अवैध लागूऔषध सहित दुई जना पक्राउ
२०८१-०७-०१
- A
- A-
- A+
मकवानपुर, मनहरी गाउँपालिका-९ खरंगाबाट अवैध लागूऔषध गाँजा २ किलोग्राम सहित सोही ठाउँ बस्ने ४९ वर्षीया चन्द्रमाया लो लाई बुधबार दिउँसो प्रहरीले पक्राउ गरेको छ । इलाका प्रहरी कार्यालय मनहरीबाट खटिएको प्रहरीले उनको घरबाट उक्त गाँजा फेला पारी पक्राउ गरेको हो ।
धनकुटा, छथरजोरपाटी गाउँपालिका-२ जोरपाटीस्थित सडकबाट अवैध लागूऔषध खैरो हेरोइन जस्तो देखिने पदार्थ करिब ६० मिलिग्राम सहित सोही गाउँपालिका-६ बस्ने २५ वर्षीय बिनोद राईलाई बुधबार दिउँसो प्रहरीले पक्राउ गरेको छ । प्रहरी चौकी जोरपाटी बजारबाट खटिएको प्रहरीले उनलाई उक्त पदार्थ सहित पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।