धादिङ, गल्छी गाउँपालिका-७ गल्छीबाट अवैध लागूऔषध गाँजा करिब ७ किलोग्राम सहित २ जनालाई मंगलबार बिहान प्रहरीले पक्राउ गरेको छ । पक्राउ पर्नेहरूमा नवलपरासी पूर्व विनय त्रिवेणी गाउँपालिका-३ घर भई रूपन्देही बस्ने ३६ वर्षीय दान बहादुर विक र रूपन्देही घर भएका २० वर्षीय चन्द हरीजन रहेका छन् । 

 प्रहरी चौकी गल्छीबाट खटिएको प्रहरीले उनीहरूलाई उक्त गाँजा सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।