अवैध लागूऔषध सहित दुई जना पक्राउ
२०८१-०५-१८
- A
- A-
- A+
बाँके, नेपालगंज उपमहानगरपालिका-२० बाट अवैध लागूऔषध ब्राउनसुगर जस्तो देखिने पदार्थ ३ ग्राम सहित सोही उपमहानगरपालिका मनिकापुर बस्ने ३२ वर्षीय राज कुमार कुर्मीलाई मंगलबार दिउँसो प्रहरीले पक्राउ गरेको छ । प्रहरी बिट राँझा र लागूऔषध नियन्त्रण व्यूरो शाखा कार्यालय नेपालगंजबाट खटिएको प्रहरीले उनलाई उक्त पदार्थ सहित पक्राउ गरेको हो ।
मोरङ, बिराटनगर उपमहानगरपालिका-१६ दरैयाबाट अवैध लागूऔषध ब्राउनसुगर जस्तो देखिने पदार्थ ३ ग्राम ४ सय ५० मिलिग्राम सहित सुनसरी दुहबी नगरपालिका-११ बस्ने २३ वर्षीय इसान चौधरीलाई मंगलबार दिउँसो प्रहरीले पक्राउ गरेको छ । लागूऔषध नियन्त्रण व्यूरो बिराटनगरबाट खटिएको प्रहरीले भारतबाट नेपालतर्फ पैदल आउँदै गरेका उनलाई उक्त पदार्थ सहित पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।