अवैध लागूऔषध सहित आठ जना पक्राउ
२०८२-०४-१८
- A
- A-
- A+
काठमाडौं, त्रिभुवन अन्तर्राष्ट्रिय विमानस्थलको आगमन भन्सार एरियाबाट अवैध लागूऔषध सेतो हेरोइन जस्तो देखिने वस्तु करिब ४ किलो २ सय ५ ग्राम सहित भारतीय नागरिक ३२ वर्षीय MOULEESWARAN NANJUNDAMORTHI KARUNAI VEL आइतबार दिउँसो पक्राउ परेका छन् । थाई एयरलाईन्सको उडानद्वारा बैङ्ककबाट काठमाडौं आएका उनलाई जाँच गर्ने क्रममा उनको सुटकेशबाट उक्त वस्तु फेला पारी पक्राउ गरिएको हो । उनलाई आवश्यक अनुसन्धानको लागि लागूऔषध नियन्त्रण ब्यूरो पठाइएको छ ।
यसैगरी काठमाडौं, त्रिभुवन अन्तर्राष्ट्रिय विमानस्थलको आगमन भन्सार एरियाबाट अवैध लागूऔषध सेतो हेरोइन जस्तो देखिने वस्तु करिब ४ किलो २ सय ग्राम सहित भारतीय नागरिक ६६ वर्षीय AHAMAD FIROJ शनिबार दिउँसो पक्राउ परेका छन् । थाई एयरलाईन्सको उडानद्वारा बैंककबाट काठमाडौं आएका उनलाई जाँच गर्ने क्रममा उनको साथबाट उक्त वस्तु फेला पारी पक्राउ गरिएको हो । उनलाई आवश्यक अनुसन्धानको लागि लागूऔषध नियन्त्रण ब्यूरो पठाइएको छ ।
रूपन्देही, सिद्धार्थनगर नगरपालिका-१२ देवकोटा चोकबाट अवैध लागूऔषध ब्राउनसुगर जस्तो देखिने पदार्थ करिब १ ग्राम १ सय ३० मिलिग्राम सहित ओमसतिया गाउँपालिका-२ पड्षरी बस्ने २१ वर्षीय बिजय नेपालीलाई आइतबार बिहान प्रहरीले पक्राउ गरेको छ । अस्थायी प्रहरी बिट देवकोटा चोक र वडा प्रहरी कार्यालय भैरहवाबाट खटिएको प्रहरीले उनलाई उक्त पदार्थ सहित पक्राउ गरेको हो ।
मोरङ, विराटनगर महानगरपालिका-१५ एक नम्बर ढाँटबाट अवैध लागूऔषध खैरो हेरोइन जस्तो देखिने पदार्थ करिब ३ ग्राम ३ सय १ सय मिलिग्राम सहित सुनसरी बराहक्षेत्र नगरपालिका-७ बस्ने ३२ वर्षीय मनोज बस्नेतलाई आइतबार बिहान प्रहरीले पक्राउ गरेको छ । लागूऔषध नियन्त्रण ब्यूरो विराटनगरबाट खटिएको प्रहरीले भारतबाट नेपालतर्फ आउँदै गरेको को.३३ प १७५८ नम्बरको मोटरसाइकलमा सवार उनलाई उक्त पदार्थ सहित पक्राउ गरेको हो ।
सप्तरी, छिन्नमस्ता गाउँपालिका-१ बरहिबिरपुरबाट अवैध लागूऔषध खैरो हेरोइन जस्तो देखिने पदार्थ करिब १ सय ग्राम सहित २ जनालाई आइतबार दिउँसो प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने ३० वर्षीय बिशाल राय र डाकनेश्वरी नगरपालिका-७ मझौरा बस्ने ३५ वर्षीय मनोज राय रहेका छन् । जिल्ला प्रहरी कार्यालय सप्तरी र लागूऔषध नियन्त्रण ब्यूरो काठमाडौंबाट खटिएको प्रहरीले स.८ प ८२२५ नम्बरको मोटरसाइकलमा सवार उनीहरूलाई उक्त पदार्थ सहित फेला पारी पक्राउ गरेको हो ।
धनकुटा, चौबिसे गाउँपालिका-६ राजारानी चोकबाट अवैध लागूऔषध गाँजा करिब २ किलोग्राम सहित सोही गाउँपालिका-६ बस्ने २ जना किशोरलाई आइतबार बिहान प्रहरी पक्राउ गरेको छ । इलाका प्रहरी कार्यालय राजारानीबाट खटिएको प्रहरीले उनीहरूलाई उक्त गाँजा सहित पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।