नवनियुक्त प्रहरी महानिरीक्षक डा. मनोज कुमार के.सी. ज्यूलाई दर्ज्यानी चिन्हद्वारा सुशोभित गर्नुहुँदै माननीय गृहमन्त्री सुधन गुरुङज्यू । मितिः२०८३।०७।१८ गते ।
नवनियुक्त प्र.म.नि. डा. मनोज कुमार के.सी.ज्यूलाई नेपाल प्रहरी प्रधान कार्यालयमा स्वागत गर्नुहुँदै प्रा.प्र.अ.म.नि. डा. सुन्दर ह्योजु । मितिः २०८३।०७।१८ गते ।
अमर प्रहरी स्मारकमा पुष्पहार अर्पण गर्नुहुँदै नवनियुक्त प्र.म.नि. डा. मनोज कुमार के.सी.ज्यू । मितिः २०८३।०७।१८ गते ।
नवनियुक्त प्र.म.नि. डा. मनोज कुमार के.सी. ज्यूलाई स्वागत गर्नुहुँदै नेपाल प्रहरीका केन्द्रीय प्रहरी प्रवक्ता प्र.ना.म.नि. अबि नारायण काफ्लेज्यू । मितिः २०८३।०७।१८ गते ।
नवनियुक्त प्र.म.नि. डा. मनोज कुमार के.सी.ज्यूको पदवहाली । मितिः २०८३।०७।१८ गते ।
ने.प्र.प्र.का.मा वृक्षारोपण गर्नुहुँदै नवनियुक्त प्र.म.नि. डा. मनोज कुमार के.सी.ज्यू । मितिः २०८३।०७।१८ गते ।
प्रहरी कर्मचारीहरुलाई निर्देशन सम्बोधन गर्नुहुँदै नवनियुक्त प्र.म.नि. डा. मनोज कुमार के.सी. ज्यू । २०८३।०७।१८ गते ।
७१औं प्रहरी दिवस २०८३ को अवसरमा नेपाल प्रहरी प्रधान कार्यालयमा वृक्षारोपण गर्नुहुँदै माननीय गृह मन्त्री सुधन गुरुङज्यू। मिति:-२०८३।०६।३० गते
७१औं प्रहरी दिवस २०८३ को अवसरमा अमर प्रहरी स्मारकमा पुष्पहार अर्पण गर्नुहुँदै माननीय गृह मन्त्री सुधन गुरुङज्यू। मिति:- २०८३।०६।३० गते
७१औं प्रहरी दिवस २०८३ को अवसरमा आयोजित अमर प्रहरीहरु प्रति श्रद्धाञ्जली अर्पण कार्यक्रम । मिति:- २०८३।०६।३० गते
Police Mirror 2026 लोकार्पण गर्नुहुँदै माननीय गृह मन्त्री सुधन गुरुङ ज्यू। मिति:- २०८३।०६।३० गते
पुलिस ब्याटन २०८३ प्राप्त गर्न सफल लुम्बिनी प्रदेश प्रहरी कार्यालय प्रमुख प्र.ना.म.नि. भूपेन्द्र बहादुर खत्रीज्यूलाई ब्याटन हस्तान्तरण गर्नुहुँदै माननीय गृहमन्त्री सुधन गुरुङज्यू । मिति:-२०८३।०६।३० गते
७१औं प्रहरी दिवस २०८३ को अवसरमा प्र.ना.म.नि. (अ.प्रा.) डा. प्रेम लाल श्रेष्ठ ज्यूलाई 'LIFETIME ACHIEVEMENT AWARD ' प्रदान गर्नुहुँदै माननीय गृह मन्त्री सुधन गुरुङज्यू । मिति:-२०८३।०६।३० गते
प्रहरी निरीक्षक आधारभूत तालिम १-१८४ औं समूहको दीक्षान्त समारोहका प्रमुख अतिथि सम्माननीय प्रधानमन्त्री वालेन्द्र शाहज्यूसंग सामूहिक फोटो । मिति २०८३।०६।२६ गते ।
नेपाल प्रहरी प्रधान कार्यालयमा श्रीमान् गृहसचिव केदारनाथ शर्माज्यूबाट निरीक्षण तथा निर्देशन सम्बोधन कार्यक्रम पश्चात सामुहिक तस्विर । मिति २०८३।०५।२४ गते ।
अन्य जानकारीहरु
चारित्रिक प्रमाणपत्र
नेपाल प्रहरीले बिभिन्न प्रयोजनका लागि चारित्रिक प्रमाणपत्र उपलब्ध गराई पाऊ भनी अनलाईन निवेदन दिने स्वदेशी तथा विदेशी नागरिकहरूलाई चारीत्रिक प्रमाणपत्र उपलब्ध गराउने गर्दछ ।
चालचलन प्रमाणपत्र सम्बन्धी थप जानकारी
Mission Statement
"कानुनी राज्यको मूल अवधारणाबाट निर्दिष्ट प्रभावकारी अपराध नियन्त्रण र अनुसन्धान एवं कानुन कार्यान्वयनद्धारा समाजमा शान्ति, सुव्यवस्था एवं सुरक्षा स्थापना गर्न प्रतिवद्ध, राष्ट्रप्रति समर्पित, स्वच्छ एवं व्यवसायिक प्रहरी"
-
चाडपर्वको समयमा कुनै पनि अवाञ्छित गतिविधि हुन नदिन विशेष सुरक्षा योजना अवलम्बन गर्दै नेपाल प्रहरी
२०८३-०७-१९काठमाडौं, नेपाली समुदायहरूको नजिकिँदै गरेको महान चाड दिपावली, नेपाल सम्वत् र छठपर्व लगायतका पर्वहरूलाई विशेष केन्द्रबिन्दुमा राखेर नेपाल प्रहरीले चाडपर्व लक्षित विशेष सुरक्षा योजना, २०८३ लागू गरी कार्य गरिरहेको छ । चाडपर्वको समयमा शान्ति, सुरक्षा र अमनचयन कायम राख्न तथा कुनै पनि किसिमका अवाञ्छित घटना हुन नदिन सुरक्षा योजना अवलम्बन गरी सोही अनुरूप प्रभावकारी रूपमा प्रहरी परिचालन भइरहेको छ । देउसी-भैलो कार्यक्रम रातको निश्चित समय (स्थानीय प्रशासनले तोकेको समय) भित्र मात्र मर्यादित रूपमा सञ्चालन गर्ने, तिहारमा बालिने दियो, बत्ती र पटकाका कारण हुनसक्ने आगलागीको जोखिमलाई ध्यानमा राखी दमकल एवम् विपद् व्यवस्थापन टोलीलाई २४ सै घण्टा तयारी अवस्थामा राखिएको छ । नेपाल प्रहरीका केन्द्रीय प्रहरी प्रवक्ता प्रहरी नायव महानिरीक्षक अबि नारायण काफ्ले भन्नुहुन्छ, ‘सीमा नाका, भन्सार क्षेत्र, सार्वजनिक यातायात तथा मुख्य बजार क्षेत्रहरूमा विशेष अनुगमन र चेकिङ टोली खटाई पटका लगायत अन्य प्रज्ज्वलनशील/विष्फोटक पदार्थको गैर कानूनी ओसारपसार, भण्डारण र बिक्री वितरणलाई पुर्णरुपमा नियन्त्रण गर्न प्रहरी सक्रिय रूपमा क्रियाशील भइरहेको छ । पटका नपड्काउन, जुवा तास नखेल्न, मादक पदार्थ सेवन गरी होहल्ला नगर्न र शान्तिपूर्ण रूपमा पर्व मनाउन स्थानीय रेडियो, पत्रपत्रिका र सामाजिक सञ्जालहरू मार्फत सूचना प्रवाह गर्नुका साथै जुवातास, सट्टेबाजी र अवाञ्छित गतिविधि हुनसक्ने सम्भावित क्षेत्रहरूमा आवश्यकता अनुसार सादा पोशाकमा समेत प्रहरी परिचालन गरिएको छ । पटका र विस्फोटको सट्टा दीप प्रज्वलन, देउसी-भैलो, सांस्कृतिक कार्यक्रम तथा पारिवारिक भेटघाटमार्फत तिहारको खुसी साटासाट गरौँ । आफ्नो खुसीले अरूको सुरक्षा, स्वास्थ्य र वातावरणमा असर नपर्ने कुरामा सचेत बनौँ ।’ चाडपर्वका बेला निकालिने र्याली, जुलुस वा शोभायात्राको मार्ग र समयका कारण दुई समुदाय बीच हुनसक्ने विवाद वा झडपलाई न्यूनीकरण गर्न सुरक्षा व्यवस्थापन थप मजबुत पारिएको छ । चाडपर्व, पूजाआजा वा मेलाहरूमा राति अबेरसम्म चर्को आवाजमा डिजे र साउण्ड सिस्टम बजाउने, पटका पड्काउने, आतिशबाजीको भयानक आवाजले ध्वनि प्रदूषण हुने जस्ता गतिविधिले वृद्धवृद्धा, बालबालिका, बिरामीहरूमा नकारात्मक असर पर्न जान सक्ने सम्भावनालाई समेत मध्यनजर गरी सुरक्षा व्यवस्थापन चुस्त बनाइएको छ । चाडपर्वको नाममा अनियन्त्रित रूपमा मादक पदार्थ सेवन गर्ने र जुवातास खेल्ने प्रवृत्तिले गर्दा घरेलु हिंसा, कुटपिट र व्यक्तिगत झगडाहरू समेत हुने तथा मेला परिसर वा सार्वजनिक ठाउँहरूमा प्लाष्टिक, फूलमाला र पूजा सामग्रीहरूको अव्यवस्थित विसर्जनले जल र स्थल प्रदूषण हुन/गर्न नदिन सम्बद्ध पक्षहरूसँग समन्वय गरी सचेतना फैलाउने काम भइरहेको छ । तिहार पर्वमा पटका तथा आतिसबाजी नगर्न नेपाल प्रहरीको विशेष अनुरोध :तिहार उज्यालो, खुसी, आपसी सद्भाव र भाइचाराको पर्व हो । यस पर्वलाई सुरक्षित, सभ्य र मर्यादित रूपमा मनाउनु हामी सबैको साझा दायित्व हो । पटका, आतिसबाजी तथा पटकाजन्य पदार्थको प्रयोगले आगलागी, मानवीय चोटपटक, अङ्गभङ्ग, घर तथा सम्पत्तिमा क्षति र वातावरणीय प्रदूषण निम्त्याउन सक्ने भएकाले नेपाल प्रहरी आम नागरिकहरूमा विशेष अनुरोध गर्दछ । पटका तथा विस्फोटक पदार्थको प्रयोगले गम्भीर दुर्घटना निम्त्याउन सक्ने हुनाले त्यसको प्रयोग नगर्न प्रहरीले विशेष अनुरोध गरेको छ । बालबालिकाको हातमा पटका तथा प्रज्वलनशील पदार्थ नदिन, उनीहरूलाई यस्ता वस्तुबाट टाढा राख्नुका साथै अभिभावकले विशेष निगरानी र सचेतना अपनाउनुपर्ने, आगलागीबाट बच्न आवश्यक सतर्कता अपनाउनुपर्ने, विद्युत सर्ट हुन सक्ने सम्भावनालाई ध्यानमा राखी घर तथा पसलको सुरक्षा गर्नुपर्ने, पटका तथा अन्य विस्फोटक पदार्थको आवाजबाट हुनसक्ने ध्वनि प्रदूषण नियन्त्रणमा सहयोग गर्न, सार्वजनिक स्थान तथा सडकमा पटका नपड्काउन, पटका तथा विस्फोटक पदार्थको अवैध कारोबार नगर्न एवम् मादक पदार्थ सेवन गरी यात्रा नगर्न समेत प्रहरीले विशेष अनुरोध गरेको छ । कुनै स्थानमा आगलागी, विस्फोट वा अन्य दुर्घटना भए तत्काल नजिकको प्रहरी कार्यालय, दमकल वा सम्बन्धित निकायमा खबर गर्न अनुरोध गर्दै घाइतेलाई यथाशीघ्र उद्दार गरी नजिकको स्वास्थ्य संस्थामा पुर्याउन सहयोग गर्न समेत प्रहरीले आग्रह गरेको छ । अवैध रूपमा पटका तथा विस्फोटक पदार्थको कारोबार, भण्डारण वा प्रयोग भएको देखेमा नजिकको प्रहरी कार्यालय वा प्रहरीको हटलाइन १०० मा जानकारी गराई सहयोग गर्ने समेत सबै नागरिकहरूलाई प्रहरीले आग्रह गरेको छ । कालोबजारी तथा कृत्रिम अभाव नियन्त्रणमा प्रहरीको सक्रियता :चाडपर्वको समयमा खाद्यान्न, लत्ताकपडा, इन्धन, उपभोग्य वस्तु तथा दैनिक आवश्यकताका सामग्रीको माग बढ्ने हुँदा कृत्रिम अभाव सिर्जना गर्ने, अस्वाभाविक मूल्यवृद्धि गर्ने, म्याद गुज्रिएका तथा गुणस्तरहीन वस्तु बिक्री गर्ने र उपभोक्तालाई ठगी गर्ने गतिविधि हुन सक्ने भएकाले नेपाल प्रहरीले त्यस्तो गतिविधि नियन्त्रण गर्न विशेष सक्रियता अपनाएको छ ।नेपाल प्रहरीले वाणिज्य, आपूर्ति तथा उपभोक्ता संरक्षण विभाग, स्थानीय तह, जिल्ला प्रशासन कार्यालय र अन्य सरोकारवाला निकायसँग समन्वय गरी बजार अनुगमनमा सहकार्य गरिरहेको छ । कृत्रिम अभाव सिर्जना गर्ने, अस्वाभाविक मूल्यवृद्धि गर्ने तथा बढी मूल्य लिने व्यवसायीमाथि निगरानी र आवश्यक अनुसन्धान गर्ने, उपभोक्ताको स्वास्थ्यमा प्रतिकूल असर पार्ने म्याद गुज्रिएका, नक्कली तथा गुणस्तरहीन वस्तुको बिक्रीवितरण सम्बन्धी सूचनामा तत्काल कारबाहीका लागि सम्बन्धित निकायसँग समन्वय गर्नुका साथै ठूला व्यापारिक केन्द्र, गोदाम, डिपो, बजार क्षेत्र तथा आपूर्ति मार्गहरूमा आवश्यक सुरक्षा निगरानी र चेकजाँचलाई थप तीव्र बनाउँदै प्रहरीले कार्य गरिरहेको छ । कालोबजारी, मूल्यवृद्धि र उपभोक्ता ठगी सम्बन्धी सूचना संकलन गरी तत्काल प्रहरी परिचालन गर्ने तथा प्राप्त उजुरीमाथि अनुसन्धान गर्नुका साथै उपभोक्ताबाट प्राप्त गुनासो, सूचना तथा उजुरीलाई प्राथमिकताका साथ सम्बोधन गर्न प्रहरी कार्यालयहरूलाई सक्रिय बनाउनुका साथै आवश्यकता अनुसार संयुक्त अनुगमन टोली परिचालन गरिने छ । फूलमाला तथा पूजासामग्रीको बिक्रीवितरणमा उपभोक्ता नठगिऊन् भन्ने उद्देश्यले व्यवसायीलाई पारदर्शी मूल्यमा बिक्रीवितरण गर्न अनुरोध गर्दै फूलमाला तथा अन्य पूजासामग्रीको कृत्रिम अभाव सिर्जना गर्ने, अस्वाभाविक मूल्यवृद्धि गर्ने र उपभोक्तालाई ठगी गर्ने गतिविधि रोक्न सम्बन्धित निकायसँग समन्वय गरी बजार अनुगमन, मूल्यसूचीको पालना तथा उपभोक्ता हित संरक्षणमा निगरानी गर्ने कार्य समेत प्रहरीले गरिरहेको छ ।चाडपर्वको अवधिमा देशभर समग्र सुरक्षा व्यवस्थालाई भरपर्दो, विश्वसनीय र सुदृढ बनाई आम नागरिकलाई सुरक्षाको प्रत्याभूति दिलाउन योजनाबद्ध रूपमा प्रहरी परिचालन, अनुगमन तथा सुरक्षा मापदण्ड समेतलाई लक्षित गरी विशेष सुरक्षा योजना अवलम्बन गरिएको छ । चाडपर्वमा हुन सक्ने ठगी, चोरी, डकैती, लुटपाट, जुवातास, अनलाइन ठगी, बेटिङ, नक्कली नोटको कारोबार, अवैध हुण्डी कारोबार लगायतका आपराधिक गतिविधिहरू नियन्त्रण तथा न्यूनीकरण गर्न प्रभवाकारी रूपमा प्रहरी परिचालित हुनेछन् । काठमाडौं उपत्यकाबाट बाहिरिने सवारी साधनहरूको सम्बन्धमा बाहिरिनु भन्दा अघि नै प्रत्येक चालकहरूको सवारी चालक अनुमति पत्र चेकजाँच, मादक पदार्थ एवम् लागूपदार्थ सेवन चेकजाँच, सिट क्षमता अनुसार यात्रु राखे नराखेको चेकजाँच, TCA (Traffic Communication Application) को प्रयोग गरी लामो दूरीको सवारी साधनहरूमा २ जना चालक भए नभएको चेकजाँच गर्ने र प्रत्येक सवारी साधनहरूको मेकानिकल चेकजाँच समेत गरिनेछ ।नेपाल प्रहरी तिहार पर्वलाई शान्तिपूर्ण, सुरक्षित र मर्यादित बनाउन प्रतिबद्ध छ । यस अभियानमा आम नागरिक, अभिभावक, व्यवसायी, स्थानीय तह तथा सरोकारवाला सबैको सहयोग र सहकार्यको अपेक्षा गर्दछौँ । नेपाल प्रहरीले चाडपर्वको समयमा नागरिकको सुरक्षा, सहज आवागमन तथा शान्तिपूर्ण वातावरण कायम गर्न ‘सूचना-प्रविधि-प्रहरी परिचालन-नागरिक सहकार्य’ लाई मुख्य आधार बनाउँदै सुरक्षा व्यवस्था मिलाएको छ ।“ढुक्क भएर चाडपर्व मनाउनुहोस्, नागरिकको सुरक्षा र शान्तिका लागि नेपाल प्रहरी सदैव तपाईहरूको साथमा छ ।”
[ विस्तृतमा ] -
अवैध लागूऔषध ब्राउनसुगर सहित तीन जना पक्राउ
२०८३-०७-१९झापा, मेचीनगर नगरपालिका-६ मेचीडाँडाबाट अवैध लागूऔषध ब्राउनसुगर जस्तो देखिने पदार्थ ५ ग्राम ५ सय ८० मिलिग्राम सहित अर्जुनधारा नगरपालिका-११ गिरिबन्धु टोल बस्ने ४३ वर्षीय बिनोद श्रेष्ठलाई बिहीबार दिउँसो प्रहरीले पक्राउ गरेको छ । लागूऔषध नियन्त्रण ब्यूरो शाखा कार्यालय काँकरभिट्टा समेतबाट खटिएको प्रहरीले उनलाई उक्त पदार्थ सहित पक्राउ गरेको हो । सुर्खेत, वीरेन्द्रनगर नगरपालिका-७ मिलनचोक बस्ने ३१ वर्षीय सुनिल कुमार थापालाई अवैध लागूऔषध ब्राउनसुगर जस्तो देखिने पदार्थ १ ग्राम ५० मिलिग्राम सहित बिहीबार दिउँसो प्रहरीले पक्राउ गरेको छ । जिल्ला प्रहरी कार्यालय सुर्खेत समेतबाट खटिएको प्रहरीले सुनिलको घर तलासी गर्दा उक्त पदार्थ फेला पारी उनलाई पक्राउ गरेको हो । बाँके, कोहलपुर नगरपालिका-६ रझेना बस्ने २४ वर्षीय सुनिल थारूलाई अवैध लागूऔषध ब्राउनसुगर जस्तो देखिने पदार्थ ५ सय मिलिग्राम सहित बिहीबार दिउँसो प्रहरीले पक्राउ गरेको छ । इलाका प्रहरी कार्यालय कोहलपुर समेतबाट खटिएको प्रहरीले सुनिलको घर तलासी गर्दा उक्त पदार्थ फेला पारी उनलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
[ विस्तृतमा ] -
अवैध लागूऔषध सहित विभिन्न स्थानबाट ९ जना पक्राउ
२०८३-०७-१९मोरङ, विराटनगर महानगरपालिका-१२ रोडषेशस्थित बिरेन्द्र होटल एण्ड लजबाट अवैध लागूऔषध ब्राउनसुगर जस्तो देखिने पदार्थ ४८ ग्राम ५ मिलिग्राम र डिजिटल तराजु १ थान सहित होटल संचालक सोही महानगरपालिका-११ बस्ने ३५ वर्षीय निकु सिंहलाई बुधबार दिउँसो प्रहरीले पक्राउ गरेको छ । जिल्ला प्रहरी कार्यालय मोरङबाट खटिएको प्रहरीले होटल तलासी गर्दा उक्त पदार्थ फेला पारी उनलाई पक्राउ गरेको हो । सुर्खेत, वीरेन्द्रनगर नगरपालिका-३ प्रगतिटोलबाट अवैध लागूऔषध ब्राउनसुगर जस्तो देखिने पदार्थ ५ ग्राम ५ सय ५० मिलिग्राम सहित २ जनालाई बुधबार दिउँसो प्रहरीले पक्राउ गरेको छ । पक्राउ पर्नेहरूमा सोही नगरपालिका-६ बस्ने २५ वर्षीय नितेस सुनार र सोही नगरपालिका-३ बस्ने २७ वर्षीय सुरेश शाही रहेका छन् । जिल्ला प्रहरी कार्यालय सुर्खेत समेतबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । ललितपुर, गोदावरी नगरपालिका-१४ बाट नियन्त्रित लागूऔषध ट्रामाडोल ३० ट्याब्लेट सहित सोही नगरपालिका-४ बस्ने २१ वर्षीया अनिता परियारलाई बुधबार बेलुकी प्रहरी पक्राउ गरेको छ । प्रहरी प्रभाग बाँडेगाउँबाट खटिएको प्रहरीले उनलाई उक्त लागूऔषध सहित पक्राउ गरेको हो । उदयपुर, त्रियुगा नगरपालिका-३ हात्तीमारा बस्ने २४ वर्षीय अर्जुन रोक्का समेत २ जनालाई अवैध लागूऔषध ब्राउनसुगर जस्तो देखिने पदार्थ २ ग्राम ८० मिलिग्राम सहित बुधबार साँझ प्रहरीले पक्राउ गरेको छ । अस्थायी प्रहरी पोष्ट पोष्ट बसपार्कबाट खटिएको प्रहरीले अर्जुनको घर तलासी गर्दा उक्त पदार्थ फेला पारी उनीहरुलाई पक्राउ गरेको हो । धनुषा, जनकपुर उपमहानगरपालिका-१ बाट अवैध लागूऔषध ब्राउनसुगर जस्तो देखिने पदार्थ १ सय १० मिलिग्राम सहित कमला नगरपालिका-४ लग्मा बस्ने १९ वर्षीय बिजय कुमार यादवलाई बुधबार बेलुकी प्रहरीले पक्राउ गरेको छ । जिल्ला प्रहरी कार्यालय धनुषाबाट खटिएको प्रहरीले उनलाई उक्त पदार्थ सहित पक्राउ गरेको हो । दाङ, घोराही उपमहानगरपालिका-१४ रामनगर टोल बस्ने ५१ वर्षीय ललितराज कुवर क्षेत्रीलाई अवैध लागूऔषध ब्राउनसुगर जस्तो देखिने पदार्थ ५ ग्राम ३ सय मिलिग्राम सहित मंगलबार दिउँसो प्रहरीले पक्राउ गरेको छ । जिल्ला प्रहरी कार्यालय दाङबाट खटिएको प्रहरीले ललितराजको घर तलासी गर्दा उक्त पदार्थ फेला पारी उनलाई पक्राउ गरेको हो । बर्दिया, गुलरिया नगरपालिका-११ गणेशपुरबाट अवैध लागूऔषध ब्राउनसुगर जस्तो देखिने पदार्थ १ सय ६० मिलिग्राम सहित बाँके खजुरा गाउँपालिका-६ घर भएका २९ वर्षीय करण बरालीलाई बुधबार दिउँसो प्रहरीले पक्राउ गरेको छ । प्रहरी चौकी महम्मदपुरबाट खटिएको प्रहरीले उनलाई उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
[ विस्तृतमा ]
हाईलाईटहरु
- प्रहरी कल्याण कोषको मुद्दती निक्षेप लगानी सम्बन्धी सूचना
- बाटो अवरुद्ध भएको सम्बन्धी :- मिति २०८३।०७।१९ गते ०९:०० बजे सम्म ।
- प्रहरी सहायक निरीक्षक (जनपद) पदको विशेष स्वास्थ्य परीक्षणको नतिजा र सक्षमता परीक्षण तथा अन्तर्वार्ता तालिका प्रकाशन सम्बन्धी सूचना (२०८३-०७-१८)
- निष्क्रिय प्रहरी कुकुर स्वीकारकर्ता छनौट गरिएको सम्बन्धी सुचना
- नेपाल प्रहरी स्मारक गुठीको आजीवन सदस्य फाराम सम्बन्धी सूचना
- Invitation for Bidders Notice and Related Bidding Documents (2083-07-16)
- PLSC Enrolment Form (Batch 03)
रिपोर्ट तथा प्रकाशन
अपराध तथ्याङ्क
नेपाल प्रहरी मोबाईल एप्स
Google Play र Apple app store मा उपलव्ध छ ।
