काठमाडौं, तारकेश्‍वर नगरपालिका-१० मनमैजु डेरा गरी बस्ने धादिङ घर भएका ३५ वर्षीय प्रेम तामाङको कोठा जुवातास खेलिरहेको अवस्थामा प्रेम समेत १० जनालाई गए राति प्रहरीले पक्राउ गरेको छ । प्रहरी वृत्त बालाजुबाट खटिएको प्रहरीले उनीहरूलाई नगद ४ लाख ४ हजार रूपैयाँ, ७ बुक तास र १७ थान कौडा सहित पक्राउ गरेको हो ।   

ललितपुर, ललितपुर महानगरपालिका-१५ चापागाउँस्थित घरमा जुवातास खेलिरहेको अवस्थामा ललितपुर ईमाडोल बस्ने भोजपुर घर भएका ४५ वर्षीय कृष्ण बराईली समेत ४ जनालाई शुक्रबार राति प्रहरीले पक्राउ गरेको छ । प्रहरी वृत्त सातदोबाटोबाट खटिएको प्रहरीले उनीहरूलाई नगद १ लाख ४९ हजार ३ सय रूपैयाँ र १५ बुक तास सहित पक्राउ गरेको हो ।    

यस सम्बन्धमा प्रहरीले आवश्यक अनुसन्धान गरिरहेको छ ।