काठमाडौं महानगरपालिका-७ मित्रपार्कस्थित चुलेसी थकालीबाट अवैध लागूऔषध पोलेन करिब १ सय ग्राम र गाँजा ५० ग्राम सहित थकालीका सञ्चालक बारा निजगढ नगरपालिका-१० घर भएका ४५ वर्षीय कृष्ण नेपाल समेत ७ जनालाई बिहीबार राति प्रहरीले पक्राउ गरेको छ ।  प्रहरी वृत्त गौशालाबाट खटिएको प्रहरीले उनीहरूलाई उक्त लागूऔषध सहित पक्राउ गरेको हो । 

यसैगरी काठमाडौं, गोकर्णेश्वर नगरपालिका -४ गोकर्ण उत्तरबाहिनी नजिकबाट नियन्त्रित लागूऔषध ट्रामाडोल २ सय ६० ट्याब्लेट सहित सोही ठाउँ बस्ने मकवानपुर फापरबारी घर भएका २० वर्षीय अनिल तामाङलाई बिहीबार दिउँसो प्रहरीले पक्राउ गरेको छ । प्रहरी वृत्त बौद्धबाट खटिएको प्रहरीले उनलाई उक्त लागूऔषध सहित पक्राउ गरेको हो । 

यसैगरी काठमाडौं, गोकर्णेश्‍वर नगरपालिका-६ जोरपाटी स्‍थित छहारी क्लब चोकबाट नियन्त्रित लागूऔषध ट्रामाडोल २ सय १० ट्याब्लेट सहित सोही ठाउँ बस्ने काभ्रे तेमाल घर भएका २३ वर्षीय साजन तामाङलाई बिहीबार साँझ प्रहरीले पक्राउ गरेको छ । प्रहरी वृत्त बौद्धबाट खटिएको प्रहरीले उनलाई उक्त लागूऔषध सहित पक्राउ गरेको हो । 

यसैगरी काठमाडौं, महानगरपालिका-१६ बाइपास चोकबाट नियन्त्रित लागूऔषध ट्रामाडोल २ सय ७० ट्याब्लेट सहित काठमाडौं सितापाइला बस्ने उदयपुर ताप्ली गाउँपालिका-१ घर भएका २२ वर्षीय विपिन राईलाई बिहीबार बेलुकी प्रहरीले पक्राउ गरेको छ । प्रहरी वृत्त बालाजुबाट खटिएको प्रहरीले बागमती एएए ८००४ नम्बरको स्कुटरमा सवार उनलाई उक्त लागूऔषध सहित फेला पारी पक्राउ गरेको हो । 

पाँचथर, फिदिम नगरपालिका-१ मेनलाईन बस्ने २४ वर्षीय रोजन सुबेदी समेत २ जनालाई अवैध लागूऔषध खैरो हेरोइन जस्तो देखिने पदार्थ ९ सय ४० मिलिग्राम र नगद १७ हजार ९ सय २५ रूपैयाँ सहित बिहीबार दिउँसो प्रहरीले पक्राउ गरेको छ ।  जिल्ला प्रहरी कार्यालय तेह्रथुमबाट खटिएको प्रहरीले रोजनको कोठा तलासी गर्दा उक्त पदार्थ फेला पारी उनीहरूलाई पक्राउ गरेको हो ।

मोरङ, विराटनगर महानगरपालिका-१५ स्थित १ नम्बर ढाँट नजिकबाट अवैध लागूऔषध खैरो हेरोइन जस्तो देखिने पदार्थ करिब ८ ग्राम ३ सय १० मिलिग्राम सहित ३ जनालाई बिहीबार साँझ प्रहरीले पक्राउ गरेको छ । पक्राउ पर्नेहरूमा सोही महानगरपालिका-१५ बस्ने ३२ वर्षीय दिपक सहनी, २७ वर्षीय मो.कफिल र सुन्दरहरैंचा नगरपालिका-५ बस्ने २५ वर्षीय दिपेश पोखरेल रहेका छन् । लागूऔषध नियन्त्रण ब्यूरो शाखा कार्यालय विराटनगर र इलाका प्रहरी कार्यालय रानीबाट खटिएको प्रहरीले भारतबाट नेपालतर्फ पैदल आउँदै गरेका उनीहरूलाई उक्त पदार्थ सहित पक्राउ गरेको हो । 

झापा, झापा गाउँपालिका-४ सुकुमबासी बस्तीबाट अवैध लागूऔषध ब्राउनसुगर जस्तो देखिने पदार्थ १ ग्राम १८ मिलिग्राम सहित २ जनालाई बिहीबार राति प्रहरीले पक्राउ गरेको छ । पक्राउ पर्नेहरूमा शिवसताक्षी नगरपालिका-९ बस्ने २२ वर्षीय नगीन्द्र दर्जी र कनकाई नगरपालिका-३ बस्ने ३७ वर्षीय बल बहादुर सुवेदी रहेका छन् । प्रहरी चौकी टाघनडुब्बाबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । 

रूपन्देही, बुटवल नगरपालिका-११ मगरघाटबाट अवैध लागूऔषध गाँजा करिब १ किलो २ सय ग्राम सहित सोही ठाउँ बस्ने ४० वर्षीया कला रानालाई बिहीबार बेलुकी प्रहरीले पक्राउ गरेको छ । इलाका प्रहरी कार्यालय बुटवल समेतबाट खटिएको प्रहरीले उनलाई उक्त गाँजा सहित पक्राउ गरेको हो । 

मकवानपुर, भीमफेदी गाउँपालिका-२ भैंसेबाट अवैध लागूऔषध ब्राउनसुगर जस्तो देखिने पदार्थ २ ग्राम ६ सय २० मिलिग्राम र नियन्त्रित लागूऔषध नाइट्राभेट ८ ट्याब्लेट सहित सोही गाउँपालिका-२ कालीटार बस्ने २४ वर्षीय सुजल थापालाई बिहीबार साँझ प्रहरीले पक्राउ गरेको छ । प्रहरी चौकी भैंसेबाट खटिएको प्रहरीले हेटौंडाबाट भैंसेतर्फ आउँदै गरेको बा.प्र ०२-०६० प ४२२२ नम्बरको स्कुटरमा सवार उनलाई उक्त लागूऔषध सहित पक्राउ गरेको हो । 

कास्की, पोखरा महानगरपालिका-९ पृथ्वी चोकबाट नियन्त्रित लागूऔषध नोर्फिन २ सय  एम्पुल, फेनारगन २ सय एम्पुल र डाईजेपाम २ सय एम्पुल सहित रूपन्देही मायादेवी नगरपालिका-१२ घर भएकी २१ वर्षीया जिनी रावललाई शुक्रबार बिहान प्रहरीले पक्राउ गरेको छ । जिल्ला प्रहरी कार्यालय कास्की र लागूऔषध नियन्त्रण ब्यूरो शाखा कार्यालय पोखराबाट खटिएको प्रहरीले उनलाई उक्त लागूऔषध सहित पक्राउ गरेको हो । 

कपिलवस्तु, वाणगंगा नगरपालिका-५ झण्डा बस्ने २० वर्षीय अर्जुन थारूलाई अवैध लागूऔषध गाँजा करिब ३ सय २६ ग्राम सहित बिहीबार राति प्रहरीले पक्राउ गरेको छ । इलाका प्रहरी कार्यालय कोपवाबाट खटिएको प्रहरीले उनलाई उक्त गाँजा सहित पक्राउ गरेको हो । 

कैलाली, बर्दगोरिया गाउँपालिका-६ बाट अवैध लागूऔषध खैरो हेरोइन जस्तो देखिने पदार्थ २ ग्राम ४ सय ७० मिलिग्राम सहित सोही गाउँपालिका-६ जगतपुर बस्ने २० वर्षीय माइकल डगौरालाई गए राति प्रहरीले पक्राउ गरेको छ । इलाका प्रहरी कार्यालय सडकपुर बौनियाबाट खटिएको प्रहरीले उनलाई उक्त पदार्थ सहित पक्राउ गरेको हो । 

यसैगरी कैलाली, टीकापुर नगरपालिका-१ बाट अवैध लागूऔषध खैरो हेरोइन जस्तो देखिने पदार्थ ७ ग्राम २ सय ७० मिलिग्राम सहित २ जनालाई बिहीबार दिउँसो प्रहरीले पक्राउ गरेको छ । पक्राउ पर्नेहरूमा लम्कीचुहा नगरपालिका-६ बस्ने २५ वर्षीय गणेश लामिछाने र २५ वर्षीय गोबिन्द घर्ती मगर रहेका छन् । इलाका प्रहरी कार्यालय टीकापुरबाट खटिएको प्रहरीले उनीहरूलाई उक्त लागूऔषध सहित पक्राउ गरेको हो । साथै उनीहरूले प्रयोग गरेको सु.प.प्र.०१-००८ प १३४३ नम्बरको मोटरसाइकल समेत प्रहरीले बरामद गरेको छ । 

बर्दिया, गुलरिया नगरपालिका-८ जाजरकोटबाट अवैध लागूऔषध अफिम जस्तो देखिने पदार्थ १ किलो ९ सय २६ ग्राम सहित ३ जनालाई बिहीबार राति प्रहरीले पक्राउ गरेको छ । पक्राउ पर्नेहरूमा जाजरकोट बारेकोट गाउँपालिका-४ बस्ने ४६ वर्षीय यन बहादुर रावत, ४२ वर्षीय लोकेन्द्र बहादुर रोकाय र रोल्पा गंगादेवी गाउँपालिका-६ बस्ने ४८ वर्षीय केश सिंह केसी रहेका छन् । जिल्ला प्रहरी कार्यालय बर्दियाबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । साथै  उनीहरूले प्रयोग गरेको भे.९ प ६२९६ नम्बरको मोटरसाइकल समेत प्रहरीले बरामद गरेको छ । 

कञ्चनपुर, बेलौरी नगरपालिका-१० भुडाँ मैलीबाट अवैध लागूऔषध ब्राउनसुगर जस्तो देखिने पदार्थ ३ ग्राम १ सय ८० मिलिग्राम सहित सोही नगरपालिका-१० राजपुर बस्ने २ जना १७ वर्षीय किशोरहरूलाई बिहीबार बेलुकी प्रहरीले पक्राउ गरेको छ । इलाका प्रहरी कार्यालय बेलडाँडीबाट खटिएको प्रहरीले भारतबाट नेपालतर्फ आउँदै गरेको सु.प.प्र.०१-००९ प ९६५१ नम्बरको मोटरसाइकलमा सवार उनीहरूलाई उक्त पदार्थ सहित पक्राउ गरेको हो । 

यस सम्बन्धमा प्रहरीले आवश्यक अनुसन्धान गरिरहेको छ ।