रूपन्देही, अवैध रूपमा भिओआइपी संचालन गरेको अभियोगमा गोरखा चुमनुव्री गाउँपालिका-४ बस्ने ६२ वर्षीय छिरिङ गुरूङलाई बुधबार बिहान प्रहरीले पक्राउ गरेको छ । 

जिल्ला प्रहरी कार्यालय रूपन्देही र इलाका प्रहरी कार्यालय बेलहियाबाट खटिएको प्रहरीले उनलाई सिद्धार्थनगर नगरपालिका-१ स्थित न्यू मुक्ति होटल एण्ड रेष्टुरेन्टबाट भिओआइपी संचालन गर्न प्रयोग गरिएको विभिन्न सरसामान सहित पक्राउ गरेको हो ।

उनी उपर दुरसंचार ऐन, २०५३ अन्तर्गतको कसुरमा जिल्ला अदालत रूपन्देहीबाट ५ दिन म्याद थप अनुमति लिई यस सम्बन्धमा प्रहरीले आवश्यक अनुसन्धान गरिरहेको छ ।