अवैध लागूऔषध सहित दुई जना पक्राउ
२०८१-०५-०५
- A
- A-
- A+
काठमाडौं महानगरपालिका-२६ ठमेल ज्याठास्थित होटल ब्लु डाएमन्डबाट अवैध लागूऔषध कोकिन १ किलो ८८ ग्राम सहित आइभोरी कोस्टका नागरिक VAMARA KONE लाई सोमबार दिउँसो प्रहरीले पक्राउ गरेको छ । लागू औषध नियन्त्रण ब्यूरो कोटेश्वरबाट खटिएको प्रहरीले होटलको कोठा नम्बर ४०१ मा बसेका उनलाई उक्त परिमाणको कोकिन सहित फेला पारी पक्राउ गरेको हो ।
नवलपरासी पश्चिम, प्रतापपुर गाउँपालिका-४ हरकपुराबाट अवैध लागूऔषध खैरो हेरोइन जस्तो देखिने पदार्थ ३५ ग्राम सहित सोही गाउँपालिका-८ बालुवा टोल बस्ने ५२ वर्षीय जगदिश केवटलाई बुधबार बिहान प्रहरीले पक्राउ गरेको छ । इलाका प्रहरी कार्यालय बेलाटारी र प्रहरी चौकी बसहियाबाट खटिएको प्रहरीले भारतबाट नेपालतर्फ पैदल आउँदै गरेका उनलाई उक्त पदार्थ सहित पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।