लागूऔषध मुद्दाका फरार प्रतिवादी पक्राउ
२०८३-०२-०९
- A
- A-
- A+
काठमाडौं, लागूऔषध मुद्दाका फरार प्रतिवादी काभ्रेपलाञ्चोक पाँचखाल नगरपालिका-१३ घर भएका ३७ वर्षीय सन्तोष विश्वकर्मालाई शुक्रबार प्रहरीले पक्राउ गरेको छ ।
उक्त मुद्दामा पुर्पक्षमा रही केन्द्रीय कारागार कार्यालय जगन्नाथदेवल काठमाडौंमा रहेकोमा २०८२ भदौ २४ गतेको आन्दोलनमा भागी फरार रहेका उनलाई काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले काठमाडौं तारकेश्वर नगरपालिका-५ बोहराटारबाट पक्राउ गरेको हो ।
उनलाई आवश्यक कारबाहीको लागि केन्द्रीय कारागार सुन्धारा काठमाडौं पठाइएको छ ।