अवैध लागूऔषध सहित विभिन्न स्थानबाट २४ जना पक्राउ
२०८३-०४-१४
- A
- A-
- A+
काठमाडौं, काठमाडौं महानगरपालिका-१२ टेकुबाट अवैध लागूऔषध खैरो हेरोइन जस्तो देखिने पदार्थ १२ ग्राम र नगद १९ हजार रूपैयाँ सहित २ जनालाई मंगलबार बेलुकी प्रहरीले पक्राउ गरेको छ । पक्राउ पर्नेहरूमा काठमाडौं महानगरपालिका-१२ टेकु बस्ने काभ्रे घर भएका ६८ वर्षीय उद्वव आचार्य र काठमाडौं महानगरपालिका-१२ टेकु बस्ने ४० वर्षीय कृष्ण खड्गी रहेका छन् । काठमाडौं उपत्यका अपराध अनुसन्धान कार्यालय टेकु काठमाडौंबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । साथै प्रहरीले कृष्णले प्रयोग गरेको बा.४६ प १६२ नम्बरको मोटरसाइकल समेत बरामद गरेको छ ।
यसैगरी काठमाडौं, चन्द्रागिरी नगरपालिका-१५ तिनथाना गैरीगाउँबाट नियन्त्रित लागूऔषध ट्रामाडोल ३० ट्याब्लेट सहित सुनसरी धरान उपमहानगरपालिका-३ घर भएका २३ वर्षीय प्रवेश गुरूङ समेत ४ जनालाई बुधबार दिउँसो प्रहरीले पक्राउ गरेको छ । प्रहरी प्रभाग नैकापबाट खटिएको प्रहरीले उनीहरूलाई उक्त लागूऔषध सहित पक्राउ गरेको हो ।
मोरङ, विराटनगर महानगरपालिका-४ स्थित विराटनगर विमानस्थलबाट अवैध लागूऔषध ब्राउनसुगर जस्तो देखिने पदार्थ १८ ग्राम ४८ मिलिग्राम सहित सोही महानगरपालिका-५ बस्ने २४ वर्षीय सुशान्त खड्कालाई बुधबार बेलुकी प्रहरीले पक्राउ गरेको छ । विराटनगर बस्ने राघव झा नाम गरेको व्यक्तिले विराटनगर महानगरपालिका-९ स्थित महेन्द्रचोकमा संचालनमा रहेको Expo Xpress कुरियर मार्फत काठमाडौं पठाउन लागेको स्पोर्ट्स जुत्ताको कार्गो सामानलाई विराटनगर विमास्थलमा सुरक्षार्थ खटिएको प्रहरीले उक्त कार्गो सामान विराटनगर विमानस्थलको प्रस्थान केन्द्रको एक्सरे मेसिनमा जाँच गर्ने क्रममा जुत्ताभित्र कालो प्लाष्टिकमा पोका पारी जुत्ताको सोल भित्र रहेको उक्त पदार्थ फेला कुरियर गर्न आएका सुशान्तलाई पक्राउ गरेको हो ।
यसैगरी मोरङ, रतुवामाई नगरपालिका-२ हरूचोकबाट अवैध लागूऔषध ब्राउनसुगर जस्तो देखिने पदार्थ ६ सय ५० मिलिग्राम सहित २ जनालाई बुधबार दिउँसो प्रहरीले पक्राउ गरेको छ । पक्राउ पर्नेहरूमा सोही नगरपालिका-८ बस्ने २३ वर्षीय समिर कट्वाल र २३ वर्षीय समिर भुजेल रहेका छन् । इलाका प्रहरी कार्यालय डोरियाबाट खटिएको प्रहरीले भारतबाट नेपालतर्फ साइकलमा आउँदै गरेका उनीहरूलाई उक्त पदार्थ सहित पक्राउ गरेको हो ।
सुर्खेत, वीरेन्द्रनगर नगरपालिका-१२ चनौटेबाट अवैध लागूऔषध ब्राउनसुगर जस्तो देखिने पदार्थ ५ ग्राम ६ सय ९० मिलिग्राम सहित सोही ठाउँ बस्ने ४१ वर्षीय हिमाल थापालाई बुधबार दिउँसो प्रहरीले पक्राउ गरेको छ । जिल्ला प्रहरी कार्यालय सुर्खेत समेतबाट खटिएको प्रहरीले उनलाई उक्त पदार्थ सहित पक्राउ गरेको हो ।
बर्दिया, बाँसगढी नगरपालिका-१ चेपाङ बजारस्थित पूर्वेली स्टाफ होटलबाट अवैध लागूऔषध ब्राउनसुगर जस्तो देखिने पदार्थ १ ग्राम ८ सय मिलिग्राम सहित कालिकोट खाँडाचक्र नगरपालिका-११ मानमा बजार बस्ने २४ वर्षीय लक्ष्मण शाहीलाई बुधबार दिउँसो प्रहरीले पक्राउ गरेको छ । प्रहरी चौकी चेपाङबाट खटिएको प्रहरीले उनलाई उक्त पदार्थ सहित पक्राउ गरेको हो । साथै प्रहरीले उनले प्रयोग गरेको क.१ प ५१९ नम्बरको मोटरसाइकल समेत बरामद गरेको छ ।
यसैगरी बर्दिया, बढैयाताल गाउँपालिका-१ डाँफेबाट अवैध लागूऔषध ब्राउनसुगर जस्तो देखिने पदार्थ १ सय ७० मिलिग्राम सहित सोही ठाउँ बस्ने ४८ वर्षीय माधव क्षेत्रीलाई बुधबार राति प्रहरीले पक्राउ गरेको छ । प्रहरी चौकी जमुनीबाट खटिएको प्रहरीले उनलाई उक्त पदार्थ सहित पक्राउ गरेको हो ।
यसैगरी बर्दिया, गुलरिया नगरपालिका-११ लालपुर चोकबाट अवैध लागूऔषध ब्राउनसुगर जस्तो देखिने पदार्थ ३ सय ८० मिलिग्राम सहित मधुबन नगरपालिका-९ बस्ने २४ वर्षीय आशिक परियारलाई बुधबार बेलुकी प्रहरीले पक्राउ गरेको छ । प्रहरी चौकी महमदपुरबाट खटिएको प्रहरीले उनलाई उक्त पदार्थ सहित पक्राउ गरेको हो ।
यसैगरी बर्दिया, मधुबन नगरपालिका-३ कोठियाघाटबाट अवैध लागूऔषध ब्राउनसुगर जस्तो देखिने पदार्थ १ सय ४० मिलिग्राम सहित २ जनालाई बुधबार दिउँसो प्रहरीले पक्राउ गरेको छ । पक्राउ पर्नेहरूमा राजापुर नगरपालिका-१० आन्नदनगर बस्ने ३२ वर्षीय तिर्थ दहित र गेरूवा गाउँपालिका-९ बस्ने २२ वर्षीय पर्बत सोनाहा रहेका छन् । प्रहरी चौकी कोठियाघाट समेतबाट खटिएको प्रहरीले भे.८ प ९१२ नम्बरको मोटरसाइकलमा सवार उनीहरूलाई उक्त पदार्थ सहित पक्राउ गरेको हो । साथै थप अनुसन्धानको क्रममा उक्त पदार्थ मधुबन नगरपालिका-३ ओरालिबजार बस्ने ३९ वर्षीय केशब बहादुर रोकाय र उनकै श्रीमती ४० वर्षीया प्रभा खड्कासँग खरिद गरेको भन्ने खुल्न आएपछि इलाका प्रहरी कार्यालय ढोढरीबाट खटिएको प्रहरीले केशव बहादुरको घर तलासी गर्दा ब्राउनसुगर जस्तो देखिने पदार्थ ४ सय मिलिग्राम फेला पारी केशब र प्रभालाई पक्राउ गरेको छ ।
कैलाली, धनगढी उपमहानगरपालिका-३ मिलनचोकस्थित होटलबाट अवैध लागूऔषध ब्राउनसुगर जस्तो देखिने पदार्थ २ सय ४० मिलिग्राम सहित सोही उपमहानगरपालिका-११ अमरबस्ती बस्ने २२ वर्षीया सृजना चौधरी समेत २ जनालाई बुधबार राति प्रहरीले पक्राउ गरेको छ । प्रहरी चौकी त्रिनगरबाट खटिएको प्रहरीले होटल तलासी गर्दा उक्त पदार्थ फेला पारी उनीहरूलाई पक्राउ गरेको हो ।
झापा, मेचीनगर नगरपालिका-१० चाँदनी चोकबाट अवैध लागूऔषध ब्राउनसुगर जस्तो देखिने पदार्थ १ ग्राम २ सय ५० मिलिग्राम र नगद १२ हजार २ सय २५ रूपैयाँ सहित सोही नगरपालिका-९ झापा मार्ग टोल बस्ने ३० वर्षीय छोटु सहनीलाई बुधबार दिउँसो प्रहरीले पक्राउ गरेको छ । इलाका प्रहरी कार्यालय धुलाबारीबाट खटिएको प्रहरीले उनलाई उक्त पदार्थ सहित पक्राउ गरेको हो ।
दाङ, गढवा गाउँपालिका-१ जुरौनीबाट अवैध लागूऔषध चरेस जस्तो देखिने पदार्थ ३५ किलोग्राम सहित पूर्व रूकुम भूमे गाउँपालिका-२ बस्ने २६ वर्षीय हिक्मत पुनलाई बुधबार बिहान प्रहरीले पक्राउ गरेको छ । अस्थायी प्रहरी पोष्ट कालाकाटेबाट खटिएको प्रहरीले बुटवलबाट नेपालगंजतर्फ जाँदै गरेको लुम्बिनी प्रदेश ०१-००१ ख ०८३७ नम्बरको हायसमा सवार उनलाई उक्त पदार्थ सहित फेला पारी पक्राउ गरेको हो । डडेलधुरा, अमरगढी नगरपालिका-१ स्याउलेबाट अवैध लागूऔषध खैरो हेरोइन जस्तो देखिने पदार्थ १ सय ६० मिलिग्राम सहित ३ जनालाई बुधबार राति प्रहरीले पक्राउ गरेको छ । पक्राउ पर्नेहरूमा कञ्चनपुर बेदकोट नगरपालिका-७ बस्ने २६ वर्षीय दिपक खुना, कैलाली चुरे गाउँपालिका-४ बस्ने २५ वर्षीय निराजन साह र २४ वर्षीय लक्ष्मण अधिकारी रहेका छन् । जिल्ला प्रहरी कार्यालय डडेलधुराबाट खटिएको प्रहरीले सु.प.प्र.०१-००१ क १६९० नम्बरको टलर गाडीलाई जाँच गर्ने क्रममा उक्त पदार्थ फेला पारी चालक दिपक तथा गाडीमा सवार निराजन र लक्ष्मणलाई पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।