कञ्चनपुर, भिमदत्त नगरपालिका-५ बनगाउँ बस्ने ७७ वर्षीय पिउठ बोहरालाई अवैध लागूऔषध चरेश २ किलोग्राम सहित बुधबार दिउँसो प्रहरीले पक्राउ गरेको छ । लागूऔषध नियन्त्रण व्यूरो शाखा कार्यालय धनगढी र अस्थायी प्रहरी बिट मझगाउँबाट खटिएको प्रहरीले उनको गोठ तलासी गर्दा उक्त लागूऔषध फेला पारी पक्राउ गरेको हो । 

सुनसरी, बराहक्षेत्र नगरपालिका-१ बाट अवैध लागूऔषध गाँजा ७ सय ५० ग्राम सहित सोही ठाउँ बस्ने ४१ वर्षीय उदिम राईलाई बुधबार दिउँसो प्रहरीले पक्राउ गरेको छ । इलाका प्रहरी कार्यालय चतराबाट खटिएको प्रहरीले उनलाई उक्त पदार्थ सहित पक्राउ गरेको हो ।  

यस सम्बन्धमा प्रहरीले आवश्यक अनुसन्धान गरिरहेको छ ।