सुर्खेत, गुर्भाकोट नगरपालिका-८ सुन्दरनगर बस्ने ६२ वर्षीय मान बहादुर राजीको हत्या गरेको अभियोगमा सोही ठाउँ बस्ने ४० वर्षीय मैते भन्ने टेक बहादुर विकलाई मंगलबार दिउँसो प्रहरीले पक्राउ गरेको छ । 

टेक बहादुरले चिर्पट प्रहार गर्दा मान बहादुर गम्भीर घाइते भएको भन्ने खबर प्राप्त हुनासाथ प्रहरी चौकी मेहेलकुनाबाट खटिएको प्रहरीले उनलाई पक्राउ गरेको हो । गम्भीर घाइते भएका मान बहादुरको कोहलपुर मेडिकल कलेजमा थप उपचारको क्रममा मृत्यु भएको हो । 

यस सम्बन्धमा प्रहरीले आवश्यक अनुसन्धान गरिरहेको छ ।