भरूवा बन्दुक सहित तीन जना पक्राउ

२०८३-०३-३२

A
A^-
A⁺

कास्की, पोखरा महानगरपालिका-१४ मझेरीपाटन बस्ने ३० वर्षीय साजन विक समेत ३ जनालाई भरूवा बन्दुक १ थान र फलामको धारिलो हतियार १ थान सहित बुधबार राति प्रहरीले पक्राउ गरेको छ ।

वडा प्रहरी कार्यालय रामबजारबाट खटिएको प्रहरीले साजनको घर तलासी गर्दा उक्त हातहतियार फेला पारी उनीहरूलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

सम्बन्धित समाचार

पेस्तोल सहित तीन जना पक्राउ

२०८३-०४-२४

कपिलवस्तु, विजयनगर गाउँपालिका-४ जगदिशपुरबाट पेस्तोल १ थान सहित ३ जनालाई गए राति प्रहरीले पक्राउ गरेको छ । पक्राउ पर्नेहरूमा कृष्णनगर नगरपालिका-५ डबरा बस्ने २३ वर्षीय आषिश पाण्डे , सोही नगरपालिका-८ दयानगर बस्ने २१ वर्षीय जितेन्द्र मौरिया र १९ वर्षीय विनोद कश्यप रहेका छन् । उनीहरूले कृष्णनगर नगरपालिका-८ बहादुरगंजमा पेस्तोल देखाई डर, धम्की दिई हिँडिरहेको भन्ने सूचनाको आधारमा प्रहरी चौकी पत्थरदेहियाबाट खटिएको प्रहरीले उनीहरूलाई उक्त पेस्तोल सहित पक्राउ गरेको हो । साथै प्रहरीले उनीहरूले प्रयोग गरेको लु.६१ प ७०७२ नम्बरको मोटरसाइकल समेत बरामद गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।

पेस्तोल सहित तीन जना पक्राउ

२०८३-०४-२०

सिराहा, लहान नगरपालिका-२२ सलोखरीबाट पेस्तोल १ थान र म्याग्जिन १ थान सहित ३ जनालाई मंगलबार राति प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने २० वर्षीय सबरजीत दास, २० वर्षीय गुरूदेव दास र १९ वर्षीय संजय दास रहेका छन् । प्रहरी चौकी सितापुरबाट खटिएको प्रहरीले उनीहरूलाई उक्त पेस्तोल सहित फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

भरूवा बन्दुक सहित एक जना पक्राउ

२०८३-०४-१७

चितवन, राप्ती नगरपालिका-११ थाकलटार बस्ने ४५ वर्षीय आईतसिंह लामालाई भरूवा बन्दुक १ थान सहित आइतबार बिहान प्रहरीले पक्राउ गरेको छ ।इलाका प्रहरी कार्यालय भण्डाराबाट खटिएको प्रहरीले उनको घर तलासी गर्दा उक्त बन्दुक फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

भरूवा बन्दुक सहित दुई जना पक्राउ

२०८३-०४-०९

खोटाङ, साकेला गाउँपालिका-१ सेखुवाबाट भरूवा बन्दुक १ थान सहित २ जनालाई शुक्रबार दिउँसो प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने २८ वर्षीय उर्गेन राई र २४ वर्षीय दिपेन राई रहेका छन् । अस्थायी प्रहरी पोष्ट निर्मलीडाँडाबाट खटिएको प्रहरीले उनीहरूलाई उक्त बन्दुक सहित फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

भरूवा बन्दुक सहित एक जना पक्राउ

२०८३-०४-०७

पाँचथर, कुम्मायक गाउँपालिका-२ गौरी गाउँबाट भरूवा बन्दुक १ थान र छर्रा गोली ४ थान सहित सोही ठाउँ बस्ने ४० वर्षीय चोक कुमार शेर्मालाई बिहीबार बिहान प्रहरीले पक्राउ गरेको छ । प्रहरी चौकी माङ्जाबुङबाट खटिएको प्रहरीले उनलाई उक्त बन्दुक सहित फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

एकनाले भरूवा बन्दुक सहित दुई जना पक्राउ

२०८३-०४-०३

अर्घाखाँची, सितगंगा नगरपालिका-५ थारपाईलाबाट एकनाले भरूवा बन्दुक १ थान, फलामको टुक्रा (छर्रा) २९ थान र बारूद करिब २ सय ग्राम सहित सोही ठाउँ बस्ने २५ वर्षीय गोपाल नेपाली समेत २ जनालाई शनिबार दिउँसो प्रहरीले पक्राउ गरेको छ । इलाका प्रहरी कार्यालय ठाडाबाट खटिएको प्रहरीले उनीहरूलाई उक्त हातहतियार सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।