चोरीमा संलग्न रहेको अभियोगमा पक्राउ

२०८३-०१-०३

A
A^-
A⁺

ललितपुर, ललितपुर महानगरपालिका-४ बागडोलबाट सुन तथा चाँदीका गरगहना चोरी भएको घटनामा संलग्न रहेको अभियोगमा काठमाडौं महानगरपालिका-२१ बस्ने ३२ वर्षीय अमन देउलालाई सोमबार प्रहरीले पक्राउ गरेको छ । साथै उक्त चोरीका गरगहना खरिद गरी गाल्ने कार्यमा संलग्न काठमाडौं महानगरपालिका-२३ बस्ने अर्पिता ज्वेलर्सका संचालक भारत पश्चिम बंगाल घर भएका ४७ वर्षीय स्वपन चक्रवर्तीलाई समेत प्रहरीले पक्राउ गरेको छ ।

गत चैत २६ गते दिउँसो उक्त स्थानबाट करिब ७९ लाख १२ हजार ५ सय २ रूपैयाँ बराबरको गरगहना चोरी भएको घटनाको अनुसन्धानको क्रममा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले अमनलाई ललितपुर महानगरपालिका-४ बाट र स्वपनलाई उनकै पसलबाट पक्राउ गरेको हो । साथै प्रहरीले स्वपनको पसलबाट सुन तथा चाँदीको जस्तो देखिने विभिन्न गरगहना समेत बरामद गरेको छ ।

उनीहरू उपर जिल्ला अदालत ललितपुरबाट ५ दिन म्याद थप अनुमति लिई यस सम्बन्धमा प्रहरीले आवश्यक अनुसन्धान गरिरहेको छ ।

सम्बन्धित समाचार

स्रोत नखुलेको रकम सहित पक्राउ

२०८३-०४-०४

मोरङ, विराटनगर महानगरपालिका-४ स्थित विराटनगर विमानस्थलबाट स्रोत नखुलेको रकम ६ लाख ६५ हजार रूपैयाँ सहित दोलखा भिमेश्वर नगरपालिका-९ बस्ने ४९ वर्षीय मिक्मार तामाङलाई आइतबार दिउँसो प्रहरीले पक्राउ गरेको छ । विमानस्थलमा खटिएको प्रहरीले उनलाई जाँच गर्ने क्रममा उक्त नगद सहित फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

श्रृंखलावद्ध रूपमा भएका चोरीका घटनामा संलग्न ९ जना पक्राउ

२०८३-०४-०३

कास्की, श्रृंखलावद्ध रूपमा भएका चोरीका घटनामा संलग्न रहेको अभियोगमा ९ जनालाई प्रहरीले पक्राउ गरेको छ । पक्राउ पर्नेहरूमा भारत उत्तर अशोकपुर (सतहा) विशेषरगंज बस्ती घर भएका २३ वर्षीय राहुल निषाद, चीन Guizhou घर भएका ३० वर्षीय Wen Jie, चीन Shandong घर भएका ३७ वर्षिय Wang Lianyin, स्याङ्जा घर भएका ४२ वर्षीय राजकुमार विक, कास्की घर भएका ५० वर्षीय राजु केसी भन्ने खिम बहादुर क्षेत्री, ५१ वर्षीय केशब पाइजा मगर, अर्घाखाँची घर भएका २९ वर्षीय अशोक पोख्रेल, भारत महाराष्ट्र सोलापुर घर भएका ४० वर्षीय सोमनाथ हनुमंत जाधव र बागलुङ घर भएका २७ वर्षीय अनिल विक रहेका छन् । वडा प्रहरी कार्यालय बैदामबाट खटिएको प्रहरीले उनीहरूलाई पक्राउ गरेको हो । प्रारम्भिक अनुसन्धानको क्रममा उनीहरूले गत असार ४ गते पोखरा महानगरपालिका-१७ छोरेपाटनस्थित शिव प्रसाद बरालको घरबाट सुनको गहना, नगद १ लाख ५० हजार रूपैयाँ, ल्यापटप १ थान र मोबाइल १ थान, गत असार १४ गते सोही महानगरपलिका-१८ मणिमार्गस्थित हेमराज गिरीको घरबाट २५ तोला बराबरका सुनका गरगहना र नगद ७० हजार रूपैयाँ चोरी गरेको खुल्न आएको छ । यसैगरी उनीहरूले असार १५ गते सोही महानगरपालिका-१८ भकुण्डेस्थित गिरीधरी श्रेष्ठको घरबाट १ तोला ५४ लाल बराबरको सुनका गरगहना र मोबाइल २ थान, असार २३ गते सोही महानगरपालिका-८ ज्ञानकुन्ज मार्गस्थित Mohsen Khatami को कोठाबाट मोबाइल १ थान र नगद २५ हजार रूपैयाँ र सोही महानगरपालिका-६ लेकसाईडस्थित हिरामणी लामिछानेको घरबाट मोबाइल १ थान लगायतका सामानहरू चोरी गरेको समेत अनुसन्धानको क्रममा खुल्न आएको छ । प्रहरीले उनीहरूको साथबाट सुनको ढिक्का ५ थान, सुनको टुक्राहरू ५ थान, नगद २ लाख १ हजार २ सय २० रूपैयाँ, मोबाइल ९ थान, स्मार्ट घडी १ थान, ल्यापटप १ थान लगायतका सामानहरू समेत बरामद गरेको छ । उनीहरू उपर जिल्ला अदालत कास्कीबाट चोरी तथा डाँका सम्बन्धी कसुरमा म्याद थप अनुमति लिई यस सम्बन्धमा प्रहरीले आवश्यक अनुसन्धान गरिरहेको छ ।

हत्या गरेको अभियोगमा पक्राउ

२०८३-०४-०२

संखुवासभा, आफ्नै श्रीमती ४३ वर्षीया फुलमाया मुदेलको हत्या गरेको अभियोगमा मादी नगरपालिका-४ डाँडागाउँ बस्ने चैनपुर नगरपालिका-७ घर भएका ५६ वर्षीय अमर बहादुर सार्कीलाई शनिबार बिहान प्रहरीले पक्राउ गरेको छ । घरायसी विवादको क्रममा अमर बहादुरले धारिलो हतियार खुकुरी प्रहार गरी फुलमायाको हत्या गरेको भन्ने खबर प्राप्त हुनासाथ इलाका प्रहरी कार्यालय चैनपुर र प्रहरी चौकी मङ्गलबारे मादीबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

स्रोत नखुलेको नगद सहित पक्राउ

२०८३-०४-०२

रौतहट, गौर नगरपालिका-१ गौर भन्सार कार्यालय नजिकबाट स्रोत नखुलेको नगद ५ लाख ५० हजार नेपाली रूपैयाँ र ४ हजार २ सय ८० भारतीय रूपैयाँ सहित भारत सितामढी बैरगनिया बस्ने ६२ वर्षीय राजेन्द्र प्रसाद जयसवाललाई शुक्रबार दिउँसो प्रहरीले पक्राउ गरेको छ । भन्सार सुरक्षा गार्ड समेतबाट खटिएको प्रहरीले भारतबाट नेपालतर्फ आउँदै गरेको अटो रिक्सामा सवार उनलाई उक्त नगद सहित फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

चोरीमा संलग्न तीन जना पक्राउ

२०८३-०४-०२

कास्की, सार्वजिनक बसमा सवार महिलाको पर्स चोरी भएको घटनामा संलग्न रहेको अभियोगमा ३ जनालाई प्रहरीले पक्राउ गरेको छ । पक्राउ पर्नेहरूमा रौतहट घर भएका ४२ वर्षीय गुरू प्रसाद बजगाई, पोखरा महानगरपालिका-९ शान्तिवन बस्ने रौतहट घर भएका ३४ वर्षीय रविन खड्का र पोखरा महानगरपालिका-६ खहरे बस्ने झापा घर भएका ४५ वर्षीय सुर्य भन्ने टेक बहादुर भुजेल रहेका छन् । रूपा गाउँपालिका-५ देउरालीबाट पोखरातर्फ आउँदै गरेको ग.२ ख १३७२ नम्बरको बसमा सवार महिलाको पर्स सोही बसमा सवार ३ जना अपरिचित व्यक्तिहरूले बिहीबार दिउँसो चोरी गरेको भन्ने सूचनाको आधारमा वडा प्रहरी कार्यालय रामबजारबाट खटिएको प्रहरीले चोरीमा संलग्न उनीहरूलाई पक्राउ गरेको हो । उनीहरू उपर जिल्ला अदालत कास्कीबाट चोरी तथा डाँका सम्बन्धी कसुरमा ६ दिन म्याद थप अनुमति लिई यस सम्बन्धमा प्रहरीले आवश्यक अनुसन्धान गरिरहेको छ ।

बैंकिङ कसुर मुद्दाका फरार प्रतिवादी पक्राउ

२०८३-०४-०१

पर्सा, बैंकिङ कसुर मुद्दाका फरार प्रतिवादी वीरगंज महानगरपालिका-१४ बस्ने २७ वर्षीय सुरेन्द्र पटेललाई शुक्रबार बिहान प्रहरीले पक्राउ गरेको छ ।उक्त मुद्दामा ३ दिन कैद र ४ लाख रूपैयाँ जरिवाना ठहर भई फरार रहेका उनलाई जिल्ला प्रहरी कार्यालय पर्साबाट खटिएको प्रहरीले वीरगंज महानगरपालिका-१२ श्रीपुरबाट पक्राउ गरेको हो ।उनलाई फैसला कार्यान्वयनका लागि जिल्ला अदालत पर्सा पेश गरिएको छ ।