मेट्रो ट्राफिक एफएमको १०औं वार्षिकोत्सवको अवसरमा अन्तरक्रिया कार्यक्रम
२०७९-०४-०८
- A
- A-
- A+
काठमाडौं, मेट्रो ट्राफिक एफएम ९५.५ मेगाहर्जनको १०औं वार्षिकोत्सवको अवसरमा काठमाडौं उपत्यका ट्राफिक प्रहरी कार्यालय रामशाहपथमा आइतबार अन्तरक्रिया कार्यक्रम सम्पन्न भएको छ ।
सो अवसरमा मेट्रो ट्राफिक एफएम व्यवस्थापन समितिकी अध्यक्ष तथा काठमाडौं उपत्यका ट्राफिक प्रहरी कार्यालय रामशाहपथकी प्रमुख प्रहरी नायव महानिरीक्षक मिरा चौधरी र नेपाल प्रहरी प्रधान कार्यालय कल्याण महाशाखाका प्रहरी वरिष्ठ उपरीक्षक सुदर्शन प्रसाद कोइरालाले एफएमलाई सहयोग गर्ने विभिन्न संघसंस्था, व्यक्तिहरु, एमएममा कार्यरत प्रहरी कर्मचारीहरु र एफएमका नियमित श्रोताहरुलाई हार्दिकताको चिनो, प्रंशसापत्र तथा कदरपत्र प्रदान गर्नुभयो ।
उक्त अवसरमा प्रहरी नायव महानिरीक्षक चौधरीले उपत्यका ट्राफिक प्रहरी कार्यालयले उपत्यकाको ट्राफिक व्यवस्थापनको लागि सरोकारवालाहरुसँग थप समन्वय र सहकार्य गर्दै ट्राफिक शिक्षा र सूचना प्रवाह प्रभावकारी रुपमा अगाडि बढाउने बताउनुभयो । साथै उहाँले अन्तरक्रिया कार्यक्रममा प्राप्त भएका सल्लाह सुझावलाई आत्मसात गरिने उल्लेख गर्दै आगामी दिनमा समेत यस्ता सहकार्यले निरन्तरता पाउने अपेक्षा गर्नुभयो ।
मेट्रो ट्राफिक एफएमका स्टेशन म्यानेजर प्रहरी नायव उपरीक्षक जयशंकर शर्माले स्वागत मन्तव्य व्यक्त गर्नुभएको उक्त कार्यक्रममा उपस्थित विभिन्न संघसंस्थाका प्रतिनिधिहरु, एफएमका श्रोताहरू लगायत प्रहरी कर्मचारीहरूबीच ट्राफिक व्यवस्थापनमा मेट्रो एफएमको भूमिका लगायतका विषयमा अन्तरक्रिया समेत भएको थियो ।