(२०८२ फागुन ०८ गते):

कोशी प्रदेश प्रहरी प्रमुख श्रद्धेय श्रीमान् प्रहरी नायव महानिरीक्षक विनोद घिमिरेज्यूले आज मिति २०८२ फागुन ०८ गते यस कोशी प्रदेश प्रहरी तालिम केन्द्र विराटनगरको एरिया/इलाका, भौतिक एवं प्रशिक्षण पूर्वाधारहरू, प्रशिक्षण गतिविधि, विभिन्न शाखाहरू र शाखाका अभिलेखहरूको चेकजाँच तथा अवलोकन गर्नु भयो । निरीक्षण पश्चात यस तालिम केन्द्रका समादेशक प्रहरी वरिष्ठ उपरीक्षक गोविन्द अधिकारीज्यूले कोशी प्रदेश प्रहरी प्रमुखज्यू समक्ष तालिम केन्द्रका गतिविधि सम्बन्धी संक्षिप्त प्रस्तुतिकरण प्रस्तुत गर्नु भएको थियो । निरीक्षण कार्यक्रम पश्चात यस केन्द्रका सम्पूर्ण प्रहरी कर्मचारीहरु लगायत प्रशिक्षणरत प्रहरी जवान आधारभूत तालिम ४-१४२ औं समूहका प्रशिक्षार्थीहरुलाई योजनाबद्द शिक्षण प्रकिया अनुसार वैज्ञानिक तरिका अवलम्बन गरी अभ्यासमा आधारित दिगो एंव व्यवहारीक सिप सिकाउन र प्रशिक्षार्थीहरुलाई उक्त सिकाएका सिपहरु अनुशासित ढंगबाट सिक्न साथै कार्य क्षेत्रमा अक्षरस पालन गर्न निर्देशन दिनु भएको थियो । साथै यही फागुन २१ गते हुन गईरहेको प्रतिनिधी सभा निर्वाचनलाई निष्पक्ष, मर्यादित र शान्तिपुर्ण वातावरणमा सम्पन्न गराउन प्रभावकारी रुपमा परिचालित हुन निर्देशन समेत दिनुभयो । धन्यवाद ज्ञापनका क्रममा यस तालिम केन्द्रका समादेशक प्रहरी वरिष्ठ उपरीक्षक गोविन्द अधिकारीज्यूले श्रद्धेय श्रीमान् प्रहरी नायव महानिरीक्षक विनोद घिमिरेज्यूप्रति कृतज्ञता व्यक्त गर्दै प्राप्त निर्देशनको अक्षरस: कार्यन्वयन गर्ने गराउने प्रतिवद्धता समेत जाहेर गर्नु भएको थियो ।