जुवातास खेलिरहेको अवस्थामा १ सय ७ जना पक्राउ
२०८३-०७-२३
- A
- A-
- A+
सुर्खेत, वीरेन्द्रनगर नगरपालिका-४ मुलपानीचोक बस्ने ३५ वर्षीय सुशिल भारतीको घरमा जुवातास खेलिरहेको अवस्थामा सुशिल समेत १२ जनालाई आइतबार राति प्रहरीले पक्राउ गरेको छ । कर्णाली प्रदेश प्रहरी कार्यालय समेतबाट खटिएको प्रहरीले उनीहरूलाई नगद ४ लाख १ हजार ४ सय ८५ रूपैयाँ सहित पक्राउ गरेको हो ।
यसैगरी सुर्खेत, वीरेन्द्रनगर नगरपालिका-१० बुलबुले चोकबाट जुवातास खेलिरहेको अवस्थामा सोही नगरपालिका-१० बस्ने ४० वर्षीय अर्जुन जंग शाही समेत १० जनालाई आइतबार राति प्रहरीले पक्राउ गरेको छ । कर्णाली प्रदेश प्रहरी कार्यालय समेतबाट खटिएको प्रहरीले उनीहरूलाई नगद १ लाख ८१ हजार १ सय रूपैयाँ सहित पक्राउ गरेको हो ।
यसैगरी सुर्खेत, वीरेन्द्रनगर नगरपालिका-३ गण्डकी लाईनबाट जुवातास खेलिरहेको अवस्थामा सोही नगरपालिका-६ बस्ने ५२ वर्षीय मान बहादुर गुरूङ समेत ८ जनालाई गए राति प्रहरीले पक्राउ गरेको छ । कर्णाली प्रदेश प्रहरी कार्यालय समेतबाट खटिएको प्रहरीले उनीहरूलाई नगद ३ लाख ७७ हजार ८ सय ५० रूपैयाँ सहित पक्राउ गरेको हो ।
यसैगरी सुर्खेत, वीरेन्द्रनगर नगरपालिका-६ खोर्केलाईनबाट जुवातास खेलिरहेको अवस्थामा सोही नगरपालिका-६ बस्ने ४६ वर्षीय कबिराम विक समेत ११ जनालाई आइतबार राति प्रहरीले पक्राउ गरेको छ । जिल्ला प्रहरी कार्यालय सुर्खेतबाट खटिएको प्रहरीले उनीहरूलाई नगद १ लाख २७ हजार ८५ रूपैयाँ र १३ बुक तास सहित पक्राउ गरेको हो ।
ललितपुर, गोदावरी नगरपालिका-१३ झरूवाराशी बस्ने ४५ वर्षीय राम सिंह खड्काको घरमा जुवातास खेलिरहेको अवस्थामा राम सिंह समेत ९ जनालाई गए राति प्रहरीले पक्राउ गरेको छ । प्रहरी वृत्त चापागाउँबाट खटिएको प्रहरीले उनीहरूलाई नगद १ लाख ५८ हजार ७ सय १५ रूपैयाँ र ४ बुक तास सहित पक्राउ गरेको हो ।
यसैगरी ललितपुर, गोदावरी नगरपालिका-१० प्याङगाउँबाट जुवातास खेलिरहेको अवस्थामा महाङ्काल गाउँपालिका-३ बस्ने ३१ वर्षीय सन्तोष तिमल्सिना समेत २ जनालाई सोमबार दिउँसो प्रहरीले पक्राउ गरेको छ । अस्थायी प्रहरी पोष्ट प्याङगाउँबाट खटिएको प्रहरीले उनीहरूलाई नगद ४० हजार ३ सय ५ रूपैयाँ र १ बुक तास सहित पक्राउ गरेको हो ।
काभ्रे, पाँचखाल नगरपालिका-७ शिखरपुर श्रीरामपाटीस्थित सार्वजनिक प्रतिक्षालयमा जुवातास खेलिरहेको अवस्थामा सोही नगरपालिका-७ श्रीरामपाटी बस्ने ४७ वर्षीय सुवास दनुवार समेत ११ जनालाई आइतबार राति प्रहरीले पक्राउ गरेको छ । प्रहरी चौकी पाँचखालबाट खटिएको प्रहरीले उनीहरूलाई नगद ६१ हजार ५ सय ९० रूपैयाँ, १६ थान कौडा र १ बुक तास सहित पक्राउ गरेको हो ।
धनुषा, जनकपुरधाम उपमहानगरपालिका-१४ रजौलस्थित साजन टेन्ट हाउसमा जुवातास खेलिरहेको अवस्थामा सोही उपमहानगरपालिका-१४ बस्ने २८ वर्षीय मनिष कुमार धामी समेत १८ जनालाई सोमबार बिहान प्रहरीले पक्राउ गरेको छ । जिल्ला प्रहरी कार्यालय धनुषाबाट खटिएको प्रहरीले उनीहरूलाई नगद १ लाख ६१ हजार ६ सय ४४ रूपैयाँ र ३ बुक तास सहित पक्राउ गरेको हो ।
सर्लाही, मलंगवा नगरपालिका-८ बाट जुवातास खेलिरहेको अवस्थामा सोही नगरपालिका-२ बस्ने ५३ वर्षीय राम बहादुर साह समेत ९ जनालाई सोमबार बिहान प्रहरीले पक्राउ गरेको छ । जिल्ला प्रहरी कार्यालय सर्लाहीबाट खटिएको प्रहरीले उनीहरूलाई नगद ६ लाख ७८ हजार ५ सय ६० रूपैयाँ र ४ बुक तास सहित पक्राउ गरेको हो ।
यसैगरी सर्लाही, ब्रह्मपुरी गाउँपालिका-१ बाट जुवातास खेलिरहेको अवस्थामा सोही गाउँपालिका-२ बस्ने ४७ वर्षीय सुजित कुमार साह समेत १७ जनालाई गए राति प्रहरीले पक्राउ गरेको छ । जिल्ला प्रहरी कार्यालय सर्लाहीबाट खटिएको प्रहरीले उनीहरूलाई नगद ३ लाख २० हजार १ सय ७५ रूपैयाँ र ४ बुक तास सहित पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।