झापा, विर्तामोड नगरपालिका-४ बस्ने ५६ वर्षीय डमरु दासलाई २ केजी ३ सय ग्राम अवैध लागूऔषध गाँजा जस्तो देखिने पदार्थ र नगद २२ हजार रुपैयाँ सहित शुक्रबार दिउँसो प्रहरीले पक्राउ गरेको छ । विशेष सूचनाको आधारमा प्रहरी चौकी बिर्ताबजारबाट खटिएको प्रहरीले उनलाई उक्त गाँजा सहित फेला पारी पक्राउ गरेको हो । 

मोरङ, पथरी शनिश्चरे नगरपालिका-१ गुद्री बजारबाट १ ग्राम ४ मिलिग्राम अवैध लागूऔषध ब्राउनसुगर सहित सोही ठाउँ बस्ने २६ वर्षीय अक्षय माझीलाई शुक्रबार राति प्रहरीले पक्राउ गरेको छ । ईलाका प्रहरी कार्यालय पथरीबाट खटिएको प्रहरीले उनलाई उक्त लागूऔषध सहित फेला पारी पक्राउ गरेको हो । 

यस सम्बन्धमा प्रहरीले थप अनुसन्धान गरिरहेको छ ।