प्रहरी कन्ट्रोल : १००, टोल फ्री नं.: १६६००१४१५१६
नेपा
EN

कटुवा पेस्तोल सहित चार जना पक्राउ

२०८३-०४-२६

  • A
  • A-
  • A+
Share

कञ्चनपुर, जिल्ला प्रहरी कार्यालय कञ्चनपुर र वडा प्रहरी कार्यालय महेन्द्रनगरबाट खटिएको प्रहरीले कटुवा पेस्तोल १ थान सहित ४ जनालाई सोमबार बेलुकी पक्राउ गरेको छ ।

पक्राउ पर्नेहरूमा बेल्डाडी गाउँपालिका-३ बस्ने २० वर्षीय नितेश सिंह, सोही ठाउँ बस्ने १८ वर्षीय किशोर, कृष्णपुर नगरपालिका-६ बस्ने २० वर्षीय राजेन्द्र सिंह र कैलाली गोदावरी नगरपालिका-१ बस्ने २० वर्षीय पारस रोकाया रहेका छन् । जिल्ला प्रहरी कार्यालय कञ्चनपुर समेतबाट खटिएको प्रहरीले उनीहरूलाई भीमदत्त नगरपालिका-१८ सालघारीबाट पक्राउ गरेको थियो । थप अनुसन्धानको क्रममा प्रहरीले १८ वर्षीय किशोरको भीमदत्त नगरपालिका-१८ मामा भान्जा चोकस्थित डेरा तलासी गर्दा लुकाई छिपाई राखेको कटुवा पेस्तोल फेला पारी बरामद गरेको हो । 

यस सम्बन्धमा प्रहरीले आवश्यक अनुसन्धान गरिरहेको छ ।


सम्बन्धित समाचार