सुनसरी, इटहरी उपमहानगरपालिका-७ बजरंगबली चोकबाट अवैध लागूऔषध ब्राउनसुगर करिब १ ग्राम ५ सय ३० मिलिग्राम, नगद १० हजार २ सय ४० रूपैयाँ र मोबाइल १ थान सहित सोही उपमहानगरपालिका-१४ बस्ने ३४ वर्षीय जोतिष चौधरीलाई आइतबार राति प्रहरीले पक्राउ गरेको छ । प्रहरी चौकी पचरूखी बालग्राम सुनसरीबाट खटिएको प्रहरीले उनलाई उक्त लागूऔषध सहित पक्राउ गरेको हो । 

कैलाली, भजनी नगरपालिका-५ लालबोजीस्थित सडकबाट अवैध लागूऔषध खैरो हेरोइन जस्तो देखिने पदार्थ ८० मिलिग्राम सहित २ जनालाई सोमबार दिउँसो प्रहरीले पक्राउ गरेको छ । पक्राउ पर्नेहरूमा गोदावरी नगरपालिका-१० दमौरा बस्ने २९ वर्षीय दुर्गेश चौधरी र कञ्चनपुर कृष्णपुर नगरपालिका-५ गुलरीया बस्ने ३० वर्षीय सन्जु चौधरी रहेका छन् । इलाका प्रहरी कार्यालय पृथ्वीपुरबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । 

यस सम्बन्धमा प्रहरीले आवश्यक अनुसन्धान गरिरहेको छ ।