काठमाडौं, नागार्जुन नगरपालिका-८ भिमढुङ्गाबाट अवैध लागूऔषध गाँजाको धुलो ५ किलोग्राम र पोलेन ८ किलोग्राम सहित २ जनालाई मंगलबार दिउँसो प्रहरीले पक्राउ गरेको छ । पक्राउ पर्नेहरूमा काठमाडौं महानगरपालिका-३ छकडोल बस्ने गोरखा भिमसेनथापा गाउँपालिका-१ घर भएका २७ वर्षीय रपेन्द्र श्रेष्ठ र धादिङ गजुरी गाउँपालिका-८ घर भएकी ३४ वर्षीय अमृता तामाङ रहेका छन् । प्रहरी चौकी भिमढुङ्गा समेतबाट खटिएको प्रहरीले बा.३४ प ८४०९ नम्बरको मोटरसाइकलमा सवार उनीहरूलाई उक्त लागूऔषध सहित पक्राउ गरेको हो । 

सिन्धुली, कमलामाई नगरपालिका-९ भिमानबाट अवैध लागूऔषध खैरो हेरोइन जस्तो देखिने पदार्थ २ ग्राम ६ सय ६० मिलिग्राम सहित झापा भद्रपुर नगरपालिका-४ बस्ने २९ वर्षीय आशिष रिजाललाई मंगलबार दिउँसो प्रहरीले पक्राउ गरेको   छ । इलाका प्रहरी कार्यालय भिमान र लागूऔषध नियन्त्रण ब्यूरो शाखा कार्यालय बर्दिबासबाट खटिएको प्रहरीले झापाबाट काठमाडौंतर्फ जाँदै गरेको बा.५ ख ६७९८ नम्बरको हायसमा सवार उनलाई उक्त पदार्थ सहित फेला पारी पक्राउ गरेको हो । 

सिराहा, सिरहा नगरपालिका-१४ बाट अवैध लागूऔषध ब्राउनसुगर जस्तो देखिने पदार्थ १४ ग्राम ३ सय ४० मिलिग्राम सहित सिन्धुली फिकल गाउँपालिका-६ बस्ने २८ वर्षीय खेम बहादुर कार्कीलाई मंगलबार राति प्रहरीले पक्राउ गरेको   छ । प्रहरी चौकी खिरौनाबाट खटिएको प्रहरीले माडरबाट सिराहातर्फ आउँदै गरेको हाल नम्बर नखुलेको मोटरसाइकललाई जाँच गर्ने क्रममा मोटरसाइकल सहित चालक फरार भएको र मोटरसाइकलमा सवार खेम बहादुरलाई नियन्त्रणमा लिई जाँच गर्दा उनको साथबाट उक्त पदार्थ फेला परेको हो । प्रहरीले हाल फरार मोटरसाइकल र चालकको खोजी गरिरहेको छ । 

दाङ, तुलसीपुर उपमहानगरपालिका-३ दमारगाउँ बस्ने २७ वर्षीय बरूण गुरूङलाई अवैध लागूऔषध ब्राउनसुगर जस्तो देखिने पदार्थ करिब १ ग्राम ९ सय ६० मिलिग्राम सहित मंगलबार राति प्रहरीले पक्राउ गरेको छ । इलाका प्रहरी कार्यालय तुलसीपुरबाट खटिएको प्रहरीले उनको घर तलासी गर्दा उक्त पदार्थ फेला पारी पक्राउ गरेको हो । 

भक्तपुर, सूर्यविनायक नगरपालिका-७ गुण्डु मोडर्न कलेज नजिकबाट नियन्त्रित लागूऔषध ट्रामाडोल १० ट्याब्लेट सहित २ जनालाई मंगलबार दिउँसो प्रहरीले पक्राउ गरेको छ । पक्राउ पर्नेहरूमा सूर्यविनायक नगरपालिका-४ ददिकोट बस्ने २८ वर्षीय प्रदिप थापा र भक्तपुर ठिमीचोक बस्ने सिन्धुपाल्चोक इन्द्रावती गाउँपालिका-१० मेलम्ची घर भएका २९ वर्षीय विनोद घिमिरे रहेका छन् । अस्थायी प्रहरी पोष्ट गुण्डुबाट खटिएको प्रहरीले उनीहरूलाई उक्त लागूऔषध सहित पक्राउ गरेको हो । 

यसैगरी भक्तपुर, सूर्यविनायक नगरपालिका-६ सुन्दरबस्तीबाट नियन्त्रित लागूऔषध ट्रामाडोल २ सय ३० ट्याब्लेट, एसएलआरको गोली २ राउण्ड, खुकुरी १ थान र मोबाइल ६ थान सहित सोही नगरपालिका-८ सिपाडोल बस्ने २३ वर्षीय निरज खत्रीलाई मंगलबार साँझ प्रहरीले पक्राउ गरेको छ । प्रहरी वृत्त जगातीबाट खटिएको प्रहरीले उनलाई उक्त लागूऔषध सहित पक्राउ गरेको हो । 

चितवन, भरतपुर महानगरपालिका-२ नमस्ते चोक र सोही महानगरपालिका-१० एयरपोट पछाडीबाट अवैध लागूऔषध ब्राउनसुगर जस्तो देखिने पदार्थ ६५ ग्राम २ सय ३० मिलिग्राम सहित ५ जनालाई मंगलबार साँझ प्रहरीले पक्राउ गरेको छ । पक्राउ पर्नेहरूमा भरतपुर महानगरपालिका-२ क्षेत्रपुर बस्ने ३० वर्षीय मोहम्मद निरज, २९ वर्षीय रमन श्रेष्ठ, भरतपुर महानगरपालिका-१० भरतपुर विमानस्थल पछाडी डेरा गरी बस्ने गोरखा भच्चेक घर भएकी २५ वर्षीया अस्मिता भन्ने सिर्जना परियार, चितवन रत्ननगर डेरा गरी बस्ने गोरखा छोप्राक घर भएकी २३ वर्षीया सुष्मा गुरूङ र भरतपुर महानगरपालिका-११ बसेनी बस्ने २९ वर्षीय विजय गिरी रहेका छन् ।  जिल्ला प्रहरी कार्यालय चितवनबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । 

यसैगरी चितवन, भरतपुर महानगरपालिका-४ बाट अवैध लागूऔषध गाँजा करिब ४ सय ५६ ग्राम सहित सोही ठाउँ बस्ने केशर बहादुर थापा मगरलाई मंगलबार साँझ प्रहरीले पक्राउ गरेको छ । जिल्ला प्रहरी कार्यालय चितवनबाट खटिएको प्रहरीले उनको कोठा तलासी गर्दा उक्त गाँजा फेला पारी पक्राउ गरेको हो । 

यसैगरी चितवन, भरतपुर महानगरपालिका-४ रामघाट लाङघाली चोकबाट अवैध लागूऔषध गाँजा करिब २ किलो ३६ ग्राम सहित ३ जनालाई मंगलबार दिउँसो प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने ३५ वर्षीय पुर्ण बहादुर थापा मगर, भरतपुर महानगरपालिका-४ बस्ने पर्सा वीरगंज घर भएका २३ वर्षीय बिशेष चौधरी र तनहुँ बन्दिपुर नगरपालिका-३ बस्ने २० वर्षीय पुजन राना मगर रहेका छन् । वडा प्रहरी कार्यालय नारायणगढबाट खटिएको प्रहरीले पुर्ण बहादुरको घर तलासी गर्दा उक्त गाँजा फेला पारी उनीहरूलाई पक्राउ गरेको हो । 

रूपन्देही, सैनामैना नगरपालिका-११ उत्तर बरौलीबाट अवैध लागूऔषध ब्राउनसुगर जस्तो देखिने पदार्थ ४ सय १० मिलिग्राम सहित २ जनालाई मंगलबार राति प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने २५ वर्षीय भिम पचभैया मगर र सैनामैना नगरपालिका-१० बस्ने ३० वर्षीय खिम कुमार पुलामी थापा रहेका छन् । इलाका प्रहरी कार्यालय सालझण्डीबाट खटिएको प्रहरीले भिमको घर तलासी गर्दा उक्त पदार्थ फेला पारी दुवै जनालाई पक्राउ गरेको हो । 

तनहुँ, आँबुखैरेनी गाउँपालिका-४ बेनीटारबाट नियन्त्रित लागूऔषध टापेन्टाडोल ७ सय ७ ट्याब्लेट सहित धादिङ निलकण्ठ नगरपालिका-१२ बस्ने २६ वर्षीय प्रकाश विकलाई मंगलबार दिउँसो प्रहरीले पक्राउ गरेको छ । अस्थायी प्रहरी पोष्ट मुग्लिङ पुलजिपबाट खटिएको प्रहरीले मुग्लिङबाट दमौलीतर्फ जाँदै गरेको ग.प्र.०३-००१ ख ००३३ नम्बरको बसमा सवार उनलाई उक्त लागूऔषध सहित फेला पारी पक्राउ गरेको हो । 

रसुवा, गोसाईकुण्ड गाउँपालिका-५ स्याफ्रुबेशीबाट अवैध लागूऔषध खैरो हेरोइन जस्तो देखिने पदार्थ करिब १ सय मिलिग्राम र नियन्त्रित लागूऔषध नाइट्राभेट १२ ट्याब्लेट साहित कालिका गाउँपालिका-१ राम्चे बस्ने २७ वर्षीय राजु तामाङलाई मंगलबार दिउँसो प्रहरीले पक्राउ गरेको छ । जिल्ला प्रहरी कार्यालय रसुवा र प्रहरी चौकी स्याफ्रुबेशीबाट खटिएको प्रहरीले उनलाई उक्त लागूऔषध सहित पक्राउ गरेको हो । 

झापा, विर्तामोड नगरपालिका-४ बाट अवैध लागूऔषध गाँजा ५ किलो ९० ग्राम सहित २ जनालाई मंगलबार बेलुकी प्रहरीले पक्राउ गरेको छ । पक्राउ पर्नेहरूमा सोही ठाउँ डेरा गरी बस्ने अर्जुनधारा नगरपालिका-७ बस्ने ३० वर्षीय बिनोद मगर र भोजपुर हतुवागढी गाउँपालिका- ४ खैरान बस्ने २० वर्षीय सागर राई रहेका छन् । इलाका प्रहरी कार्यालय अनामरनीबाट खटिएको प्रहरीले उनीहरूको कोठा तलासी गर्दा उक्त गाँजा फेला पारी दुवै जनालाई पक्राउ गरेको हो । 

यसैगरी झापा, झापा गाउँपालिका-४ टाघनडुब्बाबाट अवैध लागूऔषध ब्राउनसुगर जस्तो देखिने पदार्थ करिब १४ ग्राम ७१ मिलिग्राम सहित २ जनालाई मंगलबार साँझ प्रहरीले पक्राउ गरेको छ । पक्राउ पर्नेहरूमा दमक नगरपालिका-१० बस्ने ३२ वर्षीय सुरज राय र मोरङ विराटनगर महानगरपालिका-३ बस्ने ४२ वर्षीय बाबुराम दर्जी रहेका छन् । प्रहरी चौकी टाघनडुब्बाबाट खटिएको प्रहरीले भारतबाट नेपालतर्फ पैदल आउँदै गरेका सुरजलाई ६ ग्राम १ मिलिग्राम र बाबुरामलाई ८ ग्राम ७० मिलिग्राम सहित फेला पारी पक्राउ गरेको हो । 

नवलपरासी पूर्व, बिनयी त्रिवेणी गाउँपालिका-७ एस मोडबाट नियन्त्रित लागूऔषध नाइट्राजेपाम ५८ ट्याब्लेट र स्पास्मो १ सय २० ट्याब्लेट सहित ३ जनालाई मंगलबार साँझ प्रहरीले पक्राउ गरेको छ । पक्राउ पर्नेहरूमा सोही गाउँपालिका-६ साहुमारा बस्ने २५ वर्षीय धिरज खड्का, नवलपरासी पश्चिम बर्दघाट नगरपालिका-१४ मिलनटोल बस्ने १९ वर्षीय सबिन सारू मगर र २४ वर्षीय सुनिल बाचे मगर रहेका छन् । इलाका प्रहरी कार्यालय त्रिबेणीबाट खटिएको प्रहरीले लु.९० प १६७० नम्बरको स्कुटरमा सवार उनीहरूलाई उक्त लागूऔषध सहित पक्राउ गरेको हो । प्रहरीले हाल फरार स्कुटर चालकको खोजी गरिरहेको छ । 

मोरङ, पथरीशनिश्चरे नगरपालिका-८ मङगलबारे डाँडाबाट अवैध लागूऔषध ब्राउनसुगर जस्तो देखिने पदार्थ करिब २ सय मिलिग्राम सहित सोही ठाउँ बस्ने २४ वर्षीय रबिन माझी समेत ४ जनालाई मंगलबार राति प्रहरीले पक्राउ गरेको छ । अस्थायी  प्रहरी पोष्ट कुशलबजारबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । 

यस सम्बन्धमा प्रहरीले आवश्यक अनुसन्धान गरिरहेको छ ।