सिन्धुली, सुनकोशी गाउँपालिका-५ मुलकोटबाट अवैध लागूऔषध खैरो हेरोइन १ सय ग्राम सहित रूपन्देही गैडहवा गाउँपालिका-१ घर भएका २८ वर्षीय प्रकाश थापा र सप्तरी सुरूङ्गा नगरपालिका-२ घर भएका २२ वर्षीय निराजन चौधरीलाई प्रहरीले पक्राउ गरेको छ । इलाका प्रहरी कार्यालय खुर्कोट समेतबाट खटिएको प्रहरीले उनीहरूलाई उक्त लागूऔषध सहित पक्राउ गरेको हो ।

मोरङ, रतुवामाई नगरपालिका-६ बाट अवैध लागूऔषध खैरो हेरोइन ५ सय ग्राम, पेस्तोल १ थान र गोली १ राउण्ड   सहित ३ जनालाई बिहीबार प्रहरीले पक्राउ गरेको छ । पक्राउ पर्नेहरूमा भारत अररिया घर भएका २२ वर्षीय दिपक कुमार बोसाक, ४० वर्षीय पुरन कुमार बोसाक र मोरङ रतुवामाई नगरपालिका-१ घर भएका ३५ वर्षीय योगेन्द्र ठाकुर रहेका छन् । लागूऔषध नियन्त्रण ब्यूरो कोटेश्वरबाट खटिएको प्रहरीले भारतबाट नेपालतर्फ आउँदै गरेका उनीहरूलाई उक्त पदार्थ सहित पक्राउ गरेको हो । साथै प्रहरीले नियन्त्रणमा लिने क्रममा दिपक कुमारले पेस्तोल निकाली प्रहरी माथि लक्षित गरी फायर गर्न खोजे पश्चात प्रहरीले जवाफी फायर गर्दा दिपक कुमार र पुरन कुमार घाइते भएका थिए । घाइते भएका उनीहरूको रतुवामाई नगर अस्पताल झुर्कियामा उपचार भइरहेको छ ।

यसैगरी मोरङ, रतुवामाई नगरपालिका-१० पोखरी बाँधबाट नियन्त्रित लागूऔषध ट्रामाडोल ६६ ट्याब्लेट र स्पास्पेन ८६ ट्याब्लेट सहित सोही ठाउँ डेरा गरी बस्ने झापा दमक नगरपालिका-४ घर भएका ३१ वर्षीय सुमन सुवेदीलाई बिहीबार बेलुकी प्रहरीले पक्राउ गरेको छ । प्रहरी चौकी इटहराबाट खटिएको प्रहरीले उनलाई उक्त लागूऔषध सहित पक्राउ गरेको हो ।

यसैगरी मोरङ, मिक्लाजुङ गाउँपालिका-९ गणेशचोकबाट अवैध लागूऔषध खैरो हेरोइन जस्तो देखिने पदार्थ ५ सय ४० मिलिग्राम सहित २ जनालाई बिहीबार दिउँसो प्रहरीले पक्राउ गरेको छ । पक्राउ पर्नेहरूमा सोही गाउँपालिका-७ बस्ने झापा शिवसताक्षी नगरपालिका-८ घर भएका २८ वर्षीय सन्तोष सार्की र सोही गाउँपालिका-७ बस्ने ३० वर्षीय कुशल दाहाल रहेका छन् । इलाका प्रहरी कार्यालय मधुमल्लाबाट खटिएको प्रहरीले प्रदेश १-०२-०४४ प ८६२५ नम्बरको मोटरसाइकलमा सवार उनीहरूलाई उक्त पदार्थ सहित फेला पारी पक्राउ गरेको हो ।

चितवन, भरतपुर महानगरपालिका-४ बर्मेली चोकबाट नियन्त्रित लागूऔषध ऐनारगन ६ सय ३ ट्याब्लेट र ट्रामाडोल ६ सय ३ ट्याब्लेट सहित सोही महानगरपालिका-१५ बस्ने १९ वर्षीय अस्मिन कुईकेल समेत २ जनालाई बिहीबार राति प्रहरीले पक्राउ गरेको छ । अस्थायी प्रहरी पोष्ट कल्याणपुरबाट खटिएको प्रहरीले उनीहरूलाई उक्त लागूऔषध सहित पक्राउ गरेको हो । साथै प्रहरीले उनीहरूले प्रयोग गरेको ना.२४ प ७८२२ नम्बरको स्कुटर समेत बरामद गरेको छ ।

यसैगरी चितवन, भरतपुर महानगरपालिका-१५ प्रगती टोलबाट अवैध लागूऔषध खैरो हेरोइन जस्तो देखिने पदार्थ करिब २ ग्राम ७ सय २० मिलिग्राम, नियन्त्रित लागूऔषध ट्रामाडोल ३१ ट्याब्लेट र डिजिटल तराजु १ थान सहित २ जनालाई बिहीबार राति प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने २६ वर्षीय नबिन गुरूङ र २६ वर्षीय अमृत गुरूङ  रहेका छन् । इलाका प्रहरी कार्यालय चनौलीबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । 

धनकुटा, धनकुटा नगरपालिका-१ हिलेबाट अवैध लागूऔषध खैरो हेरोइन जस्तो देखिने पदार्थ २ ग्राम सहित २ जनालाई बिहीबार राति प्रहरीले पक्राउ गरेको छ । पक्राउ पर्नेहरूमा पाख्रीबास नगरपालिका-५ बस्ने २६ वर्षीय सुरज तामाङ र धनकुटा नगरपालिका-१ बस्ने २७ वर्षीय शिसिर बस्नेत रहेका छन् । प्रहरी चौकी हिलेबाट खटिएको प्रहरीले उनीहरूलाई उक्त पदार्थ सहित पक्राउ गरेको हो ।  

ललितपुर, ललितपुर महानगरपालिका-६ लगनखेलबाट अवैध लागूऔषध गाँजा करिब ७ सय ५ ग्राम सहित २ जनालाई बिहीबार बेलुकी प्रहरीले पक्राउ गरेको छ । पक्राउ पर्नेहरूमा सोही महानगरपालिका-६ बटुकभैरव बस्ने भारत घर भएका २० वर्षीय गौतम कुमार र सोही महानगरपालिका-६ प्रयागपोखरी बस्ने भारत घर भएका २० वर्षीय आलोक जैसवाल रहेका छन् ।   वडा प्रहरी कार्यालय लगनखेलबाट खटिएको प्रहरीले उनीहरूलाई उक्त गाँजा सहित पक्राउ गरेको हो । 

झापा, कन्काई नगरपालिका-४ शान्ती टोलबाट अवैध लागूऔषध ब्राउनसुगर जस्तो देखिने पदार्थ ७ सय ७० मिलिग्राम सहित सोही ठाउँ बस्ने २५ वर्षीय संजय चौधरीलाई बिहीबार दिउँसो प्रहरीले पक्राउ गरेको छ । इलाका प्रहरी कार्यालय सुरूङ्गाबाट खटिएको प्रहरीले उनलाई उक्त पदार्थ सहित पक्राउ गरेको हो । 

तनहुँ, शुक्लागण्डकी नगरपालिका-२ गाछेपानीबाट नियन्त्रित लागूऔषध डाईजेपाम ३ सय एम्पुल, बुप्रेनोर्फिन ३ सय एम्पुल र फेनारगन ३ सय एम्पुल सहित कास्की पोखरा महानगरपालिका-३२ तल्लो खुदी बस्ने १९ वर्षीय उज्वल विकलाई बिहीबार दिउँसो प्रहरीले पक्राउ गरेको छ । लागूऔषध नियन्त्रण ब्यूरो शाखा कार्यालय पोखरा समेतबाट खटिएको प्रहरीले  गण्डकी एएबि ३२२८ नम्बरको मोटरसाइकलमा सवार उनलाई उक्त लागूऔषध सहित पक्राउ गरेको हो ।  

बाँके, बैजनाथ गाउँपालिका-५ गुरूवा गाउँबाट अवैध लागूऔषध ब्राउनसुगर जस्तो देखिने पदार्थ ५ सय ३० मिलिग्राम सहित सोही ठाउँ बस्ने २२ वर्षीय मक्सुद अहमद इद्रीसीलाई बिहीबार राति प्रहरीले पक्राउ गरेको छ । प्रहरी बिट जि गाउँबाट खटिएको प्रहरीले उनलाई उक्त पदार्थ सहित पक्राउ गरेको हो । 

कञ्चनपुर, भीमदत्त नगरपालिका-१९ बागफाटाबाट अवैध लागूऔषध खैरो हेरोइन जस्तो देखिने पदार्थ ४ सय ९० मिलिग्राम सहित सोही नगरपालिका-१९ बस्ने ३४ वर्षीय लछु राना समेत ४ जनालाई बिहीबार राति प्रहरीले पक्राउ गरेको छ ।  प्रहरी चौकी बागफाटाबाट खटिएको प्रहरीले उनीहरूलाई उक्त पदार्थ सहित पक्राउ गरेको हो ।

यसैगरी कञ्चनपुर, लालझाडी गाउँपालिका-१ नौरङ्गाबाट अवैध लागूऔषध खैरो हेरोइन जस्तो देखिने पदार्थ २ ग्राम ७ सय ५० मिलिग्राम सहित ३ जनालाई बिहीबार बेलुकी प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने २२ वर्षिय मनिष राना, २२ वर्षीय श्रवण राना र २४ वर्षीय रोहित राना रहेका छन् । लागूऔषध नियन्त्रण ब्यूरो शाखा कार्यालय धनगढी समेतबाट खटिएको प्रहरीले उनीहरूलाई उक्त पदार्थ सहित पक्राउ गरेको हो ।  

सुर्खेत, वीरेन्द्रनगर नगरपालिका-९ लाटिकोइली डाँडाबाट अवैध लागूऔषध खैरो हेरोइन जस्तो देखिने पदार्थ ७ सय ५० मिलिग्राम सहित सोही ठाउँ बस्ने १८ वर्षीय किशोर समेत २ जनालाई बिहीबार दिउँसो प्रहरीले पक्राउ गरेको छ । लागूऔषध नियन्त्रण ब्यूरो शाखा कार्यालय सुर्खेतबाट खटिएको प्रहरीले उनीहरूलाई उक्त पदार्थ सहित पक्राउ गरेको हो ।  

सुनसरी, इटहरी उपमहानगरपालिका-२ कर्नेल टोल बस्ने ३७ वर्षीय किशोर लिम्बुलाई अवैध लागूऔषध ब्राउनसुगर जस्तो देखिने पदार्थ १ ग्राम ५ सय १० मिलिग्राम सहित बिहीबार राति प्रहरीले पक्राउ गरेको छ । सामुदायिक प्रहरी बिट हवाईचोकबाट खटिएको प्रहरीले किशोरको घर तलासी गर्दा उक्त पदार्थ फेला पारी उनलाई पक्राउ गरेको हो ।  

बर्दिया, गुलरिया नगरपालिका-११ गणेशपुरबाट अवैध लागूऔषध ब्राउनसुगर जस्तो देखिने पदार्थ २ सय मिलिग्राम सहित बाँके खजुरा गाउँपालिका-५ बस्ने २० वर्षीय गोविन्द डाँगीलाई बिहीबार दिउँसो प्रहरीले पक्राउ गरेको छ । प्रहरी चौकी महम्मदपुरबाट खटिएको प्रहरीले उनलाई उक्त पदार्थ सहित पक्राउ गरेको हो ।

भक्तपुर, मध्यपुर थिमि नगरपालिका-३ कौशलटारबाट अवैध लागूऔषध पोलेन २ सय ग्राम सहित काठमाडौ कलंकी बस्ने रामेछाप खाँडादेवी गाउँपालिका-१ घर भएका ३३ वर्षीय उमेश दियालीलाई बिहीबार साँझ प्रहरीले पक्राउ गरेको छ । प्रहरी वृत्त ठिमीबाट खटिएको प्रहरीले उनलाई उक्त लागूऔषध सहित पक्राउ गरेको हो । साथै प्रहरीले उनले प्रयोग गरेको प्रदेश ३-०२-००५ प ५०९६ नम्बरको मोटरसाइकल समेत बरामद गरेको छ । 

यस सम्बन्धमा प्रहरीले आवश्यक अनुसन्धान गरिरहेको छ ।