमा भएको खेलमा नेपाल पुलिस क्लबले लुम्बिनी प्रदेशलाई १०-० गोल अन्तरले पराजित गरेको हो । नेपाल पुलिस क्लबको लागि रेखा पौडेलले ६ गोल, निर्मला बिकले २ गोल, दिपा न्यौपानेले १ गोल र अनुस्का शेर्पाले १ गोल गरेका थिए ।   जितसँगै नेपाल प्रहरीको महिला फुटबल टिम समूह 'ए' मा ६ अंक सहित समूह विजेता बन्दै सेमिफाइनममा प्रवेश गरेको छ । नेपाल प्रहरीको महिला फुटबल टिमले कात्तिक १ गते समूह 'सि'को उपविजेता सँग सेमिफाइनल खेल खेल्नेछ ।

नेपाल प्रहरीको पुरूष हक्की टिम दोस्रो खेलमा पनि विजयी
२०७९-०६-३०

  कास्की, पोखरामा आयोजित नवौं राष्ट्रिय खेलकुद २०७९ अन्तर्गत आइतबार भएको पुरूष हक्की खेलमा नेपाल पुलिस क्लबले दोस्रो जित हात पारेको छ ।  पोखरास्थित गौरीशंकर खेल मैदान ह्‍याम्जामा भएको खेलमा नेपाल पुलिस क्लबले बागमती प्रदेशलाई ४-१ गोल अन्तरले पराजित गरेको हो । नेपाल पुलिस क्लबको लागि केशवराज जोशी, महेश धामी, शशी दर्लामी र श्रवण कुमार तामाङले समान १ गोल गरेका थिए ।  दुई समूहमा विभाजित पुरूष हक्की प्रतियोगितामा नेपाल पुलिस क्लब समूह 'बि' मा रहेको छ । जसमा कर्णाली प्रदेश, लुम्बिनी प्रदेश र बागमती प्रदेश रहेका छन् । नेपाल पुलिस क्लबले समूह चरणको अन्तिम खेल लुम्बिनी प्रदेश सँग असोज ३१ गते खेल्नेछ ।   

बैंकिङ कसूर मुद्दाका फरार प्रतिवादी पक्राउ
२०७९-०६-३०

काठमाडौं, बैंकिङ कसूर मुद्दाका फरार प्रतिवादी काठमाडौं महानगरपालिका-१ नक्साल बस्ने भक्तपुर सूर्यविनायक नगरपालिका-५ घर भएका ५० वर्षीय ब्रजेश उपाध्यायलाई आइतबार प्रहरीले पक्राउ गरेको छ ।  उच्च अदालत पाटनको २०७९ साउन २३ गतेको फैसलाले बैंकिङ कसूर मुद्दामा २ महिना १५ दिन कैद, २ करोड ६१ लाख ५५ हजार १ सय ७५ रुपैयाँ जरिवाना र १० लाख ४६ हजार २ सय ७ रुपैयाँ क्षतिपूर्ति ठहर भई फरार रहेका उनलाई काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले काठमाडौं नक्सालबाट पक्राउ गरेको हो । उनलाई फैसला कार्यान्वयनका लागि जिल्ला अदालत ललितपुरमा पठाइएको छ । 

अवैध लागूऔषध सहित पक्राउ तथा बरामद
२०७९-०६-३०

काठमाडौं महानगरपालिका-१७ धोबिचौरबाट नियन्त्रित लागूऔषध नुर्फिन ३५ एम्पुल, डाइजेपाम ३५ एम्पुल, फेनारगन ३५ एम्पुल  र नगद २ हजार ५ सय रुपैयाँ सहित सोही ठाउँ डेरा गरी बस्ने धनकुटा पाख्रिबास नगरपालिका-१० चुहाङ घर भएका १८ वर्षीय किशोर लगायत ४ जनालाई शनिबार साँझ प्रहरीले पक्राउ गरेको छ । सुजल मगरले आफ्नो कोठामा लागूऔषध लुकाई छिपाई बिक्रिबितरण गर्न लागेको भन्ने सूचनाको आधारमा प्रहरी वृत्त लैनचौरबाट खटिएको प्रहरीले उनको कोठा तलासी गर्ने क्रममा लुकाई  राखेको उक्त लागूऔषध सहित फेला पारी उनीहरुलाई पक्राउ गरेको  हो ।  दाङ, घोराही उपमहानगरपालिका-१३ डुमरगाँउबाट अवैध लागूऔषध खैरो हेरोईन जस्तो देखिने पदार्थ ५ ग्राम ४ सय ३० मिलिग्राम सहित सही उपमहानगरपालिका-१५ बस्ने २२ वर्षीय सरोज महरा क्षेत्रीलाई शनिबार दिउँसो प्रहरीले पक्राउ गरेको छ । सो ठाउँस्थित अवैध लागूऔषध खैरो हेरोईनको कारोबार भईरहेको भन्ने सूचनाको आधारमा जिल्ला प्रहरी कार्यालय दाङबाट खटिएको प्रहरीले उनको शरीर तलासी गर्ने क्रममा उक्त पदार्थ सहित फेला पारी पक्राउ गरेको  हो ।  कपिलवस्तु, कृष्णनगर नगरपालिका-१२ हरिगवास्थित आँपको बगैंचाबाट अवैध लागूऔषध ब्राउन सुगर जस्तो देखिने पदार्थ १३ ग्राम ३ सय ४० मिलिग्राम सहित सोही नगरपालिका-१२ मानपुर बस्ने ३१ वर्षीय ओम प्रकाश पाललाई शनिबार दिउँसो प्रहरीले पक्राउ गरेको छ । उक्त बगैंचामा लागूऔषधको कारोबार भईरहेको भन्ने सूचना प्राप्त हुनासाथ वडा प्रहरी कार्यालय चन्द्रौटाबाट खटिएको प्रहरीले उनको शरीर तलासी गर्ने क्रममा उक्त पदार्थ फेला पारी पक्राउ गरेको हो ।  पर्सा, जिराभवानी गाउँपालिका-४ स्थित गाउँ बस्तीबाट करिब २ किमी टाढा खेतबाट अवैध लागूऔषध गाँजा अन्दाजी २० केजी गएराति प्रहरीले बरामद गरेको छ । अस्थायी प्रहरी पोष्ट शंकरसरैयाबाट खटिएको प्रहरीले गस्ती जाने क्रममा बेवारिसे अवस्थामा २ वटा बोरामा रहेको उक्त गाँजा फेला परी बरामद गरेको  हो ।  यस सम्बन्धमा प्रहरीले आवश्यक अनुसन्धान गरिरहेको छ ।

कटुवा पेस्तोल सहित १ जना पक्राउ
२०७९-०६-३०

धनुषा, सवैला नगरपालिका-१२ नहर चोकस्थित मैनाथपुर बिरेनद्रबजार सडकबाट कटुवा पेस्तोल १ थान सहित सिरहा गोलबजार नगरपालिका-७ चोहर्वा बस्ने ३५ वर्षीय राम सागर ठाकुरलाई शनिबार राति प्रहरीले पक्राउ गरेको छ । ईलाका प्रहरी कार्यालय सबैलाबाट खटिएको प्रहरीले प्र.२-०१-००२ प.३७२० नम्बरको मोटरसाइकल जाँच गर्ने क्रममा मोटरसाइकलमा सवार राम सागरले प्रहरी टोलीलाई देख्नासाथ हातमा बोकेको झोला सहित भाग्न खोजेपश्चात उनलाई नियन्त्रणमा लिई तलासी गर्दा झोलाभित्र उक्त पेस्तोल फेला पारी उनलाई पक्राउ गरेको हो । हाल फरार रहेका मोटरसाइकल चालकको प्रहरीले खोजी गरिरहेको छ ।  यस सम्बन्धमा प्रहरीले आवश्यक अनुसन्धान गरिरेहको छ । 

स्रोत नखुलेको रकम सहित पक्राउ
२०७९-०६-३०

कपिलवस्तु, कृष्णनगर नगरपालिका-२ गणेशपुर चोकस्थित सडकबाट स्रोत नखुलेको नगद १३ लाख ८ सय रुपैयाँ सहित प्युठान, प्युठान नगरपालिका-८ मानागाँउ बस्ने ३४ वर्षीय शुशिल बहादुर पुन मगरलाई शनिबार राति प्रहरीले पक्राउ गरेको छ ।  कृष्णनगरबाट चन्द्रौटातर्फ जाँदै गरेको लु.१ ख २३९७ नम्बरको बसलाई ईलाका प्रहरी कार्यालय कृष्णनगरबाट खटिएको प्रहरीले जाँच गर्ने क्रममा बसको अगाडिको बोनटको भागमा राखिएको उक्त नगद सहित फेला पारी बस चालक शुशिललाई पक्राउ गरेको हो ।  उनलाई आवश्यक अनुसन्धान तथा कारबाहीको लागि आन्तरिक राजश्व कार्यालय बुटवल पठाइएको छ । 

नेपाल प्रहरीको पुरूष भलिबल टिम दोस्रो खेलमा पनि बिजयी
२०७९-०६-२९

कास्की, पोखरामा आयोजित नवौं राष्ट्रिय खेलकुद २०७९ अन्तर्गत शनिबार भएको पुरूष भलिबल खेलमा नेपाल पुलिस क्लबले आफ्नो दोस्रो खेलमा पनि सफलता प्राप्त गरेको छ । पोखरा रंगशालामा संचालित खेलमा नेपाल पुलिस क्लबले लुम्बिनी प्रदेशलाई २५-१२, २५-८ र २५-२१ को सोझो सेटमा पराजित गरेको हो । जितसँगै नेपाल प्रहरीको पुरूष भलिबल टिम समूह 'ए' को विजेता बन्दै क्वाटरफाइनल प्रवेश गरेको छ । नेपाल पुलिस क्लबले आगामी खेल कात्तिक १ गते समूह 'सि' को उपविजेतासँग क्वाटरफाइनल खेल खेल्नेछ । यसैगरी नवौं राष्ट्रिय खेलकुद २०७९ अन्तर्गत पोखरा रंगाशालामा भएको लन टेनिस खेलमा नेपाल प्रहरीका खेलाडीहरू विजयी हुँदै सेमिफाइनलमा प्रवेश गरेका छन् । पुरूष सिङलतर्फ आर्यान गिरी र पुरूष डबलतर्फ आर्यान गिरी तथा प्रणव मानन्धरले आफ्नो खेलमा विजयी हुँदै सेमिफाइनल प्रवेश गरेका हुन् ।

अवैध लागूऔषध सहित पक्राउ
२०७९-०६-२९

कैलाली, धनगढी उपमहानगरपालिका-२ बाट अवैध लागूऔषध ब्राउनसुगर जस्तो देखिने पदार्थ ४ ग्राम ८ सय मिलिग्रामसहित सोही उपमहानगरपालिका-१२ बस्ने ३२ वर्षीया उषा कुँवरलाई शुक्रबार दिउँसो प्रहरीले पक्राउ गरेको छ । लागूऔषध ब्यूरो र प्रहरी चौकी त्रिनगरबाट खटिएको प्रहरीले भारतबाट नेपालतर्फ आउँदै गरेकी उनलाई जाँच गर्ने क्रममा उक्त पदार्थसहित फेला पारी पक्राउ गरेको हो । बारा, जितपुरसिमरा उपमहानगरपालिका-१ बाट अवैध लागूऔषध गाँजा करिब ४ किलो ५ सय ग्रामसहित सोही उपमहानगरपालिका-२ बस्ने ४० वर्षीय संगम क्षेत्री लगायत २ जनालाई शुक्रबार साँझ प्रहरीले पक्राउ गरेको छ । ईलाका प्रहरी कार्यालय सिमराबाट खटिएको प्रहरीले पथलैयाबाट जितपुरतर्फ आउँदै गरेको ना.२९ प ७३२१ नम्बरको मोटरसाइकललाई जाँच गर्ने क्रममा उक्त गाँजासहित फेला पारी मोटरसाइकलमा सवार उनीहरूलाई पक्राउ गरेको हो । तनहुँ, शुक्लागण्डकी नगरपालिका-२ कोत्रेबाट अवैध लागूऔषध गाँजा करिब २ किलोसहित पोखरा महानगरपालिका-१० नयाँबजार बस्ने २४ वर्षीय विवेक तामाङ्लाई शनिबार बिहान प्रहरीले पक्राउ गरेको छ । अस्थाई प्रहरी पोष्ट दुलेगौडाबाट खटिएको प्रहरीले दुलेगौडाबाट पोखरातर्फ जाँदै गरेका उनलाई जाँच गर्ने क्रममा झोलामा लुकाई ल्याएको उक्त गाँजासहित फेला पारी उनलाई पक्राउ गरेको हो । बाँके, कोहलपुर नगरपालिका-१० रामनगरबाट अवैध लागूऔषध ब्राउनसुगरजस्तो देखिने धुलो पदार्थ २ सय ३० मिलिग्रामसहित  सोही नगरपालिका-५ एनसिसिएन बस्ने २१ वर्षीय क्षितिज मल्ललाई शनिबार बिहान प्रहरीले पक्राउ गरेको छ । ईलाका प्रहरी कार्यालय कोहलपुरबाट खटिएको प्रहरीले उनलाई जाँच गर्ने क्रममा उक्त पदार्थसहित फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।

“नवौं राष्ट्रिय खेलकुद-२०७९” मा नेपाल प्रहरीका ४ सय ९५ खेलाडीहरू सहभागी
२०७९-०६-२८

    काठमाडौं, राष्ट्रिय खेलकुद परिषदको आयोजनामा गण्डकी प्रदेशका विभिन्‍न जिल्लामा आयोजना हुने “नवौं राष्ट्रिय खेलकुद -२०७९” मा २९ खेलमा नेपाल प्रहरीका ४ सय ९५ जना खेलाडीहरू सहभागी रहेका छन् ।  पोखरास्थित रंगशालामा शुक्रबार आयोजित विशेष समारोहमा उपराष्ट्रपति नन्द बहादुर पुनले “नवौं राष्ट्रिय खेलकुद-२०७९”को औपचारिक रूपमा उद्‌घाटन गर्नुभएको छ । उक्त खेलकुदमा नेपाल प्रहरीको तर्फबाट १९८ महिला खेलाडी र २९७ पुरुष खेलाडी गरी ४ सय ९५ जना खेलाडी र ९२ जना अफिसियल गरी कूल ५ सय ८७ जना खेलाडी तथा अफिसियलहरूको सहभागिता रहेको छ । “नवौं राष्ट्रिय खेलकुद -२०७९” अन्तर्गत विभिन्न प्राविधिक कारणले पुरुष क्रिकेट खेल २०७९ भदौ २३ गतेदेखि ३१ गतेसम्म कीर्तिपुरस्थित त्रिभुवन विश्वविद्यालय खेल मैदानमा सञ्चालन भई नेपाल प्रहरीले पहिलो स्वर्ण पदक प्राप्त गरिसकेको छ । 

नेपाल प्रहरीको पुरूष हक्की टिमको विजयी सुरूवात
२०७९-०६-२८

कास्की, पोखरामा आयोजित नवौं राष्ट्रिय खेलकुद २०७९ अन्तर्गत शुक्रबार भएको पुरूष हक्की खेलमा नेपाल पुलिस क्लबले समूह चरणको पहिलो खेल खेल्दै विजयी सुरूवात गरेको छ । पोखरास्थित गौरीशंकर खेल मैदान ह्‍याम्जामा भएको खेलमा नेपाल पुलिस क्लबले आफ्नो पहिलो खेलमा कर्णाली प्रदेशलाई ६-० गोल अन्तरले पराजित गरेको हो । नेपाल पुलिस क्लबको लागि नरेन्द्र कार्की ३ गोल, गणेश सिंह ठगुन्ना १ गोल, महेश धामी १ गोल र शशी दर्लामी १ गोल गरेका थिए ।  दुई समूहमा विभाजित पुरूष हक्की प्रतियोगितामा नेपाल पुलिस क्लब समूह 'बि' मा रहेको छ । जसमा कर्णाली प्रदेश, लुम्बिनी प्रदेश र बागमती प्रदेश रहेका छन् । नेपाल पुलिस क्लबले समूह चरणको अर्को खेल बागमती प्रदेश सँग असोज ३० गते खेल्नेछ । 

अपहरण गरी हत्या गरेको अभियोगमा तीन जना पक्राउ
२०७९-०६-२८

मोरङ, सिरहा गोलबजार नगरपालिका-३ बस्ने १७ वर्षीय अंशु सदाको अपहरण गरी हत्या गरेको घटनामा संलग्न रहेको अभियोगमा ३ जनालाई शुक्रबार बिहान प्रहरीले पक्राउ गरेको छ । पक्राउ पर्नेहरूमा धनुषा कमला नगरपालिका-६ बस्ने १९ वर्षीय राकेश ठाकुर, मोरङ रतुवामाई नगरपालिका-५ बस्ने २६ वर्षीय मनोज कार्की र धनुषा कमला नगरपालिका-६ बस्ने १८ वर्षीय किशोर रहेका छन् । अपहरण पश्चात फिरौतीको रकम लिन विराटनगर महानगरपालिका-९ माछापुच्छ्रे बैंक पुगेका ती १८ वर्षीय किशोरलाई जिल्ला प्रहरी कार्यालय मोरङबाट खटिएको प्रहरीले पक्राउ गरेको थियो । अंशुको हत्या गरी विराटनगर महानगरपालिका-११ स्थित गेष्ट हाउसको कोठामा लोबेडभित्र तन्नामा पोको पारी शव राखेको थप अनुसन्धानको क्रममा खुल्न आएपछि घटनामा संलग्न राकेश र मनोजलाई समेत प्रहरीले पक्राउ गरेको हो ।  यस सम्बन्धमा प्रहरीले आवश्यक अनुसन्धान गरिरहेको छ । 

प्रहरी महानिरीक्षक धिरज प्रताप सिंहबाट निर्देशन सम्बोधन
२०७९-०६-२८

काठमाडौं, प्रहरी महानिरीक्षक धिरज प्रताप सिंहले काठमाडौं उपत्यका प्रहरी कार्यालय र सो मातहतका कार्यालय प्रमुखहरूलाई काठमाडौं उपत्यका प्रहरी कार्यालयको सभाहलमा शुक्रबार बिहान निर्देशन दिनुभएको छ । साथै उहाँले साथै काठमाडौं उपत्यका प्रहरी कार्यालयको परिचालन कक्ष र CCTV मनिटरिङ कक्षको अवलोकन समेत गर्नुभएको छ ।  निर्देशन कार्यक्रमलाई सम्बोधन गर्दै प्रहरी महानिरीक्षक सिंहले प्रतिनिधि सभा र प्रदेश सभाको निर्वाचनमा विभिन्न असन्तुष्ट पक्षले सुरक्षा चुनौती बढाउन सक्ने भएकाले आ-आफ्नो ईलाकाको सुरक्षा चुनौतीलाई विश्लेषण गर्दै आवश्यक कार्ययोजना बनाई सुरक्षा व्यवस्था मजवुत बनाउनुपर्ने बताउनुभयो । निर्वाचनको सुरक्षा संवेदनशिल विषय भएकोले आपराधिक घटना रोकथाम तथा न्यूनीकरणका लागि सुरक्षा योजना अनुसार सर्च अपरेशन बढाई गुण्डागर्दी, घरेलु हतियारको प्रयोग, डान्सबार तथा क्लवहरू लगाएतमा हुन सक्ने ग्याङफाइटहरूलाई पूर्णरूपमा नियन्त्रण गर्न उहाँले निर्देशन दिनुभयो । काठमाडौं उपत्यकाको प्रहरी देशकै रोल मोडेलको रुपमा रहेकाले प्रहरीको आचरण तथा व्यवहारमा उत्कृष्ट ढंगले प्रदर्शन गरी सवै सेवाग्राहीलाई समान व्यवहार गर्न पनि उहाँले निर्देशन दिनुभयो । गुण्डा गर्दी लगायतका विभिन्न आपराधिक गतिविधिहरू प्रति प्रहरीले कठोर भई सबैलाई कानूनी दायरामा ल्याउनु पर्ने बताउँदै संगठन र विभागिय नीति बमोजिम कानून सम्वत ढङ्गबाट सम्पादित प्रहरी कारवाहीको जिम्मेवारी आफूले लिने भन्दै निर्धक्क भएर उच्च मनोवलका साथ कार्य गर्न समेत उहाँले निर्देशन दिनुभयो । साथै उहाँले प्रहरी कर्मचारीहरूलाई आर्थिक प्रलोभनमा परी गर्न सक्ने नाजायज कार्य क्षम्य नहुने र कठोर कारवाही गरिने बताउनुभयो ।  कार्यक्रममा धन्यवाद ज्ञापन गर्दै काठमाडौं उपत्यका प्रहरी कार्यालयका प्रमुख प्रहरी अतिरिक्त महानिरिक्षक रबिन्द्र बहादुर धानुकले समसामयिक विषयमा प्रहरी महानिरीक्षक धिरज प्रताप सिंहले उपत्यकाका कार्यालय प्रमुखहरूलाई दिनुभएको निर्देशनलाई अक्षरस पालना गर्ने प्रतिवद्दता व्यक्त गर्नुभयो । निर्वाचनलाई सफल बनाउन उपत्यका निर्वाचन सेल र जिल्ला निर्वाचन सेलले कार्य गरीरहेको जानकारी दिनुका साथै आर्थिक पारदर्शिता, महिला हिंसा, यौनजन्य हिंसामा शुन्य सहनसिलता (zero Tolerance) मा प्रहरी कारवाहीलाई अगाडी बढाउन र कमी कमजोरीलाई सुधार गर्दै बोली, वचन र व्यवहारमा शिष्टता र नम्रता अपनाई कानून कार्यान्वयन गर्न प्रहरी महानिरीक्षकबाट समय समयमा भएका निर्देशन पालना गरिरहेको र मातहत समेतमा आवश्यक निर्देशन दिइने गरेको उहाँले बताउनुभयो । कार्यक्रममा प्रहरी अतिरिक्त महानिरीक्षक, प्रहरी नायव महानिरीक्षक, प्रहरी वरिष्ठ उपरिक्षक तथा सिनियर प्रहरी अधिकृतहरूको उपस्थिति रहेको थियो ।

नेपाल प्रहरीको पुरूष भलिबल टिमलाई पहिलो खेलमा सफलता
२०७९-०६-२८

कास्की, पोखरामा आयोजित नवौं राष्ट्रिय खेलकुद २०७९ अन्तर्गत शुक्रबार बिहान भएको पुरूष भलिबल खेलमा नेपाल पुलिस क्लबले आफ्नो पहिलो खेलमा सफलता प्राप्त गरेको छ ।  पोखरा रंगशालामा संचालित खेलमा नेपाल पुलिस क्लबले कर्णाली प्रदेशलाई २५-१६, २५-१२ र २५-११ को सोझो सेटमा पराजित गरेको हो । नेपाल प्रहरीको पुरूष भलिबल टिम समूह 'ए' मा रहेको छ । जसमा नेपाल पुलिस क्लब, कर्णाली प्रदेश र लुम्बिनी प्रदेश रहेका छन् । नेपाल पुलिस क्लबले असोज २९ गते लुम्बिनी प्रदेशसँग दोस्रो तथा समूह चरणको अन्तिम खेल खेल्नेछ ।    नवौं राष्ट्रिय खेलकुद २०७९ अन्तर्गत गोरखाको गोरखा नगरपालिका-७ गोरखा क्याम्पसको हलमा बिहीबार संचालन भएको बुद्धिचाल खेलमा नेपाल प्रहरीका खेलाडीहरूले सफलता प्राप्त गरेका छन् । बुद्धिचाल खेलमा नेपाल प्रहरीका खेलाडी पुनम प्रसाईं, आभा पुडासैनी, पूर्णिमा गुरूङ, सुबिर लामा र क्षितिज भण्डारीले सफलता प्राप्त गरेका हुन् । 

तेस्रो जितसँगै नेपाल प्रहरीको महिला क्रिकेट टिम सेमिफाइनलमा
२०७९-०६-२८

कास्की, पोखरामा आयोजित नवौं राष्ट्रिय खेलकुद २०७९ अन्तर्गत शुक्रबार भएको महिला २०-२० क्रिकेट खेलमा नेपाल पुलिस क्लब तेस्रो खेलमा पनि विजय भएको छ । ११ औं राष्ट्रिय महिला क्रिकेट प्रतियोगितामा नेपाल पुलिस क्लबले लुम्बिनी प्रदेशलाई ९७ रनले पराजित गरेको हो । पोखरा रंगशालास्थित क्रिकेट मैदानमा टस जितेर पहिलो ब्याटिङ गरेको नेपाल पुलिस क्लबले निर्धारित २० ओभरमा ७ विकेटको क्षतिमा १ सय १२ रनको योगफल तयार बनाएको थियो । जवाफी ब्याटिङमा आएको लुम्बिनी प्रदेशले १२.५ ओभरमा १० विकेटको क्षतिमा १५ रन मात्र बनाएको थियो ।  प्रतियोगिता अन्तर्गत ब्याटिङतर्फ नेपाल पुलिस क्लबकी काजल श्रेष्ठले १ रन, रुबिना क्षेत्रीले ५ रन, सम्झना खड्काले २९ रन, अप्सरी बेगमले १० रन, सोभा रोकायले १ रन, कविता जोशीले ४८ रन, ईश्वरी विष्टले १ रन र सबनम राईले २ रन जोडेका थिए भने अतिरिक्त १५ रन प्राप्त भएको थियो । बलिङतर्फ नेपाल पुलिस क्लबकी ईश्वरी विष्टले ४ विकेट, हिरुमई राय र रूबिना क्षेत्रीले समान २ विकेट र सबनम राईले १ विकेट लिएका थिए ।  खेलमा ४८ रन बनाएकी नेपाल पुलिस क्लबकी कविता जोशी प्लेयर अफ द म्याच घोषित भइन् । जितसँगै नेपाल प्रहरीको महिला क्रिकेट टिम समूह 'बी' मा ६ अंक सहित समूह विजेता बन्दै सेमिफाइनममा प्रवेश गरेको छ । नेपाल प्रहरीको महिला क्रिकेट टिमले असोज ३१ गते समूह 'ए'को उपविजेतासँग सेमिफाइनल खेल खेल्नेछ । 

काठमाडौंका छुट्टाछुट्टै स्थानमा जुवातास खेलिरहेको अवस्थामा १६ जना पक्राउ
२०७९-०६-२८

काठमाडौं महानगरपालिका-१३ बाफलस्थित वीरगंज खाजा घरभित्र जुवातास खेलिहेको अवस्थामा खाजा घर सञ्चालक गोरखा, गोरखा नगरपालिका-१४ घर भएका २२ वर्षीय सन्दिप अधिकारी समेत ५ जनालाई बिहीबार साँझ प्रहरीले पक्राउ गरेको छ । प्रहरी वृत्त कालीमाटीबाट खटिएको प्रहरीले उनीहरूलाई तास खेलिरहेको अवस्थामा नगद २९ हजार ६ सय ७० रूपैयाँ र ३ बुक तास सहित फेला पारी पक्राउ गरेको हो । यसैगरी काठमाडौं महानगरपालिका-२६ गोगंबुस्थित वीरेन्द्र ऐश्वर्य मार्ग नजिक रहेको होटल ब्ल्याक स्टोनमा जुवातास खेलिरहेको अवस्थामा होटल सञ्चालक मकवानपुर घर भएका ४२ वर्षीय कृष्ण बहादुर लामा समेत ११ जनालाई बिहीबार दिउँसो प्रहरीले पक्राउ गरेको छ । जिल्ला प्रहरी परिसर काठमाडौं, प्रहरी वृत्त महाराजगञ्ज र प्रहरी प्रभाग बलम्बुबाट खटिएको संयुक्त प्रहरी टोलीले उक्त होटलको कोठा नम्बर ५०१ मा जुवातास खेलिरहेका उनीहरूलाई नगद ४ लाख २५ हजार रूपैयाँ र २१ बुक तास सहित फेला पारी पक्राउ गरेको हो ।  यस सम्बन्धमा प्रहरीले आवश्यक अनुसन्धान गरिरहेको छ ।

स्रोत नखुलेको नगद सहित पक्राउ
२०७९-०६-२८

काठमाडौं महानगरपालिका-९ स्थित त्रिभुवन अन्तर्राष्ट्रिय विमानस्थलबाट स्रोत नखुलेको नगद १० लाख ७० हजार रूपैयाँ सहित भारतीय नागरिक ५० वर्षीय मोहद् तसलिमलाई बिहीबार बिहान प्रहरीले पक्राउ गरेको छ ।  बुद्ध एयरको उडानद्वारा काठमाडौंबाट धनगढीतर्फ जान लागेका उनको झोला विमानस्थलको आन्तरिक उडानतर्फको ह्‍याण्ड ब्यागेज चेकिङ एरियाको एक्स-रे मेसिनमा जाँच गर्ने क्रममा स्रोत नखुलेको तथा भन्सार उद्‌घोष नगरेको नेपाली रूपैयाँ १ हजार दरको ८ सय १६ थान र ५ सय दरको ५ सय ८ थान गरी उक्त नगद फेला पारी पक्राउ गरेको हो ।  उनलाई आवश्यक अनुसन्धान एवं कारबाहीको लागि राजश्व अनुसन्धान विभाग हरिहरभवन ललितपुरमा पठाइएको छ ।

नियन्त्रित लागूऔषध सहित छुट्टाछुट्टै स्थानबाट दुई जना पक्राउ
२०७९-०६-२८

नवलपरासी (पूर्व), विनयीत्रिवेणी गाउँपालिका-१ होङ्सी गेट नजिकबाट नियन्त्रित लागूऔषध नुर्फिन २४ एम्पुल, डाईजेपाम २४ एम्पुल र फेनारगन २४ एम्पुल सहित कास्की पोखरा महानगरपालिका-९ बस्ने २९ वर्षीय विकाश क्षेत्रीलाई बिहीबार दिउँसो प्रहरीले पक्राउ गरेको छ । उक्त स्थानमा खटिएको प्रहरीले ग.१८ प ६९०४ नम्बरको स्कुटरलाई रोकी चेकजाँच गर्नेक्रममा स्कुटर पछाडी सवार विकाश प्रहरीलाई देखी भाग्न खोजेपछि प्रहरीले नियन्त्रणमा लिई जाँच गर्दा उक्त लागूऔषध फेला पारी उनलाई पक्राउ गरेको हो । साथै स्कुटर लिई फरार भएका चालकको खोजी गर्ने क्रममा मध्यविन्दु नगरपालिका-११ अरूणखोलाको जंगलमा प्रहरीले स्कुटर फेला पारेको छ भने फरार रहेका चालकको खोजी गरिरहेको छ । पर्सा, वीरगंज महानगरपालिका-१६ शंकराचार्य गेट नजिकबाट नियन्त्रित लागूऔषध नाईट्राभेट ३ सय ट्याब्लेट सहित पोखरिया नगरपालिका-१० बस्ने २१ वर्षीय पुलिस कुमार साहलाई बिहीबार साँझ प्रहरीले पक्राउ गरेको छ । भारतबाट वीरगञ्जतर्फ आउँदै गरेको अटोमा सवार उनलाई प्रहरी चौकी ईनर्वाबाट खटिएको प्रहरीले चेकजाँच गर्ने क्रममा उक्त लागूऔषध सहित फेला पारी पक्राउ गरेको हो ।  यस सम्बन्धमा प्रहरीले आवश्यक अनुसन्धान गरिरहेको छ ।

नेपाल प्रहरीको महिला फुटबल टिमको विजयी सुरूवात
२०७९-०६-२७

स्याङजा, नवौं राष्ट्रिय खेलकुद २०७९ अन्तर्गत बिहीबार भएको महिला फुटबल खेलमा नेपाल पुलिस क्लब आफ्नो पहिलो खेलमा विजयी भएको छ । स्याङजाको वालिङमा भएको उक्त खेलमा नेपाल पुलिस क्लबले बागमती प्रदेशलाई ५-० गोल अन्तरले पराजित गरेको हो । नेपाल पुलिस क्लबको लागि निरु थापाले २ गोल र रेखा पौडेलले ३ गोल गरेका थिए । तीन समूहमा विभाजित महिला फुटबल प्रतियोगितामा नेपाल प्रहरीको महिला फुटबल टिम समूह ‘ए’ मा रहेको छ । जसमा नेपाल पुलिस क्लब, बागमती प्रदेश र लुम्बिनी प्रदेश रहेका छन् । नेपाल पुलिस क्लबले समूह चरणको अन्तिम खेल लुम्बिनी प्रदेशसँग असोज ३० गते खेल्ने छ । 

अवैध लागूऔषध सहित पक्राउ
२०७९-०६-२७

काठमाडौं, चन्द्रागिरी नगरपालिका-२ स्थित नागढुङ्गाबाट नियन्त्रित लागूऔषध डाईजेपाम १ सय एम्पुल, फेनारगन १ सय एम्पुल, नुफिन १ सय एम्पुल, नाइट्राभेट ५ सय ७० ट्याबलेट र नगद २० हजार रुपैयाँ सहित बारा पचरौता गाउँपालिका-८ बस्ने २२ वर्षीय प्रवेज मिया अंसारीलाई बिहीबार बिहान प्रहरीले पक्राउ गरेको छ । बारादेखि काठमाडौंतर्फ आउँदै गरेको बा.३ ख ९६२३ नम्बरको बसलाई प्रहरी प्रभाग नागढुङ्गाबाट खटिएको प्रहरीले जाँच गर्ने क्रममा बसमा सवार अंसारीलाई झोलामा लुकाई ल्याएको उक्त लागूऔषध सहित फेला पारी पक्राउ गरेको हो । मकवानपुर, मनहरी गाउँपालिका-८ सिमपानीबाट अवैध लागूऔषध गाँजा करिब १२ केजी ५ सय ग्राम सहित ३ जनालाई बिहीबार बिहान प्रहरीले पक्राउ गरेको छ । पक्राउ पर्नेहरुमा भारत मोतीहारी जिल्ला बलही गाउँ बस्ने ३५ वर्षीय रमेस माझी, ५५ वर्षीय हरिन्द्र माझी, ४० वर्षीय दिलिप माझी रहेका छ्न । राक्सिराङबाट मनहरीतर्फ आउँदै गरेको बागमती प्रदेश ०३-००१च १३१८ नम्बरको बलेरोमा लागूऔषध गाँजा बोकी ल्याएको भन्ने खबर प्राप्त हुनासाथ ईलाका प्रहरी कार्यालय मनहरीबाट खटिएको प्रहरीले जाँच गर्ने क्रममा बलेरोमा सवार रमेस माझीको साथबाट गाँजा ३ केजी ५०० ग्राम, हरिन्द्र माझीको साथबाट ४ केजी र दिलिप माझीको साथबाट करिब ५ केजी गाँजा फेला पारी उनीहरुलाई पक्राउ गरेको हो ।  यस सम्बन्धमा प्रहरीले आवश्यक अनुसन्धान गरिरहेको छ ।

बैंकिङ कसूर मुद्दाका फरार प्रतिवादी पक्राउ
२०७९-०६-२७

काठमाडौं, बैंकिङ कसूर मुद्दाका फरार प्रतिवादी काठमाडौं महानगरपालिका-१२ भोटेबहाल बस्ने भारत हरियाना राज्य भिवानी जिल्ला चर्खिदादरी घर भएका ४४ वर्षीय शशी शर्मालाई बिहीबार दिउँसो प्रहरीले पक्राउ गरेको छ । २५ लाख रुपैयाँ बिगो भएको बैंकिङ कसूर मुद्दामा उच्च अदालत पाटनबाट २०७९ भदौ ७ गते पक्राउ अनुमती जारी भई फरार रहेका उनलाई काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले चन्द्रागिरी नगरपालिका-१५ सतुङ्गलबाट पक्राउ गरेको हो । उनलाई आवश्यक कारबाहीको लागि प्रहरी वृत्त बालाजु पठाइएको छ ।   यसैगरी बैंकिङ कसूर मुद्दाका फरार प्रतिवादी काठमाडौं चन्द्रागिरी नगरपालिका-६ थानकोट बस्ने कास्की मादी गाउँपालिका-७ बस्ने ५८ वर्षीय नरायण भण्डारीलाई बिहीबार दिउँसो प्रहरीले पक्राउ गरेको छ । उच्च अदालत पाटनको गत असार २१ गतेको फैसलाले बैंकिङ कसूर मुद्दामा १ दिन कैद, २ लाख रूपैयाँ जरिवाना र ८ हजार रूपैयाँ क्षतिपूर्ति शुल्क भराउने ठहर भई फरार रहेका उनलाई काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले  काठमाडौं महानगरपालिका-१६ बालाजु चोकबाट उनलाई पक्राउ गरेको हो । उनलाई फैसला कार्यान्वयनका लागि जिल्ला अदालत लगनखेल ललितपुर पठाइएको छ । 

अवैध लागूऔषध सहित पक्राउ
२०७९-०६-२७

दाङ, गडवा गाउँपालिका-६ गडवाबाट अवैध लागूऔषध खैरो हेरोइन जस्तो धुलो पदार्थ करिब ३० ग्राम र  गाँजा करिब ५० ग्राम सहित लमही नगरपालिका-५ अनर्वा बस्ने १८ वर्षीय किशोर लगायत ३ जनालाई बुधबार राति प्रहरीले पक्राउ गरेको छ । कोइलाबासबाट लमहीतर्फ जाँदै गरेको भे.१ ह १६४० नम्बरको अटोलाई ईलाका प्रहरी कार्यालय गडवाबाट खटिएको प्रहरीले जाँच गर्ने क्रममा अटोमा सवार उनीहरुलाई उक्त लागूऔषध सहित फेला पारी पक्राउ गरेको हो । पर्सा, वीरगंज महानगरपालिका-८ रेल्वे रोडबाट अवैध लागूऔषध चरेस जस्तो देखिने वस्तु ९ केजी ५ सय ग्राम सहित सोही महानगरपालिका-१६ बस्ने १९ वर्षीय करण राय लगायत २ जनालाई बुधबार दिउँसो प्रहरीले पक्राउ गरेको छ । वडा प्रहरी कार्यालय विर्ताबाट खटिएको प्रहरीले उनीहरुलाई उक्त वस्तु सहित पक्राउ गरेको हो ।  यस सम्बन्धमा प्रहरीले आवश्यक अनुसन्धान गरिरहेको छ । 

बाउन्सरलाई धारिलो हतियार प्रहार गरी फरार दुई जना पक्राउ
२०७९-०६-२७

 काठमाडौं, काठमाडौं दरबारमार्गस्थित क्लब प्लाटिनमा बाउनसरको रूपमा कार्यरत निकेत राई र तेन्जुङ् शेर्पालाई काठमाडौं महानगरपालिका-२६ गल्कोपाखास्थित हनुमान चोक नजिक धारिलो हतियार प्रहार गरी फरार रहेका २ जना प्रतिवादीलाई मंगलबार दिउँसो प्रहरीले पक्राउ गरेको छ ।  पक्राउ पर्नेहरुमा दोलखा शैलुङ गाउँपालिका-२ घर भई काठमाडौं बौद्ध बस्ने २९ वर्षीय बिनोद तामाङ र सोही ठाउँ बस्ने ३३ वर्षीय जिवन तामाङ रहेका छन् । उक्त चोक नजिक मोटरसाइकलमा आएका ७/८ जना अपरिचित व्यक्तिहरूको समूहले राई र शेर्पालाई खुकुरी प्रहार गरी घाइते बनाई फरार रहेको घटनाको थप अनुसन्धान गर्न काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले उक्त घटनामा संलग्नमध्ये बिनोद र जिवनलाई काठमाडौं बौद्धबाट पक्राउ गरेको हो ।  उनीहरुलाई ज्यान मार्ने उद्योग सम्बन्धी कसूरमा आवश्यक कारवाहीका लागि प्रहरी वृत्त लैनचौर पठाइएको छ ।  

जुवातास खेलिरहेको अवस्थामा १९ जना पक्राउ
२०७९-०६-२७

चितवन, खैरहनी नगरपालिका-३ उनान्टोल बस्ने ४२ बर्षीय चिरञ्जिवी सडौलाको घरमा जुवातास खेलिरहेको अवस्थामा चिरञ्जिवी लगायत ७ जनालाई बिहीबार बिहान प्रहरीले पक्राउ गरेको छ । उनको घरमा जुवातास खेलिरहेको भन्ने खबर प्राप्त हुनासाथ ईलाका प्रहरी कार्यालय खैरहनीबाट खटिएको प्रहरीले उनीहरुलाई नगद २ लाख २४ हजार ५ सय २० रुपैयाँ र  एक बुक तास सहित फेला पारी पक्राउ गरेको हो । बाँके, कोहलपुर नगरपालिका-११ न्यूरोडस्थित म्याक्स होटलमा जुवातास खेलिरहेको अवस्थामा  सोही नगरपालिका-११ बस्ने ३५ वर्षीय उपेन्द्र राना लगायत १२ जनालाई बिहीबार बिहान प्रहरीले पक्राउ गरेको छ । उक्त होटलमा जुवातास खेलिरहेको भन्ने सूचनाको आधारमा ईलाका प्रहरी कार्यालय कोहलपुरबाट खटिएको प्रहरीले उनीहरुलाई नगद २ लाख ३१ हजार १ सय ८० रुपैयाँ  र ६ गड्डी तास सहित फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरेहको छ । 

नेपाल प्रहरीको महिला क्रिकेट टिम दोस्रो खेलमा पनि विजयी
२०७९-०६-२६

कास्की, पोखरामा आयोजित नवौं राष्ट्रिय खेलकुद २०७९ अन्तर्गत बुधबार भएको महिला २०-२० क्रिकेट खेलमा नेपाल पुलिस क्लब दोस्रो खेलमा पनि विजयी भएको छ । ११ औं राष्ट्रिय महिला क्रिकेट प्रतियोगितामा नेपाल पुलिस क्लबले आफ्नो दोस्रो खेलमा १ नम्बर  प्रदेशलाई १ सय १८ रनले पराजित गरेको हो । पोखरा रंगशालास्थित क्रिकेट मैदानमा टस हारेर पहिलो ब्याटिङको निम्तो पाएको नेपाल पुलिस क्लबले निर्धारित २० ओभरमा ३ विकेटको क्षतिमा १ सय ५८ रनको योगफल तयार बनाएको थियो । जवाफी ब्याटिङमा आएको १ नम्बर प्रदेशले २० ओभरमा ८ विकेटको क्षतिमा ४० रन मात्र बनाएको थियो ।  प्रतियोगिता अन्तर्गत ब्याटिङतर्फ नेपाल पुलिस क्लबकी कविता कुँवरले ३७ रन, काजल श्रेष्ठले ६ रन, सम्झना खड्काले ६० रन, अप्सरी बेगमले २१ रन र रूबिना क्षेत्रीले १६ रन जोडेका थिए भने अतिरिक्त १८ रन प्राप्त भएको थियो । बलिङतर्फ नेपाल पुलिस क्लबकी सबनम राई, कविता कुँवर र कविता जोशीले समान १ विकेट लिएका थिए र हिरुमई रायले ३ विकेट लिएकी थिइन । खेलमा ४३ बलमा १० चौका सहित ६० रन बनाएकी नेपाल पुलिस क्लबकी सम्झना खड्का प्लेयर अफ द म्याच घोषित भइन् । जितसँगै नेपाल प्रहरीको महिला क्रिकेट टिम समूह 'बी' मा ४ अंक सहित पहिलो स्थानमा रहेको छ । नेपाल प्रहरीको महिला क्रिकेट टिमले असोज २८ गते लुम्बिनी प्रदेश सँग तेस्रो खेल खेल्नेछ ।                        

बैंकिङ कसूर मुद्दाका फरार प्रतिवादी पक्राउ
२०७९-०६-२६

काठमाडौं, बैंकिङ कसूर मुद्दाका फरार प्रतिवादी टोखा नगरपालिका-११ गोंगबु भण्डारी टोल बस्ने ३४ वर्षीय रोशन भण्डारीलाई बुधबार प्रहरीले पक्राउ गरेको छ ।  उच्च अदालत पाटनको गत असार १३ गतेको फैसलाले बैंकिङ कसूर मुद्दामा ४ दिन कैद, ५ लाख ५० हजार रूपैयाँ जरिवाना र २२ हजार रूपैयाँ क्षतिपूर्ति शुल्क भराउने ठहर भई फरार रहेका उनलाई काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले  टोखा नगरपालिका-११ गौगबु भण्डारी टोलमा फेला पारी पक्राउ गरेको हो ।  उनलाई फैसला कार्यान्वयनका लागि जिल्ला अदालत लगनखेल ललितपुर पठाइएको छ । 

विभिन्न धनमाल चोरी गरेको अभियोगमा पक्राउ
२०७९-०६-२६

कास्की, पोखरा महानगरपालिका-१० अंमरसिंहचोकस्थित ईलान अलीको एप्पल केयर मोबाईल पसलबाट नगद तथा मोबाइल लगायतको सामान चोरी गरेको अभियोगमा २ जनालाई बुधबार प्रहरीले पक्राउ गरेको छ ।  पक्राउ पर्नेहरूमा पोखरा महानगरपालिका-१० नागिन टोल बस्ने २१ वर्षीय दिनेश परियार र सोही ठाउँ बस्ने १८ वर्षीय किशोर रहेका छन् । उक्त पसलको सटरको ताल्चा फोडी पसलभित्र रहेको भिभि मोबाइल २ थान, सामसुङ मोबाइल ३ थान,  नगद १२ हजार रुपैयाँ लगायतका सामानहरू गएराति चोरी गरेको भन्ने खबर प्राप्त हुनासाथ वडा प्रहरी प्रहरी कार्यालय रामबजारबाट खटिएको प्रहरीले चोरीमा संलग्न उनीहरुलाई चोरी गरको विभिन्न सामान सहित पक्राउ गरेको हो ।   यस सम्बन्धमा प्रहरीले थप अनुसन्धान गरिरहेको छ ।  

अवैध लागूऔषध सहित पक्राउ
२०७९-०६-२६

काठमाडौं, चन्द्रागिरी नगरपालिका-२ स्थित नागढुङ्गाबाट अवैध लागूऔषध हेरोईन जस्तो देखिने गिलो पदार्थ ११ ग्राम ५ मिलिग्राम सहित कीर्तिपुर नगरपालिका-५ घर भएका ३१ वर्षीय इज्जित नापितलाई बुधबार बिहान प्रहरीले पक्राउ गरेको छ । प्रहरी प्रभाग नागढुङ्गाबाट खटिएको प्रहरीले चितवनबाट काठमाडौं आउँदै गरेको ना.४५ प ९४५ नम्बरको मोटरसाइकललाई जाँच गर्ने क्रममा मोटरसाइकलमा सवार नापितले चुरोटको बट्टाभित्र लुकाई ल्याएको उक्त पदार्थ सहित फेला पारी उनलाई पक्राउ गरेको हो । नापितले नागढुङ्गाको चेकिङ छल्नको लागि चन्द्रागिरी नगरपालिका-२ चिसापानी नजिकबाट उक्त मोटरसाइकलमा लिफ्ट मागी सवार रहेको खुल्न आएको छ ।  धनकुटा, धनकुटा नगरपालिका-९ चिम्सुवाबाट अवैध लागूऔषध गाँजा १० किलो सहित २ जनालाई बुधबार बिहान प्रहरीले पक्राउ गरेको छ । पक्राउ पर्नेहरूमा सहिदभूमि गाउँपालिका-३ बस्ने ४९ वर्षीया बिष्णु कुमारी राई र सोही ठाउँ बस्ने ४३  वर्षीय उद्धिम भन्ने उमेश राई रहेका छन् । प्रहरी चौकी मुलघाटबाट खटिएको प्रहरीले जाँच गर्ने क्रममा उनीहरुले बोकेको झोलामा  उक्त परिमाणको लागूऔषध फेला पारी उनीहरूलाई पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ ।  

अवैध लागूऔषध सहित छुट्टाछुट्टै स्थानबाट सात जना पक्राउ
२०७९-०६-२६

काठमाडौं महानगरपालिका-३२ जडिबुटीबाट अवैध लागूऔषध गाँजा २ केजी सहित २ जनालाई मंगलबार राति प्रहरीले पक्राउ गरेको छ । पक्राउ पर्नेहरुमा काठमाडौं महानगरपालिका-३२ जडिबुटी बस्ने २५ वर्षीया मन्दिरा खड्की र सोही ठाउँ बस्ने काभ्रेपलान्चोक बनेपा घर भएकी २० वर्षीया दिपा मगर रहेका छन् । उक्त स्थानमा लागूऔषध कारोबार भइरहेको भन्ने सूचनाको आधारमा प्रहरी प्रभाग कोटेश्वरबाट खटिएको प्रहरीले उनीहरुलाई जाँच गर्ने क्रममा उक्त लागूऔषध सहित फेला पारी  प्रक्राउ गरेको हो ।  बाँके, बैजनाथ गाउँपालिका-१ चिसापानीबाट अवैध लागूऔषध ब्राउन सुगर जस्तो देखिने धुलो पदार्थ ३ सय २० मिलिग्राम सहित २ जनालाई मंगलबार दिउँसो प्रहरीले पक्राउ गरेको छ । पक्राउ पर्नेहरुमा सोही ठाउँ बस्ने २२ वर्षीय सन्तोष शाही र २२ वर्षीय पदम बुढा रहेका छन् । ईलाका प्रहरी कार्यालय कोहलपुरबाट खटिएको प्रहरीले उनीहरुलाई जाँच गर्दा उक्त पदार्थ सहित फेला पारी पक्राउ गरेको हो ।  पाल्पा, तानसेन नगरपालिका-३ भगवती टोल बस्ने १९ वर्षीय परिभेष श्रेष्ठलाई अवैध लागूऔषध गाँजाको धूलो करिब ९ सय ग्राम सहित मंगलबार राति प्रहरीले पक्राउ गरेको छ । श्रेष्ठले अफ्नो घरमा गाँजा लुकाई राखेको भन्ने सूचनाको आधारमा जिल्ला प्रहरी कार्यालय पाल्पाबाट खटिएको प्रहरीले उनको घर तलासी गर्ने क्रममा बोरामा लुकाई छिपाई राखेको उक्त गाँजा फेला पारी पक्राउ गरेको हो । मकवानपुर, हेटौंडा उपमहानगरपालिका-१ जरुवाटोलबाट नियन्त्रित लागूऔषध वनरेक्स एक सय एमएलको १ सय ५८ बोतल सहित २ जनालाई मंगलबार राति प्रहरीले पक्राउ गरेको छ । पक्राउ पर्नेहरुमा सोही उपमहानगरपालिका-१ चौकीटोल बस्ने १९ वर्षीय निकेश पुडासैनी र सर्लाही बरहथवा नगरपालिका-१६ बस्ने २६ वर्षीय पप्पु कुमार कुशहवा रहेका छन् । सर्लाहीबाट आएको बा.१८ च ६६०६ नम्बरको स्कारपियोबाट सामान झार्दै गरेको अवस्थामा प्रहरी चौकी चौकीटोलबाट खटिएको प्रहरीले सोधपुछ गर्दा गाडीसंगै प्रदेश ३ ०२ ००६ प ८०४१ नम्बरको स्कुटर रोकी बसेका व्यक्ति भागेपछि शंका लागि जाँच गर्दा लुकाई राखेको उक्त लागूऔषध फेला पारी स्कारपियो चालक पप्प कुमार समेत दुबै जनालाई पक्राउ गरेको हो । हाल फरार स्कुटर चालकको प्रहरीले खोजी गरिरहेको छ ।  यस सम्बन्धमा प्रहरीले आवश्यक अनुसन्धान गरिरेहको छ । 

हलुका सवारी चालक उन्नत तालिम शुरू
२०७९-०६-२५

काठमाडौं, राष्ट्रिय प्रहरी प्रशिक्षण प्रतिष्ठान महाराजगंजको तत्वावधानमा नेपाल प्रहरी प्रधान कार्यालय सवारी महाशाखामा २५ औं समूहको हलुका सवारी चालक उन्नत तालिम संचालन भएको छ ।उक्त तालिमको सोही महाशाखाका प्रहरी उपरीक्षक ई. कमलेन्द्र लाल कर्णले महाशाखामा मंगलबार आयोजित कार्यक्रमबीच उद्‍घाटन गर्नुभयो । सो अवसरमा प्रहरी उपरीक्षक कर्णले दक्ष हलुका सवारी चालक जनशक्ति उत्पादन गर्नु तालिमको उद्देश्य रहेको उल्लेख गर्दै प्रशिक्षकहरुबाट दिईएको ज्ञान र सिपलाई अनुशासित भएर हासिल गर्न प्रशिक्षार्थीहरूलाई आग्रह गर्नुभयो । कार्यक्रममा प्रहरी निरीक्षक भरत कुमार श्रेष्ठले तालिम सम्बन्धी प्रतिवेदन प्रस्तुत गर्दै जम्मा १६ दिन कार्य अवधिको उक्त तालिममा प्रहरी वरिष्ठ हवल्दार १ जना,  प्रहरी हवल्दार ३ जना, प्रहरी सहायक हवल्दार ६ जना र प्रहरी जवान १८ जना गरी जम्मा २८ जना प्रशिक्षार्थीहरूको सहभागिता रहेको जानकारी दिनुभयो ।

अवैध पटाका सहित पक्राउ तथा बरामद
२०७९-०६-२५

    मोरङ, रंगेली नगरपालिका-९ दर्बेसाबाट करिब १ लाख ५० हजार रुपैयाँ बराबरको किङ कोबरा नामक अवैध पटाका ३ हजार प्याकेट सहित सुनवर्षी नगरपालिका-८ हस्नगडी बस्ने ३० वर्षीय जितेन्द्र राजवंशीलाई मंगलबार दिउँसो प्रहरीले पक्राउ गरेको   छ । ईलाका प्रहरी कार्यालय रंगेलीबाट खटिएको प्रहरीले प्र.१-०२-००२ ह ८७८९ नम्बरको अटोलाई जाँच गर्ने क्रममा अटोमा ल्याउँदै गरेको उक्त पटाका सहित उनलाई  पक्राउ गरेको हो । यसैगरी मोरङ, रंगेली नगरपालिका-४ चोप्राहास्थित धाधरी खोलाको बगरबाट करिब १ लाख २२ हजार २ सय रुपैयाँ बराबरको किङ कोबरा नामक अवैध पटाका २ हजार ४ सय ४४ प्याकेट मंगलबार बिहान प्रहरीले बरामद गरेको छ । ईलाका प्रहरी कार्यालय रंगेलीबाट खटिएको प्रहरीलाई भारतबाट नेपालतर्फ आउँदै गरेका ४ जनाले देख्नासाथ सामान छोडी फरार भएपश्चात ४ वटा बोरामा रहेको उक्त पटाका प्रहरीले बरामद गरेको हो ।  झापा, कचनकवल गाउँपालिका-६ बनियानी चौकबाट करिब ५० हजार रुपैयाँ बराबरको पटाका मंगलबार बिहान प्रहरीले बरामद गरेको छ । ईलाका प्रहरी कार्यालय बनियानीबाट खटिएको प्रहरीले बनियानिबाट विर्तामोडतर्फ आउँदै गरेको मे.१ख  ३०९० नम्बरको बसलाई जाँच गर्ने क्रममा उक्त पटाका फेला पारी बरामद गरेको हो ।  यस सम्बन्धमा प्रहरीले थप अनुसन्धान गरिरहेको छ ।

अवैध लागूऔषध सहित छुट्टाछुट्टै स्थानबाट सात जना पक्राउ
२०७९-०६-२५

काठमाडौं महानगरपालिका-१७ ढल्कुस्थित पुष्पलाल पार्क नजिकबाट महोत्तरी घर भई काठमाडौं महानगरपालिका-२६ मित्रनगर बस्ने १८ वर्षीय किशोर लगायत ४ जनालाई नियन्त्रित लागूऔषध नाईट्राभेट ८ सय ५५ ट्याब्लेट सहित सोमबार दिउँसो प्रहरीले पक्राउ गरेको छ । प्रहरी वृत्त लैनचौरबाट खटिएको प्रहरीले जाँच गर्ने क्रममा उनीहरूलाई उक्त लागूऔषध सहित फेला पारी पक्राउ गरेको हो ।  मोरङ, पथरीशनिश्चरे नगरपालिका-९ बस्ने ३० वर्षीय सन्तोष लिम्बुको घरबाट अवैध लागूऔषध ब्राउनसुगर जस्तो देखिने धुलो पदार्थ करिब ६ सय मिलिग्राम र नगद ३२ हजार ४ सय रूपैयाँ सहित सन्तोष लिम्बु समेत २ जनालाई सोमबार साँझ प्रहरीले पक्राउ गरेको छ । ईलाका प्रहरी कार्यालय पथरीबाट खटिएको प्रहरीले उनको घर खानतलासी गर्दा उक्त पदार्थ र नगद सहित उनीहरूलाई पक्राउ गरेको हो ।  कञ्चनपुर, बेलौरी नगरपालिका-६ भुराकोटबाट ७ ग्राम ६३ मिलिग्राम अवैध लागूऔषध खैरो हेरोईन जस्तो देखिने पदार्थ सहित कैलाली कैलारी गाउँपालिका-११ बस्ने ३० वर्षीय राजु चौधरीलाई सोमबार बेलुकी प्रहरीले पक्राउ गरेको छ । ईलाका प्रहरी कार्यालय बेलौरीबाट खटिएको प्रहरीले जाँच गर्ने क्रममा उनलाई उक्त पदार्थ सहित फेला पारी पक्राउ गरेको हो । प्रहरीले यस सम्बन्धमा थप अनुसन्धान गरिरहेको छ ।

चोरी गरी फरार रहेका व्यक्ति पक्राउ
२०७९-०६-२५

पाँचथर, ताप्लेजुङ फुङलिङ नगरपालिका-४ वीरेन्द्रचोकस्थित अम्मर श्रेष्ठको कञ्चन मनी ट्रान्सफरबाट नगद तथा सुन चोरी गरेको अभियोगमा फिदिम नगरपालिका-१ बस्ने ताप्लेजुङ सिदिङवा गाउँपालिका-५ घर भएका २७ वर्षीय टाईगर भन्ने गजेन्द्र लिम्बुलाई सोमबार साँझ प्रहरीले पक्राउ गरेको छ ।  असोज १७ बिहान उक्त मनी ट्रान्सफरबाट नगद तथा सुन चोरी गरी फरार रहेका उनलाई जिल्ला प्रहरी कार्यालय पाँचथर र जिल्ला प्रहरी कार्यालय ताप्लेजुङबाट खटिएको संयुक्त प्रहरी टोलीले फालेलुङ गाउँपालिका-८ बाँसबोटेस्थित खाली घरमा लुकिछिपी बसिरहेको अवस्थामा फेला पारी पक्राउ गरेको हो ।   यस सम्बन्धमा प्रहरीले आवश्यक अनुसन्धान गरिरहेको छ ।

नेपाल प्रहरीको महिला क्रिकेट टिमको विजयी सुरूवात
२०७९-०६-२४

कास्की, पोखरामा आयोजित नवौं राष्ट्रिय खेलकुद २०७९ अन्तर्गत सोमबार भएको महिला २०-२० क्रिकेट खेलमा नेपाल पुलिस क्लब आफ्नो पहिलो खेलमा विजयी भएको छ । ११ औं राष्ट्रिय महिला क्रिकेट प्रतियोगितामा नेपाल पुलिस क्लबले कर्णाली प्रदेशलाई ६३ रनले पराजित गरेको हो । पोखरा रंगशालास्थित क्रिकेट मैदानमा टस जितेर पहिलो ब्याटिङ गरेको नेपाल पुलिस क्लबले निर्धारित १६ ओभरको खेलमा ६ विकेटको क्षतिमा १ सय १० रनको योगफल तयार पारेको थियो । जवाफी ब्याटिङमा आएको कर्णाली प्रदेश १०.२ ओभरमा ७ विकेटको क्षतिमा १७ रन बनाएको अवस्थामा वर्षाले खेल प्रभावित भएपछि डिएल मेथोडको आधारमा नेपाल पुलिस क्लब विजयी भएको हो । खेलमा सर्वाधिक २५ रन बनाएकी नेपाल पुलिस क्लबकी सम्झना खड्का प्लेयर अफ द म्याच घोषित भइन् । प्रतियोगिता अन्तर्गत ब्याटिङतर्फ नेपाल पुलिस क्लबकी कविता कुँवरले १६ रन, काजल श्रेष्ठले १६ रन, सम्झना खड्का २५ रन, अप्सरी बेगमले ४ रन, रेवती धामीले १४ रन, कविता जोशीले ८ रन र रूबिना क्षेत्रीले ९ रन जोड्दै उक्त योगफल बनाएका थिए भने बलिङतर्फ सबनम राई, संगिता राई, कविता जोशी, ईश्वरी बिष्ट र हिरुमई रायले समान १ विकेट लिएका थिए ।  दुई समूहमा विभाजित महिला क्रिकेट प्रतियोगितमा नेपाल प्रहरीको महिला क्रिकेट टिम समूह 'बी' मा रहेको छ । जसमा कर्णाली प्रदेश, १ नम्बर प्रदेश र लुम्बिनी प्रदेश रहेका छन् । समूह 'ए' मा सशस्त्र प्रहरी, मधेश प्रदेश, गण्डकी प्रदेश, सुदूरपश्चिम प्रदेश र बागमती प्रदेश रहेका छन् । नेपाल प्रहरीको महिला क्रिकेट टिमले असोज २६ गते १ नम्बर प्रदेशको टिमसँग दोस्रो खेल र असोज २८ गते लुम्बिनी प्रदेशसँग तेस्रो खेल खेल्नेछ ।  नवौँ राष्ट्रिय खेलकुद २०७९ मा नेपाल प्रहरीको तर्फबाट विभिन्न खेलमा ४९५ जना खेलाडी र ९२ जना अफिसियल गरी कुल ५८७ जनाको सहभागिता रहेका छन् । एथलेटिक्स,  क्रिकेट, फुटबल, आई टि एफ तेक्वान्दो, आर्चरी, उसु, कबड्डी, कराँते, कुस्ती, खो–खो, गल्फ, जुडो, टेबल–टेनिस, ट्रायथलन, तेक्वान्दो, पौडी, फुल कन्ट्याक्ट कराँते, बक्सिङ, बास्केटबल, बुद्धिचाल, भलिवल, भारोत्तोलन, रग्बी (7A Side), लन टेनिस, व्याडमिन्टन, शारीरिक सुगठन, सफ्ट टेनिस, सुटिङ र हक्कीमा नेपाल प्रहरीका खेलाडीहरूले प्रतिस्पर्धा गर्नेछन् ।       

हत्या गरेको अभियोगमा पक्राउ
२०७९-०६-२४

काठमाडौं, काठमाडौं महानगरपालिका-१९ रामघाट डेरा गरी बस्ने भारत कलकत्ता मेहेन्दीपुर पश्चिम बंगाल घर भएका ४७ वर्षीय दिलिप आदकको हत्या गरेको अभियोगमा पर्सा बहुदरमाई नगरपालिका-२ हांसवा  घर भएका २५ वर्षीय राजाबाबु भन्ने श्रीलाल ठाकुरलाई आइतबार प्रहरीले पक्राउ गरेको छ । आदकको उनकै कोठामा असोज १९ गते विहान शव फेला परेको घटनाको थप अनुसन्धानको क्रममा आदकसँगै बस्दै आएका श्रीलालले हत्या गरेको खुल्न आएपछि आदकलाई काठमाडौं महानगरपालिका-१५ स्वयम्भूबाट पक्राउ गरेको हो । श्रीलालले काठ च्यापन प्रयोग हुने सकिन्जाले सुतिरहेको अवस्थामा टाउकोमा प्रहार गरी हत्या पश्चात शव कपडाले छोपी बाहिरबाट ताल्चा लगाई फरार भएको खुल्न आएको छ । साथै उनको कोठाबाट उक्त सकिन्जा र आधा फोडिएको बाकसमा रहेको नगद ४ लाख १९ हजार रुपैयाँ समेत प्रहरीले बरामद गरेको छ ।   झापा, अर्जुनधारा नगरपालिका-११ बसपार्क बस्ने ताप्लेजुङ सिदिम्बा गाउँपालिका-४ सुरूमखिम घर भएका २५ वर्षीय नबिन्द्र गुरूङको हत्या गरेको अभियोगमा ३ जनालाई बिहीबार प्रहरीले पक्राउ गरेको छ । पक्राउ पर्नेहरूमा इलाम, इलाम नगरपालिका-९ घर भई झापा अर्जुनधारा नगरपालिका-११ स्थित ताप्लेजुङ इलाम होटलका संचालक ३८ वर्षीय इन्द्र बहादुर अधिकारी, पाँचथर फिदिम नगरपालिका-१२ घर भई सोही होटलका स्टाफ २१ वर्षीय अमृत आचार्य र उनकै श्रीमती २३ वर्षीया बिमला राई रहेका छन् । इन्द्र बहादुरलाई उनकै होटलबाट तथा अमृत र बिमलालाई पाँचथरबाट पक्राउ गरेको हो । असोज १७ गते उक्त होटलमा उनीहरू मादक पदार्थ सेवन गरी तास खेल्दै गरेको अबस्थामा हारजितको बिषयलाई लिएर विवाद हुँदा उनीहरू समेतका व्यक्तिहरूले नविन्द्रलाई लोहोरो र चक्कुले प्रहार गरी गम्भीर घाइते बनाई उक्त होटलबाट करिब १ सय ५० मिटर टाढा रहेको सडकमा फालिदिएको प्रारम्भिक अनुसन्धानबाट खुल्न आएको छ । असोज १८ गते बिहान उनको शव फेला परेको थियो ।  यस सम्बन्धमा प्रहरीले थप अनुसन्धान गरिरहेको छ ।

अवैध लागूऔषध सहित पक्राउ
२०७९-०६-२४

 धनुषा, जनकपुर उपमहानगरपालिका-९ पिरारी चोक बस्ने ३८ वर्षीय जितेन्द्र साहलाई उनकै कोठाबाट नियन्त्रित लागूऔषध नाईट्राजेपाम १ सय २० एम्पुल  सहित आइतबार दिउँसो प्रहरीले पक्राउ गरेको छ । जितेन्द्रले आफ्नै श्रीमतीलाई कुटपिट गरिरहेको भन्ने खबर प्राप्त हुनासाथ वडा प्रहरी कार्यालय मुजेलियाबाट खटिएको प्रहरीले उनलाई उक्त लागूऔषध सहित फेला पारी पक्राउ गरेको हो ।  सुर्खेत, वीरेन्द्रनगर नगरपालिका-३ तातापानी डेरा गरी बस्ने दैलेख ठाँटिकाँध गाउँपालिका-४ वतन भएका २१ वर्षीय कोरीदम भन्ने राम बडुवाल समेत ३ जनालाई अवैध लागूऔषध ब्राउनसुगर जस्तो देखिन पदार्थ १ ग्राम ३ सय ३० मिलिग्राम सहित आइतबार दिउँसो प्रहरीले पक्राउ गरेको छ । उक्त स्थानमा अवैध लागूऔषध कारोबार भइरहेको भन्ने सूचनाको आधारमा जिल्ला प्रहरी कार्यालय सुर्खेतबाट खटिएको प्रहरीले उनीहरुलाई उक्त पदार्थ सहित फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरेहको छ । 

भन्सार छली ल्याउँदै गरेको सुन जस्तो देखिने पहेलो धातु सहित पक्राउ
२०७९-०६-२४

काठमाडौं, त्रिभुवन अन्तर्राष्ट्रिय विमानस्थलको आगमन टनेल गेटबाट भन्सार छली ल्याउँदै गरेको सुन जस्तो देखिने पहेलो धातुको करिब ६० ग्राम तौलको औठी ३ थान र आईफोन मोबाईल २ थान सहित रामेछाप सुनापती गाउँपालिका-२ स्थायी वतन भएका ३६ वर्षीय किरण कुमार तामाङलाई आइतबार दिउँसो प्रहरीले पक्राउ गरेको छ । हिमालय एयरलाइन्सद्वारा दुबईबाट काठमाडौं आएका उनलाई विमानस्थलमा खटिएको प्रहरीले जाँच गर्ने क्रममा अवैध रुपमा लुकाई छिपाई भन्सार छली गरी लैजान लागेको उक्त धातु र मोबाईल फेला पारी पक्राउ गरेको हो । उक्त धातु र मोबाईल सहित उनलाई आवश्यक कारबाहीको लागि त्रिभुवन विमानस्थल भन्सार कार्यालय गौचरमा पठाइएको छ । 

अवैध लागूऔषध सहित पक्राउ
२०७९-०६-२३

सिरहा, लहान नगरपालिका-५ बलुवा टोलबाट नियन्त्रित लागूऔषध नाईट्राभेट १५ ट्याब्लेट, फेनारगन १ एम्पुल, नुर्फिन १ एम्पुल र डाइजेल्याब १ एम्पुल सहित २ जनालाई आइतबार दिउँसो प्रहरीले पक्राउ गरेको छ । पक्राउ पर्नेहरुमा लहान नगरपालिका-५ बस्ने २४ वर्षीय छेदि पासमान र २६ वर्षीय इरफान खान रहेका छन् । बलुवा टोलस्थित सडकमा उक्त लागूऔषध किनबेच गरेको अवस्थामा ईलाका प्रहरी कार्यालय लहानबाट खटिएको प्रहरीले उक्त लागूऔषध सहित फेला पारी पक्राउ गरेको हो ।  सप्तरी, राजविराज नगरपालिका-१३ विसहरीया नहरबाट नियन्त्रित लागूऔषध नाईट्राभेट ६ सय ट्याव्लेट र डाईलेक्स डिसि २० पिस सहित राजविराज नगरपालिका-११ झल्ली फर्सेट बस्ने ३९ वर्षीय धिरेन्द्र यादवलाई शनिबार साँझ प्रहरीले पक्राउ गरेको छ । भारतबाट नेपालतर्फ आउदै गरेको मे.३ प २६५० नम्बरको मोटरसाइकललाई अस्थायी प्रहरी पोष्ट तितरीगाछीबाट खटिएको प्रहरीले जाँच गर्ने क्रममा उनलाई उक्त लागूऔषध सहित फेला पारी पक्राउ गरेको हो ।  यस सम्बन्धमा प्रहरीले आवश्यक अनुसन्धान गरिरहेको छ । 

अवैध लागूऔषध सहित पक्राउ
२०७९-०६-२३

झापा, भद्रपुर नगरपालिका-४ डांगीबारी पोखरी छेउबाट अवैध लागूऔषध ब्राउनसुगर जस्तो देखिने पदार्थ १ ग्राम ३० मिलिग्राम सहित सोही नगरपालिका-४ पाँचकठ्ठे बस्ने २० वर्षीय अनिल तामाङ लगायत २ जनालाई शनिबार दिउँसो प्रहरीले पक्राउ गरेको छ । वडा प्रहरी कार्यालय भद्रपुरबाट खटिएको प्रहरीले उनीहरुलाई उक्त पदार्थ सहित फेला पारी पक्राउ गरेको हो ।  बाँके, नेपालगंज उपमहानगरपालिका-१५ जमुनाहस्थित चेकपोईन्टबाट अवैध लागूऔषध ब्राउनसुगर जस्तो देखिने पदार्थ ५० ग्राम सहित सोही उपमहानगरपालिका-१६ जयसपुर बस्ने २४ वर्षीय मेराज अन्सारीलाई शनिबार दिउँसो प्रहरीले पक्राउ गरेको छ । ईलाका प्रहरी कार्यालय जमुनाह र लागूऔषध नियन्त्रण ब्यूरो नेपालगंजबाट खटिएको प्रहरीले भारतबाट नेपालतर्फ आउँदै गरेको यूपी ४० के २६८० नम्बरको मोटरसाइकललाई  जाँच गर्ने क्रममा उक्त पदार्थ सहित फेला पारी उनलाई पक्राउ गरेको हो ।  यस सम्बन्धमा प्रहरीले आवश्यक अनुसन्धान गरिरेहको छ । 

अवैध लागूऔषध सहित पक्राउ
२०७९-०६-२२

बाँके, नेपालगंज उपमहानगरपालिका-१५ जमुनाहबाट अवैध लागूऔषध खैरो हेरोइन जस्तो देखिने पदार्थ ११ ग्राम सहित २ जनालाई शनिबार दिउँसो प्रहरीले पक्राउ गरेको छ । पक्राउ पर्नेहरुमा जुम्ला तातोपानी गाउँपालिका-५ लाम्टा बस्ने २४ वर्षीय किसन नेपाली र चन्दननाथ नगरपालिका-२ बस्ने २१ वर्षीय अरुण भण्डारी रहेका छन् । भारतबाट नेपालतर्फ आउदैँ गरेको क.१ प ११९७ नम्बरको मोटरसाइकललाई ईलाका प्रहरी कार्यालय जमुनाह र लागूऔषध नियन्त्रण ब्यूरो नेपालगंजबाट खटिएको प्रहरीले जाँच गर्ने क्रममा मोटरसाइकलमा सवार उनीहरुलाई उक्त पदार्थ सहित फेला पारी पक्राउ गरेको हो । बारा, सिम्रौनगढ नगरपालिका-२ महुवाहीबाट नियन्त्रित लागूऔषध डाइजेपाम ९ सय एम्पुल, फेनारगन ९ सय एम्पुल, र नोर्फिन ९ सय एम्पुलसहित भारत बिहार राज्य पूर्वी चम्पारण पोष्ट बिजबनि ग्राम अगरवा-२ बस्ने २८ वर्षीय मोहन प्रसाद यादवलाई शुक्रबार साँझ प्रहरीले पक्राउ गरेको छ । भारतबाट नेपालतर्फ आउँदै गरेको बिआर ०५ यू ४०३७ नम्बरको मोटरसाइकललाई ईलाका प्रहरी कार्यालय सिम्रौनगढबाट खटिएको प्रहरीले जाँच गर्ने क्रममा उनलाई उक्त लागूऔषधसहित फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

प्रहरी महानिरीक्षक धिरज प्रताप सिंहद्वारा टिका तथा प्रसाद प्रदान
२०७९-०६-२०

काठमाडौं, प्रहरी महानिरीक्षक धिरज प्रताप सिंहले वडा दसैं २०७९ को अवसरमा बिहीबार बिहान सकल दर्जाका प्रहरी कर्मचारीहरूलाई टिका लगाइदिनुभएको छ ।  नेपाल प्रहरी प्रधान कार्यालयस्थित प्रहरी महानिरीक्षकको निवासमा उपस्थित महानुभावहरूलाई प्रहरी महानिरीक्षक सिंहले टिका तथा जमरा लगाईदिनुका साथै सुख, समृद्धि एवम् उत्तरोत्तर प्रगतिको कामना समेत गर्नुभयो । उक्त अवसरमा नेपाल प्रहरी श्रीमती संघकी अध्यक्ष श्रीमती कुसुम लता सिंहले टीका ग्रहणका लागि उपस्थित महानुभावहरूलाई जमरा र प्रसाद प्रदान गर्नुभएको थियो । ईच्छुक प्रहरी कर्मचारीहरूलाई टिका लगाउनको लागि बिहान ९ बजे देखी ११ बजेसम्मको समय तोकिएको थियो ।  टिका तथा प्रसाद ग्रहणका लागि प्रहरी अतिरीक्त महानिरीक्षकहरू लगायत वरिष्ठ प्रहरी अधिकृतहरू, नेपाल प्रहरी श्रीमती संघका पदाधिकारीहरू, पूर्व प्रहरी कर्मचारीहरू, प्रहरी अधिकृत तथा जवानहरू एवम् प्रहरीका परिवारहरू समेतको उपस्थिती रहेको थियो ।  टीका ग्रहण कार्यक्रममा विजया दशमीको शुभकामना समेत आदानप्रदान गरिएको थियो ।

प्रहरी महानिरीक्षक धिरज प्रताप सिंहबाट बडा दसैं मौलो पूजा सम्पन्न
२०७९-०६-१८

काठमाडौं, प्रहरी महानिरीक्षक धिरज प्रताप सिंहले बडा दसैंका अवसरमा मंगलबार प्रहरी प्रधान कार्यालय सशस्त्र प्रहरी गण नम्बर १ नक्सालस्थित मौलोमा पूजाअर्चना तथा सङ्कल्प पूजा गर्नुभयो । नेपाल प्रहरीले परम्परागत रूपमा गर्दै आएको उक्त पूजाअर्चनाको क्रममा प्रहरी महानिरीक्षक सिंहले बली पूजा गर्नुको साथै निसानमा पञ्जा छापसमेत लगाउनुभयो । साथै प्रहरी महानिरीक्षक सिंहले मौलोपूजाका अवसरमा विशेष कार्य गर्ने प्रहरी नायव निरीक्षक भवानी चन्दलाई पगरी तथा नगद पुरस्कार र प्रहरी सहायक हवल्दार राम कुमार कार्कीलाई नगद पुरस्कार प्रदान गर्नुभयो ।   सो अवसरमा प्रहरी महानिरीक्षक धिरज प्रताप सिंह, प्रहरी अतिरिक्त महानिरीक्षकहरू, वरिष्ठ प्रहरी अधिकृतहरू लगायत प्रहरी अधिकृतहरूले मौलो परिक्रमा गर्नुभएको थियो । पूजा बिसर्जनपछि मूलकोत हनुमानढोकाको लागि निशान प्रस्थान गराइएको थियो । उक्त अवसरमा पुजारीबाट टीका तथा प्रसाद ग्रहण समेत गरिएको थियो । नेपाल प्रहरीको निशान नेपाली सेनाको रामदल पल्टनबाट आएको हो । जसमा दुई वटा निशान रहेका हुन्छन् । मूख्य निशानमा सूर्य र चन्द्रको बिचमा राम धनुष चिन्ह अंकित भएको हुन्छ भने सहायक निशानमा सूर्य र चन्द्र चिन्ह अंकित हुन्छ । नेपाल प्रहरीलाई राष्ट्र र नागरिकको शान्ति सुरक्षाका साथै अमन चयन कायम राख्‍ने जस्तो संवेदनशील एवं महत्वपूर्ण कार्यमा सफलता प्राप्तिका लागि शक्तिपिठ र ईष्‍ट देवताको प्रतीकका रुपमा निशान झण्डालाई लिईन्छ । संगठनको कार्य सम्पादनमा कुनै पनि किसिमको अनिष्ट नहोस् र सम्पूर्ण कार्यमा सफलता प्राप्‍त होस् भनि निशान झण्डालाई पूजा गर्ने परम्परा रही आएको छ । नेपाल प्रहरीले बिक्रम सम्बत २०११ सालमा निशान झण्डा प्राप्‍त गरेपश्चात हरेक वर्ष बडा दसैं र चैते दसैंमा निरन्तररूपमा मौलो पूजा गर्दै आएको छ । साथै देशभरका विभिन्न प्रहरी कार्यालयहरूमा रहेका मौलोमा मौलो पूजा गर्ने परम्परा रही आएअनुरूप आजै सम्पूर्ण प्रहरी इकाईहरूमासमेत विधिवत रूपमा मौलो पूजा सम्पन्न गरिएको छ । 

अवैध लागूऔषध सहित पक्राउ
२०७९-०६-१७

सिन्धुली, कमलामाई नगरपालिका-६ शान्तिनगर चोकबाट नियन्त्रित लागूऔषध नाईट्राभेट २ सय ८५ ट्याब्लेट, नाईट्राजेपाम १ सय ५० ट्याब्लेट, नाईट्रोसन १० ट्याब्लेट र केएलएबी लेखिएको १ बोतल झोल पदार्थसहित महोत्तरी बर्दिबास नगरपालिका-२ बस्ने ३० वर्षीय अजय कुमार झालाई आइतबार दिउँसो प्रहरीले पक्राउ गरेको छ । बर्दिबासबाट सिन्धुलीतर्फ आउँदै गरेको ना.६ ख १५५५ नम्बरको बसलाई जिल्ला प्रहरी कार्यालय सिन्धुलीबाट खटिएको प्रहरीले जाँच गर्ने क्रममा बसमा सवार उनलाई उक्त लागूऔषधसहित फेला पारी पक्राउ गरेको हो । साथै बसका चालकलाईसमेत आवश्यक अनुसन्धानकालागि प्रहरीले नियन्त्रणमा लिएको छ ।धनुषा, बिदेह नगरपालिका-१ ठाडीबाट नियन्त्रित लागूऔषध नाईट्राभेट ७५ ट्याब्लेटसहित हंसपुर नगरपालिका-७ बस्ने २३ वर्षीय सुरेश कुमार यादवलाई आइतबार बेलुकी प्रहरीले पक्राउ गरेको छ । प्रहरी चौकी ठाडीझिझाबाट खटिएको प्रहरीले जाँच गर्ने क्रममा उनलाई उक्त लागूऔषधसहित फेला पारी पक्राउ गरेको हो । कञ्चनपुर, पुनर्वास नगरपालिका-११ डोकेबजारबाट अवैध लागूऔषध खैरो हेरोइन जस्तो देखिने पदार्थ ४ ग्राम १४ मिलिग्राम सहित सोही ठाउँ बस्ने १३ वर्षीय किशोरलाई आइतबार साँझ प्रहरीले पक्राउ गरेको छ । भारतबाट नेपालतर्फ आउँदै गरेका उनलाई प्रहरीले जाँच गर्ने क्रममा उक्त पदार्थसहित फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

नेपाल प्रहरीलाई ४० थान ब्रेथलाइजर सहितका सामग्री हस्तान्तरण
२०७९-०६-१४

काठमाडौं, विश्‍व स्वास्थ्य संगठन नेपाल शाखा र नेपाल सरकार स्वास्थ्य तथा जनसंख्या मन्त्रालयको संयुक्त सहयोगमा नेपाल प्रहरीलाई ४० थान ब्रेथलाइजर र ब्रेथलाइजरमा प्रयोग हुने आवश्यक उपकरण २४ हजार थान सामग्री हस्तान्तरण गरिएको छ । स्वास्थ्य तथा जनसंख्या मन्त्रालय इपिडिमियोलोजी तथा रोग नियन्त्रण महाशाखाका निर्देशक डा. चुमनलाल दास र विश्व स्वास्थ्य संगठन नेपाल शाखाका प्रतिनिधि डा. एलिसनले नेपाल प्रहरी प्रधान कार्यालय कार्य विभागका निमित्त प्रमुख प्रहरी नायव महानिरीक्षक बसन्त बहादुर कुँवरलाई काठमाडौं उपत्यका ट्राफिक प्रहरी कार्यालयमा शुक्रबार आयोजित एक क्रार्यक्रमबीच संयुक्त रुपमा उक्त सामग्रीहरू हस्तान्तरण गर्नुभएको हो ।उक्त अवसरमा प्रहरी नायव महानिरीक्षक कुँवरले हस्तान्तरण भएका सामग्रीहरू सवारी साधनको बढी भीडभाड हुने स्थानमा रहेका ट्राफिक प्रहरी कार्यालयमा ब्रेथलाइजर वितरण गरिने उक्त अवसरमा जानकारी दिनुभयो । कार्यक्रममा महाशाखाका निर्देशक डा.चुमनलालले सवारी चालकहरूले मादक पदार्थ सेवन गरे/नगरेको परीक्षण गरी सवारी दुर्घटना न्यूनिकरण गर्नका लागि नेपाल प्रहरीलाई सहयोग हुने बताउनुभयो । मादक पदार्थ सेवन गरी सवारी साधन चलाउने सवारी चालकलाई ध्यानमा राखी दुर्घटना न्यूनिकरण गर्न उक्त सामग्रीहरू हस्तान्तरण गरिएको उक्त अवसरमा जानकारी दिइयो । प्रहरी वरिष्ठ उपरीक्षक दान बहादुर कार्कीले स्वागत मन्तव्य व्यक्त गर्नुभएको उक्त कार्यक्रममा नेपाल सरकार स्वास्थ्य तथा जनसंख्या मन्त्रालय व्यवस्थापक महाशाखाका निर्देशक डा. सर्वेश शर्मा, रोड सेप्टी काउन्सिलका प्रतिनिधि सरोज प्रधान, उपभोक्ता हित संरक्षण मंचका अध्यक्ष ज्योती बानिया, स्वास्थ्य सेवा विभाग कुष्ठरोग तथा अपाङ्गता व्यवस्थापन महाशाखाका डा.रवीन्द्र बासकोटा र प्रहरी अधिकृतहरूको उपस्थिति रहेको थियो ।

आफ्नै छोराको हत्या गरेको अभियोगमा पक्राउ
२०७९-०६-१४

बर्दिया, आफ्नै छोरा २० वर्षीय बिबेक चौधरीको हत्या गरेको अभियोगमा बारबर्दिया नगरपालिका-११ बिजयनगर बस्ने ४५ वर्षीय लौरंगलाल थारूलाई शुक्रबार बिहान प्रहरीले पक्राउ गरेको छ ।  लौरंलालले बुधबार फुटेको बियरको बोतलले पेटमा प्रहार गर्दा गम्भीर घाइते भएका बिबेकको उपचारको लागि अस्पतालतर्फ लैजाने क्रममा बाटोमै मृत्यु भएको थियो । घटनापश्चात फरार रहेका उनलाई जिल्ला प्रहरी कार्यालय बर्दियाबाट खटिएको प्रहरीले गुलरिया नगरपालिका-११ ईन्द्रपुरमा लुकिछिपी हिँडिरहेको अवस्थामा फेला पारी पक्राउ गरेको हो ।  यस सम्बन्धमा प्रहरीले आवश्यक अनुसन्धान गरिरहेको छ । 

जुवातास खेलिरहेको अवस्थामा पक्राउ
२०७९-०६-१४

ललितपुर, ललितपुर महानगरपालिका-१३ नख्खुखोला नजिक अवैध रुपमा लङगुर बुर्जा खेलिरहेको अवस्थामा हुम्ला खार्पुनाथ गाउँपालिका-१ घर भई ललितपुर महानगरपालिका-१३ कुसुन्ती बस्ने २५ वर्षीय प्रेम बुढा सहित ९ जनालाई  बिहीबार साँझ प्रहरीले पक्राउ गरेको छ । उक्त स्थानमा लङगुर बुर्जा खेलिरहेको भन्ने खबर प्राप्त हुनासाथ जिल्ला प्रहरी परिसर ललितपुरबाट खटिएको प्रहरीले उनीहरूलाई नगद १ लाख २४ हजार ६ सय ३० रूपैयाँ र  लङगुर बुर्जा खेल्न प्रयोग भएका सामानहरु सहित पक्राउ गरेको हो ।  यसैगरी ललितपुर, ललितपुर महानगरपालिका-१५ खुमल्टार बस्ने गौरी लामाको घरमा जुवातास खेलिरहेको अवस्थामा सोही ठाउँ बस्ने ४८ वर्षीय भरत बजगाई सहित ५ जनालाई बिहीबार साँझ प्रहरीले पक्राउ गरेको छ । उनको  घरमा जुवातास खेलिरहेको भन्ने खबर प्राप्त हुनासाथ जिल्ला प्रहरी परिसर ललितपुरबाट खटिएको प्रहरीले उनीहरुलाई नगद ५ लाख ३५ हजार रूपैयाँ र ३ बुक तास सहित पक्राउ गरेको हो ।   यस सम्बन्धमा प्रहरीले आवश्यक अनुसन्धान गरिरहेको छ । 

अवैध लागूऔषध सहित पक्राउ
२०७९-०६-१४

बारा, जितपुरसिमरा उपमहानगरपालिका-२१ आधाभार जंगलबाट करिब १५ किलो अबैध लागूऔषध गाँजा सहित  चितवन राप्ती नगरपालिका-३ बस्ने २२ वर्षीय बिराट खरेललाई शुक्रबार बिहान प्रहरीले पक्राउ गरेको छ । ईलाका प्रहरी कार्यालय अमलेखगंजबाट खटिएको प्रहरीले हेटौंडाबाट पथलैयातर्फ आउँदै गरेको बा.प्र.०६-०१ प ५९७४ नम्बरको मोटरसाइकललाई जाँच गर्ने क्रममा उक्त गाँजा सहित फेला पारी मोटरसाइकल चालक खरेललाई पक्राउ गरेको हो । हाल फरार मोटरसाइकलमा सवार १ जनाको प्रहरीले खोजी गरिरहेको छ ।  नवलपरासी(पश्चिम), बर्दघाट नगरपालिका-३ लगुनाबाट नियन्त्रित लागूऔषध डाइजेपाम ४० एम्पुल, फेनारगन ४० एम्पुल, नुर्फिन ४० एम्पुल र सिरिन्ज ४ थान सहित नवलपरासी (पूर्व) गैडाकोट नगरपालिका-६ कालिकाचोक बस्ने २६ वर्षीय मोहम्मद अली मियालाई बिहीबार राति प्रहरीले पक्राउ गरेको छ । ईलाका प्रहरी कार्यालय बर्दघाट नवलपरासी (पश्चिम)बाट खटिएको प्रहरीले लु.१ ह ३१५ नम्बरको अटोलाई जाँच गर्ने क्रममा अटोमा सवार उनलाई उक्त लागूऔषध सहित पक्राउ गरेको हो ।  यस सम्बन्धमा प्रहरीले आवश्यक अनुसन्धान गरिरहेको छ । 

सालकको खपेटा सहित दुई जना पक्राउ
२०७९-०६-१४

काठमाडौं, काठमाडौं महानगरपालिका-३२ पेप्सीकोलाबाट २ केजी ५ सय ग्राम सालकको खपेटा सहित दुई जनालाई बिहीबार दिउँसो प्रहरीले पक्राउ गरेको छ ।  पक्राउ पर्नेहरूमा सिन्धुली गोलञ्जोर गाउँपालिका-४ घर भएका ५५ वर्षीय यम बहादुर कामी र सिन्धुली फिक्कल गाउँपालिका-४ घर भएका २८ वर्षीय रत्न बहादुर मगर रहेका छन् । उक्त स्थानमा अवैध रूपमा सालकको खपेटाको कारोबार भइरहेको भन्ने सूचनाको आधारमा काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले उनीहरूलाई उक्त खपेटा सहित फेला पारी पक्राउ गरेको हो ।  उनीहरूलाई आवश्यक कारवाहीको लागि वन डिभिजन कार्यालय काठमाडौंमा पठाइएको छ । 

पर्यटक प्रहरी कार्यालय भृकुटीमण्डपलाई कदरपत्र प्रदान
२०७९-०६-१३

काठमाडौं, नेपाललाई पर्यटकमैत्री तथा सुरक्षित पर्यटकीय गन्तव्य स्थल बनाउने अभियानमा उल्लेखनीय योगदान पुर्‍याए बापत पर्यटक प्रहरी कार्यालय भृकुटीमण्डपलाई उच्च प्रशंसा र सम्मान स्वरुप कदरपत्र प्रदान गरिएको छ । ४३ औं विश्‍व पर्यटन दिवसको अवसरमा संस्कृति, पर्यटन तथा नागरिक उड्डयन मन्त्रालयका सचिव सुरेश अधिकारीको प्रमुख आतिथ्यता तथा पर्यटन विभागका प्रमुख होम प्रसाद लुईटेल र पर्यटन बोर्डका कार्यकारी निर्देशक धनन्जय रेग्मीको उपस्थितिमा मंगलबार नेपाल पर्यटन बोर्डको हल भृकुटीमण्डपमा आयोजित कार्यक्रममा उक्त सम्मान प्रदान गरिएको हो । 

हलुका सवारी चालक तालिम समापन
२०७९-०६-१२

काठमाडौं, राष्ट्रिय प्रहरी प्रशिक्षण प्रतिष्ठान महाराजगंजको तत्वावधानमा नेपाल प्रहरी प्रधान कार्यालय सवारी महाशाखामा संचालित २४औं समूहको हलुका सवारी चालक तालिम बुधबार समापन भएको छ । उक्त अवसरमा सोही महाशाखाका प्रहरी वरिष्ठ उपरीक्षक ई. दिनेश केसीले प्रशिक्षार्थीहरुलाई प्रमाणपत्र वितरण गर्दै प्रशिक्षार्थीले तालिमबाट प्राप्त गरेका ज्ञान, सिप र दक्षतालाई आ-आफ्नो कार्य क्षेत्रमा जिम्मेवारी पूर्वक त्रुटिरहित ढंगबाट कार्य सम्पादन गर्नुपर्ने बताउनुभयो । कार्यक्रममा तालिम संयोजक प्रहरी निरीक्षक ई. अन्जनराज खरेलले तालिम सम्बन्धि प्रतिवेदन प्रस्तुत गर्दै गत साउन १७ गतेदेखि संचालित उक्त तालिममा प्रहरी सहायक हवल्दार ७ जना र प्रहरी जवान २५ जना गरी कुल ३२ जना प्रशिक्षार्थीहरु सहभागिता रहेको जानकारी दिनुभयो ।

अवैध लागूऔषध सहित पक्राउ
२०७९-०६-१२

काठमाडौं, चन्द्रागिरी नगरपालिका-२ नागढुङ्गाबाट नियन्त्रित लागूऔषध डाइजेपाम १ सय एम्पुल, फेनारगन १ सय एम्पुल र बुप्रोनोर्फिन १ सय एम्पुल सहित सुनसरी सुनौलो नगरपालिका-२ बस्ने २७ वर्षीय निर्मल कार्कीलाई बुधबार बिहान प्रहरीले पक्राउ गरेको छ । प्रहरी प्रभाग नागढुङ्गाबाट खटिएको प्रहरीले बिर्तामोडबाट काठमाडौंतर्फ आउँदै गरेको ना.६ ख १५९१ नम्बरको बसलाई जाँच गर्ने क्रममा बसमा सवार उनलाई उक्त लागूऔषध सहित पक्राउ गरेको हो । यसैगरी काठमाडौं महानगरपालिका-१३ बाफलबाट नियन्त्रित लागूऔषध फेनारगन ९ सय एम्पुल, नोर्फिन ९ सय एम्पुल र डाइजेपाम ९ सय एम्पुल सहित २ जनालाई बुधबार बिहान प्रहरीले पक्राउ गरेको छ । पक्राउ पर्नेहरूमा बारा कलैया नगरपालिका-१ घर भई काठमाडौं महानगरपालिका-१४ बल्खु बस्ने २२ वर्षीय रामेश्वर साह र सोही ठाउँ बस्ने २२ वर्षीय राज कुमार साह रहेका छन् । प्रहरी वृत्त कालिमाटीबाट खटिएको प्रहरीले जाँच गर्ने क्रममा उनीहरुलाई उक्त लागूऔषध सहित पक्राउ गरेको   हो ।  रौतहट, ईशनाथ नगरपालिका-८ मनसरी टोलबाट करिब २५ किलो अबैध लागूऔषध गाँजा सहित २ जनालाई मंगलबार राति प्रहरीले पक्राउ गरेको छ । पक्राउ पर्नेहरूमा भारत मोतिहारी बस्तपुर बस्ने २० वर्षीय दिपेन्द्र मुखिया र सितामढी किसानपुर बस्ने १९ वर्षीय अशोक कुमार दास रहेका छन् । प्रहरी चौकी रामपुरखापबाट खटिएको प्रहरीलाई देख्नासाथ मोटरसाइकलमा आउँदै गरेका व्यक्तिहरूले उक्त गाँजा फालि मोटरसाइकल सहित फरार भएपछि उक्त गाँजा फेला पारी प्रहरीले बरामद गरेको हो । फरार भएका उनीहरूको खोजी गर्ने क्रममा प्रहरी चौकी जयनगरबाट खटिएको प्रहरीले उनीहरूलाई पक्राउ गरेको हो ।    यस सम्बन्धमा प्रहरीले आवश्यक अनुसन्धान गरिरहेको छ ।  

२५औं खुल्ला राष्ट्रिय पौडी प्रतियोगितामा नेपाल प्रहरीको टिम प्रथम
२०७९-०६-१२

काठमाडौं, नेपाल पौडी संघको आयोजनामा २५औं खुल्ला राष्ट्रिय पौडी प्रतियोगितामा १४ स्वर्ण, १० रजत र १४ कास्य गरी कुल ३८ पदक प्राप्त गरी नेपाल प्रहरीको टिमले प्रथम स्थान हासिल गर्न सफल भएको छ ।  प्रतियोगितामा नेपाल प्रहरीका खेलाडीमध्ये गौरव लामाले १ स्वर्ण र ४ कास्य, सुविज्ञ मान तुलाधरले ५ स्वर्ण र १ रजत, युवान लाल श्रेष्ठले १ रजत र ४ कास्य, सनिल कुमार थापा मगरले ३ रजत र १ कास्य, रेवान्त बहादुर श्रेष्ठले १ रजत, अभिभ प्रधानले ३ स्वर्ण र १ रजत, आयुक्ति थापाले २ स्वर्ण, समिरा सोभा थापा मगरले २ रजत र २ कास्य, सारसी खड्काले १ रजत र ३ कास्य, आर्य महर्जनले २ स्वर्ण तथा गौरव लामा, सुविज्ञ मान तुलाधर, युवान लाल श्रेष्ठ र सनिल कुमार थापा मगरले फ्रि स्टाईल रिलेमा १ स्वर्ण पदक प्राप्त गरेका थिए ।   नवौं राष्ट्रिय खेलकुद प्रतियोगिता २०७९ को तयारी स्वरूप नेपाल पौडी संघको आयोजनामा असोज ५ गतेदेखि ७ गतेसम्म उक्त प्रतियोगिता सञ्चालन गरिएको थियो । 

अवैध लागूऔषध खैरो हेरोइन सहित छुट्टाछुट्टै स्थानबाट सात जना पक्राउ
२०७९-०६-१२

दाङ, घोराही उपमहानगरपालिका-११ बन्चरेबाट अवैध लागूऔषध खैरो हेरोइन जस्तो देखिने पदार्थ १ ग्राम ५ सय मिलिग्राम सहित सोही उपमहानगरपालिका-१२ हिलेखर्क बस्ने ३२ वर्षीय जिवराज रावतलाई मंगलबार साँझ प्रहरीले पक्राउ गरेको छ । वडा प्रहरी कार्यालय घोराहीबाट खटिएको प्रहरीले चेकजाँच गर्ने क्रममा जिवराजलाई उक्त पदार्थ सहित फेला पारी पक्राउ गरेको हो ।  कञ्चनपुर, बेलौरी नगरपालिका-६ वैशाखाबाट अवैध लागूऔषध खैरो हेरोईन जस्तो देखिने पदार्थ २ ग्राम १६ मिलीग्राम सहित २ जनालाई मंगलबार साँझ प्रहरीले पक्राउ गरेको छ । पक्राउ पर्नेहरूमा कृष्णपुर नगरपालिका-५ गुलरिया बस्ने २७ वर्षीय जय किसन चौधरी र कैलाली धनगढी उपमहानगरपालिका-१३  कैलालीगाउँ बस्ने २८ वर्षीय महेश ओझा रहेका छन् । ईलाका प्रहरी कार्यालय बेलौरीबाट खटिएको प्रहरीले मे.७ प ९८८८ नम्बरको मोटरसाइकलमा सवार उनीहरूलाई उक्त ठाउँमा जाँच गर्ने क्रममा उक्त पदार्थ सहित फेला पारी पक्राउ गरेको हो । झापा, मेचीनगर नगरपालिका-६ मेचीपुलबाट अवैध लागूऔषध ब्राउन सुगर जस्तो देखिने पदार्थ करिब ७५ ग्राम सहित रामेछाप, रामेछाप नगरपालिका-८ बस्ने ३० वर्षीय बिजय लामालाई मंगलबार दिउँसो प्रहरीले पक्राउ गरेको छ । लागू औषध नियन्त्रण ब्यूरो काँकरभिट्टा र ईलाका प्रहरी कार्यालय काँकरभिट्टाबाट खटिएको संयुक्त प्रहरी टोलीले उनीहरूलाई चेकजाँच गर्ने क्रममा उनीहरूको साथबाट उक्त पदार्थ, नगद १० हजार रूपैयाँ र २ थान मोबाइल फेला पारी पक्राउ गरेको हो ।  यसैगरी झापा, बिर्तामोड नगरपालिका-५ पाथिभरा टोलबाट अवैध लागूऔषध ब्राउन सुगर जस्तो देखिने पदार्थ करिब १३ ग्राम सहित ईलाम माई नगरपालिका-२ बस्ने २२ वर्षीय केविन्द्र गोले समेत ३ जनालाई मंगलबार बेलुकी प्रहरीले पक्राउ गरेको छ । विशेष सूचनाको आधारमा लागू औषध नियन्त्रण ब्यूरो काँकरभिट्टा र ईलाका प्रहरी कार्यालय अनारमनिबाट खटिएको प्रहरीले उनीहरूलाई चेकजाँच गर्दा उक्त पदार्थ फेला पारी पक्राउ गरेको हो ।  प्रहरीले यस सम्बन्धमा आवश्यक अनुसन्धान गरिरहेको छ । 

ईलाका प्रहरी कार्यालय बेलबारीको नवनिर्मित कार्यालय भवन उद्‍घाटन
२०७९-०६-११

मोरङ, १ नम्बर प्रदेश सरकारका आन्तरिक मामिला तथा कानून मन्त्री केदार कार्कीको प्रमुख आतिथ्यमा ईलाका प्रहरी कार्यालय बेलवारीको नवनिर्मित कार्यालय भवनको मंगलबार बिहान उद्‍घाटन भएको छ । भवन उद्‍घाटन पश्चात आयोजित कार्यक्रमलाई सम्बोधन गर्दै मन्त्री कार्कीले जनताको जीउधनको सुरक्षाको प्रमुख जिम्मेवारी बोकेको प्रहरी पहिला आफैमा सुरक्षित हुनुपर्ने भएकोले प्रहरी बस्ने भवन सुरक्षित र व्यवस्थित बनाउन प्रदेश सरकार हरदम तयार रहेको बताउनुभयो । कार्यक्रममा मोरङ जिल्लाका प्रमुख जिल्ला अधिकारी काशीराज दाहालले आम नागरिकलाई सुरक्षाको प्रत्याभूति गराउने गरी खटिने प्रहरीको गाँस, बास र कपासमा सरकारले बिशेष ध्यान दिनुपर्ने बताउनुभयो । कार्यक्रममा १ नम्बर प्रदेश प्रहरी प्रमुख प्रहरी नायव महानिरीक्षक सुदिप गिरीले धन्यवाद ज्ञापन गर्दै चौबिसै घण्टा ड्युटीमा रहनु पर्ने प्रहरी कर्मचारीहरुलाई भौतिक सुबिधा सम्पन्न यस्ता भवनले थप मनोवल बढ्ने र हौसलाका साथ दुरुस्त भई कार्यक्षेत्रमा खटिन प्रेरणा मिल्ने बताउनुभयो । उक्त साँढे २ तले नवनिर्मित भवन १ नम्बर प्रदेश सरकार आन्तरिक मामिला तथा कानून मन्त्रालयबाट विनियोजित २ करोड २९ लाख १३ हजार २ सय ७६ रुपैया २५ पैसाको लागतमा निर्माण कार्य सम्पन्न भएको हो । कार्यक्रममा स्थानीय जन प्रतिनिधिहरु, नागरिक समाजका प्रमुख तथा प्रतिनिधिहरु, संचारकर्मी लगायत स्थानीयवासीहरुको उपस्थिति रहेको थियो । 

अवैध लागूऔषध सहित छुट्टाछुट्टै स्थानबाट नौ जना पक्राउ
२०७९-०६-११

काठमाडौं, चन्द्रागिरी नगरपालिका-२ नागढुङ्गाबाट नियन्त्रित लागूऔषध डाईजेपाम १ हजार एम्पुल, फेनारगन १ हजार एम्पुल र नुर्फिन १ हजार एम्पुल सहित सर्लाही ईश्वरपुर नगरपालिका-४ बस्ने २६ वर्षीय हिमाल माझीलाई मंगलबार बिहान प्रहरीले पक्राउ गरेको छ । नागढुङ्गास्थित चेकप्वाइन्टमा प्रहरी प्रभाग नागढुंगाबाट खटिएको प्रहरीले सर्लाहीबाट काठमाडौंतर्फ आउँदै गरेको ना.५ ख ६५९९ नम्बरको बसलाई चेकजाँच गर्ने क्रममा बसका सहचालक हिमालले बसको डिक्कीमा लुकाई ल्याएको उक्त लागूऔषध फेला पारी उनलाई प्रहरीले पक्राउ गरेको हो ।  सुर्खेत, वीरेन्द्रनगर नगरपालिका-११ पदमपुरबाट अवैध लागूऔषध ब्राउन सुगर जस्तो देखिने धुलो पदार्थ ८० मिलीग्राम सहित सोही ठाउँ बस्ने २१ वर्षीय ललित खत्रीलाई सोमबार दिउँसो प्रहरीले पक्राउ गरेको छ । कर्णाली प्रदेश प्रहरी कार्यालय सुर्खेत समेतबाट खटिएको प्रहरी टोलीले जाँच गर्ने क्रममा ललितलाई उक्त पदार्थ सहित फेला पारी पक्राउ गरेको हो ।  कैलाली, धनगढी उपमहानगरपालिका-२ सन्तोषी टोलस्थित सडकबाट अवैध लागूऔषध चरेश जस्तो देखिने पदार्थ ७ सय ५० ग्राम सहित सोही उपमहानगरपालिका-५ बस्ने १८ वर्षीय किशोर समेत २ जनालाई सोमबार साँझ प्रहरीले पक्राउ गरेको  छ । जिल्ला प्रहरी कार्यालय कैलालीबाट खटिएको प्रहरीले जाँच गर्ने क्रममा उनीहरूलाई उक्त पदार्थ सहित फेला पारी पक्राउ गरेको हो ।   धनुषा, सबैला नगरपालिका-१० गेरुवाही नहरस्थित सडकबाट अवैध लागूऔषध भाङ करिब १५ किलोग्राम सहित धनौजी गाउँपालिका-२ बस्ने ४२ वर्षीय राम प्रसाद साहलाई सोमबार साँझ प्रहरीले पक्राउ गरेको छ । ईलाका प्रहरी कार्यालय सवैलाबाट खटिएको प्रहरीले साइकलमा सवार राम प्रसादलाई जाँच गर्ने क्रममा उक्त भाङ सहित फेला पारी पक्राउ गरेको हो ।   पर्सा, वीरगंज महानगरपालिका-१४ गण्डक चोकबाट नियन्त्रित लागूऔषध टिटि ५ हजार १ सय पिस र निटजा केयर ३ हजार ट्याब्लेट सहित भारत घर भई वीरगंज महानगरपालिका-१६ बस्ने २७ वर्षीय ओम प्रकाश महतो लगायत ४ जनालाई सोमबार राति प्रहरीले पक्राउ गरेको छ । प्रहरी चौकी गण्डकबाट खटिएको प्रहरीले ई-रिक्सामा सवार उनीहरूलाई जाँच गर्ने क्रममा उक्त लागूऔषध सहित फेला पारी पक्राउ गरेको हो । प्रहरीले यस सम्बन्धमा आवश्यक अनुसन्धान गरिरहेको छ ।

अवैध हातहतियार सहित पक्राउ तथा बरामद
२०७९-०६-११

अर्घाखाँची, भूमिकास्थान नगरपालिका-१ राजिमेबाट एकनाले भरूवा बन्दुक १ थान सहित सोही नगरपालिका-१ ओखटे बस्ने ४० वर्षीय जितेन्द्र भुसाल लगायत २ जनालाई सोमबार बेलुकी प्रहरीले पक्राउ गरेको छ । लु.६४ प ८९०९ नम्बरको मोटरसाइकललाई प्रहरी चौकी दाकावाङबाट खटिएको प्रहरीले जाँच गर्ने क्रममा मोटरसाइकलमा सवार उनीहरूलाई उक्त भरूवा बन्दुक सहित फेला पारी पक्राउ गरेको हो । पाँचथर, याङवरक गाउँपालिका-३ स्थित गुप्तेश्वर महादेवथान मन्दिर नजिकबाट एकनाले भरूवा बन्दुक १ थान, बन्दुकमा प्रयोग हुने ४ वटा छर्रा र ३ थान टर्चलाईट सोमबार दिउँसो प्रहरीले बरामद गरेको छ । प्रहरी चौकी नागीथर्पुबाट खटिएको प्रहरीले उक्त मन्दिर नजिक बाटोमा वेवारिसे अवस्थामा रहेको उक्त हतियार फेला पारी बरामद गरेको हो । प्रहरीले यस सम्बन्धमा आवश्यक अनुसन्धान गरिरहेको छ ।

चोरीमा संलग्न रहेको अभियोगमा ४ जना पक्राउ
२०७९-०६-१०

कास्की, मादी गाँउपालिका-७ काउरेडाँडास्थित सडक छेउमा रहेको थाक खोलाको खानेपानी संस्थानको पाइपहरु चोरी भएको घटनामा संलग्न रहेको अभियोगमा ४ जनालाई प्रहरीले पक्राउ गरेको छ । पक्राउ पर्नेहरुमा सोही गाउँपालिका-७ थाक बस्ने ३५ वर्षीय रमेश गुरुङ, २६  वर्षीय निरज तामाङ, सोही गाउँपालिका घर भई हाल पोखरा महानगरपालिका-१० बस्ने ३४ वर्षीय खरजंग गुरुङ र लम्जुङ मध्यनेपाल नगरपालिका-८ स्थायी घर भई हाल कास्की पोखरा महानगरपालिका-१३ कसेरी बस्ने २३ वर्षीय रिदम भन्ने सुनिल परियार रहेका छन् । असोज ५ गते बिहान खानेपानी संस्थानको पाइपहरू चोरी भएको भन्ने सूचनाको आधारमा वडा प्रहरी कार्यालय रामबजारबाट खटिएको प्रहरीले ग.१ त ५१३७ नम्बरको ट्याक्टरमा उक्त पाइपहरू लोड गरी मादी गाउँपालिका-५ तर्फ ल्याउँदै गरेको अवस्थामा फेला पारी उक्त कार्यमा संलग्न उनीहरूलाई पक्राउ गरेको हो । उनीहरू उपर कास्की जिल्ला अदालतबाट चोरी तथा डाँका मुद्दामा दिन ६ म्याद थप गरी यस सम्बन्धमा प्रहरीले अनुसन्धान गरिरहेको छ । 

हत्यामा संलग्न फरार व्यक्ति पक्राउ
२०७९-०६-१०

बर्दिया, गेरुवा गाउँपालिका-४ बस्ने गंगाघर चालिसेको हत्या भएको घटनामा संलग्न रही फरार रहेका सोही ठाउँ बस्ने ३७ वर्षीय श्याम बिसी भन्ने टिकाराम बुढाक्षेत्रीलाई शनिबार राति प्रहरीले पक्राउ गरेको छ । २०७२ साउन १६ गते चालिसेलाई घारिलो हतियार प्रहार गरी हत्या गरी फरार भएका बुढाक्षेत्रीलाई ईलाका प्रहरी कार्यालय पाताभारबाट खटिएको प्रहरीले उनकै गाउँटोलमा लुकिछिपी बसेको अवस्थामा फेला पारी पक्राउ गरेको हो । उनी उपर जिल्ला अदालत बर्दिया गुलरियाबाट कर्तव्य ज्यान मुद्दामा म्याद थप गरी प्रहरीबाट थप आवश्यक अनुसन्धान भइरहेको छ । 

प्रहरी महानिरीक्षक धिरज प्रताप सिंहद्वारा नेपाल पुलिस स्कुल शान्तिपुर चितवनमा नवनिर्मित भौतिक संरचना उद्‍घाटन
२०७९-०६-०९

चितवन, प्रहरी महानिरीक्षक धिरज प्रताप सिंहले नेपाल पुलिस स्कुल शान्तिपुर चितवनमा नवनिर्मित महिला छात्राबास तथा भान्साघर र सोधपुछ कक्षको आइतबार आयोजित एक समारोहबीच उदघाटन गर्नुभयो । उद्‌घाटन पश्चात उहाँले नवनिर्मित भौतिक संरचनाहरूको निरीक्षण समेत गर्नुभयो । उक्त अवसरमा प्रहरी महानिरीक्षक सिंहले विद्यालयको समग्र विकासमा योगदान पुर्‍याउने विद्यालयका पूर्व समादेशक प्रहरी निरीक्षक धर्म बहादुर अधिकारी, अक्षयकोष स्थापना गर्ने पूर्व प्रहरी नायव उपरीक्षक कमल भण्डारी, शिक्षक अनिता देवकोटा लगायत  प्रहरी सहायक निरीक्षक दिनेश थापा, प्रहरी हवल्दार अमिन बस्नेत, प्रहरी सहायक हवल्दार प्रकाश घिमिरे समेतलाई प्रशंसापत्र प्रदान गर्नुभयो ।उद्‍घाटन कार्यक्रमलाई सम्बोधन गर्दै प्रहरी महानिरीक्षक सिंहले हाल कक्षा ८ सम्म मात्र अध्यापन भइरहेको यस विद्यालयलाई समयानुकुल स्तर वृद्धि गर्ने सन्दर्भमा आवश्यक सहयोग गर्ने प्रतिबद्धता व्यक्त गर्नुभयो । आजको प्रतिस्पर्धात्मक विश्व जगतमा गुणस्तरीय र प्रविधिजन्य शिक्षा अत्यन्त आवश्यक रहेको हुँदा वैज्ञानिक र व्यवहारिक शिक्षा प्रणालीलाई जोड दिनुपर्नेमा उहाँले बताउनुभयो । प्रहरी महानिरीक्षक सिंहले विद्यार्थीहरुमा असल व्यक्तित्व र सकारात्मक मानसिकताको विकास गरी राष्ट्र निर्माणमा उनीहरुको भूमिका र समाजप्रतिको दायित्वबोध गराई शिक्षित, सभ्य र क्षमतावान नागरिकमा रुपान्तरण गर्नेतर्फ विद्यालय सदैव गम्‍भीर हुनुपर्नेमा जोड दिनुभयो ।  निर्माण सम्पन्न भएका भौतिक संरचनाले विद्यालयको शिक्षण प्रणाली लगायत अध्ययन र अध्यापन कार्यलाई थप सहज र प्रभावकारी बनाई शिक्षाको गुणस्तर अभिवृद्धिमा महत्वपूर्ण भूमिका खेल्ने उहाँले उल्लेख गर्नुभयो ।विद्यालयका संरक्षक एवं बागमती प्रदेश प्रहरी प्रमुख प्रहरी नायव महानिरीक्षक किरण बज्राचार्यले धन्यवाद ज्ञापन गर्नुभएको उक्त कार्यक्रममा विद्यालय व्यवस्थापन समितिका अध्यक्ष एवं नेपाल प्रहरी प्रदेश कार्यालय काभ्रेपलाञ्‍चोकका प्रमुख प्रहरी वरिष्ठ उपरीक्षक लालमणी आचार्यले प्रहरी महानिरीक्षक सिंहलाई विद्यालय व्यवस्थापन समितिको तर्फबाट मायाको चिनो प्रदान गर्नुभएको थियो ।विद्यालयका प्राचार्य प्रधुन्न पौडेलले स्वागत मन्तव्य व्यक्त गर्नुभएको उक्त कार्यक्रममा भरतपुर महानगरपालिका वडानम्बर १४ का वडाअध्यक्षले शुभकामना मन्तव्य व्यक्त गर्नुभएको थियो भने प्रहरी उपरीक्षक ई. ईश्वर थापाले भवन निर्माणसम्बन्धी प्रतिवेदन प्रस्तुत गर्नुभएको थियो । नेपाल सरकारको नियमित बजेट ३ करोड ६८ लाख ३१ हजार ८ सय ५९ रुपयाँ ८८ पैसाको लागतमा महिला छात्रावास तथा भान्साघर र २१ लाख ५७ हजार २ सय ६८ रुपैयाँ ७१ पैसाको लागतमा सोधपुछ कक्षको निर्माण कार्य सम्पन्न भएको हो। विद्यालयका विद्यार्थीहरुद्वारा विविध साँस्कृतिक कार्यक्रम प्रस्तुत गरिएको उक्त कार्यक्रममा सिनियर प्रहरी अधिकृतहरु, जनप्रतिनिधिहरु, विद्यालय व्यवस्थापन समितिका सदस्यहरु, शिक्षक, विद्यार्थी, अभिभावकहरु, सञ्चारकर्मी, विभिन्न संघसंस्थाका प्रतिनिधिहरु लगायतको उपस्थिति रहेको थियो ।

प्रहरी महानिरीक्षक धिरज प्रताप सिंहबाट जिल्ला प्रहरी कार्यालय चितवनको निरीक्षण तथा निर्देशन
२०७९-०६-०९

चितवन, प्रहरी महानिरीक्षक धिरज प्रताप सिंहले आइतबार जिल्ला प्रहरी कार्यालय चितवनको निरीक्षण भ्रमण गर्नुको साथै मातहत समेतमा कार्यरत ईकाई प्रमुखहरुलाई जिल्ला प्रहरी कार्यालय चितवनको सभाहलमा आयोजित कार्यक्रममा आवश्यक निर्देशन दिनुभयो । प्रहरी महानिरीक्षक सिंहले शान्ति सुरक्षा कायम राख्न, मानवअधिकारमा सम्वेदनशील रहन, आर्थिक पारदर्शिता कायम राख्न र आसन्न निर्वाचनमा परिचालनका लागि आवश्यक तयारी गर्न प्रहरी कर्मचारीहरूलाई निर्देशन दिनुभयो । सो अवसरमा बागमती प्रदेश प्रहरी कार्यालय प्रमुख प्रहरी नायव महानिरीक्षक किरण बज्राचार्यले धन्यवाद ज्ञापन गर्नुको साथै बागमती प्रदेश प्रहरी कार्यालय तथा मातहतले ३ महिनामा सम्पादन गरेका कृयाकलाप प्रस्तुत गर्नुभयो । कार्यक्रममा प्रहरी वरिष्ठ उपरीक्षकहरु, जिल्ला प्रहरी कार्यालय चितवन तथा मकवानपुर, राजमार्ग सुरक्षा तथा ट्राफिक प्रमुखहरु समेतको उपस्थिति रहेको थियो ।

प्रहरी महानिरीक्षक धिरज प्रताप सिंहको प्रमुख आतिथ्यमा २-१७७औं समूहको प्रहरी सहायक निरीक्षक आधारभूत तालिम समापन
२०७९-०६-०९

चितवन, प्रहरी महानिरीक्षक धिरज प्रताप सिंहको प्रमुख आतिथ्यमा नेपाल प्रहरी शिक्षालय भरतपुरमा आइतबार आयोजित एक कार्यक्रमबीच सोही शिक्षालयमा संचालित २-१७७औं समूहको प्रहरी सहायक निरीक्षक आधारभूत तालिम  सम्पन्न भएको छ । कार्यक्रममा प्रहरी महानिरीक्षक सिंहले तालिममा सहभागी उत्कृष्ट प्रशिक्षार्थीहरुलाई पुरस्कार, प्रमाणपत्र तथा उत्कृष्ट प्रशिक्षकहरुलाई नगद पुरस्कार वितरण गर्नुभयो । सो अवसरमा प्रहरी महानिरीक्षक सिंहले नेपाल प्रहरीले कठिन र चुनौतीपूर्ण घडीमा राष्ट्रले सुम्पिएको जिम्मेवारीलाई कुशलतापूर्वक निर्वाह गर्दै आएको बताउनुभयो । जिम्मेवारी निर्वाहका क्रममा विषम् परिस्थितिमा पनि धैर्यवान रही नेपाल प्रहरीले आफूलाई उत्कृष्ट सावित गर्दै आएको उल्लेख गर्दै उहाँले भन्नुभयो, “गौरवमय इतिहास बोकेको संगठनका सदस्य हुनु पाउनु आफैंमा सम्मानको विषय हो । तसर्थ नव-प्रवेशी प्रहरी अधिकृतहरूलाई प्रहरी सेवालाई केवल पेशाको रुपमा मात्र नलिई राष्ट्र र नागरिक सेवामा आफ्नो विशिष्ट पहिचान बनाउन निर्देशन गर्दछु ।”  प्रहरी महानिरीक्षक सिंहले हिंसाजन्य एवम् अमानवीय व्यवहारलाई समाजमा कुनै स्थान दिन नहुने र कुरीतिजन्य आचरण तथा व्यवहारले समाजको सुन्दरतालाई कुरूप पार्ने उल्लेख गर्दै आम नागरिकलाई न्याय र आत्मसम्मानको अनुभूति गराई नेपाल प्रहरी नागरिक आस्था र भरोसाको केन्द्रको रुपमा स्थापित हुने गरी काम गर्ने समेत आग्रह गर्नुभयो । कुनै पनि प्रकारका अवाञ्छित गतिविधि, गैरकानुनी क्रियाकलापलाई निर्ममतापूर्वक नियन्त्रण र निस्तेज गरी कानुनी राज्यको प्रवर्द्धन गर्न दृढ संकल्पित रही आफ्नो कर्तव्यको दौरानमा त्यसको पूर्ण कार्यान्वयन गर्न उहाँले प्रशिक्षार्थीहरूलाई निर्देशन दिनुभयो । प्रहरी महानिरीक्षक सिंहले प्रहरी कर्मचारीको वृत्ति विकासलाई मध्यनजर गरी संगठनले विभिन्न विश्वविद्यालय र तालिम संस्थाहरूसँग सहकार्यको थालनी गरेकोले आगामी दिनमा प्रविधिको प्रयोग, भौतिक पूर्वाधारको उल्लेख विकास, स्रोतसाथन र उचित तालिमको अवसरले प्रहरीको व्यावसायिकतामा थप निखार थपिने विश्वास व्यक्त गर्नुभयो ।  कार्यक्रममा शिक्षालयका निर्देशक प्रहरी नायव महानिरीक्षक सन्दिप भण्डारीले शब्द उच्चारणबाट प्रशिक्षार्थीहरुलाई शपथ ग्रहण गराउनुका साथै धन्यवाद ज्ञापन समेत व्यक्त गर्नुभएको थियो । तालिम संयोजक प्रहरी उपरीक्षक प्रकाश मल्लले तालिम सम्बन्धी प्रतिवेदन प्रस्तुत गर्दै २०७८ असोज १३ गतेदेखि संचालित उक्त तालिममा ३८ जना महिला सहित कुल ५ सय १ जना प्रशिक्षार्थीहरु दीक्षित भएको जानकारी दिनुभयो । कार्यक्रममा दीक्षित प्रहरी सहायक निरीक्षकहरूलाई आ-आफ्ना अभिभावकहरूले दर्ज्यानी चिन्ह सुशोभन गर्नुभएको थियो ।   उक्त समारोहमा राष्ट्रिय प्रहरी प्रशिक्षण प्रतिष्ठान महाराजगंजका कार्यकारी निर्देशक प्रहरी अतिरिक्त महानिरीक्षक सहकुल थापा, जिल्ला अदालत चितवनका न्यायाधीस रितेन्द्र थापा, राष्ट्रिय भूमि आयोग चितवन जिल्ला समितिका अध्यक्ष बद्री तिमिल्सिना, नेपाल प्रहरी श्रीमती संघकी अध्यक्ष कुसुम लता सिंह, बागमती प्रदेश प्रहरी कार्यालयका प्रमुख प्रहरी नायब महानिरीक्षक किरण बज्राचार्य, अवकाश प्राप्त प्रहरी नायब महानिरीक्षक ज्ञानेन्द्र विक्रम महत, विभिन्न सरकारी तथा गैह्र साकारी कार्यालयका कार्यालय प्रमुख  तथा अन्य आमन्त्रित महानुभावहरुको समेत उपस्थिति रहेको थियो ।

गैंडाको खाग सहित पक्राउ
२०७९-०६-०९

काठमाडौं, टोखा नगरपालिका-९ नयाँबसपार्कस्थित न्यू रुकुम गेष्टहाउसबाट गैंडाको खाग १ थान सहित २ जनालाई आइतबार दिउँसो प्रहरीले पक्राउ गरेको छ । पक्राउ पर्नेहरुमा दोलखा गौरी शंकर गाउँपालिका-४ घर भएका २४ वर्षीय प्रकाश खत्री र रुकुम उत्तर गंगा गाउँपालिका-८ घर भएका ३९ वर्षीय प्रेम कुमारी घर्ती रहेका छन् ।  उक्त गेष्टहाउसमा गैंडाको खाग लुकाई राखेको छ भन्ने विशेष सूचनाको आधारमा प्रहरी वृत्त महाराजगंजबाट खटिएको प्रहरीले गेष्टहाउसमा तलासी गर्ने क्रममा लुकाई छिपाई राखेको अवस्थामा उक्त गैंडाको खाग सहित फेला पारी उनीहरुलाई पक्राउ गरेको हो ।    यस सम्बन्धमा प्रहरीले आवश्यक अनुसन्धान गरिरहेको छ । 

अवैध रुपमा लैजान लागेको अमेरिकी तथा अष्ट्रेलियन डलर सहित पक्राउ
२०७९-०६-०९

काठमाडौं, काठमाडौं महानगरपालिका-९ त्रिभुवन अन्तराष्ट्रिय बिमानस्थलबाट अवैध रुपमा लुकाई लैजान लागेका अमेरिकी डलर १ सय  दरको १ सय ५७ थान र अस्ट्रेलियन डलर १ सय दरको ५ सय ८४ थान सहित थाइल्याण्ड नागरिक राहदानी ३८ वर्षीय  PONGPHOJ SINSUWAN लाई शनिबार राति पक्राउ गरेको छ ।   फ्लाई दुबईको उडानद्वारा काठमाडौंबाट दुबई जान लागेका उनलाई विमानस्थलको अन्तर्राष्ट्रिय उडानतर्फको प्रस्थान ह्‍याण्ड ब्यागेज चेकिङ एरियाको एक्सरे मेसिनमा जाँच गर्ने क्रममा उनले बोकी आएको ह्‍याण्ड ब्यागभित्र उक्त नगद फेला पारी प्रहरीले पक्राउ गरेको हो ।  उनलाई आवश्यक अनुसन्धान तथा कानूनी कारवाहीका लागि प्रहरी वृत्त गौशालामा पठाएको छ । 

लुटपाट गरेको अभियोगमा पक्राउ
२०७९-०६-०९

ईलाम, माई नगरपालिका-४ कामिटार बस्ने ८० वर्षीया वृद्धा महिलाको सुनको मारबाडी २ थान र नाकको बुलाकी १ थान र नगद ४४ हजार ३ सय १३ रुपैयाँ लुटपाट गरेको अभियोगमा ३ जनालाई आइतबार बिहान प्रहरीले पक्राउ गरेको छ ।  पक्राउ पर्नेहरूमा झापा मेचिनगर नगरपालिका-३ बस्ने २५ वर्षीय कुमार मगर, सोही ठाउँ बस्ने ३१ वर्षीय मनोराज राई र देउमाई नगरपालिका-७ बस्ने ३४ वर्षीय सन्तोष मगर रहेका छन् । ती वृद्धालाई बाँधी कानमा लगाएको उक्त सुन र नगद लुटपाट गरी फरार भएको भन्ने खबर प्राप्त हुनासाथ प्रहरी चौकी लोदिया दानाबारीबाट खटिएको प्रहरीले लुटपाटमा संलग्न उनीहरूलाई लुटपाट भएको उक्त सुन र नगद सहित सोही नगरपालिका-४ दाहालटार सुखानी सामुदायिक वनबाट पक्राउ गरेको हो ।   यस सम्बन्धमा प्रहरीले आवश्यक अनुसन्धान गरिरहेको छ ।

जुवातास खेलिरहेको अवस्थामा छुट्टाछुट्टै स्थानबाट ३५ जना पक्राउ
२०७९-०६-०९

काठमाडौं, कागेश्वरी मनोहरा नगरपालिका-६ मुलपानी बस्ने २८ वर्षीय राम हरि भण्डारीको टहराभित्र जुवातास खेलिरहेको अवस्थामा सोही ठाउँ बस्ने ४० वर्षीय अशोक राना लगायत ५ जनालाई शनिबार दिउँसो प्रहरीले पक्राउ गरेको छ । प्रहरी वृत्त बौद्धबाट खटिएको प्रहरीले उनीहरूलाई नगद १लाख ५६ हजार १ सय रुपैयाँ, १ बुक तास र १३ थान मोबाइल सहित पक्राउ गरेको हो । यसैगरी काठमाडौं, बुढानिलकण्ठ नगरपालिका-११ कपन प्रगति चोक बस्ने लब्जी बहादुर कार्कीको घरमा जुवातास खेलिरहेको अवस्थामा सोही नगरपालिका-१२ कपन बस्ने ५२ वर्षीय चन्द्र बहादुर लामा लगायत ६ जनालाई शनिबार साँझ प्रहरीले पक्राउ गरेको छ । प्रहरी प्रभाग कपनबाट खटिएको प्रहरीले उनीहरूलाई नगद २ लाख ८२ हजार ३ सय ५ रूपैयाँ र ६ बुक तास सहित पक्राउ गरेक हो ।  यसैगरी काठमाडौं, बुढानिलकण्ठ नगरपालिका-११ कपन गुरुङटोल बस्ने गोमे गरुङको टहरामा जुवातास खेलिरहेको अवस्थामा सोही ठाउँ बस्ने रामेछाप घर भएका ५३ वर्षीय शिव बहादुर गुरुङ लगायत ८ जनालाई शनिबार दिउँसो प्रहरीले पक्राउ गरेको छ । प्रहरी प्रभाग कपनबाट खटीएको प्रहरीले उनीहरूलाई नगद ६३ हजार ५ सय २५ रूपैयाँ र ३  बुक तास सहित पक्राउ गरेको हो ।  भक्तपुर, सूर्यविनायक नगरपालिका-८ सिपाडोल बस्ने ६५ वर्षीय बलराम थापाको घरमा जुवातास खेलिरहेको अवस्थामा बलराम लगायत ७ जनालाई शनिबार दिउँसो प्रहरीले पक्राउ गरेको छ । प्रहरी वृत्त जगातीबाट खटिएको प्रहरीले उनीहरूलाई नगद ६४ हजार ८ सय ८० रूपैयाँ र ३ बुक तास सहित पक्राउ गरेको हो । कास्की, पोखरा महानगरपालिका-१० बुद्धचोक बस्ने ४५ वर्षीय कुमार कार्कीको युएण्डमी रेष्टुरेन्टमा जुवातास खेलिरहेको अवस्थामा सोही ठाउँ बस्ने ४६ वर्षीय मिलेन्द्र कुमार रन्जित लगायत ९ जनालाई शनिबार दिउँसो प्रहरीले पक्राउ गरेको छ । वडा प्रहरी कार्यालय रामबजारबाट खटिएको प्रहरीले उनीहरूलाई नगद २ लाख १५ हजार २ सय ५० रूपैयाँ, १ थान सिसिटिभि क्यामेराको हार्डडिक्स, १ थान मनिटर र ४ बुक तास सहित पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ । 

अवैध लागूऔषध सहित पक्राउ
२०७९-०६-०९

 पर्सा, वीरगंज महानगरपालिका-१६ रजतजयन्ती चोकबाट अवैध लागूऔषध गाँजा करिब ३ किलो सहित भारत घर भएका ७० वर्षीय ब्रहमबाबा केवटलाई शनिबार दिउँसो प्रहरीले पक्राउ गरेको छ । प्रहरी चौकी ईनर्वाबाट खटिएको प्रहरीले उनलाई उक्त गाँजा सहित पक्राउ गरेको हो ।  यसैगरी पर्सा, वीरगंज महानगरपालिका-१६ शंकराचार्य गेटबाट अवैध लागूऔषध सेतो हेरोइन जस्तो देखिने पदार्थ ५ सय मिलिग्राम र नाइट्राभेट १२ ट्याब्लेट सहित भारत घर भएका १९ वर्षीय आशिष शर्मालाई शनिबार दिउँसो प्रहरीले पक्राउ गरेको छ । लागूऔषध नियन्त्रण व्यूरो शाखा कार्यालय वीरगंजबाट खटिएको प्रहरीले भारतबाट नेपालतर्फ आउँदै गरेका उनलाई जाँच गर्ने क्रममा उक्त लागूऔषध सहित फेला पारी पक्राउ गरेको हो ।  मोरङ, रंगेली नगरपालिका-९ पट्वारी टोलस्थित सडकबाट नियन्त्रित लागूऔषध हाइड्रोकलोराइड २ हजार ५ सय ट्याब्लेट र डिसिक्लोमाइन हाइड्रोक्लोराइड ५ सय ट्याब्लेट सहित सोही नगरपालिका-६ बस्ने ४१ वर्षीय सुरेश कुमार साहलाई शनिबार साँझ प्रहरीले पक्राउ गरेको छ । ईलाका प्रहरी कार्यालय दोहमनाबाट खटिएको प्रहरीले को.२४ प ६८०८ नम्बरको मोटरसाइकललाई जाँच गर्ने क्रममा उक्त लागूऔषध सहित फेला पारी मोटरसाइकल चालक साहलाई पक्राउ गरेको हो ।  सिरहा, नरहा गाउँपालिका-३ नयाँ चौहर्वा चोकबाट करिब अवैध लागूऔषध गाँजा ५ किलोग्राम सहित गोलबजार नगरपालिका-१० धर्मपुर टोल बस्ने २६ वर्षीय अनिल मुखिया लगायत ४ जनालाई शनिबार साँझ प्रहरीले पक्राउ गरेको छ ।  लागूऔषध नियन्त्रण व्यूरो सिराहा शाखा र  ईलाका प्रहरी कार्यालय मिर्चैयाबाट खटिएको प्रहरीले स.९ प ६६७१ नम्बरको मोटरसाइकललाई जाँच गर्ने क्रममा उक्त लागूऔषध सहित फेला पारी उनीहरूलाई पक्राउ गरेको हो ।   यस सम्बन्धमा प्रहरीले थप अनुसन्धान गरिरहेको छ । 

अवैध लागूऔषध सहित पक्राउ
२०७९-०६-०८

मकवानपुर, हेटौंडा उपमहानगरपालिका-११ थानाभर्‍याङबाट करिब २० किलो अवैध लागूऔषध गाँजा सहित ३ जनालाई शुक्रबार दिउँसो प्रहरीले पक्राउ गरेको छ । पक्राउ पर्नेहरूमा सोही उपमहानगरपालिका-१९ बस्ने ६० वर्षीय प्रेम बहादुर थिङ, सोही उपमहानगरपालिका-३ बसामाडी बस्ने ४० वर्षीया कबिता थिङ र ३६ वर्षीय सिरसानी मोक्तान रहेका छन् । बसामाडीबाट हेटौंडातर्फ जाँदै गरेको ना.२ ह २३६३ नम्बरको अटोलाई प्रहरीले जाँच गर्ने क्रममा उक्त लागूऔषध सहित फेला पारी अटोका चालक प्रेम सहित उनीहरुलाई पक्राउ गरेको हो । सिन्धुली, कमलामाई नगरपालिका-९ भिमानस्थित सडकबाट ५ सय ९८ ट्याब्लेट नियन्त्रित लागूऔषध नाईट्राभेट र  करिब १ ग्राम अवैध लागूऔषध खैरो हेरोइन जस्तो देखिने पदार्थ सहित सोही नगरपालिका-७ बस्ने २५ वर्षीय बिमल बस्नेतलाई शनिबार बिहान प्रहरीले पक्राउ गरेको छ । ईलाका प्रहरी कार्यालय भिमान र जिल्ला प्रहरी कार्यालय सिन्धुलीबाट खटिएको प्रहरीले उनलाई उक्त लागूऔषध सहित फेला पारी पक्राउ गरेको हो ।  यस सम्बन्धमा प्रहरीले आवश्यक अनुसन्धान गरिरहेको छ ।

जुवातास खेलिरहेको अवस्थामा १० जना पक्राउ
२०७९-०६-०८

काठमाडौं, गोकर्णेश्वर नगरपालिका-५ नयाँबस्ती बस्ने माधब गौतमको घरमा जुवातास खेलिरहेको अवस्थामा सिन्धुपाल्चोक पाँचपोखरी गाउँपालिका-७ घर भएका ५२ वर्षीय मिङमार तामाङ समेत ५ जनालाई शुक्रबार दिउँसो प्रहरीले पक्राउ गरेको छ । प्रहरी वृत्त बौद्धबाट खटिएको प्रहरीले उनीहरूलाई नगद ४२ हजार ७ सय ८० रुपैयाँ र ३ बुक तास सहित फेला पारी पक्राउ गरेको हो । भक्तपुर, भक्तपुर नगरपालिका-५ गोलमढी बस्ने अमित ज्याख्वको जुजु नेवा किचेन रेष्टुरेण्टमा जुवातास खेलिरहेको अवस्थामा सोही नगरपालिका-१० कमलबिनायक बस्ने २६ वर्षीय सुदिप वैद्यसमेत ५ जनालाई गएराति प्रहरीले पक्राउ गरेको छ । प्रहरी परिसर भक्तपुरबाट खटिएको प्रहरीले उनीहरूलाई नगद २९ हजार १ सय ९० रुपैयाँ र ४ बुक ताससहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

नेपाल र कोरियाबीच दुई छुट्टाछुट्टै सम्झौता-पत्रमा हस्ताक्षर
२०७९-०६-०७

काठमाडौं,  नेपाल सरकारकोतर्फबाट अर्थ मन्त्रालय र गणतन्त्र कोरिया सरकारकोतर्फबाट गणतन्त्र कोरियाको राजदूतावासबीच “नेपाल प्रहरीको क्षमता अभिवृद्धि सहितको साइबर व्यूरो स्थापना” र “कोरियाबाट नेपाल फर्कने आप्रवासीहरूको स्थिर पुनर्मिलनका लागि चरणबद्ध सहयोग प्रणाली सुदृढ गर्ने” दुई आयोजना कार्यान्वयन सम्बन्धी सम्झौता-पत्रमा हस्ताक्षर भएको छ ।  प्रहरी महानिरीक्षक धिरज प्रताप सिंह एवं नेपाल प्रहरी साइबर ब्यूरोका अधिकृतको समेत उपस्थितिमा अर्थ मन्त्रालयमा शुक्रबार आयोजित कार्यक्रममा नेपाल सरकारकोतर्फबाट अर्थ सचिव कृष्णहरि पुष्कर र गणतन्त्र कोरियाकोतर्फबाट नेपालका लागि गणतन्त्र कोरियाका राजदूत चोड-सुक पार्कले उक्त सम्झौतापत्रमा हस्ताक्षर गर्नुभएको थियो । कार्यक्रममा अर्थ सचिव पुष्करले साइबर अपराधका बढ्दो घटनालाई नियन्त्रण गर्न साइबर व्यूरोलाई सक्षम र सुसज्जित बनाउनका साथै कोरियाबाट फर्केका आप्रवासी कामदारहरूलाई समाजमा पुन:स्थापित गर्न र नेपालमा रोजगारी बढाउनका लागि दुई परियोजना महत्वपूर्ण रहेको विचार व्यक्त गर्नुभयो । कार्यक्रममा गणतन्त्र कोरियाका राजदूत पार्कले विश्वभर र नेपालमा पनि व्यापक रूपमा बढ्दै गएको साइबर अपराधको दरप्रति चिन्ता व्यक्त गर्दै साईबर अपराध नियन्त्रण गर्न नेपाल प्रहरीको क्षमता अभिवृद्धि गर्ने साइबर अपराध नियन्त्रण आयोजनाबाट महत्वपूर्ण सहयोग हुने बताउनुभयो ।  नेपाल प्रहरीको साइबर अपराध विरूद्धको क्षमतालाई सुदृढ गर्नुका साथै साइबर व्यूरोको अत्याधुनिक भवन निर्माण, साइबर अपराध अनुसन्धानसँग सम्बन्धित उपकरण तथा डिजिटल फरेन्सिक ल्याब उपलब्ध गराउने र नेपाल प्रहरीको सम्बन्धित जनशक्तिको क्षमता अभिवृद्धि गर्ने आयोजनाको मुख्य उद्देश्य रहेको छ । प्रत्येक आयोजनाका लागि ८० लाख अमेरिकी डलरका दरले कोरिया सरकारले नेपाललाई कुल १ करोड ६० लाख अमेरिकी डलर (लगभग २ अर्ब रुपैयाँ) अनुदान सहायता उपलब्ध गराउने छ ।  कोरिया अन्तर्राष्ट्रिय सहयोग संस्था (KOICA) ले सम्बन्धित मन्त्रालय र अन्य सरकारी निकायहरूसँगको सहकार्य र समन्यवमा आयोजनाहरू कार्यान्वयन गर्नेछ ।

नवौँ राष्ट्रिय खेलकुद प्रतियोगिता २०७९ को रनिङ ट्रफि प्रदर्शन कार्यक्रम सम्पन्न
२०७९-०६-०७

काठमाडौं,  नेपाल प्रहरी खेलकुद समितिका अध्यक्ष तथा प्रहरी महानिरीक्षक धिरज प्रताप सिंहको प्रमुख आतिथ्यमा नवौँ राष्ट्रिय खेलकुद प्रतियोगिता २०७९ को रनिङ ट्रफि प्रदर्शन कार्यक्रम नेपाल प्रहरी प्रधान कार्यालयको प्राङ्गणमा शुक्रबार सम्पन्न भएको छ ।  कार्यक्रममा प्रहरी महानिरीक्षक सिंहले उक्त ट्रफि प्रदर्शन गर्दै प्रतियोगितामा सहभागी हुन लागेका खेलाडीहरूलाई ट्रफि प्रदर्शनीले प्रतियोगितामा उत्कृष्ट प्रदर्शन गरी विजय हाँसिल गर्न प्रेरणा मिल्ने आशा व्यक्त गर्नुभयो । राष्ट्रिय खेलकुद असोज २८ गतेदेखि औपचारिक रूपमा शुरु हुने भएतापनि हालै सम्पन्न भएको पुरूष क्रिकेटमा नेपाल प्रहरीको क्रिकेट टिमले स्वर्ण पदक जितेर उत्कृष्ट सुरूवात गरिसकेको उहाँले बताउनुभयो । प्रहरी महानिरीक्षक सिंहले प्रतियोगितामा हुने खेलहरूमा नेपाल प्रहरीमा आबद्ध खेलाडीहरूले उत्कृष्ट प्रदर्शन गरी नेपाल प्रहरीको गरिमा उच्च राख्न शुभेच्छा व्यक्त गर्नुको साथै खेलमा सहभागी हुने अन्य १० टिमलाई समेत सफलताको लागि शुभकामना व्यक्त गर्नुभयो । राष्ट्रिय खेलकुदलाई सफल बनाउनु हामी सबैको दायित्व भएकोले नेपाल प्रहरीबाट पूर्ण सहयोग रहने प्रतिवद्धता उहाँले व्यक्त गर्नुभयो ।   कार्यक्रममा नेपाल ओलम्पियन संघका अध्यक्ष तथा रनिङ ट्रफी टुर कार्यदलका संयोजक दिपक बिष्टले ट्रफि टुरमा नेपाल प्रहरीले पुर्‍याएको सहयोगप्रति कृतज्ञता व्यक्त गर्दै हालसम्म ३ वटा प्रदेश, नेपाली सेना र नेपाल प्रहरीमा ट्रफि प्रदर्शनी गरिएको जानकारी गराउनुभयो । नेपाल प्रहरीसँगको समन्वयमा खेलकुद सम्बन्धी कार्यहरू गर्दै आएको स्मरण गर्दै खेलकुदको माध्यमबाट नेपाल प्रहरीले राष्ट्रका लागि पुर्‍याएको योगदानको प्रशंसा गर्नुभयो ।  राष्ट्रिय खेलकुद परिषद्को आयोजनामा २०७९ असोज २८ गतेदेखि कात्तिक ३ गतेसम्म ‘एकताबद्ध देश, खेलकुदको सन्देश’ भन्ने मूल नाराका साथ गण्डकी प्रदेशमा सञ्चालन हुने नवौँ राष्ट्रिय खेलकुद प्रतियोगिता २०७९ को अवसरमा उक्त प्रदर्शनी कार्यक्रम गरिएको हो । कार्यक्रममा प्रहरी अतिरिक्त महानिरीक्षकहरू, प्रहरी नायव महानिरीक्षकहरू, रनिङ ट्रफि टुर कार्यदलका सदस्यहरू दिपक श्रेष्ठ, अरूणा शाही र मिरा राई तथा नेपाल प्रहरीको प्रतिनिधित्व गरी राष्ट्रिय खेलकुदमा सहभागी हुन लागेका खेलाडीहरू, वरिष्ठ प्रहरी अधिकृहरू लगायतको उपस्थिति रहेको थियो । 

चोरी मुद्दाका फरार प्रतिवादी पक्राउ
२०७९-०६-०७

काठमाडौं,  चोरी मुद्दाका फरार प्रतिवादी गोकर्णश्वर नगरपालिका-६ जोरपाटी ठेगाना भएका ४३ वर्षीय राजु तामाङलाई बिहीबार प्रहरीले पक्राउ गरेको छ ।  काठमाडौं महानगरपालिका-३२ कोटेश्वरस्थित घरबाट नगद, घडी, सुनचाँदीका गहनाहरू समेत गरी १५ लाख ८४ हजार रुपैयाँ बराबरको धनमाल २०७९ वैशाख १५ गते चोरी भएको घटनाको अनुसन्धानको क्रममा काठमाडौं उपत्यका अपराध अनुसन्धान कार्यालयबाट खटिएको प्रहरीले काठमाडौं महानगरपालिका-७ चावहिलबाट नगद, सुन जस्तो देखिने सिक्री तथा फलामको रड सहित फेला पारी उनलाई पक्राउ गरेको हो ।   राजुलाई यस अघि विभिन्न मितिमा चोरी मुद्दामा जिल्ला अदालत ललितपुरबाट कैद तथा जरिवाना, चोरी मुद्दामा जिल्ला अदालत काठमाडौंबाट ५ वर्ष कैद र नगद ५० हजार रूपैयाँ जरिवाना र उच्च अदालत पाटनबाट ३ वर्ष कैद र नगद ३० हजार रुपैयाँ जरिवाना हुने ठहर  भएकोमा उनी २०७८ असोज ३ गते कैद भुक्तान गरी छुटेको खुल्न आएको छ ।  उनलाई थप अनुसन्धान तथा कानूनी कारवाहीका लागि प्रहरी वृत्त बानेश्वर पठाइएको छ ।

अवैध लागूऔषध सहित पक्राउ
२०७९-०६-०७

सिरहा, सिराहा नगरपालिका-१६ काली चोकबाट अवैध लागू औषध नाइट्राभेट १५ पिस, स्पास्मो ८ पिस र कोरेक्स जस्तो देखिने तरल पदार्थको ६ सय एमएलको १ थान डिब्बा सहित २ जनलाई शुक्रबार बिहान प्रहरीले पक्राउ गरेको छ । पक्राउ पर्नेहरुमा उदयपुर त्रिवेणी गाउँपालिका-८ बस्ने सुरेश कुमार धमला र कटारी नगरपालिका-२ बस्ने ३६ वर्षीय ईश्वर खत्री रहेका   छन् ।  ईलाका प्रहरी कार्यालय माडरबाट खटिएको प्रहरीले स.९ प ५१० नम्बरको मोटरसाइकललाई जाँच गर्ने क्रममा उक्त लागूऔषध सहित फेला पारी मोटरसाइकल चालक सुरेश कुमार र मोटरसाइकलमा सवार ईश्वरलाई पक्राउ गरेको हो ।   यस सम्बन्धमा प्रहरीले आवश्यक अनुसन्धान गरिरहेको छ । 

आपराधिक कार्यहरूलाई रोकथाम र नियन्त्रण गर्न प्रहरी कर्मचारीहरूलाई नियमित एवम् विशिष्टिकृत तालिमहरू प्रदान गर्न आवश्यक - गृहमन्त्री बालकृष्ण खाण
२०७९-०६-०७

काभ्रेपलाञ्चोक, गृहमन्त्री बालकृष्ण खाणले समाजमा नयाँ-नयाँ अपराध र आपराधिक प्रकृतिहरूको विकास भइरहेको र शान्ति सुरक्षा तथा अपराध अनुसन्धानको दायरा समेत फराकिलो हुँदै गईरहेको अवस्थामा यस्तो परिवेश र परिस्थितिसँग जोडिएर आउने सुरक्षा र आपराधिक कार्यहरूलाई रोकथाम र नियन्त्रण गर्न प्रहरी कर्मचारीहरूलाई नियमित एवम् विशिष्टिकृत तालिमहरू प्रदान गर्न आवश्यक रहेको बताउनुभएको छ ।  भारत सरकारको आर्थिक अनुदानमा काभ्रेपलाञ्चोक पनौतिस्थित राष्ट्रिय प्रहरी प्रशिक्षण प्रतिष्ठान परियोजना निर्माण कार्य शुरूवातको लागि शुक्रबार आयोजित भूमि पूजन समारोहलाई सम्बोधन गर्दै गृहमन्त्री खाणले उक्त कुरा बताउनुभएको हो । समारोहमा गृहमन्त्री बालकृष्ण खाण तथा नेपालका लागि भारतीय राजदूत नवीन श्रीवास्तवले संयुक्त रूपमा राष्ट्रिय प्रहरी प्रशिक्षण प्रतिष्ठान परियोजना काभ्रेको भूमि पूजन गर्नुभएको थियो ।  सम्बोधनको क्रममा गृहमन्त्री खाणले समाजमा हुने विभिन्न प्रकारका अपराधहरूको रोकथाम, नियन्त्रण तथा अनुसन्धान गर्ने र देशको आन्तरिक शान्ति सुरक्षा कायम गर्ने महत्वपूर्ण र जटिल जिम्मेवारी पूरा गर्न नेपाल प्रहरीका कर्मचारीहरूको क्षमता अभिवृद्धि गर्न गुणस्तरीय प्रशिक्षण महत्वपूर्ण हुने उल्लेख गर्दै प्रशिक्षणको माध्यमद्वारा प्रहरी  कर्मचारीहरूको  दक्षता अभिवृद्धि गरी समग्र प्रहरी संगठनको क्षमता विकास हुने र समष्टिगत रुपमा सिंगो संगठनको उत्पादकत्व वृद्धि हुने बताउनुभयो । भारत सरकारको अनुदान सहयोगमा निर्माण हुने उक्त प्रतिष्ठानले दक्ष र सक्षम प्रहरी जनशक्ति उत्पादन गरी जनअपेक्षा बमोजिम गुणस्तरीय र भरपर्दो प्रहरी सेवा प्रदान गर्न निकै महत्वपूर्ण भूमिका खेल्ने बताउँदै नेपाल प्रहरीको तालिमको गुणस्तर वृद्धि गरी नेपाल प्रहरीका अधिकृतहरूलाई अन्तर्राष्ट्रिय, अत्याधुनिक र गुणस्तरीय बनाउन मद्दत गर्नुका साथै नेपाल प्रहरीमा सकारात्मक परिवर्तनको लागि महत्वपूर्ण सावित हुने विश्वास उहाँले व्यक्त गर्नुभयो ।  गृहमन्त्री खाणले नेपाल र भारतबीचको सम्बन्ध सदियौंदेखि निरन्तर सौहार्द र सुमधुर रहेको, दुवै राष्ट्रबीच राजनीतिक, व्यापारिक, आर्थिक, सामाजिक, साँस्कृतिकलगायत हेरक क्षेत्रमा साथ र सहयोग रहेको चर्चा गर्दै नेपाल र भारतबीचको सम्बन्धलाई थप मजबुत बनाउने कार्यमा भारतीय सहयोगमा निर्माण हुन गइरहेको परियोजनाले इँटा थप्ने कार्य गरेको उल्लेख गर्नुभयो । यस परियोजना नेपाल प्रहरीको लागि एक गौरवशाली र महत्वपूर्ण परियोजनाको रूपमा रहेको बताउँदै उहाँले परियोजना सम्पूर्ण निर्माण कार्य समय सीमाभित्रै सम्पन्न होस् भन्ने शुभेच्छा व्यक्त गर्नुभयो । साथै यस परियोजना निर्माणमा सहयोगको लागि भारत सरकार, भारतीय दूतावास काठमाडौं, स्थानीय सरकार, सम्बद्ध अन्य निकाय तथा पदाधिकारीहरू र स्थानीयबासीलाई धन्यवाद दिँदै परियोजनामा आवद्ध निर्माण व्यवसायी कम्पनीलाई कार्य सफलताको शुभकामना व्यक्त गर्नुभयो । सो अवसरमा भारतीय राजदूत नवीन श्रीवास्तवले नेपाल र भारतबीच राम्रो सम्बन्ध रहेको चर्चा गर्दै नेपाल र भारतबीच भौतिक संरचना निर्माण लगायत शिक्षा तथा स्वास्थ्य क्षेत्रमा समेत आपसी सहयोग हुँदै आएको बताउनुभयो । यस परियोजना निर्माण पनि भारत र नेपालबीचको आपसी सहयोग र सम्बन्धको उदाहरण रहेको उल्लेख गर्दै उहाँले आगामी दिनमा राष्ट्रिय प्रहरी प्रशिक्षण प्रतिष्ठानबाट संचालन हुने विभिन्न तालिमहरू तथा आवश्यक प्रविधिको सहयोगको लागि भारतीय दूतावास सदैव तयार रहने प्रतिवद्धता व्यक्त गर्नुभयो ।   सो अवसरमा प्रहरी महानिरीक्षक धिरज प्रताप सिंहले धन्यवाद मन्तव्य व्यक्त गर्दै राष्ट्रिय प्रहरी प्रशिक्षण प्रतिष्ठान परियोजना निर्माण कार्य नेपाल प्रहरीको ड्रिम प्रोजेक्टको रूपमा रहेको बताउनुभयो । साथै उहाँले आधुनिक भौतिक संरचनाको अभावले अन्तर्राष्ट्रिय स्तरको तालिमहरू संचालन गर्न नसकिएको उल्लेख गर्दै यस परियोजना निर्माण पश्चात अन्तर्राष्ट्रिय स्तरको तालिमहरू समेत संचालन गर्नमा यस परियोजना कोसेढुंगो सावित हुने विश्वास व्यक्त गर्नुभयो ।  २५ नोभम्बर २०१४ मा तत्कालीन प्रधानमन्त्री सुशिल कोइराला र भारतीय प्रधानमन्त्री नरेन्द्र मोदीबीच राष्ट्रिय प्रहरी प्रशिक्षण प्रतिष्ठान निर्माण गर्ने सम्बन्धमा भएको MOU र भर्चुअल माध्यमबाट गरिएको शिलान्यास कार्यक्रम विभिन्न चरणमा हुँदै कार्यान्वयनको अवस्थामा आइपुगेको हो । Central Public Works Department (CPWD) Govt. of India सल्लाहकार रहेको उक्त परियोजना सन् १२ जुलाई २०२५ सम्ममा अनुमानित १० अर्ब १ करोड ५१ लाख १ रूपैयाँ लगातमा निर्माण कार्य सम्पन्न गर्ने लक्ष्य रहेको कार्यक्रममा जानकारी दिइयो ।  कार्यक्रममा गृहसचिव विनोद प्रकाश सिंह, जिल्ला समन्वय समिति काभ्रेपलाञ्चोकका प्रमुख, धुलिखेल नगरपालिकाका प्रमुख, पनौति नगरपालिकाका प्रमुख, प्रहरी अतिरिक्त महानिरीक्षकहरू, धुलिखेल, बनेपा तथा पनौति नगरपालिकाका उपप्रमुखहरू, प्रहरी नायव महानिरीक्षकहरू, भारतीय राजदूतावासका पदाधिकारीहरू,काभ्रे जिल्लाका प्रमुख जिल्ला अधिकारी, जिल्ला सुरक्षा समितिका पदाधिकारीहरू, वरिष्ठ प्रहरी अधिकृतहरू, स्थानीय जनप्रतिनिधिहरू, सञ्चारकर्मीहरु लगायत आमन्त्रित महानुभावहरुको उपस्थिति रहेको थियो ।  

नक्कली शैक्षिक प्रमाणपत्र सहित नौ जना पक्राउ
२०७९-०६-०७

काठमाडौं, काठमाडौंका विभिन्न स्थानबाट नक्कली शैक्षिक प्रमाणपत्र सहित ९ जनालाई प्रहरीले पक्राउ गरेको छ । पक्राउ पर्नेहरूमा पाँचथर मितलाजुन गाउँपालिका-६ घर भई झापा दमक नगरपालिका-५ बस्ने २५ वर्षीय समिर राई, कास्की पोखरा महानगरपालिका-१० घर भएका ४० वर्षीय अरूण कार्की, नुवाकोट बेलकोटगढी नगरपालिका-९ घर भई काठमाडौं टोखा नगरपालिका बानियाटार बस्ने २५ वर्षीया राधिका तामाङ, स्याङजा चापाकोट गाउँपालिका-२ घर भई काठमाडौं बसुन्धारा बस्ने ३८ वर्षीया सबिता श्रेष्ठ, झापा मेचीनगर नगरपालिका-६ घर भएका ४६ वर्षीय बिदुर प्याकुरेल, काठमाडौं कागेश्वरी नगरपालिका घर भएका २१ वर्षीय सुरज राज खत्री, अछाम मंगलसेन नगरपालिका-१२ घर भएका २७ वर्षीय वीरेन्द्र बहादुर रावल, झापा विर्तामोड नगरपालिका-५ घर भएका ४० वर्षीय दिनेश प्रसाई र दमक नगरपालिका-८ घर भएका ४८ वर्षीय सूर्य बहादुर श्रेष्ठ रहेका छन् ।   नेपालस्थित अमेरिकन दुतावासमा  ईडीभी २०२१ को नतिजामा नाम निकालेका तर भिसा प्रक्रियाका लागि आवश्यक शैक्षिक योग्यता प्राप्त नगरेका केही व्यक्तिहरुले भिसा प्रयोजनको लागि १०+२ को नक्कली एकेडेमिक ट्रान्सकिप्ट बनाई  पेश गरेको भन्ने सूचनाको आधारमा अमेरिकी दूतावाससँगको समन्वयमा काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले उक्त नक्कली एकेडेमिक ट्रान्सकिप्ट सहित शैक्षिक प्रमाणपत्र बनाउने कार्यमा संलग्न दिनेश र सूर्य बहादुरलाई ईलाका प्रहरी कार्यालय दमक झापा र ईलाका प्रहरी कार्यालय अनारमनी झापाको समन्वयमा पक्राउ गरेको हो । उनीहरुलाई लिखत सम्बन्धि कसूरमा आवश्यक कारबाहीका लागि जिल्ला प्रहरी परिसर टेकु काठमाडौंमा पठाइएको  छ । 

अवैध लागूऔषध सहित पक्राउ
२०७९-०६-०७

पर्सा, वीरगंज महानगरपालिका-३१ मिलनचोकबाट अवैध लागूऔषध चरेश जस्तो देखिने धुलो पदार्थ  १ सय ग्राम र गाँजा ५ सय ग्राम सहित सोही ठाउँ बस्ने २४ वर्षीय अजय माझी लगायत २ जनालाई बिहीबार दिउँसो प्रहरीले पक्राउ गरेको  छ । जिल्ला प्रहरी कार्यालय पर्साबाट खटिएको प्रहरीले उनीहरुलाई उक्त लागूऔषध सहित पक्राउ गरेको हो ।  अर्घाखाँची, शितगंगा नगरपालिका-९ भक्कुचोकबाट अवैध लागूऔषध ब्राउन सुगर जस्तो देखिने पदार्थ करिब ४ ग्राम ५ सय १० मिलिग्राम सहित कपिलबस्तु विजयनगर गाउँपालिका-१ बस्ने २७ वर्षीय भगवान दास नाउ लगायत २ जनालाई बिहीबार साँझ प्रहरीले पक्राउ गरेको छ । अस्थायी प्रहरी पोष्ट सातमाराबाट खटिएको प्रहरीले लु.४ प २२ ३३ नम्बरको मोटरसाइकललाई जाँच गर्ने क्रममा उनीहरुलाई उक्त पदार्थ सहित फेला पारी पक्राउ गरेको हो ।  धनुषा, धनुषाधाम नगरपालिका-३ स्थितबाट नियन्त्रित लागूऔषध  १३ पिस नाइट्राभेट र गाँजा करिब ३ सय ५५ ग्राम सहित सोही ठाउँ बस्ने १९ वर्षीय अर्जुन महतो लगायत ३ जनालाई बिहीबार साँझ प्रहरीले पक्राउ गरेको छ । ईलाका प्रहरी कार्यालय धनुषाधामबाट खटिएको प्रहरीले प्रदेश २-०२-००५ प ९४२४ नम्बरको मोटरसाइकललाई जाँच गर्ने क्रममा उनीहरुलाई उक्त लागूऔषध सहित फेला पारी पक्राउ गरेको हो ।  यस सम्बन्धमा प्रहरीले आवश्यक अनुसन्धान गरिरहेको छ । 

तास खेलिरहेको अवस्थामा १३ जना पक्राउ
२०७९-०६-०७

ललितपुर, ललितपुर महानगरपालिका-४ नख्खुस्थित बिएण्डबि  रेष्टुरेन्ट एण्ड सेकुवा कर्नरमा तास खेलिरहेको अवस्थामा सोही ठाउँ बस्ने ४१ वर्षीय गोपिलाल सुनार लगायत ५ जनालाई बिहीबार साँझ प्रहरीले पक्राउ गरेको छ । उक्त सेकुवा कर्नरमा  जुवातास खेलिरहेको भन्ने खबर प्राप्त हुनासाथ प्रहरी परिसर ललितपुरबाट खटिएको प्रहरीले उनीहरुलाई नगद १ लाख २५ हजार ५ सय २५ रुपैयाँ र  ३ बुक तास सहित पक्राउ गरेको हो । भक्तपुर, भक्तपुर नगरपालिका-१० कमलविनायक भत्केकोपाटीस्थित चिकेन स्टेशनमा तास खेलिरहेको अवस्थामा सोही ठाउँ बस्ने ३३ वर्षीय रामसुन्दर दुवाल लगायत ८ जनालाई बिहीबार राति प्रहरीले पक्राउ गरेको छ । चिकेन स्टेशनमा तास खेलिरहेको भन्ने खबर प्राप्त हुनासाथ प्रहरी परिसर भक्तपुरबाट खटिएको प्रहरीले उनीहरुलाई नगद २ लाख १४ हजार ९ सय ९५ रुपैयाँ र १ बुक तास सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ । 

मोटरसाइकल चोरी गरेको अभियोगमा पक्राउ
२०७९-०६-०६

दैलेख, गुराँस गाउँपालिका-१ पातल खोला बस्ने भुपेन्द्र बहादुर रामजाली र सोही ठाउँ बस्ने सेते बिकको घरमा राखिएको मोटरसाइकल चोरी गरेको अभियोगमा ४ जनालाई बिहीबार बिहान प्रहरीले पक्राउ गरेको छ । पक्राउ पर्नेहरूमा चामुन्डा बिन्द्रासैनी नगरपालिका-८ बस्ने २० वर्षीय बिनोद शाही, सोही ठाउँ बस्ने २० वर्षीय रितिक शाही, सोही ठाउँ बस्ने २५ वर्षीय दिनेश शाही र सोही नगरपालिका-४ बस्ने १६ वर्षीय किशोर रहेका छन् । भुपेन्द्र बहादुरको घरको बरण्डामा राखेको लु.८० प २०१८ नम्बरको मोटरसाइकल र सेतेको घरभित्र कोलियामा राखिएको क.प्र.०२-००१ प २०९ नम्बरको मोटरसाइकलको ह्यान्डिल लक तोडी तारहरु काटी डाईरेक्ट जडान गरि चोरी गर्दै गरेको भन्ने खबर प्राप्त हुनासाथ प्रहरी चौकी तल्लो ढुङ्गेश्वरबाट खटिएको प्रहरीले मोटरसाइकल चोरी गर्ने कार्यमा संलग्न बिनोदलाई पक्राउ गरेको हो । थप अनुसन्धानको क्रममा मोटरसाइकल चोरीमा संलग्न अन्य व्यक्ति फरार भएको खुल्न आएपछि ईलाका प्रहरी कार्यालय दुल्लुबाट खटिएको प्रहरीले फरार व्यक्तिहरूको खोजी गर्ने क्रममा रितिकलाई पैदल हिँडिरहेको अवस्थामा तथा किशोर र दिनेशलाई भे.४ प ८५८३ नम्बरको मोटरसाइकलमा आउँदै गरेको अवस्थामा फेला पारी पक्राउ गरेको हो ।यस सम्बन्धमा प्रहरीले थप अनुसन्धान गरिरहेको छ ।

कुटपिट गरी आफ्नै श्रीमतीको हत्या गरेको अभियोगमा पक्राउ
२०७९-०६-०६

कैलाली, आफ्नै श्रीमती ३३ वर्षीया ललीता नाम्जाली मगरको कुटपिट गरी हत्या गरेको अभियोमगा गौरीगंगा नगरपालिका-५ अण्डैया बस्ने ३६ वर्षीय शेर बहादुर नाम्जाली मगरलाई बिहीबार बिहान प्रहरीले पक्राउ गरेको छ । शेर बहादुरको कुटपिटबाट ललीताको मृत्यु भएको, १७ वर्षीया छोरी गम्भीर घाइते र १२ वर्षीय छोरा सामान्य घाइते भएको भन्ने सूचना प्राप्त हुनासाथ ईलाका प्रहरी कार्यालय मसुरिया र ईलाका प्रहरी कार्यालय मालाखेतीबाट खटिएको प्रहरीले अण्डैया गाउँबाट भागरिरहेको अवस्थामा फेला पारी उनलाई पक्राउ गरेको हो । गम्भीर घाइते छोरीलाई उपचारका लागि सेति प्रादेशिक अस्पताल धनगढीमा पठाइएको छ ।  यस सम्बन्धमा प्रहरीले थप अनुसन्धान गरिरहेको छ । 

गृहसचिव विनोद प्रकाश सिंहबाट नेपाल प्रहरी प्रधान कार्यालय निरीक्षण तथा निर्देशन सम्बोधन
२०७९-०६-०६

काठमाडौं,  गृहसचिव विनोद प्रकाश सिंहले बिहीबार नेपाल प्रहरी प्रधान कार्यालयको अवलोकन भ्रमण तथा निरीक्षण गर्नुभई उपस्थित प्रहरी कर्मचारीहरुलाई निर्देशन समेत दिनुभयो । निरीक्षण भ्रमणका क्रममा गृह सचिवले नेपाल प्रहरी प्रधान कार्यालयस्थित डिजिटल फरेन्सिक ल्याव, पोलिग्राफ शाखा र कमाण्ड सेन्टरको निरीक्षण गर्नुका साथै त्यस सम्बन्धी गतिविधिबारे जानकारी लिनुभयो ।   निरीक्षण पश्चात गृहसचिव सिंहले उपस्थित प्रहरी अधिकृत तथा जवानहरु एवम् भिडियो कन्फेरेन्सबाट सहभागी ७ वटै प्रदेश प्रहरी कार्यालयका प्रमुखहरुलाई निर्देशन सम्बोधन गर्ने क्रममा संगठनको हीत र सुधारको लागि प्राप्त हुने सुझावलाई आफूले गम्भीरतापूर्वक लिई कार्यान्वयनको लागि प्रयास गर्ने बताउँदै संगठनको उद्देश्य र लक्ष्य हासिल गर्न सबै प्रहरी कर्मचारीहरू ऐक्यबद्ध भई प्रतिवद्ध र लगनशील हुन आग्रह गर्नुभयो । आत्महत्या, महिला तथा बालबालिकाविरुद्ध हुने हिंसाप्रति राज्य अत्यन्तै संवेदनशील रहेको बताउँदै त्यस्ता हिंसा न्यूनिकरणको लागि थप प्रभावकारी भूमिका निर्वाह गर्न उहाँले उपस्थित प्रहरी कर्मचारीहरुलाई निर्देशन दिनुभयो । गृहसचिव सिंहले प्रहरी कर्मचारीहरुले उच्चआचरण एवम् ईमानदारिपूर्वक सांगठनिक प्रतिवद्धतामा अविचलित भई जिम्मेवारी वहन गर्न निर्देशन दिँदै नेपाल प्रहरी संगठनको सुदृढिकरण र शुद्धिकरणमा गृह मन्त्रालय सदैव दृढ संकल्पित रहेको  बताउनुभयो । नेपाल सरकारबाट हुने निर्णयहरू र गर्नुपर्ने सहजीकरणमा समन्वयकारी भूमिका निर्वाह गर्ने प्रतिवद्धता व्यक्त गर्दै प्रहरी कर्मचारीको मनोबल वृद्धिका लागि सरूवा, बढुवा र वृत्ति विकास जस्ता विषयलाई स्वच्छ, निष्पक्ष, पूर्वानुमान योग्य बनाउन जरूरी रहेको उहाँले बताउनुभयो ।   गृहसचिव सिंहले प्रभावकारी अपराध अनुसन्धान तथा नियन्त्रण, समाजमा शान्ति स्थापना र मानव अधिकार संरक्षणमा प्रतिवद्ध रहनु र राष्ट्रप्रति समर्पित स्वच्छ प्रहरीको मर्म अनुसार सीमित स्रोत साधनको वावजूद पनि प्रहरी संगठनले अहोरात्र निभाएको भूमिकाको प्रशंसा गर्दै सत्य सेवा सुरक्षणम्‍को मूल नारा सहित प्रहरी संगठनले आफ्नो विशिष्ट योगदान इतिहासका हरेक कालखण्डमा स्थापित गर्दै आएकोमा नेपाल प्रहरीमा आवद्ध सबै कर्मचारीको लागि गौरवको विषय भएको उल्लेख गर्नुभयो । इतिहासको हरेक असजिलो अवस्थामा पनि आफूलाई संयमित राखेर राष्ट्रको सेवा र जनताको सुरक्षामा नेपाल प्रहरीले खेलेको भूमिका अत्यन्तै  सराहनीय रहेको उहाँले उल्लेख गर्नुभयो ।   गृहसचिव सिंहले हरेक विपद्को घटनादेखि लिएर समाजमा हुने विभिन्न क्रियाकलापमा नेपाल प्रहरीले पहिलो पंक्तिमा रही भूमिका निर्वाह गरेको चर्चा गर्दै प्रहरीको क्रियाकलापहरू सहजीकरण एवम् अपराध अनुसन्धान नियन्त्रण तथा रोकथाममा समाज र नागरिकको सहयोग आवश्यक रहेकोले नागरिकसँगको प्रहरी सम्बन्धलाई अझ बढी सुदृढ, सबल र प्रगाढ बनाएर आगाडि बढ्नुपर्नेमा जोड दिनुभयो । विज्ञान र प्रविधिको तीव्र विकाससँगै अपराधका नयाँ नयाँ प्रवृत्ति र शैलीप्रति नेपाल प्रहरी चनाखो रहेको उल्लेख गर्दै प्रहरी संगठनको सुधारका कार्यहरूलाई अगाडि बढाएर प्रहरीको संस्थागत विकासमार्फत प्रभावकारी सेवा प्रदान गर्न विशेष आग्रह गर्नुभयो । आउँदो निर्वाचनलाई शान्तिपूर्ण, सुरक्षित र भयरहित तवरले सम्पन्न गराउन सबै प्रहरी कर्मचारीहरूले अन्य सरोकारवाला निकायसँग आवश्यक समन्वय गरी जिम्मेवारी वहन गर्न अग्रह गर्दै नजिकिँदै गरेको चाडपर्वमा समेत आवश्यक अनुगमन तथा कारवाही प्रकृयालाई अगाडि बढाउन सक्रिय हुनुपर्नेमा जोड दिनुभयो ।   सो अवसरमा धन्यवाद ज्ञापन गर्दै प्रहरी महानिरीक्षक धिरज प्रताप सिंहले गृहसचिव ज्यूबाट प्राप्त अत्यन्तै महत्वपूर्ण, समसामयिक र सान्दर्भिक निर्देशनलाई संगठनले पूर्णरूपमा ऐक्यबद्ध भई अक्षरस पालना गरी नतिजा दिने प्रतिवद्धता व्यक्त   गर्नुभयो । स्थानीय तहको निर्वाचनमा नेपाल प्रहरीले उत्कृष्ट रूपमा जिम्मेवारी वहन गरी सरकारबाट प्रशंसा पाएको स्मरण गर्दै प्रहरी महानिरीक्षक सिंहले आउँदो निर्वाचनलाई स्वच्छ, भयरहित र नागरिकले आफ्नो अधिकार प्रयोग गर्ने वातावरण बनाई सुरक्षा योजना अनुरूप सबै प्रहरी कर्मचारीहरूले मन, वचन र कर्मले ऐक्यबद्ध भई जिम्मेवारी बहन गर्ने उल्लेख गर्नुभयो ।   निर्देशन सम्बोधन कार्यक्रम अघि नेपाल प्रहरीको संस्थागत प्रस्तुतीकरण कार्यक्रममा गृहसचिव विनोद प्रकाश सिंह समक्ष प्रहरी वरिष्ठ उपरीक्षक दान बहादुर कार्कीले नेपाल प्रहरीको परिचय, संगठनको संरचना, मानवश्रोत तथा स्रोत साधन व्यवस्थापन, अपराध अनुसन्धान तथ्याङ्क तथा विश्लेषण, शान्ति सुरक्षा तथा ट्राफिक व्यवस्थापन, प्रहरी कार्यमा प्रविधिको प्रयोग, अन्तर्राष्ट्रिय समन्वय र सहायता, नीति तथा योजना कार्यान्वयनको अवस्था, चुनौति, भावी योजना र अपेक्षा लगायतका विषयमा प्रस्तुतीकरण गर्नुभएको थियो । गृहसचिव सिंह नेपाल प्रहरी प्रधान कार्यालय प्रवेश गर्नुहुँदा उहाँलाई प्रहरी महानिरीक्षक धिरज प्रताप सिंह, प्रहरी अतिरिक्त महानिरीक्षकहरु, प्रहरी नायव महानिरीक्षकहरू लगायत वरिष्ठ प्रहरी अधिकृतहरूले हार्दिक स्वागत गर्नुभएको थियो । उक्त अवसरमा प्रहरी अतिरिक्त महानिरीक्षकहरु, गृह मन्त्रालयका प्रवक्ता सह सचिव फणिन्द्रमणी पोखरेल, प्रहरी नायव महानिरीक्षकहरु एवम् प्रहरी वरिष्ठ अधिकृतहरु लगायत प्रहरी अधिकृत तथा जवानहरुको उपस्थितिको साथै ७ वटै प्रदेश प्रहरी कार्यालयका प्रमुखहरुको भर्चुअल उपस्थिति रहेको थियो ।

हत्या गरेको अभियोगमा नौ जना पक्राउ
२०७९-०६-०६

ईलाम, चुलाचुली गाउँपालिका-५ पकुवामा झापा दमक नगरपालिका-३ बेलडाँगीस्थित भुटानी शर्णार्थी शिविर बस्ने ४४ बर्षीय एलबि भन्ने लाल बहादुर गुरुङको हत्या गरेको अभियोगमा ९ जनालाई प्रहरीले पक्राउ गरेको छ । पक्राउ पर्नेहरूमा इलाम चुलाचुली गाउँपालका-४ का २५ बर्षीय शिब हिङहाङ भन्ने नरेन्द्र दर्जी, २९ बर्षीय झ्याम्ले भन्ने नरेश कुमार याखा, २१ बर्षीय अभिषेक केरुङ, २० बर्षीय सेसे भन्ने सेसेयाङ याखा, ३३ बर्षीय सन्तु भन्ने चन्द्र कुमार यवा, ३५ बर्षीय डम्बर यवा, ३० बर्षीय टिका भन्ने नरेन्द्र तुम्रोक, २६ बर्षीय बिक्रम हिङमाङ र २९ बर्षीय पर्शु राई रहेका छन् । लाल बहादुरलाई बुधबार साँझ १०/१२ जना अपरिचित ब्यक्तिहरुले दमक र चुलाचुली जोड्ने रतुवा खोलाको झोलुङ्गे पुल नजिक खुकुरी र ढुंगा प्रहार गरी गम्भीर घाइते बनाएकोमा बिएण्डसी अस्पताल बिर्तामोडमा उपचारको क्रममा मृत्यु भएको थियो । उक्त घटनाको थप अनुसन्धानको लागि जिल्ला प्रहरी कार्यालय इलामबाट खटिएको प्रहरीले घटनामा संलग्न उनीहरूलाई विभिन्न स्थानमा लुकिछिपी बसेको अवस्थामा फेला पारी पक्राउ गरेको हो । घट्‍ना भएको ३ दिन अगाडि गुरुङले नरेन्द्र तुम्रोकको भाइ सुजन तुम्रोकलाई कुटपिट गरेको घट्‍नाको बदला लिन आरोपीहरुले गुरूङलाई कुटपिट गरी मार्नेसम्मको योजना बनाएको प्रारम्भिक अनुसन्धानको क्रममा खुल्न आएको छ । घटनामा प्रयोग भएको खुकुरी, ढुङ्गाहरु तथा गुरूङले प्रयोग गरेको को.१९ प ३७२५ नम्वरको मोटरसाईकलको समेत प्रहरीले बरामद गरेको छ । घटनामा संलग्न अन्य ब्यक्तिहरूको खोजी गर्नुका साथै यस सम्बन्धमा प्रहरीबाट अनुसन्धान भइरहेको छ । 

अवैध लागूऔषध सहित पक्राउ तथा बरामद
२०७९-०६-०६

  मकवानपुर, मनहरी गाउँपालिका-६ लोथरबाट अवैध लागूऔषध अफिम जस्तो देखिने वस्तु करिब १ किलो ८ सय ग्राम सहित राक्सिराङ गाउँपालिका-४ बस्ने १७ वर्षीय किशोरलाई बुधबार साँझ प्रहरीले पक्राउ गरेको छ । विशेष सूचनाको आधारमा ईलाका प्रहरी कार्यालय मनहरीबाट खटिएको प्रहरीले जाँच गर्ने क्रममा उनलाई उक्त वस्तु सहित फेला पारी पक्राउ गरेको हो ।  यसैगरी मकवानपुर, हेटौंडा उपमहानगरपालिका-११ पुन्यक्षेत्रबाट अवैध लागूऔषध करिब ८० किलोग्राम गाँजा बुधबार राति प्रहरीले बरामद गरेको छ । विशेष सूचनाको आधारमा जिल्ला प्रहरी कार्यालय मकवानपुरबाट खटिएको प्रहरीले ना.८ ख २५४२ नम्बरको गाडी चेकजाँच गर्न खोज्दा प्रहरीलाई देखी चालक गाडी छोडेर फरार भएपछि गाडीमा रहेको उक्त गाँजा प्रहरीले बरामद गरेको हो । हाल फरार रहेका गाडी चालकको प्रहरीले खोजी गरिरहेको छ ।  बारा, जितपुरसिमरा उपमहानगरपालिका-१ पथलैया तिनकुने चोकबाट अवैध लागूऔषध गाँजा ३२ किलोग्राम सहित २ जनालाई बिहीबार बिहान प्रहरीले पक्राउ गरेको छ । पक्राउ पर्नेहरुमा मकवानपुर हेटौंडा उपमहानगरपालिका-१९ बस्तीपुर बस्ने ४१ वर्षीय हिरालाल स्याङतान र ३५ वर्षीया लक्ष्मी मोक्तान रहेका छन् । हेटौंडाबाट सिमरातर्फ जाँदै गरेको ना.१ ह ५८९३ नम्बरको अटोलाई प्रहरी चौकी पथलैयाबाट खटिएको प्रहरीले जाँच गर्ने क्रममा अटो चालक हिरालाल र अटोमा सवार लक्ष्मीलाई उक्त गाँजा सहित फेला पारी पक्राउ गरेको हो ।  मोरङ, रंगेली नगरपालिका-७ निचामारी पुलबाट अवैध लागूऔषध ब्राउन सुगर करिब ३६ ग्राम ७ सय ५० मिलिग्राम सहित २ जनालाई बुधबार साँझ प्रहरीले पक्राउ गरेको छ । पक्राउ पर्नेहरुमा सुनवर्षी नगरपालिका-४ गोपी कामत बस्ने २५ वर्षीय अमित कुमार दास र ३५ वर्षीय निलेश कुमार दास रहेका छन् । ईलाका प्रहरी कार्यालय रंगेलीबाट खटिएको प्रहरीले को.३१ प ४४१४ नम्बरको मोटरसाइकललाई जाँच गर्ने क्रममा उनीहरुलाई उक्त ब्राउन सुगर सहित फेला पारी पक्राउ गरेको हो । चितवन, राप्ती नगरपालिका-५ भण्डारा चोकबाट अवैध लागूऔषध गाँजा करिब ३ सय किलोग्राम बिहीबार बिहान प्रहरीले बरामद गरेको छ । ईलाका प्रहरी कार्यालय भण्डाराबाट खटिएको प्रहरीलाई देख्नासाथ युपी ७८ बीटी ८५७० भारतीय नम्बरप्लेटको ट्रक सोही ठाउँमा छोडेर चालक फरार भएपछि उक्त गाँजा प्रहरीले बरामद गरेको हो । हाल फरार रहेका ट्रक चालकको प्रहरीले खोजी गरिरहेको छ ।  यस सम्बन्धमा प्रहरीले आवश्यक अनुसन्धान गरिरहेको छ । 

अवैध लागूऔषध सहित पक्राउ
२०७९-०६-०५

बर्दिया, बढैयाताल गाउँपालिका-८ रिहारबाट अवैध लागूऔषध ब्राउन सुगर जस्तो देखिने खैरो पदार्थ ६ सय १० मिलिग्राम सहित २ जनालाई बुधबार बिहान प्रहरीले पक्राउ गरेको छ । पक्राउ पर्नेहरुमा बर्दिया गुलरिया नगरपालिका-६ आनन्द टोल बस्ने  ४२ वर्षीय हेमराज गिरी र सोही नगरपालिका-५ सन्तोषी टोल बस्ने ३७ वर्षीय सफल ज्ञवाली रहेका छन् । प्रहरी चौकी कालिकाबाट खटिएको प्रहरीले भे.११ प ४२७८ नम्बरको मोटरसाइकललाई जाँच गर्ने क्रममा मोटरसाइकलमा सवार उनीहरूलाई उक्त पदार्थ सहित फेला पारी पक्राउ गरेको हो ।  यस सम्बन्धमा प्रहरीले आवश्यक अनुसन्धान गरिरहेको छ ।   

अवैध रुपमा भन्सारी छली ल्याउँदै गरेको सुन सहित तीन जना पक्राउ
२०७९-०६-०५

 काठमाडौं महानगरपालिका-९ त्रिभुवन अन्तर्राष्ट्रिय विमानस्थलबाट अवैध रुपमा भन्सार छली ल्याउँदै गरेको १ सय ग्राम सुन सहित ३ जनालाई बुधबार दिउँसो प्रहरीले पक्राउ गरेको छ ।  पक्राउ पर्नेहरुमा मोरङ सुन्दर हरैचा नगरपालिका-९ स्थायी वतन भएका २४ वर्षीय हिमाल पौडेल, सुर्खेत बिरेन्द्रनगर नगरपालिका-१ स्थायी वतन भएका १९ वर्षीय कविन्द्र विश्‍वकर्मा र कालिकोट पलाता गाउँपालिका-७ स्थायी वतन भएका २५ वर्षीय जिवराज बम रहेका छन् । हिमालय एयरलाइन्सको उडानद्वारा दुबईबाट काठमाडौं आएका हिमाल र कविन्द्रलाई  विमानस्थलको अन्तर्राष्ट्रिय आगमन टनेल गेटमा प्रहरीले जाँच गर्ने क्रममा उनीहरुबाट भन्सार छली ल्याएको १/१ थान सिक्री र १/१ थान औंठी गरी उक्त परिमाणको सुन फेला पारी पक्राउ गरेको र सोधपुछको क्रममा उक्त सुन जिवराजले भन्सार छली ल्याउन लगाएको खुल्न आएपछि उनलाई समेत प्रहरीले पक्राउ गरेको हो ।  उनीहरुलाई आवश्यक कारबाहीको लागि त्रिभुवन अन्तर्राष्ट्रिय विमानस्थल भन्सार कार्यालयमा पठाइएको छ ।

चोरीको मोटरसाइकल सहित पक्राउ
२०७९-०६-०५

काठमाडौं महानगरपालिका-६ बौद्ध बस्ने काभ्रेपलाञ्चोक चौंरीदेउराली गाउँपालिका-१ वाङथली घर भएका २७ वर्षीय पेमा तामाङलाई चोरी गरेको मोटरसाइकल सहित सोमबार बिहान प्रहरीले पक्राउ गरेको छ ।   काठमाडौं बालाजु बाइपासस्थित सडक किनारमा पार्किङ गरी राखेको बाग्मती प्रदेश ०२-०२४ प ८५५० नम्बरको मोटरसाइकल गत भदौ ६ गते चोरी भएको भन्ने खबर प्राप्त हुनासाथ काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले उनलाई चोरी गरेको मोटरसाइकलमा नक्कली नम्बरप्लेट नम्बर राखी चलाई राखेको अवस्थामा फेला पारी गोकर्णेश्वर नगरपालिका-६ नयाँवस्तीबाट पक्राउ गरेको हो ।  उनलाई चोरी गरेको उक्त मोटरसाइकल सहित थप अनुसन्धान तथा कारबाहीको लागि प्रहरी वृत्त बालाजु पठाइएको    छ  । 

अवैध लागूऔषध सहित पक्राउ तथा बरामद
२०७९-०६-०५

दैलेख, नारायण नगरपालिका-१ टुडिखेलबाट २ सय ९० मिलिग्राम अवैध लागूऔषध ब्राउनसुगर जस्तो देखिने पदार्थ सहित सोही नगरपालिका-२ कुसाडा बस्ने ३० वर्षीय रोबट सिजापतीलाई मंगलबार साँझ प्रहरीले पक्राउ गरेको छ । जिल्ला प्रहरी कार्यालय दैलेखबाट खटिएको प्रहरीले उनलाई उक्त पदार्थ सहित फेला पारी पक्राउ गरेको हो । कैलाली, गौरीगंगा नगरपालिका-८ बडैपुरबाट करिब ३ ग्राम अवैध लागूऔषध ब्राउनसुगर जस्तो देखिने पदार्थ सहित सोही ठाउँ बस्ने २२ वर्षीय ईन्द्र धामीलाई मंगलबार राति प्रहरीले पक्राउ गरेको छ । प्रदेश प्रहरी कार्यालय धनगढी र ईलाका प्रहरी कार्यालय मसुरियाबाट खटिएको संयुक्त टोलीले उनलाई उक्त पदार्थ सहित फेला पारी पक्राउ गरेको हो । दाङ, तुलसीपुर उपमहानगरपालिका-६ कालिका मन्दिर नजिकबाट  ४ सय ४० मिलिग्राम अवैध लागूऔषध ब्राउनसुगर जस्तो देखिने पदार्थ सहित सोही उपमहानगरपालिका-५ बस्ने २३ वर्षीय मोहम्मद सुहिल लगायत २ जनालाई  मंगलबार राति प्रहरीले पक्राउ गरेको छ । ईलाका प्रहरी कार्यालय तुलसीपुरबाट खटिएको प्रहरीले सोही ठाउँस्थित भिनिला रेष्टुरेन्टको पछाडी रहेको कटेजमा उनीहरूलाई उक्त पदार्थ सहित फेला पारी पक्राउ गरेको हो । तनहुँ, आँबुखैरेनी गाउँपालिका-४ बेनिटारस्थित सडकबाट करिब २२ किलोग्राम अवैध लागूऔषध गाँजा सहित सोही गाउँपालिका-४ बस्ने ३५ वर्षीया जगमाया गुरूङ लगायत ३ जनालाई बुधबार बिहान प्रहरीले पक्राउ गरेको छ । काँकडभिट्टाबाट पोखरातर्फ आउँदै गरेको मे.१ ख ३१९५ नम्बरको बसलाई अस्थाई प्रहरी पोष्ट मुग्लिनबाट खटिएको प्रहरीले जाँच गर्ने क्रममा बसमा सवार उनीहरूलाई उक्त गाँजा सहित पक्राउ गरेको हो ।  बारा, पचरौता नगरपालिका-२ बिष्णपुरस्थित सडकबाट अवैध लागूऔषध गाँजा करिब ५० किलोग्राम मंगलबार बेलुकी प्रहरीले बरामद गरेको छ । हाल नम्बर नखुलेको मोटरसाइकलमा बोरामा राखी नेपालबाट भारततर्फ लैजादै गरेको उक्त गाँजा प्रहरी चौकी पिपरपातीबाट खटिएको प्रहरीलाई देख्नासाथ अपरिचित व्यक्तिले बोरा फालेर फरार भएपछि प्रहरीले बरामद गरेको हो । हाल फरार व्यक्तिको प्रहरीले खोजी गरिरहेको छ । 

जबरजस्ती करणी र सामूहिक करणी मुद्दाका फरार प्रतिवादी पक्राउ
२०७९-०६-०४

काठमाडौं, जबरजस्ती करणी र सामूहिक करणी मुद्दाका फरार प्रतिवादी नुवाकोट पञ्चकन्या गाउँपालिका-३ बस्ने ४३ वर्षीय अर्जुन कार्कीलाई मंगलबार प्रहरीले पक्राउ गरेको छ ।  मादक पदार्थ सेवन गरी २०६४ पुस ५ गते साँझ नाबालिकालाई जबरजस्ती करणी र सामूहिक करणी गरेको मुद्दामा जिल्ला अदालत ललितपुरको २०६५ फागुन ४ गतेको फैसलाले जबरजस्ती करणी मुद्दामा ५ वर्ष र सामूहिक करणी मुद्दामा थप ५ वर्ष कैद सजाय ठहर भई फरार रहेका उनलाई केन्द्रीय अनुसन्धान ब्यूरो महाराजगञ्ज काठमाडौंबाट खटिएको प्रहरीले नुवाकोट पञ्चकन्या गाउँपालिका-३ बाट पक्राउ गरेको हो । उनलाई फैसला कार्यान्वयनको लागि जिल्ला अदालत नुवाकोटमा पेश गरिएकोमा अदालतको आदेशले कैद भुक्तानको लागि कारागार कार्यालय नुवाकोट पठाइएको छ । 

अवैध लागूऔषध सहित पक्राउ
२०७९-०६-०४

काठमाडौं  महानगरपालिका-६ भृकुटीचोकबाट अवैध लागूऔषध ब्राउन सुगर १ ग्राम सहित टोखा नगरपालिका-३ बस्ने नवलपरासी घर भएका ३३ वर्षीय रेबन कालामगरलाई सोमबार राति प्रहरीले पक्राउ गरेको छ । प्रहरी प्रभाग कपनबाट खटिएको प्रहरीले जाँच गर्ने क्रममा उनलाई उक्त लागूऔषध सहित फेला पारी पक्राउ गरेको हो ।  झापा, मेचीनगर नगरपालिका-६ मेचीपुल छेउबाट अवैध लागूऔषध ब्राउन सुगरजस्तो देखिने पदार्थ ३० ग्राम सहित दमक नगरपालिका-१ सुनौलो टोल बस्ने २१ वर्षीय मनोज कुमाललाई सोमबार दिउँसो प्रहरीले पक्राउ गरेको छ । भारतबाट नेपालतर्फ पैदल आउँदै गरेका उनलाई ईलाका प्रहरी कार्यालय काँकरभिट्टा र लागूऔषध नियन्त्रण ब्यूरो काँकरभिट्टाबाट खटिएको प्रहरीले उक्त पदार्थ सहित फेला पारी पक्राउ गरेको हो ।    कञ्चनपुर, बेलौरी नगरपालिका-२ बैजुडाँडाबाट अवैध लागूऔषध  खैरो हेरोईनजस्तो देखिने पदार्थ करिब २१ ग्राम ९९ मिलिग्राम सहित सोमबार दिउँसो प्रहरीले २ जनालाई पक्राउ गरेको छ । पक्राउ पर्नेहरुमा कैलाली गोदवरी नगरपालिका-५ गेटा छबडेहा बस्ने २९ वर्षीय सागर रावत र ३० वर्षीय मदन बहादुर चन्द रहेका छन् । प्रहरी चौकी टेडुवाबाट खटिएको प्रहरीले से.७ प ४४११ नम्बरको मोटरसाइकललाई जाँच गर्ने क्रममा उक्त पदार्थ सहित उनीहरुलाई फेला पारी पक्राउ गरेको हो ।  कैलाली, भजनी नगरपालिका-३ कुसुमघाटस्थित नेपाल-भारत सीमाक्षेत्रबाट अवैध लागूऔषध खैरो हिरोईनजस्तो पदार्थ करिब ७ सय ५० मिलिग्राम सहित जोशिपुर गाउँपालिका-३ लक्कड बस्ने २४ वर्षीय रावल कुमार कठरियालाई सोमबार दिउँसो प्रहरीले पक्राउ गरेको छ । भारतबाट नेपालतर्फ आउँदै गरेका उनलाई ईलाका प्रहरी कार्यालय भजनी र सशस्त्र प्रहरी बल बिओपी कुशुमघाटबाट खटिएको टोलीले जाँच गर्ने क्रममा उक्त पदार्थ सहित फेला पारी पक्राउ गरेको हो ।  दाङ, तुलसीपुर उपमहानगरपालिका-१८ मज्गैबाट अवैध लागूऔषध ब्राउन सुगर करिब ३ सय ९० मिलिग्राम र नगद ५८ हजार ७० रुपैयाँ सहित २ जनालाई सोमबार राति प्रहरीले पक्राउ गरेको छ । पक्राउ पर्नेहरुमा घोराही उपमहानगरपालिका-१२ बस्ने २६ वर्षीय सुदन गिरी र सोही उपमहानगरपालिका-१० बस्ने ३९ वर्षीय बलदेव शाह रहेका छन् । घोराहीबाट तुलसीपुरतर्फ जाँदै गरेको लु.८९ प २०२१ नम्बरको मोटरसाइकललाई ईलाका प्रहरी कार्यालय तुलसीपुरबाट खटिएको प्रहरीले जाँच गर्ने क्रममा मोटरसाइकलमा सवार उनीहरूलाई उक्त पदार्थ सहित फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

अवैध लागूऔषधसहित छुट्टाछुट्टै स्थानबाट छ जना पक्राउ
२०७९-०६-०३

दाङ, लमही नगरपालिका-९ अमिलिया चोकबाट ६ केजी ३ सय ६० ग्राम अवैध लागूऔषध चरेस जस्तो देखिने पदार्थ सहित घोराही उपमहानगरपालिका-१३ डुमरगाउँ बस्ने ४० वर्षीया सुशिला गिरीसमेत २ जनालाई आइतबार साँझ प्रहरीले पक्राउ गरेको छ । घोराहीबाट भारतको दिल्लीतर्फ जाँदै गरेको ना.७ ख ९०५ नम्बरको बसलाई ईलाका प्रहरी कार्यालय अमिलियाबाट खटिएको प्रहरीले जाँच गर्ने क्रममा बसमा सवार उनीहरूलाई उक्त पदार्थ सहित फेला पारी पक्राउ गरेको हो । यसैगरी दाङकै गढवा गाउँपालिका-१ कालाकाटेबाट करिब १ सय ४४ ग्राम अवैध लागूऔषध खैरो हेरोइन जस्तो देखिने पदार्थसहित कपिलवस्तु ओदारी गाउँपालिका-९ बस्ने १८ वर्षीय किशोर लगायत २ जनालाई आइतबार दिउँसो प्रहरीले पक्राउ गरेको छ । जिल्ला प्रहरी कार्यालय दाङबाट खटिएको प्रहरीले उनीहरूलाई उक्त पदार्थ सहित फेला पारी पक्राउ गरेको हो । झापा, मेचीनगर नगरपालिका-१३ तेलिबारी फुलबासा चोकबाट १२ ग्राम अवैध लागूऔषध ब्राउनसुगर जस्तो देखिने पदार्थ, १ थान डिजिटल तराजु र नगद ३ लाख ५३ हजार ५ सय रुपैयाँ सहित सोही ठाउँ बस्ने ४३ वर्षीया भारती राजवंशीलाई आइतबार साँझ प्रहरीले पक्राउ गरेको छ । लागू औषध नियन्त्रण ब्यूरो काकरभिट्टा र प्रहरी चौकी चारआलीबाट खटिएको संयुक्त टोलीले उनलाई उक्त पदार्थ सहित फेला पारी पक्राउ गरेको हो । धादिङ, गल्छी गाउँपालिका-४ मासटारस्थित प्रतिक्षालयबाट करिब ३५ केजी अवैध लागूऔषध गाँजासहित गजुरी गाउँपालिका-८ किरानचोक बस्ने ४८ वर्षीय गणेश लामालाई आइतबार राति प्रहरीले पक्राउ गरेको छ । प्रहरी चौकी बैरेनीबाट खटिएको प्रहरीले उनलाई उक्त गाँजा सहित फेला पारी पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ । 

आत्महत्या न्यूनीकरण सम्बन्धी विशेष सचेतना कार्यक्रम सम्पन्न
२०७९-०६-०२

काठमाडौं, गृहमन्त्री बालकृष्ण खाणको प्रमुख आतिथ्यमा आत्महत्या न्यूनीकरण सम्बन्धी विशेष सचेतना कार्यक्रम नेपाल प्रज्ञा प्रतिष्ठान कमलादीमा आइतबार सम्पन्न भएको छ । नेपाल प्रहरी प्रधान कार्यालयको तत्वावधानमा काठमाडौं उपत्यका प्रहरी कार्यालय रानीपोखरीद्वारा आयोजित उक्त कार्यक्रमको शुरुमा प्रहरी महानिरीक्षक धिरज प्रताप सिंह, प्रहरी अतिरिक्त महानिरीक्षकहरू, गृहमन्त्रालयका पदाधिकारीहरू, प्रहरी नायव महानिरीक्षकहरू, विभिन्न विद्यालयका शिक्षक तथा शिक्षिका, विद्यार्थीहरु एवम् सरोकारवाला निकायहरुका प्रतिनिधिहरुको सहभागितामा समुदाय-प्रहरी साझेदारीअन्तर्गत आत्महत्या रोकथाम तथा न्यूनीकरणसम्बन्धी विभिन्न जनचेतनामूलक पर्चा, पम्प्लेटसहितको प्रभातफेरि प्रदर्शनीमार्गबाट शुभारम्भ भई पदमोदय मोड, पुतलीसडक, कमलादी हुँदै उक्त प्रतिष्ठानमा आएर कार्यक्रममा परिणत भएको थियो । गृहमन्त्री खाणले पानसमा दीप प्रज्वलन तथा गमलामा जल सिंचन गरी उद्‍घाटन भएको उक्त कार्यक्रममा समाजमा कुनै पनि नेपालीको अकालमा मृत्यु नहोस् भन्नेतर्फ नेपाल सरकार सजग र प्रतिवद्ध रहेको बताउनुभयो । साथै उहाँले राज्यको पहिलो दायित्व नै आम नागरिकको जीवन रक्षा गर्ने भएको उल्लेख गर्दै वर्तमान सरकार नागरिकको जीवन रक्षाको लागि प्रतिवद्ध रहेको एवम् नेपाल प्रहरीले जन धनको रक्षा, शान्ति सुरक्षाको लागि प्रतिवद्धतापूर्वक बलिदानीपूर्ण कार्य गरिरहेको बताउनुभयो । राष्ट्रका कर्णधार युवा भाइबहिनीहरूको सहभागिताले प्रतिबद्धता र सचेतना थपेको चर्चा गर्दै गृहमन्त्री खाणले भन्नुभयो, “यो कार्यक्रमको माध्यमबाट देशभरिकै आम नागरिकहरू कसैले पनि आत्महत्याको बाटो नरोज्नुहोस् । जीवन महत्वपूर्ण छ, जीवनको जन्म र सृष्टि राम्रा कार्यका लागि भएको छ, आफ्नो जीवनलाई अझै महत्वपूर्ण बनाऊँ, आफ्नो क्षमतालाई अभिबृद्धि गराऊँ, अरुलाई सहयोग गर्ने काम गरौँ ।” सहभागी युवाहरूले समाजमा सचेतना जगाउन तथा नेपालमा आत्महत्याको घटनालाई न्यूनीकरण गर्ने र रोक्ने प्रतिवद्धता गर्न उहाँले आग्रह गर्नुभयो । नागरिक सुरक्षा र हितका लागि सुरक्षा निकायहरूको क्षमता अभिवृद्धि, आधुनीकिकरण, साधन स्रोतको समुचित प्रबन्ध गर्नेतर्फ नेपाल सरकार प्रतिवद्ध रहेको र यसमा समस्त जनप्रतिनिधिहरूले पनि साथ दिने विश्चास उहाँले व्यक्त गर्नुभयो ।  कार्यक्रममा महान्यायाधिवक्ता खम्मबहादुर खातीले नेपालमा आत्महत्या बढ्दो अवस्थामा रहेको र आत्महत्या हुनुका कारण तथा समस्याहरू पहिचान गरेर त्यस्ता घटनाहरू न्यूनीकरण गर्न सबै सरोकारवाला निकायहरुको समन्वय आवश्यक रहेको बताउनुभयो । आत्महत्या रोकथाम तथा न्यूनीकरणको लागि विभिन्न सचेतना कार्यक्रम अत्यन्तै महत्वपूर्ण हुने चर्चा गर्दै उहाँले यसका लागि सामुदायिक क्रियाकलापमा सहभागिता, सकारात्मक सोंच, काउन्सिलिङ लगायतका कार्यहरूमा जोड दिनुपर्ने बताउनुभयो ।  उक्त अवसरमा काठमाडौं महानगरपालिकाका प्रमुख बालेन्द्र शाहले आत्महत्याको मुख्य कारकको रूपमा डिप्रेसन पनि भएको उल्लेख गर्दै आफ्नो कमजोरी तथा असफलतालाई नकारात्मक सोच्न नहुने र असफलताले नै सफलताको मार्ग प्रशस्त गर्ने भएकोले सकारात्मक सोंचका साथ अगाडि बढ्नुपर्ने उल्लेख गर्नुभयो ।  कार्यक्रममा धन्यवाद ज्ञापन गर्दै प्रहरी महानिरीक्षक धिरज प्रताप सिंहले नागरिकको जीवन रक्षा गर्ने नेपाल प्रहरीको मूल दायित्व बोध गरी नेपाल प्रहरीको कार्ययोजना, २०७९ अन्तर्गत आत्महत्या न्यूनीकरण कार्यक्रम अनुरूप देशभर आत्महत्या दरलाई न्यूनीकरण गर्न आम नागरिकलाई सुसूचित गराउने उद्देश्य एवम् नेपाल प्रहरीको एकल प्रयासमा आत्महत्या रोकथाममा उल्लेखनीय सफलता हासिल गर्न नसकिने भएकोले सरोकारवाला निकायहरूको बृहत् सहभागितामा यो कार्यक्रम संचालन गरिएको बताउनुभयो  ।  आत्महत्या पछाडि व्यक्तिको मानसिकतासँगै सामाजिक, आर्थिक र व्यक्तिगत कारणहरू हुने सक्ने चर्चा गर्दै प्रहरी महानिरीक्षक सिंहले समुदाय-प्रहरी साझेदारी कार्यक्रम अन्तर्गत नेपाल प्रहरीले आत्महत्या रोकथामलाई सदैव प्राथमिकतामा राख्दै आएको बताउनुभयो । आत्महत्याको कारणहरू पहिल्याउँदै सम्बन्धित सरोकारवालाहरू सक्रिय भई आ-आफ्नो भूमिका अनुरूप उपयुक्त र प्रभावकारी हस्तक्षेप गर्न सकेमा आत्महत्याको दरमा कमी आउने विश्वास उहाँले व्यक्त गर्नुभयो ।  कार्यक्रममा काठमाडौं महानगरपालिकाका उपप्रमुख सुनिता डंगोल, ललितपुर महानगरपालिकाका उपप्रमुख मञ्जली शाक्य, गृहमन्त्रालयका सहसचिव गोविन्द प्रसाद रिजाल, काठमाडौं जिल्लाका प्रमुख जिल्ला अधिकारी घनश्याम उपाध्यायले आ-आफ्नो मन्तव्य व्यक्त गर्दै आत्महत्या रोकथाम तथा न्यूनीकरणमा नेपाल सरकार र सम्वद्ध सबै निकाय एवम् संघसंस्थाबीच हातेमालो गरी अगाडि बढ्नुपर्ने विचार व्यक्त गर्नुभयो ।   काठमाडौं उपत्यका प्रहरी कार्यालय रानीपोखरीका प्रमुख प्रहरी अतिरिक्त महानिरीक्षक रविन्द्र बहादुर धानुकले स्वागत मन्तव्य व्यक्त गर्नुभएको उक्त कार्यक्रममा नेपाल प्रहरी अस्पतालका मनोचिकित्सक प्रहरी उपरीक्षक डा. आशिस दत्तले आत्महत्या रोकथाम तथा न्यूनिकरण सम्बन्धी प्रस्तुतीकरण गर्नुभएको थियो ।  कार्यक्रममा सामुदायिक सेवा केन्द्रहरूको तर्फबाट सामुदायिक सेवा केन्द्र गोंगबुका अध्यक्ष राकेश सिंह, विद्यालयकोतर्फबाट अरनिको ईन्टरनेश्नल सेकेण्डरी स्कुल एण्ड कलेज ताल्छिखेलका किरण जंग बिष्टले आत्महत्या न्यूनीकरणमा सचेतना कार्यक्रमको महत्व बारेमा आ-आफ्नो मन्तव्य व्यक्त गर्नुभयो । कार्यक्रममा गृहमन्त्रालयका पदाधिकारीहरू, वरिष्ठ प्रहरी अधिकृतहरु, विभिन्न संघसंस्थाका प्रतिनिधिहरु, नागरिक समाज, संचारकर्मीहरु, विद्यार्थी एवम् आमन्त्रित महानुभावहरुको समेत उपस्थिति रहेको थियो ।   विश्वभर बढ्दो आत्महत्याको दरलाई न्यूनीकरण गर्न सर्वपक्षीय सहभागितामा आमनागरिकलाई सुसूचित गराउने उद्देश्यले सन् २०२१ देखि सन् २०२३ सम्मको लागि तय गरिएको विश्व आत्महत्या रोकथाम दिवस सम्बन्धी अन्तर्राष्ट्रिय नारा ‘कर्म मार्फत आशाको सृजना गरौं’ भन्ने मूल नाराका साथ उक्त कार्यक्रमको आयोजना गरिएको हो । साथै सातै प्रदेशको राजधानीमा प्रदेश स्तरीय र सबै जिल्ला र सदरमुकामहरूमा समेत समुदाय-प्रहरी साझेदारीको ब्यानरमा विभिन्न कार्यक्रमको आयोजना गरी आत्महत्या न्यूनीकरण सम्बन्धी सचेतना कार्यक्रम संचालन गरिएको छ । 

अवैध लागूऔषध सहित पक्राउ
२०७९-०६-०२

मकवानपुर, मनहरी गाउँपालिका-९ भलाद्मी चोकबाट करिब १५ किलो अवैध लागूऔषध गाँजा सहित २ जनालाई शनिबार दिउँसो प्रहरीले पक्राउ गरेको छ । पक्राउ पर्नेहरूमा महोत्तरी एकटाँगा गाउँपालिका-४ बस्ने २१ वर्षीय नितेष कुमार यादव र सोही ठाउँ बस्ने २२ वर्षीय कमल साह रहेका छन् । इलाका प्रहरी कार्यालय मनहरीबाट खटिएको प्रहरीले उनीहरूलाई जाँच गर्ने क्रममा उक्त गाँजा सहित फेला पारी पक्राउ गरेको हो ।  बाँके, कोहलपुर नगरपालिका-१२ चप्परगौडी बस्ने ३८ वर्षीया यसोदा कार्की, उनकै श्रीमान ४१ वर्षीय रुद्ध बहादुर कार्की र सोही नगरपालिका-१२ बस्ने २० वर्षीय मनोज गिरीलाई २६ ग्राम ४ सय मिलिग्राम अवैध लागूऔषध ब्राउनसुगर सहित शनिबार बिहान प्रहरीले पक्राउ गरेको छ । विशेष सूचनाको आधारमा ईलाका प्रहरी कार्यालय कोहलपुरबाट खटिएको प्रहरीले मनोजलाई करिब १ सय १० मिलिग्राम उक्त लागूऔध सहित पक्राउ गरी थप अनुसन्धान गर्ने क्रममा उनले उक्त लागूऔषध यसोदाबाट खरिद गरी ल्याएको खुल्न आएपछि यसोदाको घर तलासी गर्दा दराजभित्र लुकाई राखेको अवस्थामा थप २६ ग्राम २ सय ९० मिलिग्राम उक्त लागूऔषध, डिजिटल तराजु १ थान, नगद ५ लाख ७३ हजार ८ सत १० रूपैयाँ फेला पारी बिक्री गर्ने कार्यमा संलग्न रुद्ध बहादुर समेतलाई पक्राउ गरेको हो ।   कपिलवस्तु, कृष्णनगर नगरपालिका-३ लक्ष्मीनगरस्थित जामिना रहमानी कम्पलेक्समा बस्ने ३१ वर्षीय जमालदिन मियाँ र दाङ घोराही उपमहानगरपालिका-९ पर्सेनी घर भएकी १८ वर्षीया किशोरीलाई २ किलो ७ सय ग्राम अवैध लागूऔषध चरेस जस्तो देखिने पदार्थ सहित शनिबार साँझ प्रहरीले पक्राउ गरेको छ । विशेष सूचनाको आधारमा ईलाका प्रहरी कार्यालय कृष्णनगरबाट खटिएको प्रहरीले जमालदिनको घर तलासी गर्ने क्रममा उक्त पदार्थ सहित फेला पारी दुवै जनालाई पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ । 

प्रहरी महानिरीक्षक धिरज प्रताप सिंहको प्रमुख आतिथ्यमा आसरा सुधार केन्द्र रानीबारीको २६औं वार्षिकोत्सव कार्यक्रम सम्पन्न
२०७९-०६-०१

काठमाडौं, प्रहरी महानिरीक्षक धिरज प्रताप सिंहको प्रमुख आतिथ्यमा आसरा सुधार केन्द्र रानीबारीको २६औं वार्षिकोत्सव कार्यक्रम सोही केन्द्रको कार्यालय रानीबारीमा शनिबार आयोजित एक समारोहबीच सम्पन्न भएको छ । सो अवसरमा प्रहरी महानिरीक्षक सिंह एवम् उक्त केन्द्रकी अध्यक्ष श्रीमती कुशुम लता सिंहले केन्द्रको नेतृत्वदायी भूमिकामा महत्वपूर्ण योगदान पुर्‍याई केन्द्रलाई हालको अवस्थासम्म ल्याउन विशेष योगदान पुर्‍याउनुहुने केन्द्रकी पूर्व अध्यक्ष श्रीमती सिर्जना थापालाई सम्मानपत्र प्रदान तथा केन्द्रको कार्यकारिणी समितितर्फ केन्द्रकी सदस्य श्रीमती जुनु श्रेष्ठ र श्रीमती कुसुम अधिकारीलाई प्रशंसापत्र प्रदान गर्नुभयो ।  प्रहरी महानिरीक्षक सिंहले केन्द्रको सुरक्षा व्यवस्थापनमा सहयोग गर्ने काठमाडौं उपत्यका सशस्त्र प्रहरी गण नम्बर २ महाराजगञ्ज र केन्द्रले आयोजना गर्ने विविध साँगीतिक कार्यक्रममा सहयोग गर्ने नेपाल प्रहरी संगीत विद्यालय महाराजगञ्जलाई प्रशंसापत्र प्रदान गर्नुभयो । उहाँले केन्द्रको आन्तरिक सुरक्षा एवं व्यवस्थापनमा योगदान पुर्‍याउने प्रहरी कर्मचारीहरुलाई प्रशंसापत्र र नगद पुरस्कार प्रदान गर्नुको साथै केन्द्रको वार्षिक प्रकाशन ‘आसरा दर्पण २०७९’ को विमोचन समेत गर्नुभयो । उक्त अवसरमा प्रहरी महानिरीक्षक सिंहले लागूऔषध दुर्व्यसनीको उपचार र पुनर्स्थापना तथा लागूऔषधविरूद्ध सचेतनामार्फत् सामाजिक सुधार र सामाजिक सेवामा नेपाल प्रहरी श्रीमती संघद्वारा संचालित यस केन्द्रले स्थापनाकाल देखिनै निर्वाह गरेको भूमिका सराहनीय रहेको बताउनुभयो । २०५४ सालमा स्थापना भई १०१ जना महिला सहित ५ हजार ६९८ जना लागूऔषध सेवनकर्तालाई परामर्श र उपचारद्वारा असल नागरिकमा रुपान्तरण गरी नयाँ जीवन दिन यस केन्द्रले तय गरेको सफल यात्राको निम्ति उहाँले समस्त केन्द्र परिवारलाई बधाई दिनुभयो ।  साथै उहाँले लागूऔषध दुरूपयोग एक गम्भीर सामाजिक समस्या रहेको र यसैको कारण समाजमा आपराधिक गतिविधि वृद्धि भई व्यक्ति, परिवार, समाज, राष्ट्र र अन्तर्राष्ट्रिय समुदायमा समेत प्रतिकूल असर पारिरहेको चर्चा गर्दै कुलतमा फसेका युवा शक्तिलाई राष्ट्र निर्माणको बाटोमा ल्याउनु सबैको सामाजिक दायित्व रहेको बताउनुभयो । प्रहरीले लागूऔषध दुर्व्यसन र प्रयोगबाट सिर्जित परिणाम र घटनाक्रमको व्यवस्थापनका लागि लागूऔषध सम्बन्धी जनचेतना जगाउने हेतूले समुदाय-प्रहरी साझेदारी अन्तर्गत विशिष्टिकृत पाठ्यक्रम विकास गरी सक्रियताका साथ विद्यालय र समुदायमा सचेतना कार्यक्रम गरिरहेको समेत उहाँले उल्लेख गर्नुभयो । समारोहमा केन्द्रकी अध्यक्ष श्रीमती कुशुम लता सिंहले केन्द्रका परामर्शदाताहरूलाई प्रशंसापत्र र नगद पुरस्कारको साथै आन्तरिक खेलकुद प्रतियोगितामा विजयी हुने केन्द्रमा उपचाररत सदस्यहरूलाई पुरस्कार प्रदान गर्नुभयो । उक्त अवसरमा धन्यवाद ज्ञापन गर्दै केन्द्रकी अध्यक्ष सिंहले हरेक दृष्टिकोणबाट चुनौतिपूर्ण बन्दै गएको लागूऔषध दुर्व्यसनीको समस्या समाधान गर्न लागूऔषध प्रयोगकर्ताहरूको उपचार, परामर्श सेवा एवं पुनर्स्थापना कार्यमा केन्द्र दत्तचित्त भई लागेको उल्लेख गर्नुभयो ।   केन्द्रकी सचिव श्रीमती सिता ज्ञवालीले स्वागत मन्तव्य व्यक्त गर्नुभएको सो समारोहमा केन्द्रमा उपचाररत सदस्यहरु र नेपाल प्रहरी संगीत विद्यालयका प्रहरी सहायक निरीक्षक राम बहादुर भुजेलले साँस्कृतिक कार्यक्रम समेत प्रस्तुत गरेका थिए । समारोहमा प्रहरी अतिरिक्त महानिरीक्षक डा.आशा सिंह, प्रहरी नायव महानिरीक्षकहरु, वरिष्ठ प्रहरी अधिकृतहरु, केन्द्रका पदाधिकारीहरु, विभिन्न संघ संस्थाका प्रतिनिधिहरु समेतको उपस्थिति रहेको थियो ।

अवैध लागूऔषध सहित पक्राउ तथा बरामद
२०७९-०६-०१

मोरङ, विराटनगर महानगरपालिका-५ विशाल चोकबाट अवैध लागूऔषध गाँजा १ किलो ५ सय ग्राम सहित सोही ठाउँ बस्ने ४५ वर्षीया दुर्गा कुमारी साहलाई शुक्रबार दिउँसो प्रहरीले पक्राउ गरेको छ । विशेष सूचनाको आधारमा वडा प्रहरी कार्यालय विराटनगरबाट खटिएको प्रहरीले उनको घर तलासी गर्दा घरमा लुकाई राखेको उक्त गाँजा फेला पारी उनलाई पक्राउ गरेको हो ।  झापा, शिवसताक्षी नगरपालिका-२ प्रगतिनगरबाट अबैध लागूऔषध ब्राउनसुगर जस्तो देखिने पदार्थ ३ ग्राम, १ थान मोबाइल र नगद २ हजार १ सय ५० रूपैयाँ सहित सोही ठाउँ बस्ने २२ वर्षीय किरण राई लगायत २ जनालाई शुक्रबार दिउँसो प्रहरीले पक्राउ गरेको छ । विशेष सूचनाको आधारमा ईलाका प्रहरी कार्यालय झिलझिले र लागूऔषध नियन्त्रण ब्यूरो शाखा कार्यालय काँकडभिट्टाबाट संयुक्त रुपमा खटिएको प्रहरी टोली सोही ठाउँस्थित भक्त बहादुर दर्जीको घरमा बसिरहेका उनीहरूलाई उक्त पदार्थ सहित फेला पारी पक्राउ गरेको हो । साथै हाल फरार रहेका भक्त बहादुर दर्जीको प्रहरीले खोजी गरिरहेको छ । कैलाली, धनगढी उपमहानगरपालिका-१३ एयरपोर्ट मोडबाट अवैध लागूऔषध खैरो हेरोइन जस्तो देखिने पदार्थ १ सय ६० मिलिग्राम सहित सोही ठाउँ बस्ने १७ वर्षीय किशोरलाई शुक्रबार राति प्रहरीले पक्राउ गरेको छ । प्रदेश प्रहरी कार्यालय धनगढीबाट खटिएको प्रहरीले जाँच गर्ने क्रममा उनलाई उक्त पदार्थ सहित फेला पारी पक्राउ गरेको हो । मकवानपुर, राक्सिराङ गाउँपालिका-५ पेन्चे डाँडाको जंगलबाट अवैध लागूऔषध गाँजा करिब १ सय २० किलोग्राम शुक्रबार राति प्रहरीले बरामद गरेको छ । उक्त स्थानमा अवैध लागूऔषध गाँजाको ओसारपसार भइरहेको भन्ने सूचनाको आधारमा ईलाका प्रहरी कार्यालय मनहरीबाट खटिएको प्रहरीले उक्त जंगलमा ६ वटा बोरामा वेवारिसे अवस्थामा राखिएका उक्त गाँजा बरामद गरेको हो ।  यस सम्बन्धमा प्रहरीले आवश्यक अनुसन्धान गरिरहेको छ । 

३१ जना प्रहरी कर्मचारीहरूलाई विपद् व्यवस्थापन आधारभूत तालिम प्रदान
२०७९-०५-३१

काठमाडौं, नेपाल प्रहरी विपद् व्यवस्थापन कार्यालय सामाखुशीले ३१ जना प्रहरी कर्मचारीहरूलाई विपद् व्यवस्थापन आधारभूत तालिम प्रदान गरेको छ । राष्ट्रिय प्रहरी प्रशिक्षण प्रतिष्ठान महाराजगंजको तत्वावधानमा सोही कार्यालयमा २७ औं समूह अन्तर्गत उनीहरुलाई उक्त तालिम प्रदान गरिएको हो । उक्त तालिम समापनका अवसरमा शुक्रबार आयोजित कार्यक्रममा सोही कार्यालयका प्रमुख प्रहरी वरिष्ठ उपरीक्षक कुवेर कडायतले तालिम समापन गर्दै प्रशिक्षार्थीहरुलाई प्रमाणपत्र वितरण गर्नुभयो ।उक्त अवसरमा प्रहरी वरिष्ठ उपरीक्षक कडायतले तालिमको अवधिमा सिकेका विभिन्न ज्ञान, सीप र कौशललाई उपयोग गरी कार्यक्षेत्रमा गरिने काममा परिवर्तन तथा निखरता ल्याउन सकेमा मात्र तालिमको औचित्य पुष्टी हुने विचार व्यक्त           गर्नुभयो । यस्ता किसिमका तालिम प्रहरी हुँदा मात्र नभई अवकाशपछि पनि आफ्नो क्षेत्रमा हुने विपद्जन्य घटना न्यूनीकरण गर्न समेत अत्यन्तै महत्वपूर्ण हुने उहाँले बताउनुभयो ।  कार्यक्रममा तालिम संयोजक प्रहरी उपरीक्षक बाल नरसिंह राणाले तालिम सम्बन्धी प्रतिवेदन प्रस्तुत गर्दै गत साउन ८ गतेदेखि संचालित उक्त तालिममा प्रहरी नायव निरीक्षक १ जना, प्रहरी सहायक निरीक्षक १ जना, प्रहरी हवल्दार ४ जना, प्रहरी सहायक हवल्दार ६ जना र प्रहरी जवान १९ जना गरी जम्मा ३१ जना प्रशिक्षार्थीहरूको सहभागिता रहेको जानकारी दिनुभयो । 

पेस्तोल र गोली सहित पक्राउ
२०७९-०५-३१

रूपन्देही, बुटवल उपमहानगरपालिका-९ इटाभट्टास्थित होटल नमोबुद्धबाट १ थान रिभल्वर पेस्तोल र सोही पेस्तोलमा लाग्ने गोली ३ राउण्ड सहित बाग्लुङ दगाटुन्डाडा घर भई हाल बुटवल उपमहानगरपालिका-८ सुख्खानगर बस्ने ३३ वर्षीय  सन्तोस सलामीलाई शुक्रबार दिउँसो प्रहरीले पक्राउ गरेको छ । उक्त होटलको १०४ नम्बरको कोठामा सन्तोस बिहीबार बेलुकीदेखि शंकास्पद अवस्थामा बसेको भन्ने सूचनाको आधारमा वडा प्रहरी कार्यालय बुटवलबाट खटिएको प्रहरीले कोठा र उनको शरीर तलासी गर्दा उक्त पेस्तोल र गोली फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ । 

अवैध लागूऔषध सहित छुट्टाछुट्टै स्थानबाट पाँच जना पक्राउ
२०७९-०५-३१

मोरङ, बिराटनगर महानगरपालिका-१५ स्थित १ नम्बर ढाटबाट करिब १ ग्राम ४८ मिलिग्राम अवैध लागूऔषध ब्राउनसुगर जस्तो देखिने पदार्थ सहित सुनसरी इटहरी उपमहानगरपालिका-४ बस्ने २२ वर्षीय विशाल भुजेललाई बिहीबार दिउँसो प्रहरीले पक्राउ गरेको छ । को.३५ प २२६६ नम्बरको मोटरसाइकललाई लागूऔषध नियन्त्रण ब्यूरो बिराटनगरबाट खटिएको प्रहरीले जाँच गर्ने क्रममा मोटरसाइकल चालक भुजेललाई उक्त पदार्थ सहित फेला पारी पक्राउ गरेको हो । बाँके, नेपालगंज उपमहानगरपालिका-१५ जमुनाह चेक प्वाईन्टबाट करिब ४ ग्राम ५०० मिलिग्राम अवैध लागूऔषध खैरो हेरोईन जस्तो देखिने पदार्थ सहित खजुरा गाउँपालिका-४ एलगाउँ बस्ने २९ वर्षीय आसिश चौधरीलाई बिहीबार दिउँसो प्रहरीले पक्राउ गरेको छ । ईलाका प्रहरी कार्यालय जमुनाह र लागूऔषध नियन्त्रण ब्यूरो बाँकेबाट खटिएको संयुक्त टोलीले उनलाई उक्त पदार्थ सहित फेला पारी पक्राउ गरेको हो ।  झापा, बिर्तामोड नगरपालिका-४ आगमन सदभाब टोल बस्ने ३८ वर्षीया सुगन्दा (मण्डल) अन्सारी समेत २ जनालाई करिब १ ग्राम अवैध लागूऔषध ब्राउनसुगर जस्तो देखिने पदार्थ सहित बिहीबार साँझ प्रहरीले पक्राउ गरेको छ । लागूऔषध नियन्त्रण ब्यूरो काँकरभिट्टा र ईलाका प्रहरी कार्यालय अनारमनिबाट खटिएको संयुक्त टोलीले उनको घर तलासी गर्दा उक्त पदार्थ फेला पारी  दुवै जनालाई पक्राउ गरेको हो । पर्सा, वीरगंज महानगरपालिका-१० पानी टंकीबाट नियन्त्रित लागूऔषध डाईजेपाम १ हजार १ सय एम्पुल, नुर्फिन १ हजार १ सय एम्पुल र फेनारगन १ हजार १ सय एम्पुल सहित सोही महानगरपालिका-३ छप्कैया बस्ने ३६ वर्षीय बजिर अंसारीलाई बिहीबार साँझ प्रहरीले पक्राउ गरेको छ । जिल्ला प्रहरी कार्यालय पर्साबाट खटिएको प्रहरीले उनलाई उक्त परिमाणको लागूऔषध सहित फेला पारी पक्राउ गरेको हो ।  यस सम्बन्धमा प्रहरीले आवश्यक अनुसन्धान गरिरहेको छ । 

नेपाल प्रहरी प्रधान कार्यालय र पतंजलि योग समिति नेपालबीच सम्झौता-पत्रमा हस्ताक्षर
२०७९-०५-३०

    काठमाडौं, प्रहरी महानिरीक्षक धिरज प्रताप सिंहको उपस्थितिमा नेपाल प्रहरी प्रधान कार्यालयमा बिहीबार आयोजित कार्यक्रमबीच नेपाल प्रहरी प्रधान कार्यालय र पतंजलि योग समिति नेपालबीच नेपाल प्रहरी अन्तर्गतका कार्यालयहरूमा योगाभ्यास गराउने सम्बन्धी सम्झौता-पत्रमा हस्ताक्षर भएको छ ।  नेपाल प्रहरीको तर्फबाट नेपाल प्रहरी प्रधान कार्यालय मानवस्रोत विकास विभाग वृत्ति विकास महाशाखाका प्रहरी वरिष्ठ उपरीक्षक सुशील सिंह राठौर र पतंजलि योग समिति नेपालको तर्फबाट सोही समितिका मुख्य केन्द्रीय प्रभारी लवदेव मिश्रले उक्त सम्झौतापत्रमा हस्ताक्षर गर्नुभएको हो । कार्यक्रममा प्रहरी महानिरीक्षक धिरज प्रताप सिंहले प्रहरी कर्मचारीहरूले योगको माध्यमबाट थप उर्जा प्राप्त गरी सक्रियताका साथ सेवा प्रवाहमा लाग्ने विश्वास व्यक्त गर्नुभयो । सम्झौतापत्रमा हस्ताक्षर हुनुपूर्व पनि नेपाल प्रहरी प्रधान कार्यालय र विभिन्न तालिम प्रदायक कार्यालयहरूले योगाभ्यास गराउँदै आइरहेको चर्चा गर्दै आगामी दिनमा नेपाल प्रहरीले संस्थागत रूपमा योगाभ्यासका लागि प्रहरीबाटै दक्ष जनशक्ति उत्पादन गराउने लक्ष्य रहेको उहाँले बताउनुभयो ।  कार्यक्रममा पतंजलि योग समिति नेपालका संरक्षक एवं पूर्व प्रहरी नायव महानिरीक्षक ज्ञानेन्द्र विक्रम महतले नेपाल प्रहरी र पतंजलि योग समितिबीचको सहकार्य एवं समन्वयमा विगतमा समेत विभिन्न योगाभ्यास गराउँदै आएको चर्चा गर्दै यो सम्झौता मार्फत आगामी दिनमा प्रहरी कर्मचारीहरू योगाभ्यासमा थप सहभागी हुने उल्लेख गर्नुभयो ।  कार्यक्रममा प्रहरी वरिष्ठ उपरीक्षक सुशील सिंह राठौरले शारीरिक, मानसिक र आत्मिकरूपमा स्वस्थ्य हुन योगाभ्यास महत्वपूर्ण हुने भएकोले यस सम्झौतामार्फत प्रहरी कर्मचारीहरू लाभान्वित हुने विश्वास व्यक्त गर्नुभयो ।     सम्झौता अनुरूप नेपाल प्रहरी अन्तर्गतका तोकिएका कार्यालयहरू तथा तालिम प्रदायक निकायहरूमा संचालित तालिमका प्रशिक्षार्थीहरूलाई योगाभ्यास गराउने र तालिम प्रदायक निकायहरूमा योग प्रशिक्षक प्रशिक्षण गराउने लक्ष्य रहेको छ ।  कार्यक्रममा वरिष्ठ प्रहरी अधिकृतहरू एवं पतंजलि योग समिति नेपालका प्रतिनिधिहरूको उपस्थिति रहेको थियो । 

कर्तव्य ज्यान मुद्दामा रेड नोटिस जारी भएका फरार प्रतिवादी पक्राउ
२०७९-०५-३०

काठमाडौं, कर्तव्य ज्यान मुद्दामा ईन्टरपोलद्वारा रेड नोटिस जारी भई फरार रहेका प्रतिवादी धनुषा धनौजी गाउँपालिका-५ बहुअर्वा बस्ने राजिव कुमार मण्डललाई बिहीबार बिहान प्रहरीले पक्राउ गरेको छ ।  राजिव कुमार समेतका २ जनाले २०७८ भदौ २६ गते बिहान ज्यान मार्ने उद्देश्यले धारिलो हतियार तलवार प्रहार गर्दा गम्भीर घाइते भएका धनुषा धनौजी गाउँपालिका-५ बहुअर्वा बस्ने सरोज मण्डलको काठमाडौंस्थित राष्ट्रिय ट्रमा सेन्टरमा उपचारको क्रममा २०७८ चैत २८ गते मृत्यु भएको थियो । उक्त घटनामा संलग्न मण्डल उपर जिल्ला प्रहरी कार्यालय धनुषाले अनुसन्धानको क्रममा नेपाल प्रहरी प्रधान कार्यालय ईन्टरपोल शाखामा आवश्यक समन्वय गरेपश्चात इन्टरपोलद्वारा २०७९ भदौ १४ गते रेड नोटिस जारी गरिएको थियो । सो क्रममा ईन्टरपोल दोहा कतारसँगको आवश्यक समन्वयमा नेपाल प्रहरी प्रधान कार्यालय ईन्टरपोल शाखाबाट खटिएको प्रहरीले मण्डललाई त्रिभुवन अन्तर्राष्ट्रिय विमानस्थल गौचरबाट पक्राउ गरी आवश्यक अनुसन्धान प्रकृयाको लागि जिल्ला प्रहरी कार्यालय धनुषाबाट खटिई आएको प्रहरी टोलीलाई बुझाएको छ । 

युके पठाइदिन्छु भन्दै रकम ठगी गर्ने व्यक्ति पक्राउ
२०७९-०५-३०

काठमाडौं, युके पठाइदिन्छु भन्दै रकम ठगी गरेको अभियोगमा सोलुखुम्बु दुधकोशी गाउँपालिका-२ घर भई काठमाडौं कागेश्वर मनोहरा नगरपालिका काडाघारी बस्ने ४३ वर्षीय बालकृष्ण कार्कीलाई बिहीबार प्रहरीले पक्राउ गरेको छ । कार्कीले केही व्यक्तिहरुलाई वर्किङ भिषामा युके लगाएतका देशहरुमा रोजगारीको लागी पठाईदिन्छु भन्दै पीडितहरूबाट नगद १३ लाख ४६ हजार रुपैयाँ लिई सम्पर्क बिहीन भएका उनलाई काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले काठमाडौं महानगरपालिका-४ धुम्वाराहीबाट पक्राउ गरेको हो । उनलाई थप अनुसन्धान तथा कारवाहीको लागि वैदेशिक रोजगार विभाग बुद्धनगर काठमाडौं पठाइएको छ ।

प्रहरी हौं भन्दै लुटपाट गर्ने तीन जना पक्राउ
२०७९-०५-३०

काठमाडौं, प्रहरी हौं भन्दै नगद ३० लाख २३ हजार २ सय ८ रुपैयाँ लुटपाट गरेको अभियोगमा ३ जनालाई बुधबार प्रहरीले पक्राउ गरेको छ । पक्राउ पर्नेहरूमा भोजपुर रामप्रसाद राई गाउँपालिका-१ घर भई भक्तपुर लोकन्थली बस्ने २९ वर्षीय योगेन्द्र तामाङ, सिन्धुली मरिन गाउँपालिका-३ घर भई काठमाडौं कपन बस्ने ३० वर्षीय देव लामा र रामेछाप सुनापाती गाउँपालिका-१ घर भई काठमाडौं कपन बस्ने २० वर्षीय मिन बहादुर तितुङ(रोहित) रहेका छन् । काठमाडौं ठमेलस्थित ओरियण्टल मनी एक्सचेन्ज बन्द गरी कोठा जाने क्रममा म्हैपी पानी ट्याङ्की नजिक ३ वटा मोटरसाईकलमा आएका ५ जना अपरिचित व्यक्तिहरूले भदौ २२ गते साँझ प्रहरी हौँ भन्दै पीडितलाई जबरजस्ती मोटरसाइकलमा राखी डल्लु पुर्‍याई उक्त नगद, मोबाइल, लाइसेन्स र ब्लुबुक समेत रहेको झोला लुटपाट गरी फरार भएको घटनाको अनुसन्धानका लागि काठमाडौं उपत्यका अपराध अनुसन्धान कार्यालय मिनवभवनबाट खटिएको प्रहरीले उनीहरूलाई घटनामा प्रयोग भएको मोटरसाइकल सहित काठमाडौं कपनबाट पक्राउ गरको हो । घटनामा संलग्न अन्य व्यक्तिको खोजी गर्नुका साथै पक्राउ परेका उनीहरूलाई अपहरण तथा डाँका चोरी कसूर मुद्दामा थप अनुसन्धान तथा कारवाहीका लागि जिल्ला प्रहरी  परिसर टेकु पठाइएको छ ।

अनलाईन ठगी गर्ने कार्यमा संलग्न व्यक्ति पक्राउ
२०७९-०५-३०

   काठमाडौं, सामाजिक संजाल फेसबुकमा टि मोबाइल स्टोर पेज खोली उक्त पेजको दुरुपयोग गरी अनलाई ठगी गर्ने कार्याम संलग्न रहेको अभियोगमा सुनसरी इटहरी उपमहानगरपालिका-११ खनार बस्ने २३ वर्षीय प्रसिन चौधरीलाई बुधबार दिउँसो प्रहरीले पक्राउ गरेको छ ।     चौधरीले उक्त पेजको दुरुपयोग गरी आईफोन १३ प्रो मोबाईल सेट सस्तो मूल्य १ लाख १५ हजार रुपैयाँ पर्छ भनी पीडितलाई भन्सार ट्याक्स, डेलिभरी चार्ज बापत बिभिन्न ब्यक्तिहरुको ईसेवा आईडी तथा बैंक खातामा रकम पठाउन लगाई ठगी गरेको घटनाको थप अनुसन्धानका लागि खटिएको प्रहरीले उनलाई काठमाडौं महानगरपालिका-३१ नयाँबानेश्वरमा फेला पारी पक्राउ गरेको हो । उनलाई ठगी कसूरमा आवश्यक कारवाही एवं अनुसन्धानको लागि जिल्ला प्रहरी परिसर काठमाडौं पठाईएको छ ।

ट्राफिक नियन्त्रण १४५ औं समूहको तालिम सञ्चालन
२०७९-०५-३०

काठमाडौं, राष्ट्रिय प्रहरी प्रशिक्षण प्रतिष्ठान महाराजगंजको तत्वावधानमा काठमाडौं उपत्यका ट्राफिक प्रहरी कार्यालय  रामशाहपथमा १४५ औं समूहको ट्राफिक नियन्त्रण तालिम सञ्चालन भएको छ ।    काठमाडौं उपत्यका ट्राफिक प्रहरी कार्यालयका प्रहरी उपरीक्षक अवदेश बिष्ट क्षेत्रीले सोही कार्यालयमा बिहीबार आयोजित एक कार्यक्रमबीच उक्त तालिमको उद्‍घाटन गर्नुभयो । कार्यक्रममा तालिम संयोजक प्रहरी नायव उपरीक्षक दल राम टमटाले तालिम सम्बन्धी प्रतिवेदन प्रस्तुत गर्दै ४५ दिन कार्य अवधि रहेको उक्त तालिममा प्रहरी हवल्दार ३ जना, प्रहरी सहायक हवल्दार १८ जना र प्रहरी जवान ४२ जना गरी कुल ६३ जना प्रशिक्षार्थीहरु सहभागी रहेको जानकारी दिनुभयो ।

अवैध लागूऔषध सहित छुट्टाछुट्टै स्थानबाट १० जना पक्राउ
२०७९-०५-३०

रामेछाप, खाँडादेवी गाउँपालिका-३ आँपचौर बस्ने ४९ वर्षीय नवराज खत्रीलाई अवैध लागूऔषध गाँजा २ किलो ५ सय ग्राम सहित बुधबार दिउँसो प्रहरीले पक्राउ गरेको छ । उनको सोही ठाउँस्थित किनारा पसलमा लागूऔषध लुकाई राखेको छ भन्ने सूचनाको आधारमा ईलाका प्रहरी कार्यालय खाँडादेवीबाट खटिएको प्रहरीले तलासी गर्ने क्रममा उक्त गाँजा फेला पारी उनलाई पक्राउ गरेको हो । महोत्तरी, जलेश्वर नगरपालिका-३ मलिबाराबाट नियन्त्रित लागूऔषध नाईट्राभेट ५ हजार ४ सय ट्याब्लेट सहित सोही नगरपालिका-३ बस्ने रामजी मण्डल भन्ने  ४८ वर्षीय ठेलुया मण्डललाई बुधबार साँझ प्रहरीले पक्राउ गरेको छ । प्रहरी चौकी भिठ्ठामोडबाट खटिएको प्रहरीले जाँच गर्ने क्रममा ठेलुयाको साथबाट उक्त लागूऔषध फेला पारी पक्राउ गरेको हो । पर्सा, पर्सागढी नगरपालिका-२ बागवानाबाट अवैध लागूऔषध चरेश जस्तो देखिने वस्तु १३ किलो ८ सय ग्राम सहित मकवानपुर मनहरी गाउँपालिका-८ बस्ने ४२ वर्षीया कल्पना मोक्तान लगायत ३ जनालाई बुधबार साँझ प्रहरीले पक्राउ गरेको छ ।  जितपुरबाट मनवातर्फ आउँदै गरेको ना.२ ह ३१८६ नम्बरको अटोलाई अस्थाई प्रहरी पोष्ट मनवाबाट खटिएको प्रहरीले जाँच गर्ने क्रममा अटोमा सवार उनीहरूलाई उक्त वस्तु सहित फेला पारी पक्राउ गरेको हो । यसैगरी पर्सा, वीरगंज महानगरपालिका-१७ अलौबाट नियन्त्रित लागूऔषध फेनारगन २ सय ५० एम्पुल, डाईजेपाम २ सय ५० एम्पुल र नुर्फिन २ सय ५० एम्पुल सहित सोही महानगरपालिका-११ राघेमाई बस्ने ३७ वर्षीय पारस महतो लगायत ३ जनालाई बुधबार साँझ प्रहरीले पक्राउ गरेको छ । भारतबाट नेपालतर्फ आउँदै गरेको बीआर ०५ एबी ५३११९ नम्बरको मोटरसाइकललाई जिल्ला प्रहरी कार्यालय पर्साबाट खटिएको प्रहरीले जाँच गर्ने क्रममा मोटरसाइकलमा सवार उनीहरूलाई उक्त लागूऔषध सहित फेला पारी पक्राउ गरेको हो ।  भक्तपुर, चाँगुनारायण नगरपालिका-८ जितपुरबाट अवैध लागूऔषध गाँजा करिब ३ सय ग्राम सहित सोही नगरपालिका-७ बागेश्वरी बस्ने २४ वर्षीय सबिन जंग ढुंगाना लगायत २ जनालाई बुधबार बेलुकी प्रहरीले पक्राउ गरेको छ । बा.७७ प ३९७६ नम्बरको स्कुटरलाई प्रहरी वृत्त जगातीबाट खटिएको प्रहरीले जाँच गर्ने क्रममा स्कुटरको डिक्कीमा लुकाई ल्याएको उक्त गाँजा सहित स्कुटरमा सवार उनीहरूलाई पक्राउ गरेको हो ।  यस सम्बन्धमा प्रहरीले आवश्यक अनुसन्धान गरिरहेको छ ।